لاهنت ياغالب
طال عمرك ، ، الوهد / الأرض المنخفضه يقال إلها أرضٍ وهده يعني منخفضه :) وفي الشمال يقولون للعفش أي الزهاب ( وهد ) هــ علموني وش هو (( الخلال )) |
صدقت ياحكيم الراي :)
بس انا عارفٍ نحا المشوطي ! وتراكم ماجاوبتوا زين :( أنا ادري انها من اسماء الابل ، بس وش معنى الهجرعه ؟ طيب يامحيميد ، وان وديتنا يم الهرجعه ؟! اسمع الخلال :- هو الاداه التي يتم بواسطتها خيط الذرى في البيت ( بيت الشعر ) وعادةً ماتكون مصنوعه من الحديد ويكون احد اطرافها حاداً والآخر معكوف .! اوحي بيت مدري شطر يرددونه الناس اللي يقول : الخال خلّ الله عيونه بشوكه !!! ابا انشدكم عن كلمه قديمه شوي .. ( الدزلته ) :) |
والله مدري عن الدزلته
مير نشدت واحد وقال لي حفرة مضرب النجم ها وش تقول انت ؟ |
اسمع ياعبدربي
والعلم عند الله ، المهرجعات هي أصوات الإبل يعني اللي تصدر صوت الحنين والحنين من أحد أصوات الإبل مثل الرغا والهجال والإرزام ...والهدير للجمل ... الشاهد إنها ذات الصوت القوي الحزين لفقد ولدها وإلا ولايفها أو راعيها <<< مايفصل teeth: وبالنسبه (( للدزلته )) هاذي طال عمرك والسامعين حفره وسط الصخور أو الصفا أو في الأرض الصلبه وتسمى بالمجمع أو المخزن لأن الماء دائم فيها يعني قاعها صفاه ويستمر الماء فيها مدّه معينه على حسب كثرّه الماء ، ويمكن يردون منها العرب ويمكن يسبحون فيها الرعيان و و و << معلمك مايفصل teeth: |
:) مساكم الله بالخير يالربع .. وحياكم الله من خالد الحصين .. لين محمد مشوط ..:)>>حلو الاختصار ذا :) بصراحه اعجبني تفاعلكم لا خليت لا منكم ولامن تفاعلكم .. لكن .. بودي .. ماتروحون عن الموضوع .. الكلمه ومعناها .. والبيت لا تنسونه .. وانا. بودي يكون البيت لعضو مرقابي .. وانا عندي اعتزاز بشعراء المرقاب .. واعتقد ان اعضاء المرقاب ..لاكايدهم لا عرف معنى كلمه .. ولا سوات بيت .. والظاهر لوبطلب قصيده ماهم مقصرين ماهو بيت .. والا انا غلطان ياللحوات الغانمه ..كما انه لا مانع من الدردشه اللي تخدم الموضوع .. بس اهم شي اللي نبيه يكون موجود .. الله الله :) تحيتي للجميع .. :) |
:)
مقتطفات تخدم الموضوع من بعض الردود ..:) واللون الاحمر لتوضيح .. اقتباس:
:) اقتباس:
اقتباس:
اقتباس:
اقتباس:
اقتباس:
ولاصحاب المشاركات المقتبسه ..مني اجل تحيه .. :) |
http://www.montada.mergab.com/image.php?
^ ^ ياااااوااااد إنتا يابتاع التعقيبات ! ياخوي شارك معنا والا خلانا ماضوعك :( <- فرقني منتك . طيّب وان وصلنا ؟ |
8
8 8 :) طيب يابوعتيق..تامر امر .. وترى حنا وصلنا عند .. الشاذليه .. :) |
السلام عليكم
كلمة (فهر) وهي الحصاة التي بحجم قبضة اليد أو أكبر قليلا كلمة معروفة خصوصا عند اهل نجد، الذي اكتشفته انها لها أصل في اللغة العربية الفصحى حيث يقول الشاعر الجاهلي: يللائم وجه الأرض منه إذا جرى ـــ بأفهار صخر ركبت في نوى القشب وأفهار جمع فهر كذلك كلمة يضبح كلمة يطلقها العوام خصوصاً في نجد على صوت الثعلب، ولها أصل في الفصيح حيث يقول الشاعر: سباريت يخلو سمع مجتاز خرقها ـ من الصوت إلا من (ضبيح) الثعالب وإلى اللقاء |
^
^ طيب الكلمه اللي تبانا نجيب معناها وانها ؟؟ -> عبدربه و هو ما يدري :) |
حلو حلو
ما شاء الله موضوع جميل وشيّق فرصتي دام محد حط كلمه بحط انا اممممممم والله فكرت وما لقيت الا هالكلمه ((( ذرنوح))) :) |
الذرنوح نوع من انواع الحشرات الربيعيه السامه ويستخدمونها بتجفيفها وطحنها ويطلون فيها الابل المصابه بالجرب
وكلمتي ( تخرثع ) سهله بس عشان امشي الدور :) |
تخرثع ، يمكن بمعنى ارتبك في مشيته أو طاح 00 أو شيء من هالقبيل 00 طيب بسرعة يا نوض طالما إنك على الخط ، وش معنى الرفه ؟ |
الرفه اتوقع انها جزء من بيت الشعر
واتوقع انه الي يجلسون فيه النسوان مدري مدري :) طيب مدامنا برمضان بنجيب طاري الاكل واسأل شنو (الشعثا) :) |
[align=center]:)
نوض لا توهقينا حنا نعرف معناتها بس شنو المطلوب نقوول المقادير يعني <<< شكله معصب :) الشعثا الله يسلمك تمر مع دهن مع إقط او بقل كلن وتسميته :) اكمل ولا خلاص وصل المعنى <<<<<<< ما يصلح يكون مدرس :) ترياق سهله مير نبي نوضحها لان لها كذا معنى واحد صح والثاني أصح منه :)[/align] |
*********
الترياق : هو علاج اللدغ وهو مركب من السم ويأتي بمعنى الخمر مير انا ابعطيكم ( مفردات )اهل الشمال نبدا بأشهر كلمه : (الخمـيعه) |
الخميعه والله مدري ويشهي
واتوقع انها اكله بر والا خبز نشدت احدن من اهل الشمال يقول مدري نايف |
*******
والله انك صوبتها هي فت ( خبز مع سمن ) تناوش الأخرى : شنهو ( القمقم ) ***** |
اقتباس:
الرفه لو تطبها الحرمة كسروا رجلها ، فتنبهي لذلك! شكرا لك 0[/align] |
السلام عليكم ورحمة الله وبركاته
وش تعني .. لتيحة و كصم ؟ ابو نايف |
هالكلمات لا ينفع فيهم قوقل ولا الياهو:m5:
وان رحت اسئل احد عن الكلمه طالعني وهز راسه:a16: بس تراني متابعه اذا عرفت شي مابسكت بقوول |
[align=center]شوف يا بو نايف 00
الكصم والله ما عرف بن حلال 000 واللتيحة أعرفها معرفة وجه لكن مشكلتي ما عرف أعبر عن معرفتي لها <<< حوسة هي من مشتقات الالبان بطريقة بدائية وبس![/align] |
| جميع الأوقات بتوقيت GMT +3. الساعة الآن 12:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية