عبدربه يكتشفني كل ماحطيت اغنيه
( لدرجة ) اني احط اغنيه .. !! بإسم ( ؟ ) علامة استفهام وانا اخاف كثير من ( زعل ) هذا ( الإنسان ) والأخ الكبير ( لي ) لذلك توقيعي يقول : |
:
: : تــوقيـع .. (( سـداح )) مووووووووجـع .. موووووووجـع .. موووووووجـع ومن الكسـل عجـزت أكتبـة .. لانــة ماينســخ ..!! نكفوووون الحقــوة قبـل يغـيرة ..!! <<< هــذا الـزوووووول الصـدق ..!! |
|
لا بغيت البس شماغ وثوب شتوي
.... دخّنت فالساحل الشرقي رطوبـه! :) :) :) :) خالد الحصيّن |
لا تبتسم ماهوب جاهز مبسمك للإبتسام
لازالت عيونك من البارح تفوح دموعها . أصبر عليها لين تصبح نارها برد وسلام وأعتق محاجرها وطاوعها تسيل بطوعها شوفو المجرم سدااااااااااااااااااااح ياناس وربي ذباحه هالبيتين |
ابو محارب عليه طلعات :) .. يقووول :
تعال اخذني معك والا .. لاتتركني الله مخيرك .. في هاذي وفي هاذي ذكرتني باللي يقول .. انت تحبني والا ما تكرهني :) |
الوكيل رقيب / سعد الشيباني .. وتأثير الورديات بيّن عليه :)
يافاتنه شتتـي همـي وغربالـي تقدمي وادفعـي بالحسنـه السيّـه تربعي فالضلوع وطيّبـي فالـي وانسيني ايامي اللي شيّبـت فيـه صبي سوالفك في سمعي وفنجالي وخليني اقدع على ثنتيـن ورديـه تمخطري فالحشى بشويش وإختالي وترفقـي يامعـذبـة الهـواويـه واستفرديبي عن العـذال بلحالـي والغـي جميـع التقاليـد القبيليـه |
خالد الحصين وتوقيع مختلف:)
اللي خذا قلبـي وانـا واثـق بـه وعرّض على صدري ودك ضلوعه لا تسألوني وش حصلّـي عقبـه بجاه ربـي سكّـروا موضوعـه! |
سداح يقول بتوقيع جديد
الله يبيـح التغلـيّ .. بيّحـي ســدّي حلاك مالح .. وملحك سكّر زيـــاده أغليـك والخاتـمـه .. تقبـلّـي ودّي يا منبع العشـق ومصـداره وميـراده |
محمد صالح العتيبي و توقيع على الوتر الحساس
علمتنّي معنى وصالـك وصدّيـت وخليّت في كبدي من الشوق عرقا والله ماتلقى من الشعر لـو بيـت لو مايجي بيـن المحبيّـن فرقـا |
في توقيع معبرّ
ضيف الله الدلبحي يحكي بلسان المديونين :) راحت فلوسي فالورش والعيادات مايستمر اسبوع معي المعاشي وفي حيّنا معروف عند البقالات سجل يابوهنود والعمر ماشـي . |
أحد اهم رموزنا هنا
يقاله سلطان وينادى بعناد .. قال ونادى وبدع له توقيع فريد مرقـاب أهـم وآخرالاحـداث يازيـن تشكيلـه وتنويـعـه وان راحت الدعوى ثلاث اثلاث تلقى الحقايق في مواضيعـه |
الدكتور سداح في واحد من تواقيعه يقول:
كمية الحـبّ محـدوده وأنتي لحالـك خذيتيهـا والقلب لو ضاع مجهوده يموت ماقـال هاتيهـا |
ياللي خطفتيني بلدّة نظـر خطْـف
عز الله إنك من خيـار المكاسـب فيك الحلا والملح والعنف واللطْـف اللي يخلّي كـل مسـرع يحاسـب ويضيع بين النصب والجرّ والعطْف في جملةٍ مابيـن ناجـح وراسـب يانع ثمارك ينتظر لحظة القطْـف قطفٍ مناسب في زمانٍ مناسـب! والمشكله في بوك وأخوانك الهطْف ماهم بكفـو المعرفـه والمناسـب! الأحمري / ناصر والله اني متغانمه اقول اربه ما بعد سبقني عليه احد :) |
العرّيس / مناحي يقول و عمر القارئين يطول :)
النوم ما حاصل لنـا نـوم واللي يدق الارض صاحي عساك يا راعيـه للقـوم قومٍ يشيلـون المساحـي صعايده والبطن محـزوم من جوع مدري من فلاحي اهم شـي تفـارق اليـوم ياللي منكد لي صباحـي ! عساه للمسحاه اللي تفنخ راسه يامنح نح :( |
توقيع من احلى التواقيع / لفهيد بن عصيدان
بعض الرجال اقدّره واحسب حسابه مثل<<اخـي>> ياسعد منهو محزمه لاصاح بسمه و<<انتــخا>> والبعض الآخر مايفيدك لو تصيح و<<تنــتخي>> وقت الشديد غايب وحاظر معك وقت<<الــرخا>> لابارك الله في رفيقٍ فالــشدايد<<يرتـــخي>> ولابارك الله فالكفوف ان كان مامدّت<<صــخا>> ياسلام عليك |
سعد براك و ما ادراك ما سعد براك؟؟ :)
جابك الله بعد طول العنـا والمسيـره كنت عنّي بعيـد وجابـك الله هنيّـا آه يا واحـدٍ مافيـه بالقلـب غيـره اشتعل لك غلا .. والا اشتعل لك حميّا لاتردد فضاك الصدر والقلـب ديـره باشر الهرج يا سمح النبـا والمحيّـا سولف ارجوك كلك خير واقبال خيره بس تكفا تريّـا .. فالسوالـف تريّـا ودي اطعم حروفك بين ضحكة وغيره ونظرةٍ لو طلبت اودادهـا مـا تهيّـا و ياعيني و يا خشمي و يافمي :) |
زال ما شفتك و فلّيـت الجدايـل
وآخذ من اعلومك و تاخذ علومي خدمة الجوّال و إرسال الرسايـل ما تخلّصني و لا تقضي لزومـي ابو راشد الغنامي رحيم يا سلام |
ضيف الله حمدان الدلبحي وتوقيع يقول
في بنتي ( ريف ) ذات السنتين عندما شاهدتها تعبث بالورقه والقلم ورسمت عليه لوحه جميله فقلت / شخبطي يانور عينـي ولخبطـي قلبي اللي اللي راح في حبك وطي رسمتك فيها البـراءه والجمـال واي رسمه غير رسمتك خرطـي إفتحـي بيبـان قلبـي ياغـلاي واشربي من كيف حبي واقلطـي الله يخليها ويديمك لها |
فهد فالح
وتوقيع مزيون في مزيون :) الجـادل الناعـم الميّـاس ........... أكْتبْه وأقـراه فـي كتابـي أهداني القلب والإحسـاس ............ وإهديته الحـبّ وإعجابـي ف بْطولة الحبّ جاب الكاس ............ وغرّد بصـدري وغنّابـي ماحطّ حرفه مبين أقـواس ............ واضح بتشكيـل وإعرابـي متخالطن به ذهب وألمـاس ............ وحرير واعطور واعنابـي لو يعْطي الغيد ربع الكـاس ............. كفّـى وفاضـنّ الأكوابـي :) |
توقيع داهيه مثل راعيه ..
الكلام احيان ما منـه ثمـره خلّني ساكت وسوّ اللي تبـي الغبي منهو يصدّق له مـره والمره ما تصدق الا مع غبي لبوجارلله وأبن جارالله محمد السهلي ، |
|
| جميع الأوقات بتوقيت GMT +3. الساعة الآن 09:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية