[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طالع عْيوني واقْرنـي لاعدمتـك=مَنْت بْغريبٍ يوم تسأل عن الحـال
والا يكفّيني عن الحكـي صمتـك=عساك ياروحي على الصمت تحتال[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله أن نفسي خفيفه يالحمامه=جربي كانك قدرتي واحمليني
أحمليني وابشري بْزود الكرامه=وان جَهَدتك يالحمامه سامحيني
لابذلتي الجهد عدّاك الملامه=يالحمامه لانخيتك ساعديني
وش أسوي يكسر الخاطر كلامه=والظروف العوج عيّت لاتزيني
عيّت ظروفي تواكب مع دوامه=اكسبي الناموس والمعروف فيني
قال كابوس العنا كدّر منامه=وحال مكتوب القدر بينه وبيني
قلت أزوره بس من باب الشهامه=وقبل صبح الفجر بالله رجعيني
حطي لجدول زياراتي علامه=ورتبي حالك على وقته تجيني
كل ماجا العصر طرنا يالحمامه=وُلاظهر نور الصباح مْعوديني
توحش الوحده مع الليل وظلامه=سهلي دربي فديتك وانقذيني
[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الضيقه اللي تْرافقنـي وتبرالـي=لابد من يوم ماترحـل واودّعهـا
ماساير الوقت من قبلي ف/يصفالي=طبع الليالـي ولاننكـر طبايعهـا [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مَـٌقـْوى على الفرقى ولاربع ساعه=عزي لحالي كيف بقوى ربع عام
مدري عسى الفرقى تقوي المناعه=وترضى بها نفسي على طول الايام
محلى الصبر..محلى الرضى والقناعه=وياسعد من يرضى بالاقدار وينام[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فوق سطح الماء تمايلت بشراع المصير=طافحه والريح تأمر وتنهى بالشراع
وسطه خـْيوطه من الخام واطرافه حصير=وقطره اللي يقصر المتر ويزود الذراع
ياعذابي وان غدابي وانا دربي قصير=وزاد في طول المسافه بحكمه واختراع
أتمايل مع ميوله ولا أدري وش يصير=صرت أنا والريح والمي في وهج وصراع[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابدويـه ولاحبيـت طبـع الحضـاره=وارفع الرأس لاقالـوا علـي ابدويـه
شاعره واكتب حْروفي بفـن وجـداره=واحترم قاف شعري واكره الفوضويـه
ياللبيب الفطين اللي تْعَـرْف الاشـاره=مالك الا قصيدي خـل عنـك الهويـه
صوت حرفي تعلّى فوق عرش الصداره=وطيب جمهور شعري يرفع المعنويـه [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على وين أمانه ياهجوسي نويت نرووح=طلبتـك حـذاري للمتاهـات تأخذنـي
أمانه طلبتك درب مالي معه مصلـوح=ترد الركايب عـن طريقـه وتنقذنـي [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دق الجرس في خافقي تالي الليل=كدّر منامي والعَوض في حْروفي
الله واكبر جاني أسرع من الخيل=توقيت خاطىء مانشد عن ظروفي
يحمل مراسيل الشقى والغرابيل=ويوقد مشاهيب الغضا وسط جوفي[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الناس لامن أقبل العيـد يابـوي=تفرح وأنا هليت صافي دْموعـي
ماعاضني فرقاك زوجي ولاخوي=ياكثر شوقي لك وياكثر جوعـي
وهج المشاعر لانطق مانطق فوي=تعبير صامت من مخازن ضْلوعي [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاضاق صدري دار فكري بالاشعار=وامطر سحابي من جديد القوافـي
تواقد حْروفي على لاهـب النـار=لاهب هجوسي كمّل الشعر وافـي
وحْروف شعري جاوزت حد الانذار=بأوّل مساري كيف بآخر مطافـي
ورقيت فوق ادوار وادوار وادوار=وطلعت فوق الغيم والفكر صافـي
وغنيت شعري دون نغمه ومزمار=وهج المشاعر لاتهيّضـت كافـي [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل لو طال السهر فيه راااحـه=أرتاااح لامن زان بـدع التماثيـل
لعل تشفي من خفوقـي جرااحـه=وان كان مابيّحت يااامطول الليل
والوقت روّعني بكثـر انفتاااحـه=والنفس اصارعها ولو مابقى حيل
أحب بدع القاف واعشق مزااحـه=وأخاف من عشّاقة القال والقيـل
والله لو أسهر لين يطلع صباحـه=مااملّ لاغنّيت عـذب المواويـل
والود ودّي لو بغيـت الصراحـه=أكتب شعر للصّبح لو يطفح الكيل
للّعب في نفسي مزاج ومرااحـه=لاصار مشتاقه على اللعب بالحيل
والشاعر اللي واثقٍ من نجااحـه=يكتب حروفٍ عطرها الفل والهيل
شعرٍ جزيلٍ عذب..يروي قراحـه=يطيب في بدعه حديث التعاليـل [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ليلي هواجيس واحلام=يابعد هاجوسي وياطول ليلي
شد انتباهي ماجرى تحت الأقلام=وقريت لو ماخذت منها حصيلي
تسببت لي فالمواجع والاوهام=واعيد تفكيري واراجع دليلي
والخوف كله من مقابيل الايام=وان طعت نفسي يافهد عزتي لي[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على باقة الجوري أقدم تهانـي العيـد=عبر صفحتـي للـي يجيهـا ويقراهـا
وأهني لكم في عيد الاضحى عساه سْعيد=مع أجمل عبارات التباريـك واحلاهـا [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرويت من عذب القصايد خفوقي=وأنا محلـّي بارك الله فـــ..الارسال
جزله يحاكيني ويسقي عروقي=وعذبه بْداخل مهجتي حطّ منزال
أستوطن افكاري وخالط مذوقي=وأروى ضماي وصار للروح مدهال
أقرااه من كيفي واصوغه بّذوقي=واشرب مِنـِه فنجال واصب فنجال[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أوشكت حدّ الوقوع وربـي أدرانـي=لطفه حماني من الزلات والضيعـه
جتني حْـروفٍ جديـداتٍ علشانـي=تقـول شـلال مـيٍ مـن ينابيعـه
وحْروف شعري تحلّى الزين منشاني=لاجيتها جاتني عجـلات ومْطيعـه
قامت على حسها من كل وجدانـي=تزيّنـت واستعـدت دون تشريعـه
قلت أرحميني بلاش أرجوك قيفاني=وأخير من صوغ قاف الشعر توديعه [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما ألووم قلبي بعذب الشعر ما الوومه=أقرأ وأتابـع ولـو ماكـان يعنينـي
بنت الأكابر عن الزلات محشوومـه=لاشك بعض القصيد العذب يغرينـي [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله على ذا السحاب وبرقـه السـاري=سرى خفوقي علي مع نـوض براقـه
على سنا البرق ثارت موجة أشعـاري=مدري سرى الحرف والا هاجسي ساقه
الناس نامت وانا راحت بـي افكـاري=تطرد هجوسٍ سرى والنفـس تواقـه
وان أسهب الحرف لازم يكشف أسراري=بعض القوافي علـى الاسـرار بواقـه
قامت تلاعب طرب وارسالهـا جـاري=لصوت الرعد جاوبت ولهه ومشتاقـه
رنينها فيـه مـن نغمـات الاوتـاري=وفيها من الورد والوان الزهـر باقـه
سلمتها الروح واستوقفـت مشـواري=ياروعة القاف لامن جـا علـى فاقـه [/poem]

http://www.balagh.com/esteraha/images/1291104.jpg

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي أزور القمـر والا يزاورنـي=يابعد سطحه علي لو شاقني نوره
بعض الأماني تجيني ماتشاورنـي=وأروح معها والفّ الكون في دوره
لامن تحاشيتهـا جتنـي تدورنـي=واستوطنتني وأنا مانيب مجبـوره
ليت الأماني على الواقع تْحاورني=واشرح لها حالتي واوضّح الصوره [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بين الألف والياء خيال ومساحه=مابين شاليهات وأرقى الحدائق
أعيش فيها لين يظهر صباحه=وتمر ساعاتي بعمر الدقائق
مرات أجيها في سعاده وراحه=والبال بين الأبجديات رائق
أرسم عليها للمقابيل واحه=إطارها يعجب جميع الذوائق
ومرات تقلبها عيوني مناحه=ويعيقني عنها من الحزن عائق[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شريط الذكريات أحيان يسعد خاطري..واحيان=يجيب الهم لامن أشتغل واسترجع الماضـي
يكدّر خاطري لامن عرض لي ماضي الاحزان=يجدّدها شريط العرض قدامي على الفاضـي
الا ياواهني من عاش يملك نعمـة النسيـان=سعيد الحظ..يكفي في حياته دالـه وراضـي [/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر روحي ومحبوبي وأنا روحه=أنا عشقته وهو بالحيل يعشقنـي
أعوم في غبّته ويقول مسموحـه=وأجيب من قاعه المحّار ماغْرقني [/poem]