[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت : أمانـه بـنشدك ؟ ومن موقـفـي لا ، لاتخاف = اتـحـبّـني ؟ قلت : اسمحيلي ! احسب ان به سـالـفـــه !؟



الحمد للّـه والشـّـكر !! قولي : عسى مابـه اخـلاف !؟ = والاّ المحبّـة ، يا بري حالي ! عروقـي تـالـفـــه !؟



قالت : أجل عطني الدّليل ؟! وقلت : هذا الاعـتراف = ( سـيييد الأدلّـه الاعـتراف ) روحي لروحك والـفـــه !؟



تبسّـمت ، ثم دنـّـقت ، لبّـيـه يا البيض النـّـظـاف = وليلـِـ(ن) ركـونه لا مشـى فـوق المتـون تخـالـفـــه !؟



يا ام العيون السّـود ، يا رمز الطـّهارة والعـفاف = يا اللّي ، عن اللّي غير ناصـر ، مقلتينك حـالـفـــه !؟



يا حلمي اللِّي ؟ صعب تفسيره ، مثل ( سَـبـْـعِـ(ن) عِـجاف ) ؟؟ = يا جـعـل يفـدونِك مـِتـَـبـِّـعْـة العلوم الذّالـفـــه !؟



من جـدّك ؟ انتي ؟ اعشقـك ؟ إلاَّ بـِـي اسْـرفـتـي اسـراف = وحدب الظـّـلوع العوج ، من عشقـك غدت متخـالـفـــه ![/poem]

مرزوق العتيبي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مرحبا حييت والخطوه عزيزه يالرفيق = يا مرحبا في مرحبا في مرحبابك لايقه
إيوالله تْليق لْجناب اللي لجانبها يليق = رفيق لكن من سنه عني زمانه عايقه
يا مرحبا والفال دلّه وابتهاج وحلو ريق = وعْقالك الكبش السمين وعافيه يا ذايقه
كيف انت - لا هنت .. وعسى ما باس يالوجه الطليق = ولا تِعبت وساعةٍ جابتك ياهي شايقه
في وجهك ألمح للتعب جرّه واقول من الطريق =لكني ألمح كسرة الخاطر ونفسك ضايقه
عينك يا عين الحر الاشقر ليه ما فيها بريق ؟ = مغرورقه بالدمع ليه - وليه ماهي فايقه !
علمني ويش السالفه تراي قرّبت أستضيق = ماني شمالي والصبر في ذي ماني طايقه
يا فلان .. لا تربكني اكثر قول والله ما أطيق = قول اي شئ ارجوك حِلْ الحيره المتهايقه
ثم قال .. والصوت امتلى عبره وزفرات وشهيق = الحزن يا مرزوق يكتبني وانا وثايقه
والله لو الشعر يكتب منك يالحزن العميق = اني لأصير اشهر من ابن عون وابن مايقه
والشاي لو شرّابته تعرف معاناة البريق = يمكن تعاف الشاي والكاسه وتكره سايقه
وانا مقيد بالقهر والضيم لو كنت الطليق = والقلب همّه يسكنه والهم الآخر وايقه
تعرف طْويق .. الضلع ذاك اللي يسمونه طْويق = كنّه على متني رسى وأرسى حصى وهايقه
فكّرت احوق الماء وأطفي فالحشا مثل الحريق = عجزت والماء صعب تحويه الكفوف الحايقه
قلّت يديني والقليل إبْ هالزمن ماله صديق = وانا الكثير بعزتي والطيب راسي تايقه
عرفت ليه الحزن يكتبني وفي صدري يويق = عرفت ليه الشاي ما اشرب كاسته من سايقه ؟
قلت إيه واسمع صامل القول المعرّب والوثيق = الفقر ما عاب النبي والهدي في طرايقه
وانا شقيقك فالرخا وان مالت الدنيا شقيق = والشرع ما يقطع يمين ألاّ اليمين البايقه
وانت استعن بالله على الدنيا وعثرات الطريق = والله قدير ويفرج كْروب النفوس الضايقه[/poem]

http://www.viafy.com/uploads/aed97af525.jpg





[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ماجاني منك ياربي رضيته = وقانع في عطاك اللي عطيته
احمدك وأشكرك والشكر واجب = ولاغيرك ليا ضاقت دعيته
ياربي وانت تعلم بالسراير = وعن علم ٍ عن العالم كنيته
تذكرت السنين اللي مضت لي = وبيت ٍ .. كل ماحنّيت جيته
تركه اللي تركني ما انتظرني = وانا ياما على الدرب احتريته
لكن الياس من دونه ودوني = الين الهم بعته واشتريته
لو انه عني ابعد من دياره = يحسب اني نسيته / مانسيته
يبي يبقى غلاه اللي يخبره = وغلا الغالين من حيّه وميته
وغلا ارض ٍ قد وطت رجله عليها = لو انه بعد قفّى ما رجيته
مقامه من وراء نجوم الثريّا = ومن بين الضلوع العوج .. بيته
ملّك فيّ المشاعر كلبوها = وقلبي عن هوى غيره نهيته
على رجم الهوى كلّفت نفسي = وعنّيت القدم .. حتى اعتليته
احسبه راحةٍ لي .. وأحسب اني = ابستانس ليا مني بديته
والا ياليتني ريّحت روحي = وقصرت خطاي عنّه ما رقيته
وطاني ماوطى مجنون ليلى = وديني من زماني ما اقتضيته
ياليته قبل لاتقفي ركابه = تذكر وش من ايامي عطيته !
ياليته حسّ فيّ .. وشاف حالي = وهو يدري فراقه ماقويته
ياليته قال لي مع السلامه = ياليته ثم ياليته ثم ياليته
ابسمح واترك دروب المحبه = وابهدم كل شي ٍ قد بنيته
ولكن جعل فاللي راح خيره = هذا المقسوم من سعي ٍ سعيته
هذا المقسوم والمقسوم حاصل = ومكتوبي على وجهي قريته
لو انه تحت الارض اظني اسلا = واسلي خاطري لامن رثيته
لكنه حي .. وعلومه تجيني = وطيفه وين ما أوجّه .. لقيته
يادنيا : انتي من انتي له يادنيا !! = حصلّي منك شي ٍ ماهقيته
سمحت من الهوى خيره وشره = يكفيني منْه شي ٍ خذيته
معوّض خير يالقلب المعنّا = هذا قسمك لو انك ما اشتهيته
حلمت وضاعت الاحلام منّي = وهذا اللي من احلامي جنيته
ياكم وقّفت لسهوم المنايا = وكم من راس داب ٍ قد وطيته
وكم ناديت بأسمه ماسمعني = وكم ليل ٍ علشانه سريته
عن العالم .. مكانه في عيوني = وقوس الحب لعيونه بريته
على وضح النقا / والحب الاول = لو امحي ذكرياتي .. ما محيته[/poem]

لـ محمد مشوط

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رغم اختلافي معك في بعض الأشياء= إلا وقدرك ثابتٍ في مرابعك
ماهزّة الكاين ، ولا بات مستاء= عرشه جميل ، وجمّل الله موقعك
ما يطفي أنفاسي مقابيس الأضواء= ولا يلجم اللساني معاني جوامعك
اراء تبعد نجع ، واراء لآراء= ورأيي صويب الرأي ، والحق يمنعك
لا قلت مال أمواتنا ضمن الأحياء= ثارت جنون المجتمع في مسامعك
تأخذك بالعزّة مقاليد الأخطاء= وتأوّل المعنى على كيف مرجعك
نعي الحقايق غير تهميش الأهواء= من سالف الدنيا ليا حـدّ واقعك
أما اعتليت بسيرتك فوق الأنواء= وكلٍ ذكر له من حساني طبايعك
وإلا على خدك يجوبون الأنحاء= وتبقى معالم صورتك في مدامعك
الحق ما عكــّر مباهيش الأجواء= ديدنه يعلي من مقامك ويرفعك
والكذب ماله حس ، وإن جاء له أصداء= ودّه بنفعك ، مير ما هوب نافعك
لاجاء نهار الدين ، والعلم مرتاء= والناس ترجوا ، والبلى ما حدٍ معك
أيمنك صعب الوصف وأيسرك ضوضاء= وكتابك الخافي ؛ ألا .. وين يودعك
عش موقف الرهبة لو أنصاف الأجزاء= اتزيل ما أخطاه الفكر من دوافعك
وإن قلت لي : ما لي على كبح الإغراء= أقول : مابه شك ؛ يرضي تواضعك
أرخيت له عنقك ، وقادك للاغواء= ثقل علاك الحمل ، وأخلف تراجعك
مير اسأل المولى من الهم والداء= مابه سواه اللي يخفف مواجعك[/poem]

http://www.viafy.com/uploads/bb6e46f7cd.jpg







[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
صار الوطن غربه وصار السفر دار=لويـــــن مدري لكـــــــن لا أي ديره


من عاش وقته مايحسب للأشــــوار=يضيع مايدري توالـــــــــي مصيره



للنفـــس حــــد ولـــو تعـــــدته تنهار=ماعاد تفــــرق بين خيـــــرن وخيره


بعض العرب في جوفها علوم وأسرار=والله هـــــو اللــي عالم(ن) بالسريره


كم واحد(ن)يشرب قراطيع ألامرار=ولا كـــن صابه مثـــل حب الشعيره


وكم واحد(ن)لو صابه أدنات ماصار=خلــــى الصغيره فــــي عيونه كبيره


اذا معك دينـــار قــــــــــدرك بدينار=مع أحترامــــي للــــــوجيه السفيره


كب الدلال وصـــك بابك عن الجار=وغير مسمــــاتك وخـــــل العشيره


تلقى مـــع العالــــم معـــزه وتعبار=الطيب تال الوقت أصبــــــح معيره


ماعاد بها الوقت حشيمــــه وتعبار=لو انك أنت شيخ فخــــــذك وأميره


المال يغسل من مـــــــلا وجهه العار=والفقر ذل أهل السيــــــوف الشطيره


يحقر اللي ماعلـــــى ساســـــه غبار=ويعـــز من شان النفــــــوس الفقيره


الفقر قصر مــــــن طويلين الأعمار=والمال طول فالأعمـــــار القصيره


هذا الصحيـــح ولو تجيبون الأعــذار=عذر أنسحــــاب القوم عقب الكسيره


الميت له دعوهـ وللكســــــــــر جبار=والهــــــرج ماسر الجروح الخطيره


اللي مشى في عـــــــزة النفس مابار=واللي يذل النفس بايــــــــــع ضميره


قدامنـــا جنـــــه وقــدامنـــــــــــا نار=واللي بغينــــاه الهــــــدى والستــيره[/poem]

http://www.viafy.com/uploads/6644265aa8.jpg

سعد الحريص

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
لا حرام أكرهك وانت الحلال الحرام= ليه احملك ذنب الحب وذنوبي
ليه أجي كارهٍ نصفي وصوتي هدام = احفر عيوب غيري وادفن عيوبي
ليه أناديك حلم العمر تحت الظلام= وانت وجهٍ تلاشى فيه عذروبي
عيبك إنك تشب النار برد وسلام = ما تقول احرقي يا نار محبوبي
ما حيا الصدق فيك إلا بموت الكلام = ولا رضيت الشروق إلا على غروبي
قبل اعرف السهر من قبل اعرف المنام= كنت أحبك وأحب الليل ودروبي
جيت أبكرهك طاح القلب عشب وحمام = والتوى طفل يبكي في طرف ثوبي [/poem]

نايف صقر










[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الموت حظ القلم والمجد للدفتر=حبر القلم غلطتي وايامي اوراقي



الخوف يجتاحني وجه الطريق أسمر=راح اكثر العمر ياخوفي على الباقي



ياجرح رافقتني للناس لاتظهر=وان عشت في نظرتي مامت باعماقي



ياصوت لاتلتحف صمتي ولاتصبر=قل ماتبي واترك الهقوه على الهاقي



والخطوه اللي عن آخر سكتي تقصر=ماهيب من طبع رجليني ولاساقي



مانيب من عاش لايربح ولا يخسر=ولاهو ضرري تكون أفعالي أخلاقي



ثراي ماينشد الغيمه متى تمطر=مادامها في سماي تحن لاغراقي



رح وين ماتشتهي رح قد ماتقدر=أنا اول الناس في قلبك وانا الباقي



يكفيني انك تعذبني وانا اتفجر=قصايدٍ تنتظرها كل عشاقي



وانا قصيدي يجي مختارني مهجر=وأنبت عشانه نخل وسنيني الساقي [/poem]

http://www.viafy.com/uploads/eb63299597.bmp

سعد بن جدلان الأكلبي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الجهاله في ابن آدم توليه الدبور =لوطريقه غادي يحسب انه متجه

عنده ان مامثل شوره مع الاشوارشور =مادرى انه له مزاج وللناس امزجه

يمكن ان تلقى مزاج يبادلك الشعور=لو على فلم الشطاره وفلم الدبلجه

واخر المشوار لا حصلت مافي الصدور =كل زور فيه شوراليا فاق اهرجه

القمر والشمس كنها تسلف منه نور =والجبال اتصير تحته خيول مسرجه

يحسب ان معه افضليه توليه العبور=ان لقاءالملح ازعقه ون لقاءالحلواسمجه

السماء عجزت تنوشه جناحين الطيور =ماوصله الامحمد ابليلة معرجه

يا ابن آدم يلعن الله مختال فخور =من تواضع تحت ربه يعليه ادرجه

لجل ماتدخل جهنم على شان الغرور=للعرب حاول تواضع وتعطيهم وجه

من لقا عذب المشارب ومثمرة الزهور=ما قعديغرف من البحرويسوق احدجه[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله تعـديـهـا عــلــى خــيــر وتـصـيــب.. = ... مـــن حـدنــى اكـتــب خـمـالــه وعـيـبــه

يبـغـي الصـراحـه مابـهـا شــك او ريــب... = .. اقـولـهــا والــنــاس كـــــل ٍ وطـيــبــه

الــحــر مــــا يـنـفــع بـلــيــا مـخـالـيــب... = .. والـعــقــل لـلــرجــال زيــنـــه وهـيــبــه

والسـالـفـه مــاهــى بـلـحـيـه مـواجـيــب... = .. كـــل ٍعـلــى طـبـعـه يـجـيـبـه حـلـيـبـه

بـعــض المـنـابـت للـمـراجـل عــذاريــب... = .. وبـعــض المـنـابـت للـمـراجـل خصـيـبـه

رجــل ٍ يـبـي طـاريـه عـنـد الاشانـيـب.. = ... ورجــل ٍ يـبـي طـاريـه عـنـد الحبـيـبـه

ورجــل ٍ يــودي بالسـوالـيـف ويـجـيـب .. = ... ورجـــل ٍ سـوالـيـفـه لـفـعـلـه تـجـيـبـه

ورجل ٍ يغض الطرف عن جارت صحيب... = .. ورجـل ٍ عيونـه فــي مـحـارم صحيـبـه

ورجــل ٍ تـسـد بغيبـتـه يـومــه يـغـيـب.. = ... ورجــــل ٍ ولا تــقــدر تــســد مـغـيـبـه

ورجـل ٍ يغيـب ويفقدونـه هــل الطـيـب... = .. ورجـل ٍ اليـا مـن غـاب محـدن دريـبـه

ورجـل ٍ تشـوف بخوتـه لــك مكاسـيـب.. = ... ورجــل ٍ تـشـوف بخـوتـه لــك غليـبـه

ورجـل ٍ اذا اخطـا يـرى نفسـه مصيـب.. = ... ورجـــل ٍ اذا اخـطــا يـراهــا مـصـيـبـه

قـلـت الصـراحـه مابـهـا شــك او ريـــب... = .. كـــل ٍ عـلــى طـبـعـه يجـيـبـه حـلـيـبـه

باأهـلـك مـــاوالله انـــا لاقـــي ٍ عـيــب... = .. تــاج ٍ عـلـى روس الـمـراجـل وهـيـبـه

اشــره وشــره كــان تبـغـي المـواجـيـب... = .. عــط حــق تـاخــذ حـــق مـابــه [/poem]معـيـبـه

لله درها من ذائقه ,,


حتماً سأعود ان شاء الله لأقرا شعر

متعب التركي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرفوض ياللى بعت غيره عشانه = أزريت عن رد الجزا أو تهاونت
مابي لك أكثر سد باب الميانه = بانت مع الوقت الخفايا وبينت
مادام مالى وسط قلبك مكانه = أنا بعد مثلك عن الحب هونت
أنا مثل خيال خانه حصانه = عذره يقول من الرسن ماتمكنت
غرّه مع المركاض وارخى عنانه =مخطى وانا غلطان يوم انى امنت
لو كنت وافى ماتخون الامانه = ياللى تقول تشيب روحك ولا خنت
ذاك الهوى لو ماشعرت بحنانه = ماكنت فى حلو القصايد تفنّنت
شاعر تزلزل من فراقك كيانه= لك يعترف مايسكن القلب غير انت
لو كان قلبك صافى الود خانه = في ذمّتى ماهان حبّك ولا هنت
أحدٍ يخون و واحد الوقت خانه = أنا ترى الثانى وألاوّل تراه أنت [/poem]

http://www.viafy.com/uploads/de555af5cb.jpg




[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله .. يالله تخلي لي محبتها = وتهون الجرح في قلبي وترعاها
وتخفف احزان دنياها .. ولوعتها = وتثبت الناس لاتخطي وتبلاها
يامفرّج الضيق ريحها بنومتها =اليا اشغلتها عن المرقاد بلواها
حسيت انا بصوتها واسباب ضيقتها = من قبل لاتقول وعيوني تباكاها
من عقب ماتشغل الدنيا بضحكتها = اليوم مامرت الضحكه على شفاها
قال الزمن كلمته ماسمع كلمتها = ماعبر احلامها مع من تمناها
يوم اغصبوها ولا صانوا كرامتها = توجهت للكريم وقالت ادعاها
صدت وبعيونها ياكبر شرهتها = واقفت مهي مصدقه طعنات دنياها
والطاري اللي تسبب في نهايتها = يوم اذكرت من يموت بليل فرقاها
هذاك من تفرح عيونه بجيتها = هذاك من يكتم الضيقات لرضاها
ضاقت عليه الدروب وباس صورتها = ماعنده اغلى من الصورة وذكراها
هذاك انا واكرهك يا يوم ملكتها = مجنونها ماعرف من وين يلقاها
واشلون ابصبر على ضيّان زينتها =واشلون امر بيتها من دون لا القاها
لا لولشن مترفات البيض حزتها = هذيك ترقص وذي تضحك وتنصاها
الموت يا إكليلها وورود كوشتها = خصّ إليا حطت المسكه بيمناها
خواتها يلفحن في ليل دمعتها = ماكنهن عايشن ماصار وياها
واكبر مصيبه إليا قاموا بزفتها =وراحت معه والجروح القشر بحشاها [/poem]

عبدالله ذويبان

[poem=font="Simplified Arabic,5,purple,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black""]
يا نجم يا ساري على مسراي تكفى لا تبان=قّل للظلام يلبّس الدنيا عباة ٍ ضافيه
مليت أشوفك ممتلي بالنور و تضيء المكان=و نجوم صدري داخل أضلاعي حزينه .. طافيه
يا أبن الحلال.. أرجوك طف النور في دربي عشان=ما عاد أميز فالوجيه .. الخاينه و الوافيه
ليه أخسر اللي طاح من عيني او أكسب لي رهان؟=ما عاد تفرق .. و النتايج كلها متكافيه
ما عاد أبي صدمات تحت اسم التجارب.. و أمتحان=واحد كفيل بتعريّة كل العلوم الخافيه
الجرح واحد لو يجي .. من يد فلان او يد فلان=يتشابه الهافين .. في فعل الأمور الهافيه
نفس الوجع/نفس الضما/نفس الخطا/نفس الجبان=نفس السؤال .. و نفس اجابات الشهود النافيه
يا نجم خلك في محلك مالك و مال الطمان=أقلط على صدر المعالي .. صحتين و عافيه !!
ما دام موتك مستحيل و فيك للجو اتزان=لا تنزل الوادي و تضربك الرياح السافيه
تدري لو أنك تسأل عيوني عن الحرمان .. كان=تشرح لك الحرمان في نظرة أجابه شافيه
حلمي كبير و سيدة حلمي من السحر البيان=ما جابها الواقع و لا جتني على ارضه لافيه
من وحي فكري صاغها الحرمان بعيوني كيان=أعيش فيها و أحترق لسنينها المتقافيه
فأن كانها متفرده .. بأحساس و أوصاف و ليان=قصيدتي متفرده .. معنى و بحر و قافيه
بنت القصايد .. كل ما هب الهوى و الطرق زان=غنيت فيها لين اصحي كل فكره غافيه
ما يكفي اني كل ما غنيتها ذاب اللسان=كنه يقول ان السكوت أحيان حاجه كافيه!!
أحيان أخاف الموت بيديها و لا أشعر في أمان=و أحيان أحب الموت .. لكن المنايا جافيه
ان سولفت في صدري الخايف من البرد أستعان=فيها.. و قامت بين ضلعينه تمشا حافيه
فيها برود و ثلجها .. خلطة رحيق و زعفران=تحالفوا فيها على هيئة ( عصابة مافيه )
هذا يجيد الفلسفه .. و هذا يجيب الأحتقان=و انا مع الأثنين نفسي ما تجي متصافيه
وش عاد باقي!! بنت عز/و بنت شيخ/و ذات شان=مثل البحر و امواجها بأسمى المشاعر زافيه
قالت : اذا مات الدفا .. من يثبت ان البرد خان=في صحبته .. قاطعتها!!قلت : أسمعي يا وافيه !
لولا الوفاء مات الدفا ..و اصبح يهون و يستهان=و أجراحنا بأروحنا صارت مهي متعافيه
الشكر لو ماله وجود .. ان كان ما فيه أمتنان=وأكبر جفا .. وش ياسعه غير القلوب الرافيه؟
يا غاليه .. رغم الوجع رغم التعب رغم الزمان=جيتك و قلبي ينتظر فرصة حنان موافيه
حطيني بصدرك واذا قال الزمان: أظهر و بان=خليني ابقى داخل ضلوعك .. بخير و عافيه
انتي عطيني من غلاك.. أحساس وشويّة حنان=وأعطيك قلبي.. والقلوب أطباعها متنافيه
تدرين لو كان الدفا دوله و فيها .. برلمان!=صرت الزعيم .. و قائد أحزاب القلوب الدافيه!
لا زلت عادي.. رغم كل البهرجه و الهيلمان=صافي نوايا.. في زمن ماله نوايا صافيه
ما هو خطا لو نفترق .. و يذوب شمع و شمعدان=بس الخطا لو نجتمع .. و قلوبنا متجافيه!![/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قم يا محيسن شب نار المعاميل = وصفصف عليها السمر من زين الاخشاب
ان ولعت واستضرمت باللهب حيل = يجذب سناها بالدجى كل شراب
وان صرمت والجمر فيها دحاميل =أزرق سناها ذايب يلهب الهاب
احمس عليها البن من غير تقليل = واحذر عواقب من هرج عايب عاب
ودقه ولقمها وزود لها الهيل = حتى يصير الكيف طب للألباب
ماها قراح صافي من شهاليل = من وبل رايح داجي الغيث نحاب
يا حلو صبتها ببعض الفناجيل = ان ذاقها الممروض من علته طاب
يالخالدي يطري على التعاليل = يوم الرقيب معلق تقل مشهاب
يوم الكواكب مثل لون المشاعيل= وعنا ردي الخال يالحيدري غاب
جانا من العارض كلام بتفصيل= من واحد يشكي من الناس عجاب
يشكي هوا راع العيون المظاليل = وقبله عقاب الخيل يشكي على حجاب
ماجور يا شاكي هو انافل الجيل= الله يفكك من عنا عكش الاهداب
الطير يشبك بالشرك مثل ما قيل = والصيد يشرف طارده كل مرقاب
اتعب وعد بنا يفات الاقاويل = ويبين لك بصخيف الوسط مضراب
حرك قدم رجلك إلى هود الليل = ومن بعد الملقاف في بندقه صاب
بلكي ياخو ناصر تحصل محاصيل = تصادف الغرات تفتح بها ابواب
معهن لمن عناك تلقى محاويل = ويبهج فوادك طقة الناب بالناب
تشم بين اشفاه بيض معاسيل = يكسر عليها عابد وسط محراب
بيض يشادن قحويان الغراميل = فيهن دواك وداك يا زاك الانساب
ياما من الخفرات ذقنا الغرابيل = وياما عديت الين عرش القدم عاب
وياما زعجت الويل والحقته الويل = وياما دخلت بحور لجات وغباب
وياما سطابي بالهوا ضاهد الشيل =وياما عسفت من العماهيج الاصعاب
وياما تلوينا بشقر عشاكيل = ايضاً ولا اخشى الناب من غاسق الداب
اركض لهن لو هن صعاب المناويل = وعلى من سمر الحناديس جلباب
اتبع هواجماً تقود المغازيل = مع صحصح نشرب هواكل خنياب
عيني تعرف الزين بين الازوايل= وقلبي من الرثم الخراعيب مرعاب [/poem]

سعود بادي



[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
غزت خيل الظلام الماء وفزت للسهاد جفـون "=" وصح لكل طـاري يوقض الجمـرة بغليونـة
تشب ويمتلي جو المسـاء دخـان مالة لـون "=" يخالطـة الهـواء وأستنشقة لهفة لمضمونة
يطول من الصبر بالة وينبت للحمام غصـون "=" يرفرف للسماء طير الأمل ويهيم فـي كونـة
والأ طاحت نجوم وسلم البدر السمـاء للكـون "=" يجيب الصبح شباك وبقـاي أرواح مرهونـة
تجي غيمة تبي قاعٍ تسلل لـة برفـق وهـون "=" سحابً والفكر منشى يخيل ويسحـب ردونـة
ياصبر افتح لة ابواب الحياة وعلمـة وشلـون "=" بعد ضاقت بة ضلوعي يعيش وكيـف يلقونـة
صباح الشعر ياشعر الصباح المس دفى المدفون "=" تعمق .. أستمع .. حدث .. بمالايـوم يقرونـة
قصيدة حلم او حلم بقصيـدة تفتـك بمكنـون "=" لها حال المساء حال وخذت من داخلـي لونـة
هلا بالهجس ودروبة هلا بالسجن والمسجـون "=" هلابك ياسماء الفكر وخيالً تصـدق ظنونـة
هلا يا أزكى زماني لامحل العمر ويبس عرجون "=" وعصاتي لاختلف ظن الضرير بمـن يقدونـة
ياعمي شب نيران الوجع في خافق المحـزون "=" على جال المواجع يستريـح وتدفـي طعونـة
تعال وحرر الكلمة مـادام ان الشعـور يمـون "=" تسلل لآخر انفاس الجريـح وحـرك شجونـة
أبيك بشكل ثاني بعد غيبـة واندثـار لحـون "=" يبررها حضوراً ماختلقـت العـذر مـن دونـة
تعال الهم من بعدك حلف ماينكتب مـوزون "=" وحشت النبض يانبضً يموت وناس يحيونـة [/poem]

http://www.viafy.com/uploads/4eb109154f.jpg

علي بن حمري

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ياربـي تسهـل الامـر وتزيّـن ألاحـوال=ترانـا بـلا رحمتـك هلّكـا ومتهـاويـن

ولا عندنا غيرك ليا صـك جـال(ن) جـال=ضعـوف ألاوادم ياقـوي فيـك متقـويـن

أبي رحمتك حـي وفـي القبـر وألاهـوال=نهار الحسـاب مشيّـب الرضّـع الولّديـن

لنا حقوق وعلينا حقـوق وماحـط يشـال=زمـان يخلـي ضاحكينـه مـن الباكـيـن

ماينزل بـه الراحـل ويرحـل بـه النـزال=ومواعيدنـا واجالنـا كـل شـي بحـيـن

فياحـظ مـن طابـت فعايلـه والاعـمـال=وياشيـن حـظ أللـي لاوحـده ولا ثنتيـن

هبـوب الزمـان وكنتـه والبـراد اشكـال=تقلب بـه الدنيـا واهلهـا علـى الجنبيـن

ولا اصعب على الصاحيين من كثرة الجهال=ولا اقسى على الجهال من سطوة الصاحيين

عسى الله يصيب مـدور الشـر بالسـلال=وعسانـا لاظـلاّم ولاحــن بمظلومـيـن

ولانطـرد المقـفـي ولانـكـره الاقـبـال=ولانخطي اليـا صـار مانقبـل المخطيـن

لو انهـم تناسـوا فعلنـا مانقـص مثقـال=من اللي تناسوا جعلهم دايـم(ن) ناسييـن

ولا تذكرونـا غيـر فـي حـزة الانـكـال=ليا اشتدت الازمة وخالط صفا المـاء طيـن

نطب الخطر والخوف والموت طـب هبـال=تقـول اننـا بمقابـل المـوت مستـريـن

بنفنـى وتفنـى عيالنـا بــس لانــزال=عزاز النفوس اللـي علـى حقنـا عييـن

على الراس كوفيه ومـن فوقهـا دسمـال=ومن فوق دسمالي عقال(ن) يميـل يميـن

ولـو ماتحـوش ايماننـا مـال مانهـتـال=لو الوقت عاري وجه عشنـاه مستوريـن

ابو خمسة لاقـل مـن قيمـة ابـو ريـال=فبو نصف يقدر يقتل احـلام بـو قرشيـن

مايوجعك يالسائـل سـوا جفـوة السـؤال=ليا صرت تقضي دين ظهرك بمثلـه ديـن

ولا فيه بيت(ن) سالم(ن) من بعض الاشكال=وهدّامـتـه قِـلّـه وبنّايـتـه كـثـريـن

لنا ماضي وحاظر مانبكـي علـى الاطـلال=مايبكي علـى الاطـلال ياكـود محروميـن

لهم ماضي(ن) حلوى لكن حاظر(ن) بطـال=وذولا عرب موتـى ولـو عادهـم حييـن

تقـل العوايـد يـوم تتعـاقـب الاجـيـال=وسلـوم الرجـال الاولـه تتعـب التالييـن

ولو نبكـي اللـي راح ياويـل حالـي وال=بعـد روّحـوا شيباننـا الزُحّـل الوافيـن

موصّيننا بالصـدق فـي القـول والافعـال=وفي جمعة تهتـاب مـن قوهـا الطمعيـن

غدينا شتات وحن عيـال(ن) علـى رجـال=رخصنا والاجناب اصبحوا عندنـا غالييـن

نحب الجمـل والحمـل ونعـذرب الجمـال=وهو اللي يقود الزمل من ويـن اليـا ليـن

من اول يـوم إن القـل والمـال ماينطـال=قبل شركة الكهـرب تنـور بيـوت الطيـن

يوم ان الرفيق اغلى من الروح والمنـزال=ويوم ان الرفيق ان غاب نفقده فقد(ن) شين

وذالحين الاخ يقاطـع اخـوه حيـل وحـال=ولـو حسّتـه الايـام ولاّ غـراب البيـن

اخوي ابن ابوي ان كان مايـردع العيـال=اليا عال فيني رحت به في ( سند الاثنين )

ابيعـه كـذا واشـرب ورا بيعتـه فنجـال=وانا دون عمري قبل يولـد الـى ذالحيـن

جروح العرب تبرى وجـرح الاخـو قتـال=وجرح العرب واحد وجرح الاخـو جرحيـن

ولـو يبتلـى والله ماخليـه ليـن يـهـال=علي القبر ولاّ أنتصر لـه مـن الغاوييـن

يقولـون جيبـك اكبـر اخوانـك العقـال=وانا اقول وقفة الاخ تسوى كنـوز الصيـن

عطاني الزمن كل شـي إلا مـره واطفـال=عسى الله يكمّل زينتي فـي الحيـاة اميـن

لاتحزن ولا تزعـل تماسـك وهـد البـال=ترى العاقل اللي يحسب حساب وقته زيـن

رفيقـك تحمـل لـه ثـلاث لاشـك ثقـال=لكن رابعته افطن لها واخـذ حـق وديـن

والاولاد وهبـه لاعمـام(ن) ولا بـخـوال=عسى الله يصلح ماعطانـا مـن الجنسيـن

ياكم بنت هامل جـا ولدهـا بطـل الابطـال=وكم بنت شيخ(ن) جا ولدها قصيـر ايديـن

زكـاة العـوال معاكستهـا زكـاة الـمـال=لاطاب إلك واحد فدفـن عوالـك الباقييـن [/poem]

سداح

[poem=font="Simplified Arabic,5,crimson,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
يا مخرج 3 عقب دار الزمان ومال=على الدايري يا ليت ما شفت لك لوحه

لمحتك وأنا سالي وفي طرقتي رحّال=ودقّ الجرس في صدري ونقّض جروحه

يا ليتك مجرد لوحه وكبري ومدخال=ولا لك من الذكرى مسارات مفتوحه

بديت أستعيد اللي مضى وأفتح الاقفال=عسى نعمة النسيان ماهيب مذبوحه

علاقه وزالت مير تأثيرها لازال=أكابد نتايجها والأشواق مسموحه

تخاطف عيوني كيف أحيل الغلا وأحتال=ولي عين مستوره .. ولي عين مفضوحه !

علشان من حطّت في قلبي لها منزال=تعلّت عروشه وأبتدت تهدم صروحه

لها بالوصوف الفارقه مضرب الأمثال=ذكيّه ولمّاحه وحلوه و مملوحه

تمازحني وترمي عليّ المزوح أشكال=وأسيرّ لها قلبي بجدّه وبمزوحه

تقول أنت شاعر والمشاعر على ما قال=ما باقي تغنيّ غير في حيّ منفوحه !

سقى الله قصيد ٍ كان في حبّها يختال=أغطيّه بوشاح المحبيّن وأشوحه

قضينا وبأحكام القضاء تقنع العقـّال =وكل ٍ عن الثاني سحب روحه بروحه

لوّ أن الجفاء قاسي يهون الجفاء لا طال=عسى الله يوفّق كل مسلم لمصلوحه

أبدفن محبّتها تحت هيبة الرجال=وأبدعي لها وتروح بالستر مبيوحه

عساها تدوم بخير وتعيش بأحسن حال=وتبادلني الدعوى والأعمار منقوحه

عليها السلام ورحمة الله من الأهوال=ومن شرّ وقت ٍ يعترضها بساموحه[/poem]

ذي لــ بنت وايل ومن أروع قصايدها عندي أنا :)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما نزّل البعد قدْرك يا رفيع المقام = صورتْك في القلب لا زالت على حالها

محبّتك شوفها لو شفت حالي حطام = كسرت نفسي لها وامتدّت اظْلالها

من يوم حطْ الصبر من فوق ظهري سنام = وأنا ارتكي للحمول بهدي جماّلها

وإن قالت الناس ما بللتس حلم الغمام = ما نمت الاّ ودمعي كان همّالها

واليوم طيّرت فـ\ وجيه الليالي حمام = وأحلامنا وقّعت من دون منْزالها

إنْ قلت لي يارقيق القلب وين الغرام؟ = : حبّيت نعْمتْه.. ثمْ حبّيت زوّالها

لا صار حبّك حلال.. و وصل حبّك حرام= وش لون ترقى معاك النفس بإذلالها!

خلاص خلني و خل الجرح فيني ينام = ماعاد يقوى حمول القلب حمّالها

ما قلت غير الكلام الليّ عليه الكلام = ولاّ امس عقدة لساني ضاع حلاّلها

مايلحق البنت شرهات وعتاب وملام = لاصار ماهي مَرَتْكْ ومنت رجّالها

وإنْ طاح دمع الوداع وضاع مسك الختام = البعد كلمة وصح لسان من قالها

هذا وقدرك كبير ولك غلا واحترام = وفرقاك في القلب فال الله ولا فالها

للحين ما جفّت ادموع الغلا والهيام =على المحاجر ، و هم القلب يبرالها

ذكراك عِـد(ن) عليه آمال قلبي حيـام =يعني حبيبتْك ما تعطـش علـى جالهـا

إنْ مت من بُعدها تحييك بين العظام = تعيش في قلبها وتْعيش في بالها

وتشوف محبوبتك لا مر 20 عام = تنساك.. ولاّ تنادي بـ\سمك عْيالها[/poem]

لـ كبرياء

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلت قلبي قال بيدين(ن) امينه=قلت واسمي قال من دونه رجال

قلت واهلي قال مجد(ن) خابرينه= قلت ربعي قال ماضين الفعال

قلت عذالي ضحك قال الغبينه= قلت غيري قال ما عندي مجال

فتق ضلوعه وشرع لي يدينه= وانعطفت اضمه بصدر الشمال

كل ما عزم يروح المح حنينه= ثم امد يدي واهمس له تعال

ان قلط يقلط على الجنب السمينه=وان عبر تخضع له خشوم الدلال

من دواعي فرحتي لاصك عينه= واستباح بنشوة الصمت المقال

في فمه كل الحروف تصير زينه=وفي فمي تذبل سواليف الدلال

حط ربي جنه ونار بيمينه= وحطني طفلة حرامه والحلال

والهنوف اللي سرايرها دفينه= خيمت غصب(ن) على عرش الجمال

إيه ياشعري تفرد بالسفينه= البحور السبع بيدينك زلال

كم سهرت احماك عن هتك الحصينه= يوم بنت اللاش تشريك ابريال

وكم كسيتك بالجلابيب الثمينه= لين صرت بعينهم شمس الزوال
علم اللي باح من غله كنينه= بان شعري راسي(ن) مثل الجبال

فكرة(ن) عذرا ومظهرها حزينه= يعتصرها الجرح وضياق الليال
حزنها طاهر ودمعتها رزينه= وخدها برق(ن) كشف قبله وسال

يا قصيدي والفخر متوارثينه= من جدود ومن عمام ومن خوال

اسمي اسمى من ركب فوق السفينه= دام دونه تفتل اشناب الرجال[/poem]

http://www.viafy.com/uploads/03d41cc024.jpg


بندر المحيا





من اللي قَال مَال الشِّعر وقفة لاجل تنهيدك
........... من اللي قَال تنهيدك قصيدة شعر ما تُكتب ؟!
أنا ماني على قيد الحَيَاة اللي على قيدك
........... أنا قيدي حَيَاة ٍ لا اسْتَرحت ابْهَا بديت أتْعَب!
مواعِيد الوصل في يْديك يامَا أكذب مواعِيدك
.......... وأنا لو إني أفهم بعض كِذبك..قلت لك تكذب!
تْبَّعِد عن وِصالي والمواصل خاتم ٍ بـ ايْدك
........... أجل ليتك حَبيبي من بعيد إن كنت ما تَقـْرب
ثلاث أيام أو حول أربعة ما كنت في عيدك
.......... جَلست بمُفردي..بيني وبينك كنت أبي أهرب
أَشبّهك بصباحي ..مغربي ياصعب تحديدك
....... مادامك شَمس تَطلع في سمَايَه ما لها مَغـْرِب!
قم اسأل باقِي الأحلام عَنّي يمكن تْفِيدك
.......... نَعَمْ قلت الك يمكن!..كان ما فَادَتْك لا تَغضَب!
خَطَاك إن العَتب صَعب ٍ عليك وقَادر يْكِيدك
.........."صدَق مِن قَال : خِلك يَجْهلك..لو مَا قدَر يَعْتب
أحبك من شتاي اللي تَرَمّد في مواقِيدك
.............. وعُمْر ٍ ولّعَت كَفْ الليَالي نَار بِه..واشتَب !
وَ لا أقول الرِّضَا قمّة عَذَابك قَبْل ما ارِيْدك
.............. أقول إن الرِّضَا نَهْر ٍ لك بقلبي عَجَز يَنْضَب
عَذَاب ٍ مِنك ما قصّر غَلاك إلا بدا يْزِيدك
............. بعين ٍ قصّرَت في شوف غيْرك..فِيك تِتْعَذّب
هَلا بأشهى ربيع ٍ مِن غصونك لا عَناقِيدك
..........تْقول ان الغصون مِن الخَجَل عنقودها مُعشِب!
لعمْري ماني بْوحدي بنِيرانك بتسهِيدك
................ ولكنّي قدرت أغسل عيونكْ كلها بالحُب
هلابك مَسْهَلين الأرض أرضك..(اعتبر بْيْدك
............. حَنَايَاي النحيلة) يا نَحِيل الخصـْر يا مُرعِب
كأنك لا رجعـْت أو مَا رجعـْت بصمت أغَارِيدك:
........ قميص ٍ في جفن يَعقوب ردّ الشوف بإذن الرب
سكوتك عن سكوتك ما يْشابه دون أنَاشِيدك
...... سوى موت ٍ تَعلّق في فَمك..وشلون لو تسهب؟
أقدّم عذر عن عذري كذيّا ماني بميدك!
....... وأثر مِن يعتذِر من نفسه لنفسه حقيقة : صَبْ!
وأنا شِعري قصيْد ٍ مِن قصيْد ٍ شِعره يْعِيْدك:
.............. لقندِيله، لنوره، للخَطَا، للذَنْب، للمُذْنِب !
إذا هاذي قصيدة فالفَضل يَرجع لتنهِيدك
.............أنا مِن عَام أبي أسمع تَنَاهِيدك..أبي أكتب!

[poem=font="Simplified Arabic,5,green,normal,normal" bkcolor="transparent" bkimage="" border="ridge,4,gray" type=2 line=0 align=center use=ex num="0,black""]
يطري عليه الوله .. وأطري على بالـه=يامرحبا لاضـوى خلـي علـى بابـي

هجيت حدب الضلـوع ونـوخ جمالـه=لاجله بكت دمعتي ولأجله ضحك نابـي

وكل ما ضحك لي لمحت النور في آماله=والـى تجهـم ستـرت السقـم بثيابـي

وكل ما شكى من عنى همـه وغربالـه=أقول لعـل بـه جـرحٍ مـن أسبابـي

طال الحكي ما لقيت الوصـل بوصالـه=لاني حبيبه ولا هـو أقـرب اصحابـي

ناديـت طـاري المحبـه مالنـا ومالـه=بالحيل أنا وانت ربـع وكننـا أغرابـي

يا زين كانك حزيـن .. فحالتـي حالـه=بكفيك همك وأنـا بصبـر علـى مابـي

لو الشجر له نصيـب فـبـارد ظلالـه=ماحرق القيض جفني وأنت فـأهدابـي [/poem]


بدر بن عبد المحسن

[poem=font="Simplified Arabic,5,indigo,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
البحرلـه ساحـل و مـوج ٍ ومينـا=تالي مراكبنا علـى السيـف الـواح

ما غيـر رمـل حروفنـا لوقرينـا=من بعد مانكتب والانفـاس تنـزاح

جـرحٍ يبيـه الملـح علـه يبيـنـا=يشيل هم ٍ فـوق موجـه والامـلاح

الـود لـوه درب قلـنـا مشيـنـا=الود خيط قلـوب واملامـس ارواح

والدمعـه اللـي بينهـن تحتريـنـا=عدت مثل ضحكه على عيـن لمّـاح

في ساحـل العشـاق قبلـك رسينـا=قلب ٍ تلاعبّه مـن سنيـن الاريـاح

ياصاحبـي لابـد يرحـل حدِيـنـا=ولابد من عقب الفرح هـم واتـراح

صوتٍ نـرده ياصـدى مـا يجينـا=مانافعٍ لو نلحق الصـوت بصيـاح

ضياعنـا بعـده وش اللـي لقيـنـا=عقب التعب مافيـه واحـد بيرتـاح

ولوكـل بسمـات العمـر تحتوينـا=ما كان خلينا لأحد ضحـك وافـراح

وكانك تظن ان السهـر فـي يدينـا=في كفك اليمنى من النـور مسـراح

علـى ضفـاف احلامنـا ارتمينـا=نرفع شراع الوجد لا هبـت جـراح

عهدي برمشك يـوم قالـوا سرينـا=عهدي وقلبي يكسره نور مصباح!!؟؟

امـواج قلبـي شيـدت الـف مينـا=لوان مالي بيـر بارضـك وميـاح

ما عاد تفـرق هـي لنـا او علينـا=البعد موجع .. واكثر القـرب ذبـاح
[/poem]

مساعد الرشيدي



[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
كيف أطفي الريح بثيابك وكيف اشعلك =كيف اتنثر على جمـرك وكيـف احتويك
نقضت ليل الحرير وجيت ماانت ل هلك =سمّيت باللي فتني بـك وقلت ابتديـك
هذا اول الدرب او هذا الطــريق اولك= جيت آتوقّا عذابات المدى ..واهتديك
شوقـي مسافـة وهمساتـك مـدار وفلك= ان ماظميتك غلى ..ياعلني ماارتويك
إية اعرفك واعرف اني من غلاك اجهلك= مرات اضمّـك واخـاف اني مشبة عليك
مـرات اشوفـك بنفس الوقت واتخيـلك =وانشد كفـوفي عن اخر سالفة من يديك
أعـنّ لك لـو تصّـب المـوت ...واتهيّلك =واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك =ماتشوفني حي قدامك وانا امـوت فيك
اشتقت لك قبل اجيك وجيت واشتقت لك= البارحة طول ليلي بين هذي ..وذيـك
مليت جمـر انتظارك واستحيت أسألـك= واحسبتني ما بعد جيتك وفكرت اجيـك
اثرك بقلبي من البارح وانا استعجلك= واثري نسيتك من الفرحة وقمت احتريك [/poem]

اخت من طاع الله

[poem=font="Simplified Arabic,5,green,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
عدد ما لاح برق ورف جفن وسيقت مخيله=وعدد ما استبشرت عين وروت من سوق راعدها
وعدد وبل المراديم الثقال وما مشى سيله=وعدد فيض الخباري والحيام اللي تواردها
وعدد ما ضمن (السعدي) من الاريا بتاويله=وعدد ما خذ عنه ناس(ن) صحيحات(ن) عقايدها
وعدد ما بان مُبهم فـ.. العظيم الحقّ ترتيله=وعدد ما شاع من دعوى الضلال وجاء وبددها
وعدد ماينبغي للمرء فـ ..الإدراك تاصيله=منه وأسمى المعاني فيه رب الكون جسّدها
الا يامرحبا بالشعر واللي ثاقب(ن) ليله=عقب ماطاله من عسام دون(ن) ثارته يدها
عليها منه يوم أغشى مية خيبه وترزيله=وعليه من النجوم أضوى وبيّن في مراصدها
شكاني للغياب وقمت أنا ياغيابي أشكيله=من إجحاف المراصد وإحتكار العتمة أجودها
أضف إن الملل ينتابني وبجرمك أمليله=إذا ضاق الفضا باللي كبر وسعه تواجدها
وإذا أصبح شغلنا الشاغل هو إجماله وتفصيله=نحاول قد مانقدر له الصفحات نفردها
ولا جدّ فـ .. زمنا شي في علمه وتحصيله=مغير علوم هذيك الحقب دايم نرددها
وبدل مانجتهد والصعب نسعى لجل تذليله=تفاجأنا نفوس الله يعلم في مقاصدها
بحيث إن الجمال اللي غرقنا في تفاصيله=بعيد(ن) عن نطاق أفكارها واللي يراودها..
.. فقط رصد الخطأ وفـ .. أضيق حدود يتم تسجيله=كأن لم يُخلقوا إلا للأخطاء وترصدها
والأدهى نفي من عزّت على أغلبهم مواصيله=حشا في ساحته ماشفت امر من ذلك أو أدهى
وأنا في ظل هـ الاسباب وفـ.. ظل التداعي له=أشوح وباقة الأفكار في قمة توردها
مع إني لاعبث منفايه أشعر بإحتياجيله=وأسطر من خلاله صفحة الألآم وأسردها
عنيته بالحمول وخابره يستاهل أعنيله=من اللي لا كمن بالروح بذّ الروح وأجهدها
عقدها في وثاق الضيق وعن إلها الشقا خيله=وفاخت جملة حبال الصبر موثق معاقدها
وقصا متني وأنا متني يشيل ومضهده شيله=كأن إدلا الرشا فوقه تجذّب من مواردها
لك الله يالخفوق اللي حتوفه بيّدت حيله=تلحفه المواجع من رهاها ويتوسدها
لك الله لاغفا جفن السهاد بخدرتك ليله=على عرد الدروب أسرج ضلوعي وأنت قايدها
عذاب أدري تعب ممشاي لكن مابيدي حيله=خطير(ن) تتلف الخطوات بدروب(ن) تباعدها
وخطير إليا نهدت وصحت من شدة تهاويله=تفوق جفون في خدر الحنايا طاب مرقدها [/poem]