المشاركة الأصلية كتبت بواسطة مشعان البراق
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهواجس تشعف القلب مع وقت الـزوال=وإن ضوا ليلي بقلبـي تشـب ضويّهـا
مع غروب الشمس تشرد بتفكيري لحـال=كنهـا تبحـث لمعنـي وانـا معنيـّهـا
وقعها مذهل يفـوق الحقيقـة والخيـال=لو بغيت اجحـد ضررهـا قويـاً كيّهـا
فالضماير جرحها جرح سيلٍ عقب سال=منه غربـيّ المدينـة وصـل شرقيّهـا[/POEM]
ااااااااااااااااالله ..
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما أذكر إلا حنت البـل وهوبـال العيـال=فوق قامـت عيلمٍ مـا تكـف دليّهـا
من صلاة الفجر عمال لين أقفى الظـلال=والضوامي فوقهـا مـا بطـل مسنيّهـا
مير أنا شاعر وشعري ليا جالـه مجـال=أختلج فاقصـى ضلوعـي ورى محنيّهـا
القحت به بكرة الفكـر مـن بعـد الحيـال=وأنجبـت غيـداً تباهـا بزيـن حليّهـا
فارسة لأحلام شاعـر يحـب الاعتـزال=كان مرضى ساحة الشعر وأشعل ضيّهـا[/POEM]
الا مرضي ونص .. :)
[POEM="font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بس ما يطفي همومي وأجي مرتاح بـال=وأقبر أموات الهواجيس وأطـرد حيّهـا
لين أسج الرجل وادوج مع بيض العبـال=في مشاهـي هجمةٍ يهتنـي طرقيّهـا
جل ذودٍ يشرح البال ويغيـظ الرجـال=منه ناسٍ لـو تبسـم يبـوس شفيّهـا
مارث الأسلاف يوم الرصاص اله اشتعال=والأصايـل عزلـت مـن ورا مركيّهـا
أوله وإلا تواليـه مـن خشـم الريـال=شرهة الأسـوام مـا ينلحـق مشريّهـا
زينها وإن روحـت كـن ياكلهـا وكـال=تستخف عـن البسيطـة ويكثـر غيّهـا
كن فيها جفال لو كان مـا فيهـا جفـال=ليـن تركـب كلبوهـا علـى ركبيـّهـا
بكرةٍ فيها تشوق النظر في كـل حـال=بالغـلا بلـوى عظيمـة وانـا مبليّهـا
خشمها أرثم وأمها الطافحة صفرا الشمال=فاطرٍ فالصفر شوده مـا يوجـد زيّهـا
راسهـا طافـح تقـول يتطـلّـع للهلال=فاهقٍ فاعلـى حجبهـا مـرودم نيّهـا
وإن نهمها راعي الذود والمشوار طـال=فوق مردفة القصيصـة تـرص لحيّهـا
ساعةٍ معهـا تنسيـك غربـال الليـال=كل مـا داجـت ديـارٍ تهـول خليّهـا[/POEM]
ياسلام ..
ياسلام ..
ياسلام ..
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]رغبتي وإلا قناعة ضميـري راس مـال=اتقـرب جيـّد القـوم واتـرك سيـّهـا
واتعامل مع هل الطيب وافيـن الخصـال=وآخذ أريا طيب النـاس وأتـرك عيّهـا
شرهتي ما تسند إلا على روس الرجـال=مالتفت لوجيـه بـرق العبـي وعبيّهـا
وأتكيّف وأشرب الكيف من صفر الـدلال=وأمتثل للشجـرة اللـي طويلٍ فيّهـا
ما يفوز اللي عن الدين وأهل الدين مـال=والسعـادة نفـس مـن نالهـا وهنيّهـا[/POEM]
محيّا السلات ..
هلا وغلا والله يحييك ..
وعزالله انك صافحتنا بـ قصيده من خير ماقيل ..
صح لسانك × صح لسانك ..
قصيده تكتب بـ ماء الذهب .. وسجل اعجابي الشديد ومتابعتي المستمره ..
كل الود ..
:)
|