[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آمنت بالله خالق النور واللوح =رزاق طير الجو ضامن حياته
سجدت له خوف وتعالى له النوح = نوح الرجا ما هوب نوح الشماته
دمعة عزيز الروح تطلع من الروح = ودمعة ذليل الروح نبرة شتاته
إذا بكى الخايف من الله مسموح = واذا بكى الخايف من الناس جاته
[/poem]

القصيدة كآملــه هنا

مجآويد الشفا

على أمل أن يكون حيّا

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أكذب وقل للعالم الكذابه=الكذب له شكله ولون ثيابه
لو لبسوه الصدق فوق لباسه =تبقى مواري حيلته وأسبابه
وان كان تا تحلف عليها فاحلف =الحلف باللي تعبده وكتابه
كتابه الذل وكتاب الذله =تقراه نفسك للملا وتعابه
ذبحت ابن لادن وهذا ودك =بالحكي ولا الذيب نسل ذيابه
عايش وتفداه العرب وأمريكا =واللي يخافه في البلد ويهابه
أسمع أوباما انت واحد خايف =وخوفك وتبريرك وش اللي جابه
خلك رئيس وفل وارقد وأسلم =ورئاستك بين الرجا والثابه
وان كان تا تطلع بكذبة كاذب =عذرا ترى كل الأمم كذابه
من كثر ماهم يكذبون أحيانا =يميزون المستتر والنابه
وإلا ابن لادن مسلم أمره لله =يحارب الوضع الردي واذنابه
فكك دول وارهق دول وارهقكم =وعلي وليه فزعته وأحسابه
من كثر مأ خوفك صرت تصرح =تصريح مبهم بس ويش أسبابه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تذاكروا موته وهو حي ما مات = لو موتته يؤمن بها من ذكرهم
يبغون موته .. بس ما معهم أثبات = لو يدمرونه .. بس لأنه دمرهم
حنا لنا الظاهر . وعلم الخفيآت = ما نعلمه .. واللي عمرهم . غدرهم
والأمر علمه عند رب السموات = اللي على درب المعاصي حشرهم
قلل مودتهم .. للإسلام بالذات = وبين نوايا عقلهم واختصرهم
في كل كلمة ذل .. والباقي اصوات = والا الأمور الباقيات تعسرهم
كثيرهم تافه .. وهم كلهم زات = أن فزت بارضاهم لابد تخسرهم
ادعوا عليهم في جميع الصلوات = الله يجعل كيدهم في نحرهم
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

[ الصبر ] ( حلم العاطفه ) و [ الرجا ] (نور)=و[الحب ] ميزآن الضلوع ( ونسمها )..!
(مآثره ) يبقى لها [فالحشا] ( دور )=لو ما تعانقه[الخلايا] قسمها..!
وأنا [ ثلاث شهور ] ولا [ اربع شهور]=وأعروق قلبي ما تعلى نغمها..!
تخنقني الضيقه [ على مشة الزور]=وافك [ازارير الضلوع] (بندمها)..!
على كثر ما كنت [داله ومسرور]= لكن (اظروفي) كل وقت يحكمها..!
وعلى كثر ما قالوا [أنسان مغرور] = خليتها [ وجهة نظر] (واحترمها) ..!
والا أنا كلي [أحاسيس واشعور] = مشاعري [تغن الفقير] بكرمها ..!
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابشرك شفني على الاوله حزت = من طيب ابوي وطيب خالي وجدي
وعن طردت المقفين يا صاحبي جزت = اللي سوالفهم معي ما تودي
لكن بابارك لك على الفوز لا فزت = واوقف معك لو كآن مهوب ودي
وعلى كذا يا صاحبي كل ما اعتزت = تذكر أني شمت وانت متردي[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحيان ابوح ووقت اعيي ولا ابوح=باسرار نفسي لو ماني مخــير
لأن مالي في اكثر الهــــــرج مصلوح= وانا تحت تيسير ربي مســـير
اكن ما في والج الصـــــــــدر واروح=يم الديار النـــــــــايدات اتنــــير
تقفي بي النفس الرفيعة عن النــوح= واصبر لعل اوضاع قومي تغير
يسمح لي الرجل المقرب من الـروح= اللي ليا من ضيع الصوت سير
عساه يفـــــدى جيته كل ممـــلــوح= خطو الغزال ابو الجديل المحــير
وانا على شوفه من الناس مشفوح= تقول شوفه شيك بأسمي مجير
دلال تقديره قريبه من الفــــــوح= يطب فيها صاحــــــبي ويتخير[/poem]

[ALIGN=CENTER][TABLETEXT="width:90%;background-color:black;border:2px double red;"][CELL="filter:;"][ALIGN=center]
الصوت / سلطان العطاوي
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا دم هاجوس القصايد مهوب بخير = تصيبه علل ما للعلل عنده مداوي
دهنت أله سيره مير ما فاد دهن السير = على ذمتي ولا على ذمة الراوي
لكن الحنيني قادني يم جم البير = وانا من عدود أهل الوفا شاربٍ راوي
عتيبي ونفسي شامخه مثل ضلع النير = واحب الكريم اللي لكل النبل حاوي
يا عبد الله أصل السالفه ما تبي تبرير = مقامك مقام اللي على الأوله قاوي
ولو ما معك تصريح امارة لكن امير = امارة رجل للمرجلة والوفا هاوي
أحبك لوجه الله , ونصف الوفا تقدير = وقدرك كبير , وباقي الأمر متساوي[/poem]

الصدى / لعبد الله عتيق الحنيني
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا وانت ياسلطان واللي يصير ايصير=فداك البعير اللي اليا درهم ارغاوي
تخير اليا خيرت با الزمل واخذ بعير=وتهيض ببيتن رفته نجرها ماوي
مسودس على ماهو والا يقبل التغيير=والا يفوح نفح الا ازرق العود والجاوي
عسا الله يجنبنا مع امثالك التقصير=مقامك وقدرك فوق والاش با الهاوي
وانا ما شقيت والا تخصصت با التجبير=اخاف اتخطرا وعترض كل منحاوي
واذا اصغيت يا سلطان للفرز والتقرير=سموع البعيد من الوحي جالهن صاوي
وبعيد المدا مايلحقه با المدا تاثير=يقص الصليب بحد حده ولا ياوي
تفضل وقل من وين ودك تبينا نغير=مقام الامير اللي معه ختم ويخاوي
شدادك قديم ولاهو موسرن توسير=وفتواك ما تحتاج لشيخ طنطاوي
بعيدن بكل البعد عن مستوا التصغير=مقامن ينومس كل روقي وبرقاوي
على الله اليا سقت النظا وطلب التيسير=معك فارسن مغوار وحصان صقلاوي[/poem]
[/ALIGN][/CELL][/TABLETEXT][/ALIGN]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شل هم غبرات السنين وعناها = على صدر مغليك ولا أنته ارتاح
نفسك وداعتك أنتبه لي علاها = أقولها من جد مانيب مزاح
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يأ أم العيون الناعسات ارحميني = مانيب راعي غي وأبليس ما مات
وصفك بحر ما تحتويه السنيني = وقربك ربيع وغايتك فالطويلات
وأنا كفو لكنها ما تزيني = للي يبيها تستوي كل الأوقات
[/poem]

متابع بصمت..

ودوك:SnipeR (69):

8

يا لبا خشمك ومرحبا الف

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أستر عيوب الظروف ولا تبينها = للعالم المستفيده وأزهل الباقي
أن قالها الله وعاف النفس داينها = لاجيك من ديرتي عاني ومشتاقي
لين امسح الدمعه اللي ضيقتي منها = واشم عطر الزهور اللي على الساقي

[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أثر القلوب الهايمه مالها طب = وأثر العيون الناعسه مستفزه
أهب يا عرق النسا التابع أهب = يهز رجل , أم العبر ما تهزه

[/poem]

لبى قلبك يا سلطان كنت (هنا)

:woow55:

يا مرحبا يا محمد

منور يالامير والمحل محلكـ

مطول ما شفناك يا كريم :wardah:

[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا من ثمآن سنين وأنا عيوني حول= ورى حاجةٍ مدري وش اللي مبعدها
عليها سوالف سكة الواقع المعقول = وعلي أنتظار اشراقها لين أشاهدها
ألي رغبة في لوية أذراعها المفتول = ولي غاية في قربها لين أقعدها
على عرش ملاك الهوى النايف المجبول = على حبها واللي بقى من سنايدها
ليا من عرض لي زولها قلت حي الزول = وليا من طرى لي ذكرها جبت ناهدها
اصخاف العروق اكبارها تستخف القول = عليها ولو هي صايره من جنايدها
سبحت بمداها في بحرها بعرض وطول = ولا قلت أصاحبها ولا قلت أواعدها
لأن النوايف ما تعرض على المجهول = ولا يقدر المجهول يمسك سواعدها
أعزاز الوجيه أصلابها ما تجي بالنول = واضعوف العروق أنفالها ما تباعدها
يا سباح بحر الذاهبه هات ماس ولول = على شانها ولا على رايدها [/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البارحه ثارت هواجيس الفكر والفكر ثار = وأنا اعرف افكاري ليا قامت تهيج أهجوسها
كنت أول الدعوى مخليها على الخط انتظار = لين الليالي قربت مني وشفت أدروسها
ود أني اكون أفضل العالم على قول وقرار = وأخذ عن الأمه غثاها لين ترفع روسها
شاعر ويطربني حديث الموج من فوق البحار = واصخر الشرد الصعيبه زين وابرى قوسها
عندي عليها مثل تصخير الصعاب من المهار = لو جت بميدان القصيد العذب بان ارموسها
شفت الزمان يدور والعالم مع الموجه تدار = والأم بقعا ركزت فينا جميع اكبوسها
برد الليال البيض ما خفف مناويش النهار = الله يكافينا من الدنيا وبعض اطقوسها
يا كثر ما جيت اشحذ الهمه من الناس الكبار = مير الأوادم من يصخرها ويفهم لوسها
الناس مات أحساسها ماعاد تنغث وتغار = والا أن نفسي تختلف ماهيب مثل نفوسها
قلنا لحادي العيس عيسك لو طلع منها غبار= ما توصل الناس المحيله ما لقوه عسوسها
[/poem]


القصيدة كاملة هنا

حادي العيس

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هم التعب ما عانق[ المستريحين ]= أهل التودد والكسل والميانه
صرنا نعاني من قضية فلسطين =في قصة الرشوة وسوء البطانه
واللي ما عنده واسطه حظه الشين= يفتح عليه من المقادير خآنه
واللي ما يقدر يدهن السير ويلين=ما أحدٍ بواقف فالمواقف عشانه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري وش أسميك يا ثَمْرة التوت = لو أن توت الأرض ماهوب مثلك..!
أنتي عَمْر حبك مساحات وابيوت = وقلوب ناس بالغلا تلتفت لك ..!

[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ليلة السبت ماني فاقدٍ حاجه = غير أنطبآع الغلا اللي في شراييني
اللي على شانه الرجلين سجاجه = من حر واهج غلاه اللي معنيني
( أدوج لو كآن ما رجلي بدواجه ) = (وعديت في مرقبٍ والليل ممسيني )
أرفع بها الصوت له وأتعمد أزعاجه =وأقول ما قالوا أعيال السلاطيني
أن قالها الله عزيز الجاه , نتواجه = في موقفٍ ما تعانقه الشياطيني
راعي ثمانٍ تلاعج كنها الباجه = لا شفتها يا عرب تخلف موازيني
عليه عوج الضلوع الحدب منعاجه = وعلى ملامس يدينه حفيت أيديني
[/poem]