وهنا توقيع لمبارك ال خليفه فالشريط المسكين



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راح الشريط وفيه غيره شريطين=شريط مدري كيف والليـل تـوّه
واصحابنا في دوشة الوقت لاهين=الله يزوّدهـم جــلاده وقــوّه
ما قصّروا من عام الاول لهالحين=يعالجون الوضع لامـن تشـوّه
ويقـدّرون الطيبيـن العزيزيـن=ويحـذّرون المنفلـت لا تـفـوّه
يجيه طيب الهرج والجانب الزين=ويشكر على خيره ويدري بسـوّه
يعلّـم المقـرود مـره وثنتيـن=ان كان باقـي فيـه ذرة مـروّه
غير المجنن كلبوهـم مجانيـن=وجنانهم موجود بـرّا و جـوّه !! [/poem]

صرّح الشريف غالب بانه لين يعين بوش وقال له بالفم المليان : اعينك طل !!


هنا ما قاله الشريف

درينا عنك يا بوش والا ما درينا
ـــــــــ تلقـتك المعاصير تنقل لـــعنة الله
طغيت و سلط الله عليكم ماكرينا
ـــــــــ يشيل و ينقل اللي يمره عن مــحله
تجرب كل ما يصنعون الغرب فينا
ـــــــــ وتثبت حجتك بالـدلايل والأدلـــه
وتبغانا نعينك ؟ نسينا ما كلينا ؟؟
ـــــــــ أعينك طل .. لوعاونوك الشعب كله


وانا اقول : والا ما لازم اقول :)













لكن ملاحظه مهمه للاخ غالب

الاعصار اسمه كاترينا

ماكرينا رقصه واغنيه مشهوره :)

كما صرح ابو نجد الحصين بقوله :)

يا بوش لا تنشب مع ( تلّعفـر )
ـــــــــــــ ويصير لك ما صـار فالفلوجـه
تحمّر عيونك .. ووجهك اصفر
ــــــــــــــ وتقول ذا بحري .. وهذا موجه!
تدفن علومك دفْن .. والا تحفر
ـــــــــــــ الخيل قرّح .. والعرب مرجوجه

صح لسانك يبو نجد

هذا ابو عتيق متوردس له واحد مدري منه

اضنه بعد بوش :)

ياعزّتي لك يازعيط ابن معيـط
شمعتك عقب النور طافٍ نورها
خل العباطه ماتفيـدك ياعبيـط
كم عالمٍ عطشا دهنت سيورهـا
ماهمّنا لو كان سوّيـت البطيـط
شاور هل الطولات واخذ بشورها

اطراف ثوبك لاتنوش المعاطيـن
يلزق بها طيـنً نثرمـاه غيـرك

وتارط وتنشب بين ناسً خسيسين
لو كان مامر المراغـة بعيـرك

وتصبح عليك يكيسرون البياشين
أصحابك اللي لاعبين بضميـرك

ان كنت شيهانً تخاوى الشياهين
حدد على ضوء التجارب مصيرك

ولايجذبك صوت التنك والجوالين
ومناظـر البالـون لاتستثيـرك

اقفل على سرك بسبعـة كواليـن
لاتسبح كلاب الغدر في غديـرك

(( غازي المغيليث )) ..

والله مدري احد جابه قبل ولاّ .. لا ..

بس صراحة من اجمل واغلى التواقيع الموجوده في هذا الموضوع ككل ..:)


سلامي عليكمـ

وهذا ابو عبد الله مبارك ال خليفه
والتوقيع يشرح نفسه

مشغول في مجهر المرقاب
خلونـي اكتـب اجاباتـي
ما فيه توقيـع للاحبـاب
بعديـن اكمّـل حكاياتـي
ذلحين بين الجبل والغـاب
بحاول افرد عضلاتـي !!


