:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يااغلى من الدينار في عين البخيل = واعزّ من نار الكريم وخمرته والذّ للضامي من الما السلسبيل = واهمّ من شوف الهواوي قمرته لا تنثرين الليل من ليل الجديل = ولا تتركين شفاك تحرق جمرته وانتي صباح الغير واحساسك نخيل = يهدي عصافير المحبه تمرته مسكين هذا الصبح في حكم القتيل = ومسكين هذا الليل نامت سمرته وشلون مايربك حلاك المستحيل = ولون الشفق يزداد لك من حمرته وانتي ثمرك يراهق الجسم النحيل = وعينك بها قوت الشجاع ودمرته[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] سفينة الفكر ربّانك ملول = يجوع بحر الكلام ويشبعه يزوّد احمول وينقّص حمول= مجدافه الريح ويديه اشرعه رايح على وين؟ عيّا لايقول = يشوف راس الطريق ويقطعه يستورد قلوب ويورّد عقول = ويمشْي بثنتين ويدف اربعه الشمس تتبعه من باب الفضول = والريح لاقال توقْف تسمعه افكاره ارجال واوجاعه خيول = والحرب قامت على راس اصبعه دقت قلوبٍ على دق الطبول = وطاحت وجيه بسقوط الأقنعه واللي طلع مايجي منه النزول = واللي نزل ماش شيٍ يطلعه وان كان قلبه جمل روحه ذلول = عوّد ظهرها يشيل الأمتعه ويمرّ به كل يوم اربع فصول = شيٍ يحصْده وشيٍ يزرعه يجمع شتات المقادير المهول = ويشتّت اللي جمعه ويجمعه[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] نجمة الليل باني ماسريتك = والصدر بيد وافراقك ذيابه غايبٍ في غلاك ولا وعيتك = بين قوس الربابه والربابه اتغدّى على علّك وليتك = واتعشى على ضيق وكآبه احتريتي وانا بعد احتريتك = كلّنا كان معذور بغيابه ارسل الشوق قلبي يمّ بيتك = لين شافوه نايم عند بابه ضاميٍ فيك منك ولا رويتك = عاشقٍ ما يملّك ياسرابه ان كتبتي تجمّعت وقريتك = وان قريتي تجمّعك الكتابه طمّني بال قلبك يافديتك = لك من الورد فالمعلوق غابه ودّي اقول للعالم هويتك= مير حولك مقصات الرقابه [/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياالآدمي تدري وش اللي يقهرك =انّك تسويّ شي وانته كارهه اقرب مثال انّك فقير ومظهرك = يقول عايش فالحياه الفارهه[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يااللي نفضت الريش طاح الريش = ماعاد تنفع رفّة جناحك دامك على لحم الرجال تعيش = خسايرك فاضت على ارباحك ياالشاعر الفنان ياالدرويش = ملّ الخرز في خيط مسباحك داك الفضاوه والدوى التطنيش = ويفك بابك راس مفتاحك[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياالآدمي بتعيش وتشوف = إثنين مايحماهم الدرع من ياخذ امن البنت مصروف=ومن يلتفت في هرجة الورع[/poem]: : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من تغلا ودّه يقيس قدره بالتغلّي=وانت غالي منت محتاج ياخلّي تغلا الاّ عاد ان كانك اتحبّ من باب التسلّي= انت كيفك ! بس انا مااعرف اعشق واتسلّى هات عينك ودّي تشوف في لحظة تجلّي= كيف حبك فوق هاك المعاليق يتعلا في غيابك صدري الضيف والحزن المهلّي = وفي حضورك يمتلي نور والسعد يتدلّى يتّسع من بحر جدّه ليا حتى حولّي = ومن شمال المملكه لين ياصل للمكلا اعشقك لكني اخاف من بكره ياخلّي = يبعدك عنّي واردّ الفراغ اللي تملّى ياكثر ماقلت ابنساك لكن ماحصل لي = واتعوّذ من غرامك ولكن ما تخلا كنّه ابليس وخفوقي مثل راس المصلي = مايجيه الاّ ليا استقبل القبله وصلّى[/poem] : : |
|
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يامتصل بي ليلة البارح خلاص = طاح الحطب كلّه بنار المرجله مال الجروح اللي مضت عندي قصاص = دام النوايا صافيه لامشكله وخّرت عنك البندقيّه والرصاص = ومدّيت لك كف التسامح والصله[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] مدري ليش نحنّ دايم للطفوله = والطفوله مرحله ضمن المراحل هل لأن الطفل ماكبرت حموله = مادرى قدّامه ان الوقت قاحل أو لأنّا مانبا دور البطوله = وهاربين امن البحور اليا السواحل آه يازين البراءه والسهوله = قبل ما نستوعب انّ الطيب ناحل كانت الدنيا الكلام اللي نقوله = وكانت الفرحه سما والهم ضاحل وكانت الضحكه بلاش بلا عموله = وكانت قلوب البشر مثل المناحل وكنت باني بالأمل والحب دوله = وكانت الدوله أمان وكنت راحل[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الغاده اللي لابسه عودي = اللي يهز القلب فارعها كانت تمرّ وتقطف ورودي = واتزيّن ورودي بشارعها من يوم قلت لروحها جودي = كنّي عن البستان قارعها مرّت سنه ماعانقت سودي = وهمومي امن البعد اصارعها عودي عليّه ياالغلا عودي = ذبلت ورودي في مزراعها[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] قالت : انت تحبني قد ايش يافصولي! = قلت : ياصغرالسما والبحر ، احبك قدّك[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] المحبّه واضحه جداً وسهله = مابنيناها على شكلك وشكلي خافقي حَبّك وصرتي ملهمه له = وارتوى من نبع حبك واثمرك لي[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] دستور ياالمالكي دستور = لاعاد تتعب على الفاضي وجه الوطن ما غشاه النور = لنّه يصلي ماهو واضي اقلط على رزقك الميسور =ما دام خصمك هو القاضي[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] والله اني والله انك والله انه والله انا = ماعلينا خلاف وآل سعود فالحكم السعودي البلد هذي بلدنا والوطن هذا وطنا = مانساوم فيه جعل العود في عين الحسودي وان حصل بعض الامور اللي تجي منا ومنا = سيفنا البتار في راس المسيحي واليهودي[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الفراغ العاطفي ويّا الفراغ الروحي = هذي اللي تجعل الانسان في دوامه لو سلمها مايقول : الوقت زاد جروحي = ولا يقول : العمر راح ولا لحقت ايامه[/poem]: : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يااللي تجيب اغراض وتودي اغراض = مادامت انّك شخص راعي مقاضي عطني معك بالله بخّاخ فضفاض = وان جيتني زعلان بتروح راضي[/poem]: : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] درست فالدنيا على يدّ الظروف اربع مواد = الحب والاصحاب والاقراب والوقت الردي الحب يعطي للغريب بلاد لو ماهي بلاد = والعاشق اللي ماطغى عقله على القلب يغدي والصاحب اللي بينك وبينه حصل ملحٍ وزاد = أوفي معه لكنّ لاتضمنه وتروّح فدي امّا القريب اعطه حقوقه واخذ خط الابتعاد = خلك بعيد تصير في عينه مثل نجم الجدي والوقت لاتعطيه وقت يلبّس ايامك سواد = عش يومك وخل امس مات وخل بكره يبتدي[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ميم لام وياء تاء وميم نون ونون كاف = يازفيرٍ ماعطى للصدر فرصه للشهيق أزرع الاحساس وارعى الريح والمّ الجفاف = وكلّ يوم امشّي اقدامي على نفس الطريق لا الحمول اللي على ظهر الجمل صارت خفاف = ولا الربيع اللي كشفه البرق لعيوني يليق[/poem]: : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ليت عمي ياولد عمي رقد هاك السنيّه = كان والله ما بلشنا فيك ياالراس الخفيّف احسب انك سيفي القاطع وخيّال العبيّه = واثرك اللي لابدا ميقافه اللازم ضعيّف[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ترى الآدمي من طين ونهايته طين = خلقه الله الرحمن من ماء دافق لو اصحابي اثنين ولو اصحابك الفين = ماهي ميزةٍ لك ياخوي المرافق لو آباخذ اسلوبك مع الناس الادنين = مداني ملكت بكل يوم الف خافق عرفتك وخاويتك وجربتك سنين = ولا شفت مثلك في حياتي منافق لسانك عسل لكنّ راسك بوجهين = وقلبك على سود النوايا موافق[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياالصاحب الطيّب الغالي = لاتعترض رمية الصيّاد انته من الروح وموالي = ولك في معاليق اخوك بلاد ومسموح من قدرك العالي = واللي حصل منك لا ينعاد ومحبتك دوم في بالي = ومابيننا فيه ملح وزاد وذخيرتي و اشهب اللالي = للي غشت قلبه الاحقاد الخاين الماكر الخالي = التافه الصاغر المنقاد باعلّمه وقته التالي = ماعاد يخطي على الاستاد[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] المستحيلات الثلاثه تلك = عنقاء والخل الوفي والغول الرابع الها صار بيتٍ ملك = تبنيه فوق الواقع المأمول وشلون تبني ياآدمي منزلك = وتحاول انّك تنقز المعقول وانته مواطن راتبك ماكلك = ما يكّلك ياغير عيش وفول ياراعي الايجار ماهوب الك = انته مجرّد ناقل ومنقول واقعك في هذا الزمن يقتلك=وحلمك على درب الأمل مقتول[/poem] : : |
أسف أسف
ولكن لـــ تفشي الاعجاب في أنحاء ماأملك ولـــ السلااام ,, |
ابو هتاش ، لاداعي للأسف مرورك يسعدني ويشرفني طال عمرك تفشي اعجابك من تفشي الطيب لديك الف شكر لحضرتك دم تا / بخير |
| جميع الأوقات بتوقيت GMT +3. الساعة الآن 11:38 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية