صباح النور فيه الخير مملي به شذى وازهار. يغني به لك العصفور من غالي الي غالي.! |
كثير يمرني صبحي مغطى بالرمال رماد.. وانا ثابت وفي مابارت اخلاقي وذا حالي.! |
صباحك مشرق وصافي طقوسه به زهر وورود. به التوحيد صافي محض.. للمنان سبحانه. |
هذي انتي. والمسا زاهي عليك. ماتغير فيك شي مثل ما انتي على حطت ايديك.. تاخذين النور كله هالعصر. تسحرين الطير من غصنه. ومن غصنه يطير.! . هذي انتي.. ضحكتك هي ضحكتك.. ومقلتيك وجنتيك.. وطرفك الفتان ما اقوى عليه.. تملكين القلب وْعروقه. على راحة يديك.! . هذي انتي وهذا وجهك كنك الريم المها الشارد. وبسم الله عليك.. يحفظك ربي من عيون البشر. ويحفظك من عين ماسمّت عليك.! . هذي انتي والقمر متصاحبين.. غيمةٍ تسقي حنين و تمطرين.. تملكين القلب كله من قديم. وتملكينه من جديد.. وهذي ْسنيني بعد في راحتيك.! |
ماطرى
مره على بالك نطير.؟ تاخذين الغيم موطن.. بالجناح المنفرد شوق ونطير.! خارج السرب ونشاكس. في ضباب الغيم نلعب.. فاردين الاجنحه من شوق.. فوق و نطير.! |
شفتي ياكيف ْبهالزمن. اِن الرجل. رغم الضروف القاسية يبقى رجل.! الله يرحم والديك. نفسي تحاسبني عليك.. واخاف من ربي عليك.! ، شفتي . ياكيف اللي بعد مروّ عليك. ْمن القريب. ومن بعيد.. شفتي من الدنيا عبر. وشفتي بشر ماهم بشر.! ، شفتي بعد كيف القلوب الميّته. والخاليّه. ْمن العقيدة دون نور، يعني تطور علمّنه. والا ديمقراط وسفور. متعرضه من اهلها . درب التحرر والفجور.! ، شفتي . القلوب المؤمنه لله رب العالمين. ْمن الفتن متعرضين. ماهو على شانك اعيش. عايش على شان الله الفرد الصمد. اللي خلقنا كلنا. هو خالق الدنيا يحاسبنا. ومرجعنا إليه.! ، شفتي الفتن. بين البشر. صارت عوايد بينهم. ماتت اّصالتهم بهم. والغيره ماتت بينهم. لاياخذك بحر الذنوب .. باكر ترى صعبه تتوب.! ، |
, وحيد : سيّر لضحوي. ولقيت به زحمة مدينة ، والغريب الذيب يقنب من على الرجم الطويل الملتهب . يعوي عوي ،, واِنـ قزر الوقت البطي عالق ولا يمشي معي والناس مافيهم خوي.! وحيد ؛ والفجر الخوي.، اول صباح الخير غرد طير تشدو به عصافير الشجر والدوح. وغيوم السما تمطر بها الظميان هجران جروح ومن غيوم الشوق تروينا روي،، وحيد " في ايماني قوي، وفي عزة النفس وعفاف النفس يعثي بي و يلويني لوي،، نصبر ونرقا في شموخ أفكارنا السمحه عن العالم بعيد ونـ نزوي.! وحيد؛ والجود بدوي. يصمل على العيشة قرم. ويصمل على الجيل الردي، والبس من اخياش الامل والصوف . مايستر بقايا جرح هو باقي بعد مزمن ويدوي بي دوي.!! وحيد واصحاب تهوي، واحد ورى الثاني بعد، من فوق للواطي تحت.، ماوالله اني قد هقيت ؛ ْبهم كذا يطلع بهم عشرة ،؟ وأشرفهم ردي،! ؛ وحيد : والوافي خوي ؛ فيه السماحه والعفو طبعه ماهو: بحي الله خوي.. تقصر بعد وإلا تطول أيامنا يبقي الخوي. عز الخوي..!! , |
انثى وشمس ٍ دافية. بااول شتا بالقايّلة .. في نورها. تاخذ من اسنيني عمر .. هي موطني معذور لو يعثر خطاه..! انثى وحق الله. كما هالكون توسعني صبر.. بعد الله الفرد الصمد. تضيق هالدنيا . وغلاها ياسع اوطان وشعوب..! انثى احرمونيها بسحر. من بعد خمس احوال... لاايام الصِبا . وقت اللاقى,, توحيدها صافي يقين.. ثم ضلّلوها في سحر. قد لبسوه المس في اذنه يمج. قبل رمضان امضى شهور.! , |
ياغالي الاثمان
لازالت اشيائك, بقاياها وملامح صورتك باقي.. على حطت يدك في رفك المهجور.! ولازال عطرك منتثر فايح يجيب النور.! ياغالي الاثمان عندي من اشيائك بقايا رّفك الطارف على الدولاب. ووسادتك فيها بقايا عطرك المنثور.! اشمها بالحيل ياغالية واثور.! ياغالي الاثمان هذي دواخل قسوتك ماهي من اطباعك غريبه حيل.! هذي قساوّة طاغيه ياسهيل.! بعدك اّسى جمرة غضى في خافق الملتّاع. والشوق هد الحيل..! ياغالي الاثمان ليه الحضور احيان, اشبه من النسيان. ليه القريب ازهد..وليه البعيد اثمن. هو لييه يثور احيان. هذا الحنين اشجان. واجي اسير ْمن الوله بي عبرّة الولهان.! . |
مصيبه هالحنين امواجعه ترتيب..
يجي شوق وحنين الخلّ بْغيّابة.. يطيب الجرح لو اِنه بعد ماطيب.؟؟ اِذا المحبوب دوم يواّصل احباّبة.! |
هذاك اول الى مني بغيت اروح..
اغيب ايام لكن ضايقه روحي.. عشان الله اسامح وانا مجروح.؟؟ اغيب ولارجعت بْصادق انصوحي..! |
وحيد لو مالي خوي...بالله في باسي قوي..!
وحيد ورماحي بدي، ولي عزوّة ٍ وقت الشدايد .. ماتخلي ذيب خاطر....قلبي العاني يعوي..! |
عمر المسا.
والا السهر ,, قد قصّر اعمار السنين.! صيف وشتا مابه ربيع. جافي حنين.! مرات يغلّبني السهر. والليل غلّبني ويوجعني حنين.! |
احب المطر واللي يحب المطر والغيم..
واحب السحاب الممتلي عالي صروحة.! واحب الوفا واهل الوفا لو عثر به ضيم.. واحب الاصيل الاجودي لو كتم بوحة.! |
تحت المطر لك حنين ينرفز ْجياّدي..
وانشودة الغيم والحان المطر عذبة.. لك شوق ماقواه كثر ْدياري وبلادي.. يعيد تصحيح ميلاد الهوى وكذبة..! |
| جميع الأوقات بتوقيت GMT +3. الساعة الآن 11:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية