[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
اطلق عنان المشاعر .. لا تخليها=حبيسة الخوف والتفكير والحيرة ! ما أنت بـ / خسران شيٍ يوم تبديها=وإن ما حصل لك مرادك .. خيره بـ / غيره! طع شور من يآخذ الحكمة ويعطيها=الصمت ما هو على طول المدى خِيره !![/poem] |
محتاج افضفض كثر ما كنت ساكت=عن الحزن وجروح الأحباب والوقت !
|
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
لو القلوب تخلى عشق ومحنيّه=ماهيب تخلى طهر وإحساس ربّاني ! وأنا فـ / قلبي على اصحابي .. حسن نيّه=لو زل منهم عزيزٍ .. نال غفراني ! القلب راضيٍ بهم .. والروح مرضيّه=وإن صار ما يزعل الاثنين .. يفداني ![/poem] |
[youtube]http://www.youtube.com/watch?v=DpuwrMHp5PM[/youtube ] قصيدة ( لا يغيب إتصالك ) صوتيّة .. :) |
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
ملكعة طبع لكن حسّها راقي=تخفي لكاعتها حقيقة حياها ! تمر ركني ولا مرّت في خفاقي=لكن لو مرّته .. رحّب وحيّاها![/poem] |
نامي على قلبي .. وقومي في عيني ،، ما أحلى من القومة .. سوى لذة النوم! ولا أتعس من الدنيا .. قبل تعشقيني ،، ولا أحلى من الدنيا .. بعد عشقك اليوم ! تطمني .. وإنتي يدينك فـ ايديني ،، مانيب متضايق .. ولانيب محروم ! |
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
لا قلت لك ما يلحقك في الهوى عيب=صدّق .. ولكن العذر فيه كذبه! محدٍ يحبّك ويتمنّاك .. ويغيب=حتى لو ظروفه على طول صعبه ! لو إن قلبه عاش حبك .. بلا ريب=بيقاوم ظروفه .. لأجل حبّ قلبه ![/poem] |
http://www3.0zz0.com/2009/05/03/22/148074515.gif
من يعطيك من وقته وجهده تجد الشكر قليلاً في حقه .. أجزل الشكر لـ من أكرمني بـ هذا العمل الأكثر من رائع .. |
[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
قال الصبر لـ / الحزن في لحظة اعياء=بتنتهي ، ولا ارتبط فيك دربي؟! رد الحزن منّك ابي لحظة اصغاء=يمكن بعدها يعجبك ترتبط بي! انا هنا حصّلت ما يكفل ابقاء=حالي على وضعه ، بدون يغدر بي في حالة الصحوة ، وفي حال الاغفاء=ما يختلف ، واضمن طعامي وشربي! قال الصبر عفواً بقاطعك ، لـ / إبداء=رايي قبل مهر السكوت تعثر بي! انا هنا حصّلت ما يكفل ارضاء=الكبرياء بداخلي ، ويعبر بي! لأقصى مساحات التحمّل في اجواء=صنعتها في داخله ، وكبرت بي! بالمختصر هذا مكاني ، ولو جاء=مره وقلت أبتركه .. بان كذبي! قال الحزن هذا مكاني ، ولو ناء=دربي عنه ، يرجع له بـ / يوم دربي! وشوي وإلا طوّق الصمت الأرجاء=من بعد ما كان الحكي .. حول قلبي!![/poem] |
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
ماهو غريب تنام وانت متضايق=غيرك عجز لا ينام من شدة الضيق! وغيرك يجيه الليل هادي ورايق=وينام لو هو ظالمٍ لـ / المخاليق ! صدّق .. تراها كلبوها حقايق=في هالزمن ما عاد به صعب تصديق!![/poem] |
[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
حزين يا محمّد ومكسور خاطر=من الزمن والناس والحظ والحب! واقف على درب السعادة .. وناطر=يمرّني قلبٍ .. ولا مرّني قلب !! يمطر على قلبي من الفقد ماطر=واعوّد ادراجي .. وحيدٍ ومتعب !![/poem] |
[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
قومي عطي للصبح طعمك ولونك=وصحيه .. باقي غارقٍ في منامه! وابتسمي لـ / من ودهم يشبهونك=وابتسمي لقلبي وصحوة هيامه! بالله من دون ابتسامة عيونك؟=كيف اقدر ارسم فـ / الشفاه ابتسامة؟![/poem] |
[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
دايم وأنا أحاول أخبي طعوني=ما ودّي أحبابي يحسون فيها ! ما كنت أحسب ان البلا في عيوني=لا من طرى لي جرح .. بيّن عليها ![/poem] |
[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
أبث لك يا رب حزني وضيقي=تسكرت في وجهي ابواب رزقك! عندك ركع قلبي .. ووقّف طريقي=أكرمني بفضلك .. عن افضال خلقك![/poem] |
والله ما عندي لـ هالحزن دبره
خفي على قلبي .. ولا تعاتبيني انطر فرح .. و"المنتظر ملّ صبره " مانيب أدوّر للحزن .. صدّقيني ! |
[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
يااااا نايمه وانتي على بعد مترين=من دعوة أمّك لا دعت لك فـ / الأسحار! ثمانمية وخمسين كيلو .. وجرحين=بيني وبين أمي .. وتسبيحها الحار! بالله شوفي الفرق .. كانك تشوفين =انتي مع أهلك .. بس انا فاقد الدار![/poem] |
[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
كل ما إنطوى يومٍ من أيام عمري=من الحكي ألقاني أهرب إلى الصمت! لين الحكي ذبلت وروده في صدري!=وماتت على لساني حروفه ، وتمتمت .. لو إن لي حيلة من أول في أمري=ما كنت عن بعض المواجع تكلمت ! كان إلتزمت الصمت رغبة .. في صغري=ولا بعد هذا العمر كله .. أرغمت .. عليه ، من بعد إنكشف بعض ستري=وألسنة خلق الله تدوّر على الشمت ! تآطى بشماتتها على القلب .. وأشري=صبر .. والى زاد الحكي بي تبسمت! لين ابتساماتي تخاوت وصبري=خوّة عمر ما تنقطع كان ما مت!! لكن لي قلبٍ لو أسكت .. يهذري=ينطق بـ أحلامي اذا نمت ، وان قمت بأخون في صمتي ، تلعثم في صدري=وهو يردد .. ما كسب خاين الصمت!![/poem] |
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
دمّك خليجي .. وحسّاسة .. وذويّقة=وما أحلى من اللي ذكرته .. غير إسلوبك! كمّلك ربّي .. وهاموا بك مخاليقه !=لين أفئدتهم خذتهم لـ / آخر دروبك وأنا أشكر الله على فضله وتوفيقه=لو جاد لي بالعطا .. وأصبحت محبوبك![/poem] |
[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
إثر الإسر .. إفراج في بعض الأحيان=ما كنت أصدق .. لين حبّك أسرني ! وخذني من سجون الكآبه والأحزان=وفـ / سجن قلبك .. بالسعادة غمرني![/poem] |
|
ما أخفي عليك إني بديت أنجذب لك وأفرح بشوفك .. كيف لو ترسل إهداء؟ وقلبي بدا ينبض .. وهو كان قبلك ميّت .. ولا له طاريٍ بين الأحياء! ودّي أحبك .. وأعشقك .. وأنكتب لك قل إيه تكفى .. لا تضايقني بـ لاء! |
[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
يمرّ لك في أيسر الصدر طاري=من ليلة غيابك الى اليوم ما غاب! متى بتجي؟ مليت كثر إنتظاري=لا لاح لك زولٍ .. ولا دِقّ لي باب !![/poem] |
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
من كثر ما أتعذر عن الوصل .. بالنوم=كلٍ يحسب إني على طول نايم! وانا كرهت اللوم واللي ورى اللوم=من ناقشات الكفّ .. وأهل العمايم! ما سدّ من اربع سنينٍ الى اليوم=وعقلي على قلبي خصيمٍ .. ولايم؟![/poem] |
[poem=font="DecoType Naskh Variants,6,black,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
يا ضيقة ٍ في خاطري عيّت تروح=كل ما فرحت بصدّها .. عوّدت لي! تجي تزيد جروح .. وتنقّض جروح=وإن نقّضت ما فاد فـ / النقض .. فتلي!! توقد وسط قلبي .. ومن عيني تفوح=والله يستر لا تسبّب في قتلي !![/poem] |
[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
يارب .. عبدك واقفٍ عند بابك=في ناظره دمعه وفي قلبه هموم! عاري من ذنوبه .. ولاذ بجنابك=لبّسه من عفوك وغفرانك .. هدوم! ما أغنته نفسه وإفتقر .. وإغتنى بك=واللي لـ / غناتك مفتقر .. عاش محروم! أحيه حياةٍ وارفة في رحابك=وامته ساجد ، منشفٍ ريقه الصوم![/poem] |
| جميع الأوقات بتوقيت GMT +3. الساعة الآن 08:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية