[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقولون نجد سْيولها تضرب الجيلان=عسى يختلط من رجعها لون زاهرها
أتابع أخبار أمطارها وأنشد العربان=شعاني عليها الشوق لازاد ماطرها
بعيده ولكن في رجى مدّة الرحمن=يعجّل علي بشوف نجد ومناظرها[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا ياعيوني لاسهرتي لتالـي الليـل=تعلّي على سطح القمر فووق واخْذيني
خذيني ولو لحظات باعيش بالتمثيـل=لو أني مااحب الزيف تكفين ياعينـي
أنا مجهده ماعاد باقي بروحي حيـل=ولا أدري على وين المقادير ترمينـي
تحداني أفكاري وتصهل صهيل الخيل=توعّد على ميـدان همـي تودينـي [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا الأسيـره لهوجاس(ن)طوانـي طـوي=أنسى معه واقعي وأعيـش وهـم الخيـال
لامن سرابي سمعت اصـوات تـدوي دوي=مدري على الارض والا فوق رووس الجبال
واشتدّ خوفي وأنا ماخـذت جنبـي خـوي=ياويل هجسي من الله ماعطانـي مجـال!! [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بس ياشعري ترى مابي تعبّر عن شعوري=يكفي ألعب واتسلّى بك ولكن مـن بعيـد
الخيال الوااسع الكذاب مايرضي غـروري=لاطفح بي فووق ذاك الموج قللي وش يفيد ؟
أخف مضمون المعاني!! واتمثّل لك بْدوري=لاجل عينك كل ساعه يـ/القصيد أكتب جديد
كل ما استرسلت جبت الحرف من غاية سروري=من رذااذه هاض قلب اللي سمعني لو حديد
مره أسترسل على جر الربابه من بحوري=ومره أسترسل مع القمري على خضر الجريد[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كانك نويت القطاعه لاتعلمني=أبنتظر لو حَرَقني وااهج الأنتظار
شفتك وأنا في منامي(يُم)تكلمني=وتقول يوم الودااع المر يابنت صار
أجحد شعوري وأنا قلبي مْألمني=يْخاف يمشي به التيار عكس المسار
وأشره على الوقت وأعْتب ليش ظالمني=والفكر شغال مايرتاح ليل ونهار[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أعـد خطواتـي وأنـا ماتخطّـيـت=عيّت تخطـى أقـدام رجلَـيّ عيّـت
مدري أصبت الدرب والا أني أخطيت=والمشكلـه (يُم)فرصتـي ماتهيّـت
جلست أحاسب صادر الحرف وأبطيت=ماكنـي الا مـن رجـاا ردّ مـيّـت [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاقلت حزني قضى والحمد لله رااح=وكحّلت عيني عقب ماطاب حلو المناام
وازدان جوي وشعشع خاطري واسترااح=واشرق سماا مهجتي وانزااح ذاك الظلام
عوّد بهيئة شبح متقلّدٍ له وشااح=أسود على عاتقه يقـْبل بليّا كلام
واستوطن الروح واجتاح الخفوق أجتياح=كَـنْه أيتحدّى السعاده لاتجيني حراام

[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلوني أكتب ماطرى البـال وأبديـه=على الورق وأخفي رمـوز المعانـي
شعـري زمانـه للمتاهـات حاديـه=ماله على عرش الصراحـه مكانـي
ودّه بهـا لكـن تــردّه مبـاديـه=مكتوف لو نـوره على الكون بانـي
أحسن كذا غامض ولا أبكي ولا أبكيه=والفكر والتمييـز لـه شـان ثانـي
واللي فهم واللي جهَل فـي معانيـه=واللي بعد محتـاج لـه ترجمانـي
وكـلٍ علـى ماقيـل همّـه مكفيـه=لابـد كـلٍ مـن زمانـه يْعـانـي [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يافكري الشارد ترى الدرب مسدود=تكفى رجيتك لاتعجل هلاكي[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل معذور لاودّعتني بدري=لومي على العين لاعافت لذيذ المنام
لو أنْك تدري بــ/ألومك بس ماتدري=لاقبلت رحّبت وأن أقفيت قلنا سلام
لبّى قصيدي وحسّه لاشرح صدري=رفيقي الصّح مااذكر غاب عني حرام
رفعت قدره وهو مثلي رفع قدري=ياما وياما فرش لي فوق ريش النعام[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلم باملي عليك مْن الخواطر=وأكتب المطلوب مع حفظ الحقوق
راعني واسهر معي لو جبر خاطر=خاوني والمحبره دم الخفوق
خاطري أكتب شعر وابليس شاطر=حالف(ن) مانام لاوقت الشروق[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للجـو تأثيـره وللنـاس تأثـيـر=وبعض الاوادم سحره أقوى من الجو
لامن طلعت البر في حـزة اعْصيـر=والجو رووعه والسماا كلهـا نـو
يسترسل الخافق كـذا دون تفكيـر=ويزول هم القلـب والشعـر يحلـو
واللي بعد أجمل من الجـو واخيـر=بيتٍ يصوغه شاعره يعكس الضـو
لامن بدا كنّـه بْـرووق التباشيـر=على صدى حسّه هل الشعـر غنـو [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامراسيل الغلا ودي سلامي=واحذري لاترجعين الا بردّه
بلغيه أشواقي ولهفة غرامي=فوق باقة ورد مع زوود الموده
علميه إني كتبت أعذب كلامي=مانفعني فالجرووح المستجده
والخيال اللي تصوّر في منامي=راح بي موجه على جزره ومده
ضيّع الوااقع علي والحكم سامي=والقدر حكم وقضى مامنه صده[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله أكبر ياسحابٍ ترااكم في سماي=شاقت عْيوني برووقه ولا هل امطره
كل ما انشا زااد خوفي ولا أدري وش بلاي=أتوجّد شوف غيثه وأخاف مْن اخطره[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشعري وربي أنْك أغلى من عيوني=ياروحي ومنفسي يابلسم أوجاعـي
لاح المشاعر وسايرني على هوني=يامنتجع مهجتي يافاهم أوضاعـي
ياغايتي ياهـواي ولوحـة فْنونـي=ياضلوع صدري وياسلواي وايقاعي
نفّس علي من عناي وجاير شْجوني=جدد شرايين قلبي غيّـر اطباعـي
وانا باغني معك والناس يوحونـي=ماعاد تفرق معي ماللصبر داعـي
[/poem]

مرحبا وجد

نور الركن بـ حضورك فديت روحك

وتسلم يمينك على هـ التصميم الرااائع

وألف شكر عزيزتي

لاعدمتك’,,

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عليـك الله لاتبحـث خفـايـه=واسولف لك بدون أيّـة درايـه
وإلى منّه صحى بعديـن قلبـي=ندمت وقلت ياوشهي النهايـه
همومـي ياشقايـه كافيتـنـي=ولا أدري وش شبك خطك معايه
حزينه من غثى وقتي حزينـه=ولو رزيت لي بالشعـر رايـه
أحاول وأجحد الضيقه واغنـي=عساي أرمي هومي من ورايـه
رجيتك ياهبـوب الريـح هبـي=لعل السحب تجلى من سمايـه
سحابٍ وتّر أعصابـي ظلامـه=وانا لي مع سناا برقه حكايـه [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نسيم الصباح الخافق المبتلى مشتـاق=على نسمتك بكتب لي أبيات واهديهـا
أبكتب حْروفٍ مابعد صاغها العشـاق=على أوراق وردٍ الشـذى زايـدٍ فيهـا
واسجل لك العنوان واحذر على الاوراق=نسيم الصباح أرجوك فالحـال وديهـا [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أمانه..يالنجوم اللي معايه تسهرين الليـل=أبي سهره لذيذه..تبعد الهوجاس والضيقـه
أبي سهرة شعر..كفو السهر والليل والتعليل=على نور القمر..والا ظلام الليـل ماطيقـه
أمانه..خاطري يشهد علي ربي مكدّر حيـل=تعالي سامريني..ودّي ابسهـره وترويقـه [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مقادير ياعمرٍ قضيتـه وأنـا مـدري=تسابقني الأيـام وأحْسبْنـي أسبقهـا
سرقني مرور الوقت ياناظري بـدري=ولا أدري متى بعض الأماني ب.أحققها [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محتاجتك يابوي واللـي خلقنـي=ماغبت عن عيني ولايوم يابـوي
عقبك عشقت الحزن مدري عشقني=يشكي لك الوجدان لو مانطق فوي [/poem]