مير العصا اللي في يدي عصايه
والوسم وسمي والجمال أجمالي اقـودهــا واسوقـها .. واغنيّ واللـــه يجملـّها مـــع الجمـــّالي أرضى بنقــد الناقـــد المتمـرس الواعــي اللــي ماعليه اشكالي الاخ الشاعر / سداح قصايدك تدل على موهبة متدفقه لله درك أنت شاعر بمعنى الكلمه صح لسانك وتقبل تقديري |
اخي / محمد الكرشمي
بارك الله فيك ولا عدمتك اخوك / سداح |
أخي .. مطلق العتيبي
شكرا لتفضلك ولا عليك زود لاهنت وصح بدنك لك اصدق التحايا ، سداح |
الشاعر .... سداح .
السلام عليكم
اسعد الله وقتك ياشاعر ياكبير .. وصح لسااانك والله لايهينك على هالعصمااااااء .. غنيّــت من هجسن طرا في بالي هجســن ليــا غنيّت له غــّنا لي لا فــرّ دولابي .. وهزّ اشواقي جريّت صوتي فـ الطويل العالي مـن تحــت رجلي يوم تاطا واطي ومن فوق راسي غترتي واعقالي وفي عظم مخي شاشه وطباعه وبين الضلوع الحدب حاسب آلي شاعر وسط في مركزي متوسط حالي على قدّي واقــّدي حالي ما اقول انا راع الحصان السابق لاشك مع عج الرمك .. خيـّـالي ومثايلــي .. ماهيـب دايــم جزله وان جيت امثــّـلها كثيـــر أمثالي مير العصا اللي في يدي عصايه والوسم وسمي والجمال أجمالي اقـودهــا واسوقـها .. واغنيّ واللـــه يجملـّها مـــع الجمـــّالي أرضى بنقــد الناقـــد المتمـرس الواعــي اللــي ماعليه اشكالي واصدّ عــن هــرج الهبيل الحاقد اللي يصـب المــــرّ فوق الحالي ! أنا سمعــت أعن الزمـــان الأوّل وأنا تحـديـّــت الزمــــان التالي لي لابــه وعــزوه وربـع وديره ماني مـــع جرد الفيافي جالي تاريخ ثابت والعـرب تدري به يوم الهلالي .. يحتميه أهلالي أرد عــن خالي سـوالف عميّ وأرد عــن عميّ سوالف خالي والطيب أحبـّــه واحترم جلابه وادورّه بـ جنيــــه ولا ريالي وعلى سلومي ما تضيع علومي ووصاة ابويه شلتها لـ عيالي والناس خلق اجناس لكن يبقى اللي عليــه العلـم .. راس المالي من سبنيّ من شان قولن قلته السانه اللي يفرده وش قالي ؟ أمّـا رضـيت بـ حقــــّه ومعداله ولا عليــــه الحقّ .. والمعدالي ماهـــوب مفنيني ولا محييني لا قام يركز ســاقه ويبرالي أمرن طبيعي لو تغار الحرمه مير البلا من غيرة الرجــّـالي ؟ تموّا على كسب الجميله تموّا ماعــاد تنفـــع حيلة المحتالي الله يكثـــرّ خيركـــــم ويديمه فازوا بـ الأولى محتمين التالي استغفر الله يـــوم اعدّ ذنوبي واضيق لا ضاق الحبيب الغالي بيني وبين الحب وقفة خاطر خلاني اعد الهجـــوس الحالي يا اللــي وردت الجمـّه المردمـّه راحت حبالك تلتوي فـ احبالي صدّرت عنها والخواطر طابت اللــّه .. ولا دلون تطقّ الجالي بيض الله وجهك ..... قصيده جزله وفارعة مايطولها الا شاعرها صح لسااانك ياسداح ... أرد عــن خالي سـوالف عميّ وأرد عــن عميّ سوالف خالي لله درك على هالابداع والفلسفه الشعريه في هالبيت .. دمت مكسباً لهذه المرقاب .. تحياتي .. |
سداح
صح لسانك شاعر كبير لا تحتاج الى أي إشادة فيكفيك ما تعرضه من قصائد0 صح لسانك وصح لسانك وصح لسانك 000000 |
البرفسور ناصر
يابرفسور الشعر ماهيب معقوله .. تكسر براويزها وتقطّع اصورها
لاعدمتك ودينك ثقيل يا ناصر |
سداح
لاهنت الله يعطيك العافيه على هالصوت الرائع عبدالله العتيبي 0البــــــــــــــادي0 |
الأخت / ديمة الشووق
صح بدنك ولاهنتي شكرا لتفضلك سداح |
تسلم يا الشاعر الغالي / خالد الذيابي
والهيلا فيها دواهي مانيب انا ولا عشر مني حولهم زبّن حظك :) الله لا يخليني منك يا خالد وشرفتني ولا عليك زود أخوك / سداح |
هلا وغلا سلطان
اخي الشاعر .. سلطان
ملاحظاتك غاليه ومرورك شرف لي صح بدنك ولا عليك زود يا شاعر أخوك / سداح |
سداااااح
سجل اعجاابي بهذا الابداااع والشموخ والتميز لله درك ايه النقي دام شموخك وعزك وصح لسااانك ملايين ....شاعر وافي وقصيده وافيه تحياااتي لك اخوك نااايف بن عيفااان |
الاخ والشاعر الرائع / فراج الكرشمي
شكرا من الروح للروح ولا عليك زود يا مبدع شهادتك مصدر اعتزاز والله وعساك ذخر أخوك / سداح |
مرحبا والله يابوفرج
الشاعر العزيز / عوض فرج
لاهنت ولاعليك زود سلامي الخاص أخوك / سداح |
أخونا العزيز الغائب الحاضر ... شفق
الله يطول عمرك ولا يهينك كلامك يسعدني ويشرفني ولا عليك زود ياشفق تبقى ذخر أخوك / سداح |
المبدع دائما والدكتور كما اطلق النفيعي هاذا اللقب عليك وانت تستاهله
عزيزي سداح دررر وكلام وفلسفه خاصه تميزك عن غيرك لله درك ولا اريد ان اعيد كل مره كلامي المتكرر فيك وانت في غنا عنه دمت لنا يالشاعر المبدع تقبل تحياتي اخوك حازم الروووقي |
شاعري المتجلي :سداح
تتقزف الحروف امام هذه الفاتنه من اي معينٍ تنهل ايها المبدع يعطيك العافيه |
اخي العزيز .. فالح بن راشد آل حثلان
عسا عمرك طويل ولا عليك زود شرفتني واسعدتني يابوراشد أخوك / سداح |
الفذ سداح....صح لساااانك اولا...
ثانيا....لكل من يشكك او يغير فقط...ارسل له هذا البيت... أرد عــن خالي سـوالف عميّ وأرد عــن عميّ سوالف خالي !!!!!!!!!! تستحق هذا الاحتفاء والتقدير من الجميع...وتبقى احد الرموز التي نفاخر بتواجدها هنا....كيف لا انت الصاروخ...والدكتور... شكرا لهذه الجزالة والاصالة... والف شكر لهذا الدرس المجاني... اخوك معيض |
سدااح
صح الله لسانك ولاهنت ابدعت ياشااعر اختك نوووض |
الرائع سداح
ونعم ياسداح قصيده رائعه من شاعر رائع مبدع ياسداح لله درك يالجزل والله مدري وش اقول لكن صح لسانك |
اخي اللدود / مشعل عبدالله
الرهيب والعجيب والله انت :) تحياتي وشكري لك وصح بدنك يا الغالي سداح |
الغالي الغالي الغالي
ناصر تراحيب شكرا والف شكرا ولا عليك زود يا ناصر دائما تشرفني والله أخوك / سداح |
| جميع الأوقات بتوقيت GMT +3. الساعة الآن 05:57 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية