منتديات المرقاب الأدبية - الرد على المشاركة

الخيارات الإضافية
الخيارات المتنوعة تفعيل الروابط تلقائيآ في المشاركة

23-03-2011 06:24 AM
عبيد الغامدي	صح السانك ملايين شاعر مبدع ومثل هذا المبدع لايمر لجنة التسجل والمتابعه يسجل عن طريق ظابط خفر يسجل مباشره تحياتي وتقديري
21-03-2011 08:16 PM
سلطان العطاوي	لا زلت هنا
19-03-2011 08:26 AM
مخايل	مرباعها من أم الجماجم للشرار في ضف بدو مايوني هافها ولولاى أعز القوم وأحب الشعار لأقول مافي نجد غير إسعافها لكن علشان المعزة والجوار (شرهه عوارفها على عرافها) خليتها تسجن ورى سلك الزرار مكتوفه وسلك الزرار كتافها وأقرب لي أعقلها وأحط لها هجار وأرد عملتها على صرافها والله يستر لاتوديني شهار ثم ترجع (الحذفه على حذافها) علمي قد جاكم أوله وهذا تاليه وإسمي ووسمي على ثلاث وضح فالدرج (^_^) صح لسانك ولا هنت
18-03-2011 08:36 PM
عايض النفيعي	الأكيد أنك شاعر مبدع ومجرم إبداع والمؤكد من الأكيد إن المرقاب مكانك الصحيح .. وأنا أضم صوتي لصوت سداح < محدن درى عنك نراك قريباً ومعك برنت إن شاء الله
14-03-2011 06:28 PM
نياف العضياني	يانااااااااس الادمي هذا مجنوووووووووووووووووووووووووووووووووون شعر ياخي اذا ماسجلتوه من تسجلون .. صح لسانك وبيض الله وجهك يالمبدع عزالله انك مبدع مبدع مبدع مبدع
10-03-2011 09:01 PM
نايف المقاطي	يالجنة التسجيل ان كان مابتسجلون هذا المبدع من بتسجلون لله درك من شاعر غيمار
10-03-2011 06:41 PM
سلطان بن حامد	\ / هذا واثق من نفسه ويحق ّ له والله العظيم حتـّى يدلـّكم كاتب بعدين أعلمكم : ) لكن لكل مبدع الفخر بـ مزاملة مثل هذا المبدع / \
08-03-2011 07:38 PM
محمد صالح العتيبي	سجلوووووه لو يبي باسم "حنفي" مُجرم ابداع هالمسلم
07-03-2011 02:32 PM
مشخص السلمي	صح لسانك يا مبدع شاعر كبير وحضورك يسعدنا ويشرفنا في المرقاب واتمنى ان اراك بأسمك الحقيقي . محبتي وتحيتي
07-03-2011 02:08 PM
ناصر تراحيب	بصمات العين وبصمات الأصابع ما نفعت هنا وإكتشفت المبدع بواسطه بصمة الإبداع
07-03-2011 02:26 AM
محمد بن رشيد	صح لسااانك اي والله قصيد وشاعر يستحق الاحتفاء والتميز تحيتي
06-03-2011 05:57 PM
بروق^الوسم	والله يستر لاتوديني شهار ثم ترجع (الحذفه على حذافها) قدااااام يابعدين اعلمكم )) قصيدك يشفع لك .... رائع رائع بكل المقايسس .. وعلى فكره اسلوبك قريب من اسلوب الدكتور سدااح))))) تقبل مرووري
06-03-2011 02:32 PM
بعدين أعلمكم	الإسم المستعار عفاس بن حرباش شهادة مبدع وتزيدني إبداع ورب البيت وهذا قليل مما لديكم لاخليت منك ومن شرواك ولاتعلم أحد يابو حرباش لآن يظهر النور (^_^) تقديري لك " النيره صح بدنك وأشكر لك مرورك " سعود بن مشعل صح بدنك وتحيا وتدوم والإبداع أنتم رواده ولي الشرف بالإنظمام تقديري
02-03-2011 11:19 PM
سعود بن مشعل العتيبي	الله الله صحّ لسانك يا مبدع وحياك الله ويا هلا ويا مرحبا بك في مرقاب الجميع بالتأكيد إنضمامك إضافه كبيره للمرقاب من دون قصور في الأعضاء الكرام سلمت ولاهنت تحياتي وتقديري
02-03-2011 10:37 PM
النيره	• سداح شاعر تحت (الإسم المستعار) وأنا أسدح بيوتي ولأحدً شافها ياشيب عيني كان ماجالي قرار عز الله إن رجلي هذا مشرافها الله الله الله مرحبآبك / وَ صح لسآنك مليون
02-03-2011 08:35 PM
عفاس بن حرباش	الله الله الله الله الله الله اقسم بمن رفع سبع وطمن سبع انك شاعر كبير يالله على الشعر ويالله على الابداع ولك الى بكره اذا ماعلمت بآسمك والله لعلم
02-03-2011 08:26 PM
بعدين أعلمكم	الإسم المستعار ناصر تراحيب الإبداع أنتم أحد صناعه ويشرفني كلامك وهذا قليل مما لديكم ، سلطان العطاوي لاعدمتك معذور الله لايهينك والله يرزق كل الديار بالمطر وعلى رأسها الجرير والشعب والشبرم (^_^) ،، شاعرة نجد صح بدنك وشكراً لكل هذه الكلمات أتشرف بالمرقاب وجميع من ينتمي له ، صالح سبهان الإبداع تواجدك وقرائتك لي وصح بدنك وتشرفني متابعه كل مرقابي ، أستاذي سداح صح بدنك وهذا تواضع منك الله لايهينك قصايدي جميعا لاتعادل بيت من أبياتك وهذه ليست مجامله بل حقيقة وواقع لن أكابر أمامه ويشرفني الإعتراف به ومرورك يعني لي الكثير لاعدمتك ولاعدمك الشعر . تقديري ، نايف أبو ثنتين صح بدنك الله لايهينك وشهادة تشرفني والإبداع تواجدك ومرورك ونقول إن شاء الله أواجد بينكم والشرف لي والله ، بن سمير صح بدنك وإعجابك محل تقديري ويشرفني والله وشهادة أفتخر بها تقديري للجميع /
02-03-2011 03:08 PM
بن سمير	صح لسانك عدد بلا مدد وسجلني من المعجبين بقصيدك وأسمك معرفته شرف فلا تحرمنا من نشر أسمك الكريم لان مثل هالقصايد نادره ولا نسمعها في هذا الزمن الا نادرا كثر الشعر ولكن بدون شعور فالكل يكتب ولكن مثل كتاباتك قليل ؟..,؟
02-03-2011 01:43 PM
نايف ابوثنتين	صح لسانك عدد كل الشعب اللي من ساحوق لين رغبا واهم شي عكليه قصيده شاعر مبدع مبدع مبدع والمرقاب يتشرف باللي مثلك يملكون الموهبه والابداع الله لايضرك يامبدع وان شاء الله نشوفك في الشعبي والمواهب
02-03-2011 01:07 PM
سداح	اما سجلوا هالمبدع والا اشطبوني لله درك يا راااااائع ولو عندي هالموهبه كتبت باسمي الرباعي ورقم البطاقة بعد صح لسانك مليون في مليون في مليون ،،
02-03-2011 01:39 AM
صالح سبهان	ماشاء الله تبارك الله اشهد بالله انك مبدع وصح الله السسسسسسانك مليون × مليون من غير اقصور في اخواني المشاركين في هذا القسم قسم بالله من أجمل ما قريت الله درك الله درك الله درك ودي وتقديري ومتابع مستمر الحرفك والتسجيل مافيه كلام بس المشكله في الاسم
02-03-2011 01:25 AM
شاعرة نجد	عليكم السلام ورحمة الله سداح شاعر تحت (الإسم المستعار) وأنا أسدح بيوتي ولأحدً شافها ياشيب عيني كان ماجالي قرار عز الله إن رجلي هذا مشرافها قسمي مثل قسم الصواريم الحرار ونفسي على العليا تروم أهدافها والمشكلة دمي بعض الأحيان حار وإن فار دمي قمت أدرج قافها ماشاء الله تبارك الله صح لسانك يـ الشاعر مليااااااار ولاهنت على هـ الفااخرهـ والأبدااع الفذ وأنشاء الله يحضى بك المرقاب تقديري للشعر الجزل’,,
هذا الموضوع لدية أكثر من 22 ردود. اضغط هنا لعرض الموضوع بأكمله.

ضوابط المشاركة
يمكنك إضافة مواضيع جديدة يمكنك اضافة مشاركات لا يمكنك اضافة مرفقات لا يمكنك تعديل مشاركاتك BB code متاحة الابتسامات متاحة كود [IMG] متاحة كود HTML متاحة قوانين المنتدى