[poem=font="Simplified Arabic,5,blue,bold,italic" bkcolor="transparent" bkimage="" border="none,5,gray" type=3 line=0 align=center use=ex num="0,black""]
انا حزني ربـى كلـه.. معايـا ماعـدا سنتيـن !=على ماكانت الدنيا.. سحـاب وتطـرب حجاجـي شطبت من السنين الماضيّة خمسه \ وخمس سنين(1)=ودوّنت الحزن ..وايامة المرّه...مع زعاجـي! ضغينة حاسدين اللي.. تبيك وماتعرف منيـن =وانا ماشي على النيّـه.. تحـاول دايـم حراجـي انا ياكثر ماطوف .. عسانا .. ننستر بعدين !!=في يوم ٍ جامعٍ ٍ خلقه .. عرايا ونـادر الناجـي!! خواطر واحد ٍ راحت .. سنينـه.. بالشقـا والبيـن =بعـد ماقفّلـو ..بـاب . الظـلام .. وطفّـو سراجــي.!![/poem] ,, 1 . عشرة |
, يمرّ المحيّا طيف ,, خاطف وكالمعتـاد ويبحر بي بموج ٍ عن الشاطـي وبـرّه يكبلنّي الوسـاس والهاجـس الضهـاد يشّد الخفـوق ويرتخـي ثـم ويجـرّه على الصاحب اللي بالزمن خمسه ويزداد تفارقت ياصبـر المفـارق علـى مـرّه اصّبـر خفوقـي والهـوا داخلـي وراد ولا طيق بعـده ,, ياعـرب لوّهـا ذرّه جلدني الهوى واثر الهوى ياعرب جلاد وشدتني الذكرى ,, والاشـواق محتـرّه ندمت وتمنيت وجديـت المنـا ماجـاد والاحلام ايضاً .. مابهـا نفـع بالمـرّه حنين والّم واوجـاع ياشمتـة الحسـاد وايا قلبـي المفتـوق بالهـم والحـرّه لوّني ابنسى عشرة ٍ ذكرهـا مرصـاد تلد الخفـوق وتزعـج العقـل وتفـرّه عيوني تهل دموعها بالدجـى ياجـواد تعوف المنام ومن اثار السهّر حمـرّا ! , |
, [poem=font="Simplified Arabic,6,blue,bold,italic" bkcolor="transparent" bkimage="" border="none,5,gray" type=3 line=0 align=center use=ex num="0,black""] سهران فـ الليل واغنّي=مليت من ...وحدتي فيني: هقيت بك خير في ظني,=همسة وهي.. بينك وبيني. وين انت... ياغايب ٍ عني.. ,=(مل السهر حيل من عيني)![/poem] , |
, على الله ببتدي ثم اكتب الدوحه علـى مـوال لكم والعينكـم ياهـل قطـر واِلطيـب اهاليهـا ولا حتى القصايد لوّ نروّضهـا لكـم ياخـال! ابد ماتوفـي بحـق الخـوال وحـق غاليهـا انا وشلون ماغليهـا وفيهـا خافـق ٍ بالبـال واِلى من طرّوا الدوحه طرتلي خالتـي فيهـا. ف(آلخافق) ديت اللي له من انواع الادب اشكال واظن ..الطيب لي فيها.. هو اللي دوم حاليهـا وهي دهشه وهي رعشه بجسم الكون كالزلزال وعلى كل المشاعر ينتفض حرّفـي وتطويهـا لكم مجد ٍ رقا فوق الخلايق صعب لـه ينطـال وعلى خشم العدو كم مـرة ٍ داسـة مواطيهـا تكاتفتو بيّـد ٍ ,واحـده , جيـل ٍ وراه ْجيـال وعمّرتو.. بلاد ٍ ..كنهـا الحـور بشواطيهـا كما الدانه على بحر ٍ مشت في طوعها لابطـال حفضها الشيخ بن ثاني مـن اولهـا لتاليهـا, : : قطر كل الغلا..وقلبي انا دوحـه لكـم ياخـال): اجل وشلـون لاصـار الغـلا كلـه لواليهـا!! , |
, لايهمك كل ضيق ٍ له فرج وكل دمع ٍ له حبيب لايهمك باكر يجينا مطر وارجع انبت من جديد واروي ازهار المدينه والبساتين الحزينة والورود الذابلات واروي اطراف المدينه والمدينة بس قلبي لايهمك ! , |
لايهمك. كانك لقيت حضور . ومافي الغياب حضور.. في دفتر الغيّاب.. الراحلين بيرجعون. الراحلين. لو أِن تنادي لهم.. مايسمعون.. بس المهم..بيرجعون.. وينك حبيب الروح.. ماعاد ليلي ليل... ولا نهاري ضي....مستوحش الظلمه..؟ وانت لحضورك فيّ.! ماعاد تقوى روحي.. من الهجر مجروح..! وينك حبيب الروح..! |
لايهمك.! البارحه؟ عيني غفت ..! والبارحه..؟ خذت لها غفوّة وقامت واستحت..! من ظلّمة الليل البهيم ؟ وروّحت..! ودموعها ماوقفت.. صدري كتم عيّا يبوح..؟ والله حزين الخاطره وانا السبب عيّا يبوح : لايهمك. البحر! موحش بالدجى .؟ مابه مراسي والرياح تدفني ..؟ والموج ! ضيّع دفتي في ظلمتي.. ؟ : البحر موحش وليلي ليل مابه مراسي ولا شاطي واخايل النجم ويا سهيل والااعبه والدجى ساطي : لايهمك. ياصاحبي.. والله حزين الخاطرك..؟ والخاطرك طول المسافه لي مضت ؟ نوح وحنين.! فوق السحابه منزلك.! في داخلي؟ لي لك قدر.؟ ماهو بحيّا الله قدر.! لو يوّزنونه بالذهب! كل الذهب ؟ ياصاحبي قدرك عظيم..؟ والبارحه.. ؟ هاضت بي اشجاني ؟ تعّلل خاطري..! مع ظامري.؟ واصبح حزين ..! : لايهمك. ذكراك فيني من زوي..؟ ماضي عزيز ومنطوي.! في داخلي..! بين الضلوع العوج ؟ منحوته نحت..! وعيني جزت من نومها ودموعها هم سحبّت.. ! : هيّضت الاشجان يالوافي لماضينـا ذكـرى جميلـه وللايـام.. دوامـه دارت بنـا وابعدتنـا عـن غالينـا محلا مرابع بهـا ذكـراك وايامـه والحين ياصاحبي كثـرّت خطاوينـا شاعر ومن كثر حزنه كسّر اقلامه! : لايهمك. تاهت خطاوينا وعثرّت خطوّتي..! لين انثنت ساقي؟ وزلت ركبتي..! ماكمّلت؟ لين ازحفت! ماكمّلت ..؟ لين اتعبت! ماكملت ؟ ليما حنت..! وأتشْللّت ماكملت..! وأجرّها بعزّه ِلياما وقفـّت..! حتى طواني ماضي وذكرى عزيز.! واصبحت انا ؟ ماضي .! بعد ماكنت حاضر.؟ طيفك يجاري بي الحنين. وطيور صدري غردت.! اِلين مابان الصباح وصيّحت .ماوقفت..؟ ثم وقعّت.! . سهـران فـالليـل واغنّـي مليت من ...وحدتـي فينـي: هقيت بك خيـر فـي ظنـي, همسة وهي.. بينك وبينـي. وين انت... ياغايب ٍ عني.. , (مل السهر دمعي و عينـي)! . http://www.montada.mergab.com/pictur...173547&thumb=1 |
, ياسيدي.. وينك ؟ انا..! حتى بغيابك ياّ انا..؟ ماعت انا..! ولا حتى المدينه .. مدينة..! ياسيّد الغيّاب..! مل السهر .. جفني غفى.؟ شق الزراق بنور..! وصاح به زرزور.! غايب ولا لك فالحضور حضور.! , |
لايهمك ! كل ضيق ٍ له فرج.. وكل دمع ٍ له حبيب.. لايهمك باكر يجينا مطر ..؟ وارجع اكبر من جديد..! واروي ازهار المدينه..! والبساتين الحزينة.! والورود الذابلات..! واروي اطراف المدينه.. والمدينة ! بس قلبي لايهمك ! ياسيدي..! قلبي انا.! وينك ؟انا..! حتى بغيابك ياّ انا..؟ ماعت انا..! ولا حتى المدينه .. مدينة..! ياسيّد الغيّاب..! مل السهر .. جفني غفى.؟ شق الزراق بنور..! وصاح به زرزور.! غايب ولا لك فالحضور حضور.! ياحضرت الغيّاب...؟ كبلـّني حنين بسور..! حنين بي طاغي جنون..! الراحلين بيرجعون .الراحلين.. ياليتهم بس يرجعون.. ؟ اعاتب الليل البهيم.؟ اخاصم النجم القصي.! اصير للقمرّه حنون.؟ لو يرجعون ! اصاحب البدر بجنون.! انام في صدر الغمام.؟ اصير حارس بالزحام.! وارتب اسراب الحمام.! ياليتهم لو يرجعون .!.! وينك حبيب الروح..! ماعاد ليلي ليل...! ولا نهاري ضيّ....مستوحش الليل البهيم..؟ وانت لحضورك فيّ..؟ نبض ٍٍ بقلب الحي..! ماعاد تقوى روحي.. من الهجر مجروح وينك ياروح الروح..! هيّضت..! الاشجان يالوافي لماضينـا ذكـرى جميلـه وللايـام.. دوامـه دارت بنـا وابعدتنـا عـن غالينـا محلا مرابع بهـا ذكـراك وايامـه والحين ياصاحبي كثـرّت خطاوينـا شاعر ومن كثر حزنه كسّر اقلامه.! . . |
. ارجوك .. ! جدد صفا ..؟ ماضي .. ليالينا..؟ واذكر.. نقا.. ماضي ٍ ..؟ يزها بنا ..وعوّد..! هذا الحنين الموجع .؟ اتعبني معك .!..عوّد .؟ وجدد صفا.. ماضي ليالينا .! . |
كئيبة. غيبتك والله علي ياام العيون السود .؟ دخيل عيونك الكحله .علي لا يطوّل غيابك .! . |
. يا أحبابنا الغيّاب.. ؟ للغايّبين احباب .! هذا الحنين المرّ.. طفل ٍ رواه اليّتم..! محتاج ياحضن والديه..! او حضن دافي يسكنة..؟ من اُم او من اب ..! ماخانو الاصحاب.. ولاخانو الاحباب..؟ (لاكن يخون الدرب)..! اللي طوى من بعد .. بين المسافات الطويلة.. للقمر والشمس..! هذا الحنين..؟ افخم من اوجاع السنين الماضية بالامس ..! والذكريات الامس.! يا أحبابنا الغيّاب.. باكر تجوني مقبلين.. ؟ نفس الطريق الموجع .. الضخم المهيّل بالحنين.!! وما بيننا الا الحنين..! اللي رواه اليأس.. ولا اشرٌقت له شمس.! يا أحبابنا الغيّاب..! ليه الحضور احيان..؟ اشبه من النسيان..! وان البعيد اثمن..! ياغالي الاثمان.. ؟ ليه البعيد اغلا.. وليه القريب ازهد..! هو ليه اغيب احيان..؟ ويثور بي هذا الحنين..بداخلي بركان..! وارجع اسير مْن الوله..! بي عبرّة الولهان..! يا أحبابنا الغيّاب ..! هذ الغياب المؤلم.. اتعبني حنين..! موجع ومزمن له سنين.. ! سمّح الله دربكم يالغايبين..؟ باكر تجوني مقبلين.. ! صدفة ..بقدر الله .. و يجـمعني بكم هذا الحنين..؟ ياحبابنا يالغايبين.! . |
. ياغايبة ..! كل دقيقة ..؟ تجون مسيّرين..! في محيّا خيالي ..؟ حاظرين..! ماغاب طيفك عن محيّا خيالي .. ! غايّبين ..؟ وفـ مهجتي سجلّتك ْمن الحاظرين ..! . |
http://www.snunit.k12.il/vmuseum/birds/gifs/10b.jpg
دوّرويني..! مع العصفؤر..؟يشدو , فوق اغصان الجفاف.؟ والباستين الحزينه ,, وافتحي.؟ شبّابيك \ الذكريات القديمة .! ودوّرويني ياحزينة.!! , الّهمتـي الخاّفـق المحتـاس وهيّضتي القلـب واشجانـة احس في خاطرك هوجـاس وانغـام نبرّتـك ِ تعبـانـة الحانها الناّي حزن وبـاس يشدو لها الطيـر باغصانـة لك داخلي منـزل ومقيـاس ياقايـد الغـيـد باحسـانـة قدرك على العين فوق الراس وفي داخل القلـب سلطانـة ذا خاطري جاوبك باحسـاس وجوارحـي معّـك ولهانـة حرام من يجرحـه يانـاس .وعيونهـا الدمـع ذبلانـة خالي من الذوق والاحساّس مشاعـره تنفـض الخانـة احـس بالخاطـر الحسـاّس .واشفق من ْشعور باحزانة شيخـة حبيباتكـم وتقـاس .فوق البحر هامـة الدانـة اهيم بـه ليـل دون نعـاس .لو كشـر الليـل باسنانـة لاباس لوّ يزعلـون النـاس .يامحـرج الغيـد واركانـة.! , |
,
وللشوق فـي فجـر العصاّفيـر ترنيـم,, أصيّاحهن شـوق وتغاريـد واشجـاّن, ,يّهتزّ مـن نسناّسهـا الغصـن واهيـم,,؟ ولهان مع فجرّ العصاّفير\ ..ولهاّن,! , |
هذا الحنين احس به يّنفض الرؤح ,, هو فيه من ريح المطر خالطه شيح ,,! مرّه تعال اِيقول \ ويقولي ررؤح,,؟ ومرات يّنفض خاّفقي حيل \ واّصيح..! , |
, للظلم في اخر مطاف العمر له حوبة,, ___ياكيف حتى كبير القوم يستصغر,,؟ وكم ظالم ٍ مات واستكبر عن التوبة.؟ ___شبّت زواياه في قبرّه وهو جمّر ,,! , |
ياسيّدي ,! هذا المسا, يبكي به عيون الغريب,, ياخذ من الشمس ويغيب,, وياخذ من اغيابه , حنين,! وينزف سنين.,! هوليه هذول الناس,؟ مافيهم ظمير,,! اواه لو نقدر نطير,,؟ والله لطير,,! , ياسيّدي, هذا الحنين المرّ,,! طفل ٍ رواه اليّتم ,,؟ محتاج يحضن والديه,, والله يرحم والديه,,! يا احبابنا الغيّاب باكر تجون مسيرين,؟ نفس الطريق الموجع الضخم المهيّل بالحنين.,؟ والدرب نفس الدرب ,,الخاّلي المهجور,,! يبكي به العصفور,,!! , غنّا الحمام , وجاوبه قلبي ارتجالي,, وهاض ليل ٍ ماطفي شمعه ونيّـر جارك الرحمن مثلـك ماجارالـي غير اوّمي لكـل عابـر واتشيّـر هذي الدنيـا كمـا هـي لاتبالـي والزمن هو الزمـن ماقـد تغيّـر سمحّ الله درب كل غايب وغالـي والحنين اللي طوّل ماهو قصيّـر كل ماباغيب واقطع من وصالـي لوّحة لي : يـد غالـي واّتحيـرّ والله الفرقا تشـل افكـار سالـي داله ٍ لو كان فـي سنـه صغيّـر بيض الله وجه كل وافـي مثالـي ماتغيّـر \ ماتغـيّـر \ ماتغـيّـر ينصر التوحيد في عـز الجلالـي ماتغيّـر بأخـر ٍ وقتـه وخـيّـر مانثنى \ ماغيـر للسنّـه يوالـي جوهر التوحيد صافي بـه ونيّـر يهدي الله من به التوحيـد خالـي غازي ٍ فكره من الغـرب مْتخيّـر مابنى فكره على التوحيـد عالـي عولمة غربـي مخيّـر مومسيّـر ليه نعيب الوقت لوّ ْيمـرّ حالـي وفينا هو العيب من مذنب \ و خيّر لاتبالـي \ لاتبالـي \ لاتبـالـي الزمن ثابـت .. ولاهو بمتغيّر ناسهـا متغيّـره بالحيـل تالـي لاتبـالـي / لاتبـالـي \ ماتغيّر,! , |
, مشتاق لك. مشتاقلك كثرالزحام.! كثرالانام. كثر الطيور الطايرة فوق الغمام.! كثر الصحاري والنفل. وماغنّت الورقا عليها والحمام.! مشتاق لك. ماقدرانام.! |
ماقلت لك.! اني بعد مارحت منك مو سعيد.؟ والله حزين.. دايم وحيد.. دايم اشخبط بالورق فيني تغاريد ووجع. اي والله الفرقا مملّه ياسعيد.! , ماقلت لك.؟ فيني لهيب مْن الحنين. فيني بكى فيني عصافير وشجن. اطلقتهن بين الزحام.! واجيك انا مثل الغريب اللي لفا لك ياوطن .! , |
, يا مدللة. وشهو بقى لسنيننا وايامنا.؟ وشهو بقى لعمري معك. وانا معك دون الوصل. وانا انتظر منك محال.! وشهو بقى. لوراقنا وانا اكتبك. وانا اشطبك وانا انثرك بين الشطور الموجعه.! -1 , يا مدللة. وشهي خطاوينا معك.؟ اِنّي وفيت.! وانك معي مابك وفى.. نادر معك بعض الوفا.. واني خسرت اقرب قريب بسبتك.! يا مدللة. -٢ , , يا مدللة. وشحيـ لتي.. وانا انفجر كلي ندم.. كلي قهر.. وانا افجر بصمت الكلام.! واناطر ْلـ فجرالظلام,؟ اللي سطا بشروقنا. وطيّرت لك. من صدري الضايق حمام.! وشحيـ لتي يا مدللة. -٣ , , يا مدللة. مرات احس انك معي لاكن بعيد.. ومرات احس انك سراب بحظرتك..! علمتني اني اكون بحضرتك. مثل السراب,! وانتي بعد مثل القمر.. وانا السحاب,! وابكي مطر دمعه سيّول.. وابكي شجن. يا مدللة.! ٤-٤ , اِيه غرد في المسا احلا كلام.. دام خلّي وافي ٍ لي مايخون.. لجل عينه طارن اسراب الحمام.. وافي ٍ واقف معه باللي يكون.! فوق ياخلّي .. مكانك بالتمام.. مزن هامات السحاب الممطرون.. ينثر احلا ابيات لك مْن الغمام.. لجل طرف الناعسات من العيون.! والحقيقه.. ياسلام .. وياسلام.. دام خلّي مايخون.. ولا اخون.. شتت الله شمل عذال الكلام.. يفرّقون.. يخرّبون..ويفجرون..! ليش بالله تعذلونه مو حرام.؟ انتثر دمعه وفاق مْن الجفون.. ياعشيري ماعليك من الملام.. كلهم ياصاحبي لك يخسون.! , |
صباح الخير فيه الطير يشدو غير.. ويترنم على الاغصان ويعسعس.. صباحك خير يشدو به لعينك طير..؟ وفي بمواصله يوم الهوى نسنس..!! . . |
ماقلت لك..؟ مشتاق لك.. مشتاقلك كثرالزحام.! كثرالانام. كثرالطيورالطايرة فوق الغمام.! كثرالصحاري والنفل. وماغنّت الورقا عليها والحمام.! مشتاق لك. ماقدرانام.! . ماقلت لك.! اني بعد مارحت منك مو سعيد.؟ والله حزين.. دايم وحيد.. دايم اشخبط بالورق فيني تغاريد وغثى.. اِي والله الفرقا مملّه ياسعيد.! , ماقلت لك..؟ فيني لهيب مْن الحنين. فيني بكى فيني عصافير وشجن. اطلقتهن بين الزحام.! واجيك انا مثل الغريب اللي لفا لك ياوطن .! واقول له مشتاق لك.! , |
ياغايبة.؟ دنياّي بعدك باهتة.! ووجيهنا مثل الوجوه الشاحبه.؟ هم شاحبة.! والدار ماهي دار.كم صار فيها وجار.! فيها السلام وطار.! وقلوبنا.؟ تبكي وهي بين الاماكن صامتة.! , |
ماقلت لك..؟ ان الغريب ماهو غريب اوطان.! وان الغريب يشوف بهالزمان الوان.! ثابت وفي.. ماهو قليل احسان.! واِنة مهما يكون يبقا وفي. لو دارت الايام..وجارت علية الدار.! ماقلت لك اقسى شعور ان الغريب..؟ في دارة غريب ماهو غريب اوطان.! ماقلت لك اني طوال الماضيّة. ْمن السنين فيها غريب.! دايم اشوف اشيّا غريبة.؟ واشوف الخايّنين.! ماقلت لك.! , |
| جميع الأوقات بتوقيت GMT +3. الساعة الآن 08:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية