ابو ناصر ( بنــدر) :)
سنع هذي والا سنعتك في الفنوووون <<< ايه هو صادز دبل كيك * وياك ناسيك * اقصاك وش فيك * يرعاك ابكيك * مسراك ايديك * الراك تماتيك * دواك ماضيك * مسواك لبيك * يسواك ادانيك * براك الله يحييك * شباك |
خذ سلمنا من شرّك يابن قنيص ولاعاد اتعوّدها :)
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياليل بعض امرار ماني باادانيك = لانك تتعبني مع طول مسراك : والا بعض الامرار فالله يحييك = اسري معك واكمل الدرب وياك : لبيك ياللي حل طاريك لبيك = ياللي من الخفرات ماخلق يسواك : ياللي قلبت القلب عادي تماتيك = حتى ضلوعه تنثني كنها الراك : ياحي طاريّك وياحي ماضيك = شوفك علاجي مثل ماشوفي دواك : ياجعلني ماذوق حزنك ولا ابكيك = وياجعل ربي عن هل الحسد يرعاك : وش فيك قلي وش حصل معك وشفيك = عقب المواجه صرت من خلف شباك : لاتحسبني عقب غيّبت ناسيك = من هم وقتي.... مخطرن ابرك براك : سعادتي ياساحر الروح بيديك = من عقب ماواصلت بالحب لاقصاك : يادبل كبدي من فراقك دبل كيك = ولالي ونيسٍ غير سبحه ومسواك[/POEM] وسلامتكم واسمحوالنا على تواضعها |
^
^ ماشاء الله تبااارك الرحمن والله انك حبكتها حبكهااا ابداعيه محترمه صح لسااانك والله لايضرك يابو ناصر , القصد معانقة ابداعك وحصل :) سلامي عليك سلامً واجد واجد |
السلام عليكم ،،
ومساكم الله بالخير الشكر لصاحب الفكره .. واللي زادها روعة مشاركات عمالقة هذا الصرح . والأخ الشاعر ( الغالي ) سعد بن مناحي ( وهقني ) معكم :)) أتمنى إن ترقا لذائقتكم .. [POEM="font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انت منته عن إحساسي دريك=حلمنا مات .. في حضن الاماني الجفا كيف شالنّه يديك ؟=كنت ابنشدك .. لكن مامداني ليه دنقت يوم أني اجيك=الله اللي عطاك وماعطاني كل دمعه من عيوني أليك=خوف .. والخوف لعيونك خذاني قلب شاعرك .. مبطي يحتريك=وانت ماجيت لو مرّه عشاني مادريت إن ماعندك شريك !=وسط قلبي بروحك .. يا اناني انت قلبك حديد .. وماعليك:)=وألا انا وقتها دمعي عصاني وين الاحساس يرحم والديك=مالقيته معاك .. وما لقاني !! كل نظره من عيوني تبيك=عاد وشلون لو قلبك .. نساني لمت الأيام والساعات فيك=وانت .. لوم الدقايق والثواني[/POEM] |
مازلنا متابعين للمبدعين
:) |
ياسلام ياسلام...
انا ماأسمي هذي الفقره قوافيx قوافي... لا بل هي ابداعx ابداع واصلو والله معاكم |
علي الحرام انكم مبـــــــــــــدعين ومافي الحتسى فايده |
عبدربي عطني فرصه آخذ نفس الله يجهدك لتك معرس وفاكنا شرك :(
|
:
: صديقي : محمد آل عبدان خذ هالبويتات اللي قطعت نفسي [POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صدر الورق من بث الاقلام ضايق = وحبر القلم من كبت الايام محزون يسوقني للضيق والهم سايق = وسير الليالي بالمعاناة مدهون والله لو يسحب ستار الحقايق = ليفيض من جاش العنا كل مكنون على الحقايق مادفعت الوثايق = الصدق انا ابصربه ولو ماله عيون اطل من ثقب التفاؤل واوايق = وارجي لعل العسر ينقاد بالهون هاتوا من اوقات السعاده دقايق = وابقى لكم شاكر وحامد وممنون (( خلوني اقضي باقي العمر رايق )) = واللي بوسط الروح خلوه مدفون[/POEM] :) |
صدر الورق من بث الاقلام ضايـق
وحبر القلم من كبت الايام محـزون يسوقنـي للضيـق والهـم سايـق وسير الليالـي بالمعانـاة مدهـون والله لو يسحـب ستـار الحقايـق ليفيض من جاش العنا كـل مكنـون علـى الحقايـق مادفعـت الوثايـق الصدق انا ابصربه ولو ماله عيون اطل مـن ثقـب التفـاؤل واوايـق وارجي لعل العسر ينقـاد بالهـون هاتوا من اوقـات السعـاده دقايـق وابقى لكم شاكر وحامـد وممنـون (( خلوني اقضي باقي العمر رايق )) واللي بوسط الروح خلـوه مدفـون الله عليك ويهييييييب صدز ,, وماشاء الله عليك :) ابدااااااااااع يابو حمد ابداااااااااع |
مبدع يابوحمد
مبدع لله درك ماشاءالله تبارك الله |
اقتباس:
اذا هذا مهب ابداع فأنا ما افهم شي نهائيا ً :( |
اقتباس:
ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب ذهب و الله إني داري أنه ما أبطى بالسيل الا كبره :) صديقي عبد الرحمن حمد ..صح لسانك مدد ما هو عدد و الله إنها إبداع في إبداع لله درك يا بو حمد و الله لا يضرك :) |
اقتباس:
صح لسانك يا السمي و الله أني متأكد من إبداعك هذا و أنت مريض شلون لو إنك صحيح :) بيض الله وجهك يا ابو مشوط :) |
اقتباس:
شكرا لك وعساني اقدر اوفي القوافي حقها واسفه على التأخير الله اعلم اني مانتبهت للطلب الى قبل شوي العصر وعساها تكون مقبوله ,,,, [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يالله تجبر عزاي وتدمح اثامي=والي تركني عساه ايحاسبه ربه لي صاحبن من فراقه حطم احلامي=والشوق وسط الحشا يملاه ويكبه زوله حديث الشعور وذكره إلزامي=وانا على سالفة ياليت وأربه كتبت فيه القصيد وجفت اقلامي=وانادي الدمع ثم اقول له عبه واشوف نور الامل لازال قدامي=وأحيان اشوفه يثيرالقلب ويشبه لوْنه يحس بعذابي وحرقة آلامي=ماكان يترك فؤادٍ مالقى طبه كانه مسح من خياله دفتر ارقامي=ابمسكه من خيال الفكر واذبه لكن حبه يزيد بقلبي الضامي=من زود مـغليه صرت اشتاق واسبه وأحيان اقول آه ليته ترجع ايامي=واللـه أحبه وأحبه موووت وأحبه [/POEM] |
ماشالله تبارك الرحمن
والله ان الواحد يخش جو مع هالابداع ابو حمد .. قسم بالله ابداااااااااااع ابداااااااااع ابداااااااااع .. ياللي منت بشاعر :) نوض .. والله انها من افضل ما قريت لك من غير قصور في ابداعك الباقي اعجاااااااااااااابي بالجميع |
ابو تركي (( محمد صالح العتيبي )) ..! شرفتني بطلبك ياعزيزي
وعذرا على التأخير واللي انت تدري انه من سبب ظروف الدوام الاقشر :) وهذا ماطلبت وعساها تجملني عندك وعند باقي الاعضاء واكرر اسفي على الـتأخير ..! واعذرني على تواضعهااا [POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]ياأول واخر محطه من محطاتي= تعال واقرا كلامٍ فيك خطيته شاعرك وتدري بسياتي و حسناتي=ورفعت قدرك ولافي يوم وطيته وصيت قلبي عليك ونفذ وصاتي= وحفظك حفظ السنافي لهله وبيته أنسى شقى دروبك ولاحسب مسافاتي= ودربك على الحرام اني مامليته لو طيحت قدري عندك قوٌ زلاتي= ماكان كل ماخطي العذر انت مديته تمشى على ذوقي وكيفي ومشهاتي= وحبك رقا وفوق راس الحب حطيته اضيق لاغبت واشقق ملفاتي= وسنين غيرك يغيب ولا تباطيته غلاك بالدم يسري وافهم الاتي= كبرت حبك بقلبي وكيف ربيته تسكن جميع الزوايا وفي ممراتي= ومايغيب طيفك ولامن غاب ناديته وهالحين لك مني الشوق وتحياتي=وليت الزمن مايفرًق بيننا ليته..![/POEM] وسلامتك يالامير ابو تركي ..:) (( والحب سيبقى )) ..! |
وانت سالم وغانم يابومتعب :) فقدناك يعلم الله .. ابداع × ابداع × ابداع × ابداع والله يكثر امثالك انت وابوتركي ومن يقرأ :) |
اقسم بالله ابداع X ابداع |
يالله تجبر عزاي وتدمـح اثامـي
والي تركني عساه ايحاسبـه ربـه لي صاحبن من فراقه حطم احلامي والشوق وسط الحشا يملاه ويكبـه زوله حديث الشعور وذكره إلزامي وانا على سالفـة ياليـت وأربـه كتبت فيه القصيد وجفـت اقلامـي وانادي الدمع ثم اقـول لـه عبـه واشوف نور الامـل لازال قدامـي وأحيان اشوفه يثيرالقلـب ويشبـه لوْنه يحس بعذابي وحرقة آلامـي ماكان يترك فـؤادٍ مالقـى طبـه كانه مسح من خياله دفتر ارقامي ابمسكه من خيـال الفكـر واذبـه لكن حبه يزيـد بقلبـي الضامـي من زود مغليه صرت اشتاق واسبه وأحيان اقول آه ليته ترجع ايامـي والله أحبه وأحبه مـوووت وأحبـه ياسلام ياسلام ياسلام كتبت فيه القصيد وجفـت اقلامـي وانادي الدمع ثم اقـول لـه عبـه عزالله انك ابدعتي يانوض صح لسانك :) |
ياأول واخر محطه من محطاتي
تعال واقرا كلامٍ فيك خطيته شاعرك وتدري بسياتي و حسناتي ورفعت قدرك ولافي يوم وطيته وصيت قلبي عليك ونفذ وصاتي وحفظك حفظ السنافي لهله وبيته أنسى شقى دروبك ولاحسب مسافاتي ودربك على الحرام اني مامليته لو طيحت قدري عندك قوٌ زلاتي ماكان كل ماخطي العذر انت مديته تمشى على ذوقي وكيفي ومشهاتي وحبك رقا وفوق راس الحب حطيته اضيق لاغبت واشقق ملفاتي وسنين غيرك يغيب ولا تباطيته غلاك بالدم يسري وافهم الاتي كبرت حبك بقلبي وكيف ربيته تسكن جميع الزوايا وفي ممراتي ومايغيب طيفك ولامن غاب ناديته وهالحين لك مني الشوق وتحياتي وليت الزمن مايفرًق بيننا ليته..! الله الله الله الله اي بالله تجملك ياذعااار وتجمّل المواهب بكبره صح لساااانك ولله درك سلامي عليك |
عز الله ابداع في ابداع
تميّز وقصيد مميز الله يعطيكم العافيه جميعاّ |
| جميع الأوقات بتوقيت GMT +3. الساعة الآن 05:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية