|
|
. . صباحك .. الجرح و الا الحزن يا احساسي ! و انا احسب ان الالم .. ما عاد له جيه وشلون يقسى ؟ و قلبه ماهو بـ [ قاسي ] من وين جاب القساوه ؟ ( نعنبو حيه ) . . |
. . على جرحي تمون ولا يمون الا انت في جرحي ! عسى [ فدوة عيونك ].. طعنةٍ حنت خناجرها يعقد موقفي شرحك .. يعقد موقفك شرحي ! انا ما عاد أكررها . . . . و لكن ! لا تكررها . . |
. . ما دام إنه .. تميز عن سواه .. ولا يقارن به ، سوى غيمة سماء والا من الجوري كذا باقه ! يا قلبي .. لا تلومه لو يلومك و إستلم ذنبه ، هذا اللي .. مرهف احساسه يزين راقي اخلاقه تمسك فـ [ أخر آمال المحبة ] لا تهاون به ، و هو ما شح عن قاعك .. بـ [ رعاده و براقه ] . . |
الموقف ! اللي صار بعده تأكدت ! إني .. ( احبك موت ) ، و إنك .. زعوله |
انا سهرت الليل ، بحثاً عن [ نعاس ] عيني حزينه .. بس ما تذرف دموع ( وجود محبوبي ) .. لـ الافراح مقياس و ( غياب محبوبي ) .. لـ الاحزان مشروع |
أقفيت ما كلمت .. و أنا احترمتك ! على الاقل .. عندك بودار شجاعه حقك علي .. ان جيت حولي عزمتك و إشره علي .. ان قلت : وش هالقطاعه ؟ |
أحلامي .. اللي كل ما نمت .. صحّت ! اشواق قلبي .. والمحبه .. مداها ان جاد فيها الحظ والناس شحّت ! بـ [ وصالها ] ماني بـ ناشد وراها ؟ الجادل اللي لا اقبلت .. ما تنحّت الا هموماً .. مبتلش في غثاها من الدلع ! لو هبت النود كحّت وانا من ادنى شيء .. خايف علاها ! |
:
: طلال الجميلي مطر مشاعرك يأتي بـ (( ديمه )) .. لاتجرح الارض .. لكنها تروي عطشها .. ترطب وجهها الجاف .. هكذا هي حروفك .. ممطرة على مدار (( السنه )) .. لذل فـ (( ربيع )) حروفك .. لايشويه (( صيف )) المقبلين .. ولايعريه (( خريف )) المدبرين .. ولايجمده (( شتاء )) المحاديدين .. ولهذا لا تستغرب عندما تكون (( أطلالك )) .. (( مناخ )) لكل باحث عن نزهة شعرية .. تحمل الخضرة والماء .. والطرح الحسن .. في أطلالك (( فصول )) السعة الشعرية .. التي يتسع لتنوعها أفاق الجمال الشاعري .. !! :sniper57: |
العراب / الاستاذ / الاديب / اخي الكبير ! [ عبدالرحمن حمد العتيبي ] انت وجودك في اي متصفح له نكهة استثنائية ، يعلم الله ان اطرائك و كلامك .. مصدر فخر و اعتزاز لي ! شكراً لك على كرم حضورك :) |
. . سلامتك .. من كل حاجة تضرك ، و سلامتي .. من غيبة اللي عشقته ! يمرني اكثر من اللي .. يمرك ، باب الحزن يفتح وانا ما طرقته ! حالي .. لو اني بـ أوصفه ، ما يسرك دمي من التفكير .. شفني .. حرقته ! . . |
لو فـ [ الامل ] ، ما ينهك الشخص مآشي ! الى الأمل .. لا يمكن .. اطيح .. دونه |
يا صاحبي .. خل السوالف على جنب ! انا كفو و انت كفو .. و انتهينا ! اللي يدور ذنب ، بـ يعيّن الذنب ! يا كثر ما نخطي .. ولو ما درينا |
تعال اسولف لك بعد غبت ، وش صار ؟ والا ! خلاص انسى وانا انسى .. [mark=#0a0000] فديتك [/mark] |
الغايب .. اللي غيابه (MIX ) من كل حاجه .. تضايقني ! ليته على البعد يضرب ( x ) ولا عاد ينوي .. يفارقني ! |
. . ما هي كذا .. يا عسى يومي قبل يومك ! الا كذا .. يا عسى يومي .. قبل حزنك الله حسيبي على من سبب .. همومك ! وأحرمني من المطر .. و الخير في مزنك . . |
. . شفت الزعل ؟ منك انت بالذات ما اقواه ! ابدأ اهوجس بك .. و انادي .. و احاتي عند .. الزعل .. تصبح حياتي.. [ معاناه ] ممكن تحاول ! ما تصعّب حياتي . . |
. . انا ما احب اللي ، ما غير .. يتشكّى ! يجيب له سوالفاً .. عيب / تنقال ! لو حط له .. مجلس و مركى و تكّى ! يبقى كذا .. ( رجال ما هوب رجال ) . . |
. . يا غاليه .. لا ! فديتك مدي يدينك ! البعد ما يحتمل .. لا عاد تطرينه ، انا فدا عينك و هاتي حزن عينك ! و خلي لها الشوق ، عنها لا تردينه ، ليا رضيتي .. يزين الكون من زينك ! و ليا زعلتي .. يصير الكون يا شينه ، . . |
هذا الصباح .. آخر صباحات .. هـ العام ! وانا صباحاتي .. بـ [ جرحي ] تمادت جلست اراجع .. وش تحقق من احلام ؟ لقيت غير احلامي .. احلام زادت ! |
. . اللي كتبته فيك .. [ كلمه قديمه ] في كل مره .. تنكتب بك .. تجدد ! كلمة .. ( احبك ) تعطي الكون قيمه ، جميع الاشياء .. تبتدي .. بـ التودد ! انتي عظيمه .. و المحبه عظيمه ! ما زلت ارددها .. وانا ما أتردد . . |
|
[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
يوم صغت السؤال و عاد نفس السؤال=قلت : وشلونها ؟ و اوحيت .. وشلونها ! بين هم الشكوك .. و قسوة الاحتمال=كل حيرة تغني لي .. من لحونها ! فاقد اغلى هدايا الوقت .. قد لي ليال=الوفا من وراها .. و الغلا دونها طمنيني عليها .. يا هبوب الشمال=خلي الفاتنه .. يرتاح مفتونها [/poem] |
| جميع الأوقات بتوقيت GMT +3. الساعة الآن 08:32 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية