(طلاسم)


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا واثقه لاشك بزعل علـى الكيبـورد=لأنـه إلـى منّـي بغيتـه يطاوعنـي
ولأنه هو اللي يَعْرفْ القصد والمقصود=أبيه ايتمهّـل قبـل مالنـاس توجعنـي
وْعندي ثقه بالنفس واكتب بدون..اقيود=لاشك العجاج الشين شكلـه يرَوّعْنـي
وعندي حساسيه وصدري عليه حْـدود=ومْنْ الأتربه دكتوري الخاص يمنعنـي
يقول احذري التيار واغباره المقـرود=وبَطيعه..لعل..اظروف وقتي تسانعنـي
أحب الحذر والغيب في حكمة المعبـود=واخاف أتحدى الوقت والوقت يصرعني
نسيم الهوى لاهب والروض فيه ورود=شذاها مع النسناس يشفـي ويُمْتِعنـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
رااعي الربابـه لاجـزاك الله..ابخيـر=في (المختلف)..جريت عذب... اللحوني
وش جابني لك!!غير صدفـة مقاديـر=جنيت ....منها حر... دمـع العيونـي
والقلب الَقْشَر يخفق الشوق..من غيـر=والْحقْـت عالباقـي وزادت..احزونـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله صباااح الخير..ولا صباحـك=مع الفجر..يا ذالحمامه.. تنوحين!!
وأنا على الريحه وقلبي..انياحـك=أثّر عليه وتلّ..بعـض الشراييـن
روحي عسى ماعاااد يرجع مراحك=حزّت منامي..لاعها نوحك الشين [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دموعي هِي سِلاحي ماسْتطعْتُ=وهذا كلما هُوَ ف/اسْتطاعـي
فَوَ اللهِ لقـد سالَـتْ بِحُرقَـه=ومزّقَ جائِرَ الظلـم شِراعـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل(ن) له.. اظْروفه وانا لي.. اظْروفي=والناس ماتدري عن النـاس ياسعـود
أمَسّح..ادموعـي براحـة ..اكفوفـي=واصبر ولا..كنّي على الأرض..موجود
والمشكله!! شعري كسر جسر خوفـي=يطلع ولو حطوا..له.. اشْروط ..وحْدُود [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاتقول إنّك على الفرقـى سعيد=ءولاتقول إنْكْ.. اْمتَهَنِي بالغيـاب
اشتريتك مثلمـا تشـرى العبيـد=وامْتَلَكْتك مثـل مملـوك الرقـاب
أسحرك ببيات شعـري بالوريـد=وادبل الجرعـه إذا زاد العتـاب
لين تستسلم وانا أفعل مـا أُريـد=والخطأ يصبح بعينـك كالصـواب
وإن غرقت ابّحر شعري كن شهيد=يرحمك ربي ولا يْجِيـك العـذاب
لاتـحـاول لاتـعـذر مايفـيـد=ماتنازل لو توصلني .... السحاب
والكلام اللي مضى واللـي جديـد=ادفنه ياصاحبي تحت ...التـراب [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألا..ياقصيدي خلّني وانت دوووم..أصحاب=وتصبّر علي وانكـان يالشعـر جافيتـك
تفتّح عليّ..أبواب وافتح عليـك أبـواب=وعطيتك مفاتيـح الضمايـر... أوّلّيتـك
وترى العين ماتحلى..بلى صفّة الاهـداب=وترى الوقـت مايحلـى... إذا ماتغنّيتـك
هجوسي وقلبي والمشاعر..معك تنسـاب=وتذوب الحروف إلى اشتهى القلب قافيتك
رجيتك توسّع خاطري..دون شرح أسباب=وكلٍ يفسّر...وانـت يالشعـر.. ناهيتـك
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليـل سامرنـي علـى هجعـة النـاس=قالوا..عليك..تْثيـر بـعـض المـواجـع
وأنا أعْشقكْ ياليـل... والقلـب حسـاس=أعْشَقْ سكـون الليـل... وألكـل هاجـع
وعلى النجوم أشكي.. وافضفض بالارماس=لاشك ماجاني صـدى الصـوت.. راجـع [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماجت على الرغبه ولاجت على الكيف=من وين أجيهـا عـوج ماطاوعتنـي
وان جا الشتا..قال الفرج موسم الصيف=ولاجا الوعد قـال الظروف..امنعتنـي
عاجز عن الحيلـه ولالـه تصاريـف=وأنـا تدابـيـر اللـيـال أقنعتـنـي
ياشينهـا لاصـار جيّـت تخاطـيـف=لاصــار بالتقسـيـط مامتعـتـنـي
ياحيـف يابعـض المقاديـر ياحيـف=أصبر وهـي فـي خاطري موجعتنـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا يالنجووم الساهره..ليـش ماتمسيـن=عليك الله أمسي..علّهـا تغفي..اعيونـي
عطيتك..اعلومي وش بعد عقبها تبغيـن=وشكيت..وبكيت...آهاات قلبي ومكنونـي
أسولف معك وانتي..على الصمت ماتحكين=هدوءك..ولمعك ف/السما هيّض..اشجوني [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غنّي علي ياحمامه وارفعي صوتك=ترى هديلك يثير القلب ويـزوده
أنتي عليك الغنا..وأنا علي قوتك=وشعرٍ جديدٍ عليه الختم والجـوده [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لـي حبيـبٍ كلمـا حنـا اجتمعنـا=ساقني له صادق الشوق..ءوسرابي
ليت محبوبي ونـور العيـن معنـا=ياعذابـي مـن فرااقه..ياعـذابـي
كم طمعنـا ياحبيبـي كـم طمعنـا=وارتفعنـا ليـن ساوينـا السحابـي
وخير..وش تالي طموحك وش نفعنا؟=تشكي الفرقى وانا مثلـك مصابـي
من عنـا الأيـام ياروحي..شبعنـا=وتاليتهـا كلنـا تـحـت التـرابـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمانه..يالنجوم اللي معايه تسهرين الليـل=أبي سهره لذيذه..تبعد الهوجاس والضيقـه
أبي سهرة شعر..كفو السهر والليل والتعليل=على نور القمر..والا ظلام الليـل ماطيقـه
أمانه..خاطري يشهد علي ربي مكدّر حيـل=تعالي سامريني..ودّي ابسهـره وترويقـه
أمانه..سامريني والله ان العب وازيد الكيل=واخلّي من حكى يحكي..يعلّه مابلع ريقـه
وُبَعَدْها..باتسنن واذكر الله واكْثر التهليـل=يَغَفْر..اذنوب من يقرأ..حْروفه كل ذوّيقـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نسيم الصباح الجو رايق وانا مشتـاق=وعلى نسمتك بكتب لي أبيات واهديهـا
أبكتب حْروفٍ مابعد صاغها العشـاق=على أوراق وردٍ الشـذى زايـدٍ فيهـا
واسجل لك العنوان واحذر على الاوراق=نسيم الصباح أرجوك فالحـال وديهـا [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إنكااان..تحْسبني إلـى غبت..أبمـووت=والله ما..أمووت مْن الغلا قبـل يومـي
صحيح..قلت اسمك على القلب منحووت=وسلطان روحي في مقامـي ونومـي
لاشـك لاتلعـب بالاعصااب..بيـلـوت=واحـذر حركـاات الردَى..والرخومـي
والله لاشوتك..من سما خافقي شـووت=واوطى على قلبـي واقوّي..اعزومـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياطير وين..اترووح ؟عطني دوره=بالله تكرم.. واهدنـي جنحانـك
وتعال شرّف..غرفتي الْمَستـوره=شف نافذتها..مْقابلـه بستانـك
وأنا باحلّـق فالفضا..مسـروره=وارووح لاوطانٍ مهيب أوطانـك
يامـا قعدّت..أطالعك..مقهـوره=وانْتَهْ..تغنّي فوق لين أغصانـك
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليـالـي علمتني..ليتـهـا ماعلمتـنـي=ليتني مازلت طفله..واجْهَل عْلـوم الليالـي
ليتني مازلت طفله..لعبتي من فـوق متنـي=والعب في ذيك المزارع..قلبي مْنْ الهم خالي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حرام(ن)علي ماذاقت النوم عينـي ليـن=تبيّن شعاع الصبح واشرق علـي نـوره
غزاني ابليس وحسّة(ن)جات من غاليـن=سطت في ضميري كنّهـا حـدّ ساطـوره
واجاهد شموخ النفس واضحك مع السالين=وانا مالي الا الصبر لـو كنـت مقهـوره [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أسري على الحس والتفكير يسريبي=والليل الاسود يروح الحس مـارده
والجاهل اللي علي يرسل مناديبـي=مايدري إني مبي مزحـه ولاجـده [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودي وودي ياكثـر مـاودي=واخاف ودي لايبيّـح سـدي
أخاف لا اغنّي واجيب الخافي=تكفين شدّي عالقلم يايـدّي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت العيون اللي تكسَّـر هدبهـا=ترتاح لامن دمعها هـلّ صافيـه
والنفس ليت الشعر يطفـي لهبهـا=وابدع جزيل القاف واسهر واغنيه
ومشاعري لامن تهيّـج شغبهـا=ليت القلم بعض المكاتيب يخفيـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وجودي على فكة عنـان القلـم ياسعـود=تراني لبـدع القـاف ياسعـود مضطـره
سقى السيل شعري وازهرن الحروف ورود=وطاب الكرى واصبحت ياسعـود مستـرّه
ترى الشاعر اللي يكتب الشعر دون قْيـود=على كيفـه المـوال لامـن بغـى جـرّه
ماهوب اللي الحراس عند الحروف اجنود=على الباب غير اللي مشت تتبـع الجـرّه [/poem]