المشاركة الأصلية كتبت بواسطة بدر العتيبي (المشاركة 785319)

السلام عليكم ورحمة الله وبركاته


،

،

،


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يـ اللي زهابك طار مع هبـّـت الريح = روّحت مع يدها على أدنات حاجه
دامك تعرف أنك ليا قمت بـ تطيح = إن قمت تـِـحسب من حساب السماجه
وإن كان عندك فعل لا تقعد تصيح = لا تلجني ماني بـ ناقص لجاجه
حراج أبن قاسم صياح ونوابيح = وش لي بـ أبن قاسم ودوخة حراجه
هم قلطوك وذقت طعم المفاطيح = وألا أنت تستسور جناح الدجاجه
الطيب لأهل الطيب من غير تلميح = ونجد العذيّه ما حكمها خواجه
الطحطحه مخلوقتن للطحاطيح = والدرب سيده روح لين أنتواجه
الزحزحه قـَـسم الرجال الزحازيح = جتهم كذا من غير نوح وخلاجه
وعج الرمك ما فيه فركة مسابيح = فركت خشوم وضرب سيف ومواجه
العام تضحك من ونين المجاريح = واليوم جرحك منت لاقي علاجه
والحين عانك لقمةٍ لـ المشافيح = عج عج بك الوقت وغديت بـ عجاجه[/poem]