يا سلام يبو عبد الله

موضوع شيّق

عناد النفيعي ( سلطــان )


كما هو مبهر في قصاااائده ابهرني هذا التوقيع

عقب ستار الاكاديمـي
... جانا ضاوي رجل الوادي
العميا تمشط مجنونـه
... والعوبا تشّـر وتنـادي


لك كل اعجااابي يا مبهر

عبداللطيف


عبدربه

مجاري ابو مشاري سعود الدهيمي

يوم يقول :


ياكبر ذنبك يامن اخفيت الشريـط
نص المشاهير انحـرم جمهورهـا
كم شاعرٍ ظلّـى منـوّل مايحيـط
يكتب عن الانثى وياخـذ دورهـا
من يوم يدخل والهدايا خيـط بيـط
ماينعرف وش عميها من عورهـا
والناس لو يدرون وش وسط الغبيط
كم لقمـةٍ يبلـش بهـا حنجورهـا



:)

غالب الشريف جعله يسلم

يقول

هذي جميع فنوني ... شاعر واجيب الفله :)

المهم

يقول :

" فلانه " يا نور عيوني
ــــــــ يا نـور العالم كله
هالعالم ما همونــي
ــــــــ ما عـندي فيهم لله
حبوني ما حبونـــي
ــــــــ هـذي عقده منحله
انتي شوقي وشجونـي
ــــــــ يا ريــحانه يا فله
الله يكون فـ عونــي
ــــــــ ولا يحرمني هالطله

موضوع اتابعه من اول مادشيت المرقاب

فعلا موضوع حلو ياسراب وتواقيع الاعضاء كل توقيع احلا من الثاني

وانا عجبني توقيع الاخ خالد الحصين

http://www.0zz0.com/2005/09/15/486702286.jpg


تقبلوا فائق احترامي

ها وش ابشركم به ؟
ابشركم انها قنبعت بين عبدربّه ورحيّم
نترككم الآن مع بداية الشراره :(


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا ماحداني عنك يامنتدى المرقـاب=ياكود اتصال الشاعر اللي يقولونـه
متى يارحيّم تنوي انك تصك البـاب=ويرجع لبيت الشعر وزنه و مضمونه [/poem]


عبدربه


[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاصار اتصالات المواهب هي الاسباب=انا اسدّك الموضوع و الامر ياهونـه
الا ياهل المرقـاب فتّالـة الاشنـاب=ترى عبدربّه مـا يجـاوب تليفونـه [/poem]


رحيّم الغنّامي

8
8
8

الله يتوب عنك ويغفر ذنوبك :)

لا والله الا بيّـن انـي شـايـب
والشيب من رمشي لحق حجاني!
سبحانـك اللهم إنــي تـايـب
من زلة اقدامي ونطق السانـي

خالد الحصيّن :)

[align=center]الشاعر
محمد جالله السهلي [/align]

[poem=font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي لو كل شي يمر بالخاطر يقال "=" ماكانت العبره تولجني ليا منك طريت
شفني قدرت احبس دموعي بس دمع القاف .. سال "=" وياكبرها ساكت !! ولكن داخل اوراقي .. بكيت !![/poem]

اسـألـك بالله وآيـاتـه تهونـهـا
مافيه شي ٍعلـى هالكـون يستاهـل
والضيقه اللـي بصـدرك لاتمكنهـا
تراك تقدر تحـل الوضـع بالساهـل
قيّـد جوارحـك لاتامـر ولا تنهـى
واسلم من طعون شعب الروح يالعاهل
نزعات الاحساس اقل اللي يجي منها
هم ٍ على الخاطر وغربـال فالكاهـل
وانت اعتقد كل شي ٍ تعرفـه عنهـا
مادمت من فيض نبع المعرفه ناهـل
اغـدر بالاحـزان واقتلهـا وكفّنهـا
واضحك لو ان الزمن بالحيل متراهل
وفل ابتسامتـك وارسمهـا وزينهـا
والعالِم بنص بسمه يذبـح الجاهـل


عناد :)

يقول مبارك ال خليفه في كتابه
( الرد البيـّـن على ابن حصيـّن )
,
,

الشايب اللي جاب وشهو جايب؟ــــــــــ عقب الصلاه و منبـر الاذّانـي
الشيب للشيبان ما هو عايـب ــــــــــ المشكله من جاب شي ٍ ثاني !!

توقيع عبدربــه ..
اللي مستوردة ..



[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي وجد من ضيّـع نعولـه=
لاقيٍ وَحْده .. والأخرى مالقاها !![/poem]

خولاصــة الكـلام ...
تاتعطــينية .. يابوعتيق ..
والا أخــذتة بطــريقتي الخــاصة ..teeth:

http://www.w6w.net/upload/16-09-2005...242fbdd772.JPG

محمد جارالله اجمل توقيع

المبدع والرائع سعد الشيباني ... يقووول : :)


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله يالولا كلمتينٍ على البـال=تردني لأقطع حبـال الصداقـه
(( اني لبيع ابو ريالين بريال ))=واحط راسك تحت موس الحلاقه [/poem]