|
|
مشعان البراق تواصل جميل و مختلف من نوعه .. لقراءة كتبها أحد أعضاء المرقاب شاعرخبأ عنّا أدواته النقدية حتى أظهرها وقت اللزوم كنّا من بين من حضر و تعلمنا كيف نقرأ الأبيات و نراها بصورة أعمق آملين ان تتبعها دروس أخرى .. تثرينا و تمنحنا عيون أخرى لنرى جمال استتر خلف معاني و صور كل الشكر لجلب ذاك الجمال هنا |
علي الشهراني متابعة جميلة جدا ورأي نشاطرك فيه لقد دفعتني تلك القراءة الأدبية لحب تلك القصيدة بشكل أكبر بعد التجول بين أبياتها و صورها |
رساله من الاخ : تركي الجعيد
: : السلام عليكم ورحمة الله وبركاته في البداية احب اشيد بزاوية حديث شارع المليون المتميز بتميز منتديات المرقاب الاولى شعرا بالنسبة لحلقة الرياض كانت اقل من المتوقع والسبب ليس الشعراء بل معدي الحلقات باختياراتهم الغريبة والبعيده عن الشعر في اغلب الآحيان تميز فيصل بن طواله الشمري بقصيدته المحكمه ولكن لدي ملاحظة اتمنى اذا تناقشونها له بيت يقول وش عشاك وانت ما تلقى غدا لاتقول ان الغداء تالي عشاك هل البيت ثقيل؟ فيصل مرشح للـ 48 بقوه سعود الحافي شاعر قوي ولكن هناك بعض الألفاظ تشوه قصيدته الظفيري شاعر ونصه حلو سلطان الدوسري شعره اكبر من عمره ماشاء الله عليه |
,,
هلا بك يا تركي الجعيد وتواصلك معنا يعني لنا الشي الكثير وانا اتفق معك في كون فيصل بن طواله مرشح قوي / واما بالنسبه للبيت فانا لا اشوف فيه اية ثقل شكرا مجددا لك يافيصل والله يحييك |
تركي الجعيد وعليكم السلام ورحمة الله وبركاته اشادتكم محل تقديرنا واهلا بك و بمداخلاتك بكل وقت تتواصل الإنتقادات لمعدّي الحلقات التسجيلة ويتواصل الإمتعاض من قبل الاعضاء والزوار نتفق بهذه النقطة والأسباب مختلفة - فيصل بن طواله حاز على إعجاب اللجنة والمتابعين معا ولا اجد في بيته شيئا يعيبه .. واعتقد ان مستوى و شاعرية بن طواله تمنعنه من الوقوع في خطأ وخصوصاً حين يكون امام لجنة تقدم اليها الآلاف من الشعراء - سعود الحافي قدير واشدد على ميزة الحضور التي يمتلكها ولا انكر اني تمنيت قصيدة أخرى ليقيني ان هناك الأجمل -الظفيري والدوسري تركوا في اذهان المتابعين بصمة ستجعلهم مذكورين سواء تم اختيارهم لاحقا ام لا سعيدة بتواصلك كن دوما هنا |
طيب نرجع لموضوع البيت :)
اتفقنا انا وابو تركي في قاعة اجتماعات هوليدي إن الخفجي teeth: ان البيت باللهجه الكويتيه ماشي سليم وباللهجه السعوديه مكسور والاستاذ حمد جابه باللهجتين المره الاولى باللهجه الكويتيه واعاده باللهجه السعوديه يعني البيت انكسر عيانً بيانً :) ابو تركي انس موضوع البيعه ..:( |
علي الشهراني
متابعتك جميلة و تواصلك ملحوظ واجاببة نتفق في مضمونها سعيدة بهذا الحضور * * عفاس بن حرباش اهلا بحضورك واهلا بحكمك بعد مفاوضات الخفجي :) والحمدلله ان الحكم ذهب لصالح المدعى عليه واما بخصوص اللهجة السعودية فجد له العذر لعله كررها للشاعر السعودي فقط لكي يستوعب ليس إلا :) اشيد بالنقاش الذي كان وللجميع كل الشكر |
يا عفاس
ثمن تعش باللهجه الكويتيه.. بالله طيب كيف باللهجه السعوديه؟؟ شل التاء و حط محلها طاء و تصير سعوديه .. يعني ما يبي لها فلسفه... يعني : ثمن تعش// كويتيه ثمن طعش// سعوديه معقوله الطاء كسرت البيت؟؟ انت قلت لك كلمه و لازم تثبتها... في البدايه قلت مكسور.. و بعدين قلت ثقل .. و بعد اجتماع شرم الخفجي الشهير صار بالكويتي مجبور و بالسعودي مكسور ... ارسوا على بر دخيل الله ما و الله افككم لين توضحون لي الكسر و الجبر في هالبيت.. لو اقعد انا وياكم سنه.. teeth: تعالوا و اكتبوا البيت بالسعودي و بالكويتي.. على شان على الأقل نتعرف على اختلاف اللهجه.. اتفاقاتكم خارج النت ما لنا فيها لزوم.. حنا نبي الاتفاق يكون هنا .. teeth: |
اهلاً بكل باعضاء وزوار هذا المتصفح
جولة الرياض كانت من اجمل الجولات واليكم مشاركة الشاعر / ماجد بن هلال الشيباني http://www.youtube.com/watch?v=xUllGewRkP4 تحيتي وتقديري |
إشادة و صحى شفق من صمته الشتوي ليشمر ساعده محاولا بكل طريقة ممكنة وغير ممكنة جاعلا من الإستناد على الحقائق إثارة أكثر في سعادة اتابع مجريات هذه المباراة الوديّة تاركة اللاعبين .. اقصد الشعراء يركضون باللهجات يمنة و يسرة في محاولة لتسديد معلومة وان احتاج الأمر لركلات ترجيحية >>>> الشعر وين والرياضه وين بانتظار صافرة الحكم على فكرة من راوده بعض الفضول فليستمتع بالمشهد هنا اضغط هنا |
السلام عليكم ورحمة الله وبركاته
عفاس ابن حرباش ومحمد صالح العتيبي وخلاف حول اللهجه وانا ماعلي من لهجة اخوانا الكويتيين ولالها دخل في الموضوع < الاخ من البصره المهم اني كويتي ولا اقول لـرقم (( 8 )) .. (( ثمن )) لانه غير صحيح ولو قلت رقم (( 8 )) كما يجب ان يقال ماينوزن البيت .. ولو افترضنا وخلينا كلمة (( ثمن )) .. لفرض ان نقول ... ثيمن تعش ولا عليها شويه او ثمـــّـن تعش ولا عليها شويّه .. ولا اصبح الثقل واضح ومع اصدق المحبه يا اخوان والسلام عليكم ورحمة الله وبركاته :) |
اقتباس:
محمد قطن المورقي أهلاً بحضورك وأهلاً بكرمك جولة الرياض أجمل من سابقتها ونأمل ان يكون الجزء الثاني أجمل وأفضل ومشاركة ماجد هلال تستحق ان يستمع لها كل المرقاب كل الشكر على عطاءك |
فيصل الدوسري
وعليكم السلام ورحمة الله وبركاته أهلاً بحضورك واهلا برأيك لا زال البيت اليتيم يجلب الكثير من الأصوات ضده و معه نحاول ان نثبت ان حمد السعيد كسر البيت.. أو لم يكسره .. * * للجميع بصراحة شديدة .. لم يكن البيت بتلك الأهمية .. كانت محاولة لتحدي شاعر شاب.. اجاد الرد بعمق عكس خصمه .. فجاءت بالصدفة ملاحظة ( ظنّ ) لتصطدم بـ ( يقين ) حتى علقا في منتصف الطريق .. |
السلام عليكم ورحمة الله وبركاته
عوده لمتابعتكم في هذا المتصفح الدسم جولة الرياض كان فيها نسبه جيده من الشعر المقنع رغم اني متأكد ان النسبه التي ظهرت لنا لا تمثل الواقع بالعكس شاهدنا مشاركات كان من المفترض حجبها احتراما للاشخاص الذين قدموها ( ضربتين في الراس توجع) يعني عدم اجازه ولمعان بالسالب :) ولو ان في عرض هذا النوع من المشاركات كبح جماح الكثير من الموهومين بقدراتهم الشعريه عن المغامره في النسخ التاليه ,, وهذا بحد ذاته نجاح :) بالنسبه لبيت حمد السعيد لن ادلي بدلوي حوله لاني مستانس بالنقاش خاصه ان شفق لم يرس على بر حتى الان :) تحيتي ومتابعتي لكم |
اقتباس:
عز الله تستاهل المدح يابو هلال حضور وابداع ما يحتاج اتمنى لك التوفيق والتواجد في شاطئ الراحه |
سلطان عمرك كم يا طير شلوى = ثمن تعش ولاّ عليهن شويه
سلطان عمرك كم يا طير شلوى = تمن طعش ولاّ عليهن شويه يالربع .. الببيت اعلاه .. ياكويتي .. وإلا بالسعودي .. خرج من بحر .. إلى آآآخر .. اذا .. نطقنا .. ثمن طـْعش (( بتسكين العين )) وهو على المسحوب .. اذا . نطق الطاء بالفتح وإذا .. قال ../ .. (( ثمن تعش .. وإلاّ عليهن شويه )) .. ونطق وإلا نطق .. فصحى وهذا غريب :) فـ .. هذا يجعل معنى البيت يختلف تمااااما .. عن ما اراد التساءل عنه السعيد . وإذا .. سبق (( إلا )) بالواو .ّ . يصبح ثقيل ثقل الجبال .. :) . .. . . وسلامتكم ..:) |
^^
^^ ^ التعديل .. صار بعد اتصال من الأخ عبدااللطيف :) غنّى لي البيت على المسحوب .. صحيح 100 % وغنيت له البيت على بحر آخر ولحن آخر .. وجا صحيح 100 % وهذي من المتفارقات ... العجيبه :) |
اقتباس:
جانا علم ٍ جديد... اول السالفه كسر ثم صارت ثقل ثم رجعت اليا و الله انه سليم و هالحين صارت من بحر الـ بحر ... تبون رايي عاد؟؟ شفتوا انتسانها مثل ما كتبها محمد السواط فوق.. فعز الله ثمن تعش والا ثمن طعش والا حتى ثمن جحش..والله انها كلها وخيـّات بعض و لا فيه لا كسر و لا ثقل و لا خروج من بحر لبحر.. و انه بيت سليم ميه ميه .. سواء قاله السعيد باللهجه الكويتيه و الا قاله باللهجه السعوديه .. يعني في كلا الحالتين البيت سليم.. هذا بحسب رايي و اللي انا اشوفه .. و الله اعلم.. اللهجه الكويتيه و السعوديه ما عمرها كسرت بيت و الا عدلته.. اللهجه وحده و اللسان واحد... اللهم شل حرف و حط محله حرف .. مثل قلم و غلم و قدير و غدير.. و ثمن تعش و ثمن طعش وخيـّتهن.. و السلام عليكم |
طيب طيب :)
ابو مهنا وفيصل الدوسري مرحبا بكم وخصوصاً الغايب الحاضر في قلوبنا فيصل البيت مكسور وحمد السعيد في المقطع الي جابته الاخت دارين ماقال ثمن تعش ولا نطق اي كلمه بالكويتي قال ثمان طعش في المره الاولى وفي الاعاده ..بمعنى اصح مع احترامي لاراءا الاساتذه اعلاه اللهجه الكويتيه مالها طاري ولالها دخل ... (( البيت مكسور)) |
اختصار السالفه الله يطول اعماركم
البيت سلييييم وليس لـ ( تعش ) و ( طعش ) اي علاقه الاختلاف واللبس قد يقع اذا اختلفنا في تشكيل العين (فقط) في ( طعش او تعش) اوتغد بعد :) اما بقية الحروف يبقى تشكيلها المتعارف عليه حرف الطاء مفتوح وحرف الشين ساكن اذا قمت بتسكين العين اخرجت الشطر من بحر الى بحر اخر <<< مدري ليه يعتمد تسكينه اصلا :) رغم انه فالكلمه اساسا مفتوح (ثمن تَعَش) او ثمن (طعَش) حسب ما تريدون فنقرأ البيت كما يلي سلطان عمرك كم يا طير شلوى ثمن تَعَش ولاّ عليهن شويه ربما ان نطق عضو اللجنه حمد السعيد للكلمه ادخلنا في هذا النقاش وسلامتكم |
بخصوص بيت السعيد :)
ترانا في الكويت ننطق رقم 8 بوجود حرف الألف ، يعني ( ثمانية ) ،، يعني المفروض تقال ( ثمان تعش )،،، عاد هالحين بتوضيحي هذا مدري سنعتها ولا عميت على حمد السعيد :) تحياتي/ حامد |
:)
بيت ( واحد ) و ولّع النقاش وشلون لوّ إنّها ( غصيده ) مستمتع بالنقاش :) |
| جميع الأوقات بتوقيت GMT +3. الساعة الآن 09:41 PM. |
|
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية