..





[align=center]



راسي ليا شاش .. ما هوّدته شويّه = وإن كبرت السالفه ؟ ربـّي يسنـّـعها

يقرصني الداب .. أو تنهشني الحيّة ؟ = ( ما اقول ربّي خلق نفس ٍ وضيّعها )

البارحه . بين سوء الظن .. والنـيّه = كــَر الهوى .. جمرة أشواقي .! وولّـعها

والشعر من ربـّـنا .. وهبـة إلـهـيّـة = ماهي من النـاس .. تعطيهـا .. وتمنعـها

يا أجمل مثل .. للمحبّه والرومانسيّه = يا اقرب من النـفـس .. يا أغلى مطامعها

ترى الهوى سم .. للناس الهواويّه = يسلّها .. لين يضعِـفها .. ويقطعهـا .!

وانا معك .. والمعذرب لا رحـِـم حيـّـه = إن عـذربـتـك العـرب .؟ مانيـب سامعـها [/align]
..

[align=center]

احـب واحـد .. والعـواذل ثـلاثـيـن = اللـه يعـافـيهـم ولا يـبـتـليـنـي

ملّـيت أدرّجـها ..وانا خـاطري شيـن = أضغـط على جرحي .. وأكـبّـل حنـينـي

وتعـبـت من طـرد الهـوى والمحبــّين = أبـنـتـظر .. واللـي يـبـيـني .؟ يـجيـني[/align]



..

[align=center]فـصـيـح [/align]


[align=center]
لـو لا الهـَوى مـَاتَ الفـُـؤادَ غـريـبُ = والشـوقُ يأتـي سـاعة ً ويغيـبُ

الهـمُ والحِـزنُ القديـمُ وضـيقتـي = للـكُـل منـهم في الفـؤادِ نصـيبُ

أبصـَرتُ في الهجـِر شيـئاً . كنتُ أجهلهُ = مـا لـمجاريـح الفُـراقِ .. طبيـبُ

أحتاجُ للحـلم القـديم .. لأنــّني = إن لـم أعـِش في الحـلم ؟ مِـتُ غريـبُ[/align]




..

[align=center]

لا تلمس الجرح بإيـدك .. عاد جـرحي طري = وأنـا أحسب إن جرحـي إمن العام الاول .. بـرا

أهدرت دمّي .. وانا ممـا جرا لك .. بري = إليـا متى .. وأنـت ماتـدري .. وكـل ٍ درا

يا كبر همّي .. ويا حزني .. وطول سهـري = وش كثـر .. ليلي .! على درب الاماني .. سـرا[/align]

..

[align=center]
لو استحي منـْـك .. مانتب مستحـي منّـي = الخوّة اللـي كـذا .؟ ماللـه بحاليهـا[/align]

..

[align=center]

الله اكبر .. كَن مالي على الدنيا صحيب = ولّ يا بورة الأصاحيب .. ما اشين دلّـها
لا بلاك الله .. بـ ( خوّة ) رديـيـن النصيب = وكـِثرت الوجعات ؟ شـد الرحـال . وخلّها
[/align]


..

[align=center]
يا محمّد ذي رسالة .. خصوصيّه = خلّها ويّـاك . وإن جيته .؟ إقراها

السـوالف . بين خوصه .. وجنبيّه = والجروح الكايده .. وشهو دواهـا ؟

الزمن هذا زمان الحراميّة = الرجال ابواكهـا .؟ تحشـم الحاها

والغنى يا اهـل النفوس .. الغناويّه = لو يعّـز النفس .؟ ما يكسب رضاها[/align]


..

[align=center]
اتعبني الذنب .. لين اغرتني التوبه = عاد انت .. وشلون اتوبك يا اجمل ذنوبي ؟ [/align]

..

[align=center]عيدكم مبارك :)[/align]


[align=center]
تروح وتغيب وانت اللي على بالي = حتى ولو ما أتصل .. ولا آخذ أخبارك


لو خوّن الوقت .. تبقى الصاحب الغالي = كل عام وانته بخير .. وعيدك مبارك[/align]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا بو فهد والبيض ما تشبه السود = الطيب ؟ ما تسفي عليه السوافي
ترى البنآدم .. من خلق يعشق الزود = والكايده .؟. تصعب على كل هافي
إن وافقـَت ؟ فـ الجود من منبع الجود = وإن عوكست ؟ ترى الدعاوي عوافي
تبقى رجل طيّب .. ونشمي .. ومحمود = لو إنــْـك . ما وجبت لي . فـ أنت وافي
جيت إلك . لا ضايق ولانيب محدود = سنافي ويطلب غرض .. من سنافي[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رحت عني .. وأخذت القلب واقفيت = لو تكرّمت .. ردّه في مكانه
ما اقدر انسى غرامك .. وإن تناسيت ؟ = ما بقى قلب .! يغريني حنانه
يوم اغنّي حزن .. واركّب البيت = كان ماهو عشانك ؟ مَن عشانه[/poem]

.


/

.


\




للرفع والاستمتاع . ،

وارجع يا ابو مناحي نبي جديدك . .




اخوك

سعد