خالد سعد الدوسري
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""] للحزن في صدري حوابيط و عْذوق=يروى تفاصيلي .. و يثمر قوافي ملّيت اردّد شعري بصوت مخنوق=و جفن الأماني فـ / المسافات غافي مرات اقول ان الشعر سبّة العوق=و مرات اقول انّه خوي ٍ سنافي مرّ السحاب .. و لاح في صدره بْروق=و انا سنيني تشتكي من جفافي انا الضعيف اللي من الطين مخلوق=و انا الحزين اللي جرحْه التجافي لا تطوّل الغيبات يا حادي الشوق=والله ماني من جفاك مْتعافي البال .. من برد الهواجيس محروق=و سمر الليالي .. مالها حضن دافي و طيفك يساومني على دمعة الموق=و الدمعه اصغر من سموم الخوافي جيتك معي قلبي و عمري فـ / صندوق=امشي وسِط صُلف المقادير حافي مالي على الغالي مشاريه و حقوق=ان كان ما هو بالأحاسيس وافي عذرك معك من غبت يا حادي الشوق=عذرك سمين .. و عْذر شعري جفافي[/poem] |
عفاس بن حرباش
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] امسك خيوط الحلم باقوى يدينك =لاتشدها طمعه ولاتفكها يــاس وصافح بقلبك ، قبل مدة يمينك = لاتحصر شعور المحبه ، بمقياس وبرد على قلبك :- من دموع عينك = خل البراد الك انت .. والصيف للناس وان كان صدرك مايخفّي ( ونينك) =امنع سفر همك على :- متن الانفاس وقدم لوقتك ، ماينور جبينك =لاظلم عليك الوقت ، وتصير نبراس الوقت مايعرف نسب (والدينك) = كم شجّرةِ مايعرف جذورها الفاس يمكن سـعــة صدرك بـ..لحظه:- تدينك =ويمكن طهر قلبك يصخّرك لـ.. انجاس لاصرت واقف ،بالرضاء خادمينك =وان طحت، قفوا عنك حتى بالاحساس واصل طريقك واترك لحاسدينك = (صرح النجاح) اللي بنيته على ساس لو كنت فاشل مادروا عنك وينك =ماحدً يعامل بنك في حالة (إفلاس) وشلون فقر المال كدر سنينك ؟=وعندك خبر بـ..ـأن الفحم اصل الالماس! وان النبي اللي بعث لك بدينك = ينام:- وعروقه من الجوع يبّاس فقـرك ، قدر لايمكن انه( يهينك) = اللي يهينك (حني راسك) تحت راس [/poem] |
مطلق الجبعاء [poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بداية الحلـم .. مثـل آخـر نهاياتـه=تموت الأحلام .. لامن جيـت أحققهـا أعيش دوره .. وأنـا راجـي ملذاتـه=وفيه الأمانـي .. ترافقنـي وأرافقهـا وأمنّـي القلـب .. بأمالـه وغاياتـه=والقى سنيني .. تقـدّم لـي عوايقهـا العمر ../ راضي رغم حزنه ومأساته=والروح ../ ترضى على تقدير خالقها عمري قطار السنين .. من الاسى فاته=مليت أذكّـر عيونـي ليـن أضايقهـا مليت حتـى وقوفـي فـي محطاتـه=وأبلش بعبره بوسط الحلـق خانقهـا حلمي خرافه .. وأنـا راوي حكاياتـه=وأزريت من زيفها لأقـرى حقايقهـا كتاب الأحلام .. وسطوره وصفحاتـه=حبـره خيالـي .. ودمعاتـي توثقهـا بداية الحلـم .. ليـن أخـر نهاياتـه=قصه ولو هي ورق .. والله لأشققهـا [/poem] |
الفجر البعيد
[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] البارحه جيت بكتب لك قصيده غرام=من باب تمجيد شعري لك وشوقي اليك لكنّ تذكّرت جرحك لي وضاع الكلام=تبّت يد الشوق وجروحك لاتبّت يديك همّلتني في خضمّ المعضلات الجسام=وانا ارفض يكون لك في طوق صدري شريك ياليت لطلال جرحك من زماني هدام=وانكراذا قالت الدمعات في يوم ابيك ياسايق الفجر بجحافك لحد الظلام=لا تحتري في سماك الا الغروب الوشيك الحب لحظه تجي بين الضيا والعسام=اتخلّد العمر كله بين هذي وذيك حاولت اردك مكانك عبر درب الملام=ولا قدرت امنع ابياتي ماتقسى عليك لو تنصف الحب عشنا في علو الغمام=ولا ملّت حروف شعري بالفرح تحتويك[/poem] |
طلال الجميلي
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بيض الله وجهك .. وانت مدك ثمين=قصتي معك .. بـ / أجمل شيء عنونتها ما تبين مقامك .. مير دوك اليقين=كل حاجه جميله فـ / العمر كنتها جيتني بين سجة فكر واحساس .. لين=جات لك فرصةً حلوه .. تحينتها عشت قبلك حزين .. و عشت بعدك حزين=لين ما كثرة همومي .. تهاونتها بين جيلين حزني .. نور وجهك يبين=وانت لك ضحكةً تبهج .. و دونتها صار تاريخي الحافل .. لـ / فضلك مدين=لمعةً في سجل العمر بينتها واجبك لا نفضت غبار .. عمر السنين=اذكر ايامي ..! اللي معك لونتها وانت حاول .! تذكر عشرتي بعد حين=والا انا عشرتك ..! في خافقي صنتها كان صار المفارق .. قول : ربي يعين=انتهى الوصل ..! مير الحب / لا ما انتهى [/poem] |
عناد النفيعي
[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""] حاولت وازريت لا القى عذر مقبول = يوم سألتني عن غيابك ضلوعي والله مدري عن غيابك وش اقول = من ليلة السبت .. لايوم الربوعي مشغول !! ( في ذمتي ) .. ماكنت مشغول = بالعكس موجود .. وتدور خضوعي ماكن قلبي منحك العرض والطول = ولاكن عيني رقت بك عن دموعي وانا عن اللي حصل مانيب مسئول = صراحتي .. راحتي .. واغلى طبوعي تبيني اكذب وانا بالصدق مجبول = وانت اعلم الناس في كمي ونوعي ياسيدي لايطول الصد ويحول = اعلن رجوعك .. وانا اقرر رجوعي ماغيرك اللي قدر يجتاح وينول = مشاعري .. لين سارت عكس طوعي والموضع اللي منوّل غير مأهول = عمرته بغيرتك .. يا اثمن ربوعي صحيح من حقك تخليه مقفول = لكن لاتهجره .. وتثير روعي اعشقك وافخربك ومازلت مذهول = من سحرك اللي عليه ارهيت جوعي والله لو كل زول يعوّض بزول = لا القى بدالك من يولع شموعي لكن ورب السماء ذو العرش .. والطّول = محد ٍ بعد عرفك بيملا ضلوعي[/poem] |
مناحي
[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لاشك مافي داعي الشر معروف=ولا على فرقى البليسي حسافه وشلون ابلحق داعي الشر محسوف=وهو على ذالك كثير اللقافه دامه يجي ملقوف ويروح ملقوف=عندي تساوت جيته وإنصرافه الا أنت يالهاجوس ماعنك مصروف=أحسب لجياتك وأعد الكلافه مكلوف بك لو كان ماني بمكلوف=ما كان سلمني هواك الخلافه يالله عسى كدي على الشعر مخلوف=في ظل تعديله ومنع إنعطافه في وقت كم شاعر على الشعر معطوف=أدخلت قلب الشعر مني مخافه من فضل ربي موجد الامن والخوف=ترتيبي الاول ما أعرف الوصافه شاعر سينيمائي وواصف وموصوف=وحرافتي ماتحسب أيت حرافه أحذف منه حروف .. وأزيده حروف=وأغلّف المعنى غلاف الظرافه ما أحتاج أخش أجواء ولا أواجه أظروف=لو أن قلبي جاير الوقت لافه يا لوف قلبي منك لوفٍ ورى لوف=ياذا الضرار اللي ما حل إنكشافه وش عاد لو أخفيك والحال مكشوف=حتى الضرير اللي بلا شوف شافه تعد بين السمع واللمس والشوف=وأنزل مدام الصدر قصر الضيافه خلك تجيه ضيوف وضيوف وضيوف=لين الحنين يفض حزب إئتلافه وأقول وجه الغيم ماهو بمئلوف=وأصد صده ما وراها حسافه !![/poem] |
رحيم الغنامي
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] جاير الوقت .. وش باقي .. مخذ منّا=ليته .. اليا خذا له شيّ .. يعطينا لا تقولين .. يوم انّا .. و يوم انّا=راحت ايامنا .. باحلى ليالينا اعتمدنا .. على الله .. و توكّلنّا=السفر .. حان وقته .. و استعدينا رحلةٍ بسمها .. طير السعد .. غنّا=الله .. يردنا منها .. لا اهالينا تونا .. في بدايتنا .. و لا زلنّا=نرسم احلامنا .. و انعدّ امانينا ابعدي .. عن لسانك .. سالفة كنّا=خلّي .. الحاضر يسولف .. لماضينا بالطموحات .. سهل انحقق .. املنّا=كان ربي .. عطانا عمر .. يمدينا اللقا .. اللي على شانه .. هذا حنّا=نربط .. آمالنا فيه .. و يسلينا انقشي .. للقا الكفين .. بالحنّا=واكحلي .. عيني بعينك .. ليا جينا دافع الشوق .. يدفع همّنا .. عنّا=ويشرح .. ابعاد سر اعجابنا .. فينا يروي .. امجاد تالينا .. عن اوّلنّا=و ينسب .. المجد لاولنا .. و تالينا حظنا .. اللي ليا جيناه .. قام النّا=ليته ايقوم .. في موعد .. تلاقينا ودّنا .. نستثير الحلم .. يمكنّا=لا ستثرناه .. للواقع .. يودّينا يمكن .. اليا اقتنعنا فيه .. و آمنّا=ترسي .. ابنا مراكبنا .. على المينا[/poem] |
عبداللطيف الغامدي
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] هزّ جذع الروح يتساقط قصيد ولمّه = دام في مدّة يدك باحساس سرّ الهامي وان بدا لك شخص يشكي لك تنامي همّه = لا توحّده بمجابه همه المتنامي هذا انا يوم امنح الكلمه طريق وهِمّه = لجل تطوي بي مسافة صمتي المترامي اعترف لك ما بقى للجهد شيّ آتمه = لجل يرضى واقعي بكّيت عين احلامي ابتلشت مع الزمان يخمّني وآخمه = يرفض استسلام جوره وارفض استسلامي كل ما قلت انحصر ضيمه يجيب مطمّه = واثر هذا ديدن الدنيا وسلم ايامي اتجاهات التعب شتّى ولا له يمه = والغريبه وين ما رحت اصدفه قدامي وهذا انا بينت لك سداً تعبت آدمه = ماشكيته غيرلله ثم لك يالسّامي لنّك الزم لي من البلسم ونضح الجمّه = ولنّي اشرح لك شعور المنجرح والضامي ولن لي بك حاجة الطفل لحنان الضّمه = ولنك اوثق من دواير بصمتي فأبهامي حطّني فالوصل عن فقدك قليل الذّمه = واعرف ان العهد مهما ابطى يظلّ الزامي ماانت ابو جرح القدر لكنّْ جاك وسمّه = يمكن انه يندمل بين لحمي وعظامي[/poem] |
نواف نايف
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] آخر قصيدة فيك قررت أبنساك=وأنسى ليالي الود وأنسى غلاكا أقولها من حر ماأونس بجفواك=ان جيتني وان رحت ماأبغى رضاكا مالي ومالك دام غيرت مبداك=صار الوضع بين وقلبي نفاكا صدق خبر كذب خبر وأتحداك=باكر تشوف العين شيٍ خفاكا وان كان طعم الهجر يبس شفاياك=لا ترتجي عدٍ بعذبه رواكا وان كان في ليل المجاريح مسراك=كمل على دربٍ يزيد بعماكا وان كان طيف الحب غربلك وأشقاك=أسعد خبر تضحك بذكره عداكا وان كان جابت ماضي العمر ذكراك=عض الأصابع يوم خنت بوفاكا وان كنت تبكي من ظروفٍ توطاك=أنت اللذي سدت عيونك يداكا وان كان سهم الحب صابك ولاأخطاك=حس بجروح الناس حس بخطاكا وان كان جرحك غيض تنزف به ادماك=يمكن تلاقي في نزيفه شفاكا وان كنت غالي بين ذولي وذولاك=مالك لزومٍ في جريحٍ جفاكا وان كنت تقوى الهجر طول بفرقاك=باعك خفوقٍ قبل مدة شراكا وان شفتني بالعين صدفه بممشاك=أرجوك عني صد وانظر وراكا دور بدالي جعل مولاي يبلاك=لأنك بليت اللي بعمره فداكا أربع سنين بين همي وبلواك=أحرقت عمري لين نورسماكا يذكرك قلبي في صلاتي تمناك=وعيني تهل ادموعها في رجاكا أمشي بدون احساس وأصحي بلقياك=ويغيب عقلي معك سبة هواكا تعبت أفكر فيك وش هي نواياك=وليا اتضح غدرك خفوقي حماكا حبيتك وحبيت من جاب طرياك=وأحب من يذكر مزايا حلاكا وأزعل جميع الناس والمقصد ارضاك=وأكن غيضي منك ماأزعل علاكا مافيه يومٍ مر عشته بلياك=صورتك في قلبي وعيني تراكا ماضيٍ مضالي معك ماأظن يخفاك=كلٍ درابه يوم بيْن رداكا لا لا تعذر وش بقى من سواياك=أهون جريمة يوم قلبي دعاكا يوم اعترفت وقلت لك كلي أهواك=جرحتني وأخفيت عني دواكا قفيت عني ويش أسوي بلاماك=نقضت عهد الحب وينه حياكا وان جيتني لابد بعيونك أقراك=ياكتاب غدرٍ كل حيٍ قراكا قررت أببعد وأنت كمل بدنياك=عيبٍ علي ان قلت لك وش بلاكا مادام هجرك طال قررت أبنساك=وأنسى ليال الود وأنسى غلاكا[/poem] |
محمد السبيعي
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بين بطر الحقايق .. وإغتيال الصواب=لا يجدّ المجدّ .. ولا يطول العتب! كل ما قلت لأحزاني يا مال الذهاب=كل فرحٍ حقيقي من حياتي .. ذهب! ستة أعوام أطاول بالطموح السحاب=لا وصلت الطموح .. ولا كِفيت التعب!! ذبل شوفي ورى الحلم البعيد / السراب=وكلّ ساقي من الطرقة .. ووجهي شحب! لين جفنى تراخى وأعلن الإنسحاب=دمعٍ أحسبه قبل يسيل سيله .. صعب! وآتلفّت وأدوّر لـ / النفس .. عين باب=لا صدورٍ وساع .. ولا هبوبٍ تهب !! يا كثر ما عشقت .. وراح عشقي هَباب=ويا كثر ما كرهت .. وصار لي وإنكتب! في عيوني سؤالٍ ما لقى له جواب=وفي ضلوعي خفوقٍ ما لقى له مُحب !! كان هذا نصيبي .. يااااااا نصيب العذاب=جعل ما هو نصيبٍ تاليته العطب! طال صبري .. وناس القلب كثر التراب=مير محدٍ سألني مرةٍ .. وش تحب؟؟! طال صبري .. وفرْح القلب مثل السراب=حدّي بعيد أشوفه .. وإن وصلته .. نضب![/poem] |
عيسى الشاطري
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يوم كلٍ نام ومكبر تحت راسه مخـده= وشوارع هاديه . والناس عمّتها السكينه والبحر موجه تهادا وابـتدا جزره . ومده= وختلط مع ضلمته . ليلٍ يتعب ساهرينه أطلعي . كنك شعاع الشمس في حده . وقده= نوري ليلٍ من الضلمى غطى نور المدينه ونبتي ماكنك إلا ورد ومغطيه نده=عطـري لي ليلتي يـــ وردةٍ عـندي ثمينه ونقذي عاشق همومه للبحر قامت تحده = قبل ماصل غبته كوني على الشاطي سفينه ! عاشقٍ لا حل لك طاري صفق يـده . بيـده = كوني ايمينه قبل لا تصفق ايساره . يمينه سولفي معيه . وخلي قلبي يبوح ألك سـده =قلب محرمك العذاب . من الوصل . لا تحرمينه بعد عرفك فالبشر حتى النظر ماعاد . لده =لو بغـيـت افهم كلام اتخيل انك تـنطقـيـنه !! حطلك قلبه سكن . وعطاك مفتاح الموده = لن سكنتي به لحالك . وان طلعتي تقفلينه بيتك الي بالغـرام مشيده . والحـب حده =والوفاء عطره . ونوره بالوصال . تنورينه وصلك ايزيده عـمار وطول هجرانك يهده= يـنهدم لابوه بـيـتٍ بالوفا ماتـسـكـنـيـنه وفهميني كان تـبغينه بـود مثل وده=مثل مايعطيك من حبه . بحب اتبادلينه وكان ماتبغين انا لا قلت شي اكون قده= والله اني ماعـشق غـيرك اذا انتي ماتبينه انتي اول شخص حب القلب في مزحه . وجده = وانتي اخر شخص حب القلب في عسره . ولينه وانتي اللي معك مفتاح المحبه . والموده =تقفلين القلب وان شئتي بكيفك تفتحينه[/poem] |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ٍ على قد حاله يرسم احلامه= تضخيم حلمك سهل بس النوال اصعب وبدال مايشهده بالليل لانامه=يصحى على صوت ناي الواقع المتعب الواقعيه عقل والوهْم دوّامه = والهم يوجع لو ان الهم مايضرب وباللي ماعنده قناعه يرمي اسهامه= اسهام من سهْد ليل وحزن ماينضب لو كل واحد قنع في مدة ايامه=مابانت آثار للتخمه ببطن اشعب ولاراح ياكل مع الوالي وخدّامه =وجلس مع اهله ببيته ياكل ويشرب ياكثر لطف الكريم ومااكثر انعامه =ماتنحصر بالنسب والمال والمنصب شوف الولد والديه بخير قدامه= لو ماكسب غيرها حاجه هي المكسب والناس متذمّره دايم ولوّامه =ترتاح والا على حاجاتهم تتعب لو ان طبع الاوادم خامه وخامه=بس الاقليه انجرفوا مع الاغلب وشلون نبني فكر بافكار هدامه = ونضحك وحنّا نتابع فلمنا المرعب مدري عدم حس بالواقع وبآلامه=والا تعبنا من الجد ونبي نلعب[/poem] سلطان بن بتلاء |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقّف قبل ظنّك يذبّ الخريمه=ويروح بك مخطي ومقفي ومرتاب يكفي تعب جرح النديم لنديمه=محتاجتك تسمع لي الصمت وش جاب (الحب) فوق الحب صفح وحشيمه=لاينقطع سلك المحبيين بغياب لاتعتذر ماللمعاذير قيمه=حنّا بشر نخطي قبل نصبح احباب صحيح تجهدني الجروح الاليمه=واعجز وانا ادوّر لزلاتك اسباب لكن بعين الحب دمعه يتيمه=ماارضى لها وتطيح في لحظة عتاب خل الدموع اذا اشتكت كل غيمه=من غيبتك مع كل تذكار تنساب القلب مايقبل لنبضه هزيمه=حتى لو اقنعني بها قلت كذاب ماينتقم غير النفوس السقيمه=ومن لاتصيّد فرصة الوصل ماصاب مسموح في صف الجروح القديمه=لكن طلبتك رد من دونها الباب[/poem] الفجر البعيد |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغالي اللي رحل واشعل (شموع الغياب) = ماله من اللي يحبه غير .. بوح السهر يشره على قلب ودى في غرامه وجاب = ينبض له الحب والاحساس .. سر وجهر بعد ما طاولت في حبه .. شموخ السحاب = واهديته (احساس خالد) للمحبه مهر راح وترك في صميم القلب جرحٍ شباب = يكبر ويكبر ويكبر لين (شيبه ظهر) طعني وطعنتة .. ماهي بشلفا ذياب = لا والله اقسى عليّه من طعون الظهر الله يسمح خٍطى رجله عزيز الجناب = ويصبر اللي على فرقاه ميّت قهر من دونه احس بـ إن سنين عمري سراب = افرح بها يوم وآعيش التعاسه شهر آعيش غربة وطن وافتح للافكار باب = واستنتج إن (الحياه ابلا محبه دهر)[/poem] خالد السيحاني |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هتان لاتشره على عيون الكبار = لاسيلت في كل ليلة دمعتين هتان واضحك لانتهى ضحكك مرار =وانته همومك ماتعدى حاجتين اكبر همومك هم واجب واختبار = وانا همومي هم موت وهم دين هتان عشْ عمرك وخلْ عنك العمار = اللي بقى من شان تاصلها سنين شفني وصلت وكل مافيني يغار = من فكرة الجاهل ومن قل الحنين هتان شفني من بعد مالوقت دار =اعيش لي ذكرى وامسح دمع عين شفني تعبت احلم ولا ليه خيار = تعبت عايش في زمان المترفين هتان لاتحسب طموحاتي صغار =واقلها يشبه طموح المبدعين العين تبغى مير يدّيني قصار = وخايفٍ لاكل وكنْ مالي يمين انشد عيوني من ذبح منها النهار = وانشد يديني وشبها صفر اليدين وانشد وتلقى كل منصب له قرار = والله يعين الناجحين العاطلين [/poem] عبدالله الرقيب |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جتني بعد ماطواها البعد مشتاقه= تخفي بمنديلها عني عبايرها . وتقول والله ماجيتك علي فاقه=وادخل علي الله حياتي لا تدمرها . بياعة الورد باقي عندها باقه= باكر علي لمة العشاق تنثرها . الغضه اللي لذنب الناس علاقه=يوم انكسر خاطري.. جبرت خاطرها . ماعاد فعيونها لجل البكا طاقه=تجمع الحزن كله في محاجرها . ولو كان ماهي ربيع العمر ووراقه=لكنها باقيه في بال شاعرها . والشاعر اللي يشيل الود فـ اعماقه=لو يكره البنت.. مايجرح مشاعرها[/poem] فارس العتيبي |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت اللحظه .. ثواني .. قلت .. يا مر ّ الحسافه =قالت .. أشرب من دموعي .. قلت : صبيّها بعيني قالت .. ارسمني بزمانك .. قلت .. والهجر ..؟ وجفافه ..؟=قالت .. أختر في يديني . قلت .. كلي ّ .. قيّديني قالت .. الليله فراقي .. قلت .. قلبي يا ضفافه = قالت .. الليله فرااااقي .. قلت : حزني .. مصطفيني قااالت .. اهدرني بقربك .. قلت .. ضمّـتك العفافه = قالت .. اجرح لي سباتي .. قلت .. ليلك واسهريني قالت .. اكتب في بعادي .. قلت : زفره للمسافه =قالت .. العذر بظروفي .. قلت : مووتي واقبريني قاااالت .. ادري ما رحمتك .. قلت .. عمري منهو شافه =قالت .. ارحم ماارحمتك .. قلت .. طيّب .. عذبيني قالت .. الموعد سمانااا .. قلت .. خابر مانعافه = قالت .. اصبر تكفاا اصبر .. قلت .. همي والحنيني .؟؟؟!! قلت ليلي ليل ٍ أخرس ما انمحت ّ جرة ّ خفافه = قطر ّ بجفني سواده لين .. صبحي معتميني ..! دربنا تعبت مسافاته ضمت ّ والبعد .. لافه = ليت لي قدره على هالبعد .. يرضخ .. ثم ّ .. يجيني اغرقي يا بنت في بحر التناسي والخرافه = لا غرقتي بحزن .. دمعك اعتزي بي .. واغرقيني ما نسيت الا وجودي بين كفيّن .. النكافه ..!= وطيفك اللي لا لمسني شق ّ صدري .. شهقتيني ..! يا عذابي والسهر اسدل على نوومي لحافه =تايه ٍ تيه ... الضوامي يوم وقتي ما سقيني .. لا رحلتي باركي .. فرحة ّ غيابك في زفافه ..!= مير بالله لا رحلتي .. قولي انك .. ما تبيني ..!!! مدري وجهك يالسحاب اللي تشظيتي .. كلافه = المرايا لك سراب ولا كسرتها خطوتيني السنين اللي زعرتني بالهوى تجني قطافه = وأنتي في أرضي زرعتك .. ما ضميتك .. يا سميني والله ان الشعر .. يحكي .. لا حكى .. بالحب .. قافه = يجثم بصدري ويغرس رمح فكري .. في كنيني [/poem] مساعد البيان |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي وابشع جريمه فالهوى حسب النظام = لا غبت عني وانت تدري عن غلاك ومنزلك في خاطري كلمه ولاكن كيف اببدى فالكلام = وانت الحروف الغايبه من دون وصلك تاصلك ماجاني الا طيفك العابر ولا رد السلام = وانا مع الطيف العزيز بكل طيب اعاملك اشتاق لك شوق العمى لمشاهدة وبل الغمام = ودمع العيون اللي حبسته عام منك إنهل لك واشتاق لك شوق الصغير اللي بعد سن الفطام = غدى وحيد وقال ياوقتي عجزة اتحملك اشتاق لك وضلوعي الاهداف وغيابك سهام = ورغم الجروح اللي بها من قسوتك تشتاق لك اعزي اعياد السنه واليوم في غيبتك عام = واعزي الصدر الرحيب الي فقدك وحن لك ياصاحبي والبعد شرهة عود في وجه الغلام = ياصعب سؤالٍ في حياتي ماقدرة اعللك اتخيلك وجلس معك وعيش بك نشوة غرام = وصحى على الواقع بعد مده واعود اتخيلك ابسألك نفس السؤال اللي له بصدري وسام = وجاوبك واعيد لك ياصاحبي وابسألك افزلك لامرني طيفك ولا يهنا المنام = واشوف حسنك جل ربٍ بد خلقه جملك وش قلت لك قدام تكويني بنيران الهيام = واعيدها وش قلت لك وش قلت لك وش قلت لك ياصاحبي والشوق يبكي والسبب وجه الملام = ليت الغرام اللي قتلني بس لحظه يقتلك مادمت في ظلمة فضا ليلي مثل بدر التمام = ارجع بعد غيبه واقول ان الغياب يحق لك[/poem] حسين عزام |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قبل امس .. يـوم .. الفجـر .. مابـان "=" سلـمـت .. لـلـريـح .. لـلأفــي مدري .. من .. الأنس .. والا .. الجان "=" مستيسـر .. الــروح .. وأطـرافـي يعني .. بقـى .. للحضـور .. لسـان "=" من .. بعض .. وش صـار .. ياكافـي بعض .. الحكي .. مقبـس .. النيـران "=" وبعض .. الحكي .. يردف .. اردافـي قلبـت .. فـي صفحـة .. النسـيـان "=" ياكـثـر .. نسـيـانـه .. الـخـافـي البـارحـه .. مـالـهـا .. نـيـشـان "=" الا .. التـبـاريـح .. واجــدافــي دانــه .. يـادانـه .. لادانه .. دان "=" الـنـور .. فايديـنـك .. انـصـافـي يلقى .. لها .. من .. قـراء .. عنـوان "=" واللي .. دراء .. الصبـح .. ماشافـي ماتظـهـر .. الا لـهـا .. مـيــزان "=" مضرابـهـا .. بـيـن .. الأكتـافـي فـالأرض .. تاقـف .. لهـا .. بيبـان "=" وتحت .. السماء .. سترهـا .. ضافـي ياهيـه .. ياللـي .. سمـاك .. الـوان "=" تلعـب .. علـى .. الريـح .. متعافـي ذكرتنـي .. كـان .. يامـا .. كــان "=" يـوم .. اكثـر .. الهرج .. ينشافـي من .. دايم .. الدوم .. ليـن .. احيـان "=" من .. جوهر .. الصدق .. في .. قافي بسـم .. الرحيـم .. الله .. الرحـمـن "=" صح .. الهواء .. اللي .. زمن .. غافي ذكرنـي .. الحـب .. يــا إنسان "=" رجــع .. خفـوقـي .. لميـقـافـي أثبت .. لي .. ان .. الزمن .. ماخـان "=" والـنـاس .. تـوفـي .. وتستـافـي وأعلمـك .. شـيء .. شانـه .. شـان "=" عن .. عمرك .. اللي .. مضى .. خافي شـيءٍ .. عسـى .. هاينـه .. ينهـان "=" مـن .. بعـض .. الأزوال .. ينعافـي والا .. اتـرك .. البحـر .. والأوزان "=" لـلـوان .. حـدسـي .. وزخـرافـي . [/poem] سعود بادي |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل الله اقوى مابقى في يدي شيّ = مافيه حل ٍ في يديني.. ذخرته حاولت .. لكن المحاصيل هيّ هيّ = الطير طار ولا بقى الا شجرته وقفّت اشوف شويّ واغمّض شويّ = واللي انكسر في خاطري ماجبرته لين الحقت شمسي على بارد الفيّ = وشفت ان كل اللي جمعته خسرته من كثر ماعزيت ريقي عن الميّ = ملّ الصبر من كثر صبر ٍ صبرته كم هقوة ٍ ضاعت على سكة الغيّ = وكم حلم فـ ( تراب ) الحقيقه قبرته واقف .. وطعنات الزمن كلها فيّ = وساقي لو انه كلّ مني / كسرته بعد ماعاش اليأس في احساسي الحيّ = اخوي .. لو هو صد عني عذرته مدري عن اللي كنت احسبه بقى ليّ = اللي حزمت ابه الضلوع وذكرته اللي طوى حالي بحكم الهوى طيّ = قصّر .. وانا كل الطريق اختصرته ماهو خطاء لاقلت ( تأمر على شيّ ) = الا الخطاء .. لا اشتقت له وانتظرته[/poem] مشعان البراق |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت أبي رحله مهي رحله على هام السحب=قلت ابشري با اللي تبينه يا مناي ومطمعي يا مسافره ترى الدروب طوال والرحله تعب=رحله غريبه واغرب الرحلات ما كانت معي قالت توكلنا على الله ماش موت بلا سبب=ترى اطيب الاسباب لا صرت السبب في مصرعي قلت ادخلي عقلي وتلقين العجايب والعجب=وليا طرى لك كنسلي حجزك وعودي واقلعي واخذت تذاكرها ومرت بين عيني والهدب=وانا قفلت رموشي الثنتين باطراف اصبعي مرت سنه بشهورها وايا مها واللي حسب=فترة غياب المترفه دقات قلبي واظلعي لا جا لها طاري تعود ولا طرى لي ارتكب=بعض التهور والغي الرحله واقول الها ارجعي الصيف مر وجا الشتا والجو تبدل وانقلب=صار الدفا برد وهربت من الخيال لواقعي ما عندي الا شالها والنار ووجار الحطب=والضحكه اللي من سنه عيت تفارق مسمعي يا هل ترىترجع وهل هذا الحضور المرتقب=يصبح حقيقه والغياب يموت وانشر به نعي وفي ليلة فيها الثواني جمر والساعه لهب=جتني وانا ما بين فترة يقظتي واللا وعي تمشي على استحياء والفستان من فوق الركب=قلت الله يحييك في مصيافي وفي مربعي بغيت اعاتبها وقالت لي بضحكه (لا عتب)=عندي حكي من عام مرهقني ومقلق مضجعي قلت اخبريني قالت التاريخ لو حدث كذب=ما قال كل اللي بعقلك يا الاديب الالمعي لقيت فيه اهرام واصنام وتماثيل ولعب=والهيكل المزعوم نايم حول عرش التبعي واشعار ابن زيدون مع ولاده ومجلس ادب=والجاحظ المشهور يقرا في كتاب الاصمعي ولقيت دار الحكمه وفيها ملايين الكتب=والفين مخطوطه لابن بطوطه ولم تطبعي واجمل كتاب اعجبني اصلا ( معجم لسان العرب)=قلت العرب وين العرب يا من يقول ويدعي راحو طعام جحوش بين اللي ذبح واللي نهب=واللي شرى له يخت في جنوى وقصر مربع واللي يظلل جيل كامل با الدعايه والخطب=الراعي المسئول راقد والرعيه(لا رعي) حسبي عليك الله ما جبتي معك غير التعب=رحتي وكدرتي برميه خاطئه مستنقعي قالت تقرب والمس الجمره وعنقود العنب=مير احترص لا تحرق الجمره شفاك وبرقعي! [/poem] د حمد العصيمي |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاذلي مااطلبْك لامن هوى الدمع شْفِقَه=ماانكسر لو دمع عيني على عيني جِرِي الشجر لوّ الهبوب العتيّه تطرقه=ماتمايل من غصونه سوى الغصن الطري والحنين اللي برى الحال لا جيت اطلقه=طار من صدري وحطّ الرحال بمحْجري مارحم من لاانْزوى كل عبره تِشْرقه=ولا يكنّ بمهجته غير جرحٍ مابري حال حول ولابقى باب للصبر اطرقه=ووش يصبّر من سرى ليلةٍ ماتنسري! العقول الضيقه والنفوس الضيقه=ليش تبغضني وانا لااعْتدي ولاافْتري! اجمع احبابي حواليّ واهل التفرقه=مايبلّ كبودهم غير ضيقة خاطري! الصداقه كان ماهي محلٍ للثقه=مالها قيمه.. وانا من معانيها بري حاربوني والقضيّه / ( قصيد وذائقه)=ولا بهم من راسه يشيل فكرٍ نيّري! لو بفقّه كل جاهل عشانه ما فقه=لو سلمت من الفرزدق / يضيق البحتري! عادتي , من منطقي مايوافق منطقه=مااخسره صاحب ولاادير للودّ ظْهري ومن حفظ قدري عطيته من الودّ اصدقه=وجبت له سيفٍ يماني / وتاجٍ حِمْيَري! [/poem] فالح المصعوك |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على إثرِ افتقادُك ظلَ دائي = يُعاوِِدُني وينعم ُبإحتوائي فتستبِق ُالجوارحُ بإعتدال ٍ = الى ماكُنتُ احسَبهُ دوائي الى حُزن ٍ لنفسي اصطفيه ِ = ودمعٌ فيك يُبلِغُني عزائي اناجي فيهما بالصبر ِقلبا = على مايعتريه ِ من العناء ِ وروحٌ اينما ثُقِفتْ افاءتْ = بما تركَ الرحيل ُمن البقاءِ اذا ما زادها الفقدُ اشتياقا = تصّعّدُ بالحنين ِ الى السماءِ فما اقسى الرحيلُ بلا وداع ٍ = وما اعتى الوداع ُبلا لقاءِ رحيلُك لم يكُن جُرحا دفينا = رحيلُك كان إذنٌ بإنتهائي فمن لي حينما اقتاتُ همي = ومن لي حينما اشكو بلائي ايا ابتي لِما الجسد المُسجى = أُقبِلُهُ فلايهوى لقائي ويا ابتي وقد أُعليت نعشا = أُذلُ لهُ ويشمَتُ بانحنائي وياابتي وقد واراكَ قبرٌ = اخاطِبُهُ فيُعرِض ُعن ندائي اما في عاتق الصبر ارتواء ٌ = فأعقِد ُ في أعنتهِ رجائي نأت عشرون فقدُك مُسْرَجات ٍ = بيُتم ٍ قد احاط بكبريائي له ُ دمعي وحزني واشتياقي = ولي منهُ التكفُل بالإخاءِ فما آنستُ في حُزني شفاءً = وما احياكَ يا ابتي بكائي [/poem] عناد النفيعي |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحبين وفصول السنة والليـــــــــال = والجمل والقوافي والقصــــيد وهله ازعلوا وابعدوا عني وضاق الخيـــال = واستحال آخره يازين وانـــــــــت اوله من جفافي يشد لك الفـــــؤاد الرحال = واركب الصعب لعيونك وانا استهسله ما يعيب البكاء والماء لا عود وسال= عـــــــــاذل ينكـــــــره لاعوّد لـمـنهله غالي ما طلبت وهيـــــــن ما ستحال = هـــــذي معجلة وسنيني مؤجلــــــــة سقت شعري عذر حقك تسوق الدلال = ارفــــــــــع الشعر تحت اقدمك بمنزلة بعدها يا حبيبي عــد حــــب الرمال = اترجــــــــى هذب عينك واعيد اسأله انه يحن لي ويضمني في وصـــال= تحت ظلـــــــــه وسلهامه وفوق اكسله ياحبيبي احبك بألف قلــــــب وبال = ولك ما تسكنــه منها وما تشـــغــــله والليالي بدون رضاك ســــود ثقال= ومع دفا صــــــــوتك الايام مسترسلة لي جمالك ولله ما بقى من كمـــال = ولي خطا المتعبين وعصــــــمة الاسئلة صاحبك ويتعذر ياصعـــــيب المنال = وانت تستاهــــــــل خضوعه وتستاهله والشعر يكتبه بين الهدى والضلال=وانت تقـــــــــراه باحساسك ولا تجهله قالوا الناس ماعقب الرماد اشتعال =قلت ياناس يبـــــــقى النور في مشعله صاحبي لاتناديني لبعــــدك تعال = غـــــــــــربة الماء غدابه عنك يامنهله كان لله يالمحبوب جاه وجــــــلال =في فـــــــــؤادك بجاه الله رضاك انزله[/poem] نايف صقر |
| جميع الأوقات بتوقيت GMT +3. الساعة الآن 09:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية