المشاركة الأصلية كتبت بواسطة مشعان البراق

,

اليـا اقبلـت ................... اجـه
واليا أدبـرت .................. اجهـاا

:) + :)


ابو مشوط :-
انتبه انتبه انتبه من الهوى لا يجرفك معه وتروح ماعاد ندري عنك ..
قصيده عنوانها اثارني ومضمونها غزلي بحت .. :) ابدعت وامتعت كثر من مروا من عند هذيك الزجاجه ,

ودي وتقديري ,

المشاركة الأصلية كتبت بواسطة تركي الحربي

اليـا اقبلـت ................... اجـه
واليا أدبـرت .................. اجهـاا



الله البيت هذا ازين بيت بالقصيده;) ;) ;)



صح السانك


لاهنت

المشاركة الأصلية كتبت بواسطة مضحي السميري

محمد بكتشف اللي فالنقط وعود



((4))

المشاركة الأصلية كتبت بواسطة محمد مشوط

متواضعه
/
\
/
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما عاد لي فـ / الغرام الأوّلي حاجه= دام المتاعب تقفتّني بوارجهاا
ما كنّي ألا مريضٍ ينعت علاجه= وأمسى بناسٍ تنعّت من يعالجهاا
وألا كما معلمٍ تصفق به أمواجه = أمواج يمٍّ خطيراتٍ تموّجهاا
لا العين تهنئ لذيذ النوم سوهاجه= وسط الحشا جمرةٍ زايد توجّجهاا
قلبي جذبه الغرام و فلّل أبراجه= واسترسلت به شعورٍ في ملايجهاا
أحيا هشيم الضلوع بسح ثجاجه= قاعٍ وقوت ومسيلٍ قام يرهجهاا
من باب تغيير واقعنا ومنهاجه= زود الفضول احتوتني في مناهجهاا
وألا مبالاه في ناتجه وانتاجه= العمر محدود والمكتوب ينسجهاا
اما ملكنا زمام الحظ وإسراجه= وألا غدينا وضيعنا مخارجهاا
برق الحيا ناض لي بعيون وهاجه= ياداعي الشوق عنك الناس واسهجهاا
غروٍ سباني نهار العيد بغناجه= سبي الصعاليك لامن ضاقت فججهاا
تقبل وتقفي على فرشه وديباجه= ما كنها الا نهار الكون مارجهاا
تحررت من قيود الظلم واحراجه= واستبشرت خير يوم الخير مدرجهاا
فلقة قمر تجّهر العشاق لعاجه= والموت لا سلهمت وارخت مداعجهاا
عكّش الهدب صدت القومان بـ / أفواجه= تشّهر حداد الاسنّه فوق معرجهاا
وأمن الخطر لا بَرقَْت إلـ / مقوس احجاجه= ضمّر مطايا بعيد الدار مدلجهاا
والجمرتينه كما نيران قرطاجه= ساعة هجوم العداء من شان تولجهاا
الزين كله حواها والبست تاجه= وزودٍ علاه الحلى بالجسم دامجهاا
اليا اقبلت ................... اجه= واليا أدبرت .................. اجهاا
مافاد شيخة بنات الغيد مكياجه= لو اسرفت في تفننها وتمكيجهاا
البون شاسع مابين الماس والصاجه= وإن دار دولابها وابدت عجايجهاا
صدفتها مع نفير اقوام حجّاجه= في صالةٍ كلها بالخلق مدججهاا
بيني وبينه ثلاث امتار وزجاجه= وازريت لا اجي لها حتى واهرجهاا
ما غير نظرات للعشاق بواجه= من خوف عذالها ترقب وتحرجهاا
حتى وصل تيم رحلتها بـ ميراجه= سلاح جوٍٍٍ لحضرتها يمرّجهاا
استيسرتني وزاد القلب بخلاجه= بين الرجاوي نحرت امال تسرجهاا
اثر طموحي تجاوز حد معراجه= من غير ما أشعر طوى الخفاق منهجهاا
عوّدت والفال معواده على ادراجه= فايد جروحٍ صعيباتٍ مباهجهاا
( يالله يا اللي عليك الضيق وإفراجه)= خفف عنا المهتوي كثرت هوايجهاا
أموت ضامي وزان عدود هداجه= ولا اعيش لحظة غرامٍ مع خوارجهاا[/poem]
/
\
وسلامتكم ،،،

المشاركة الأصلية كتبت بواسطة محمد صالح العتيبي

المشاركة الأصلية كتبت بواسطة عيسى الشاطري

محمد

صح السانك وعتلى شانك

قصيده رائعه

تقديري

المشاركة الأصلية كتبت بواسطة فايز ابورجيله الثبيتي

الله الله الله


يامحمد لله درك


والقافيه تدل على عضلات شعرية


لله درك


وبيض الله وجهك


اخوووووووووووووك

المشاركة الأصلية كتبت بواسطة هادي اليامي

محمد مشوط
صح السااااانك مدد
واافيه من وااافي
سلمت ودمت
اخوك

المشاركة الأصلية كتبت بواسطة عناد النفيعي

محمد بن مشوط ,

ماعليك من كلام مرزوق الروقي ,

وأنت يابومشوط جبت الحل الصائب في بيت يختصر عليك المسافات كلها

أمـوت ضامـي وزان عـدود هـداجـه
ولا اعيش لحظة غـرامٍ مـع خوارجهـاا


ابد هذا هو الموت اللي يعتبر حياه , عليك به عليك به عليك به :)

صح لسانك مدد

وسلامي عليكـ .,

المشاركة الأصلية كتبت بواسطة محمد المغيبي

محمد مشوط
ابدااااااااااع متكامل الجوانب وقصيدة وافيه وكافية
عاطفية من الدرجة الاولى وترتقي الى الغزل العفيف
والحقيقة انها قصيدة تستحق المتابعة والاهتمام
لما يوجد بها من معنى للشعر الحقيقي
تقبل تحياتي

المشاركة الأصلية كتبت بواسطة ياسر العتيبي

المشاركة الأصلية كتبت بواسطة ضيف الله الغنامي

ابو مشوط
صح لسانك


وبين عليك من بيئه شعريه


بس النقط وشنهي هاه



صح لسانك مره اخرى يابو مشوط

المشاركة الأصلية كتبت بواسطة عدنان مرضي

0

اليـا اقبلـت ................... اجـه
واليا أدبـرت .................. اجهـاا

يالغالي تفك الشفره على الخاص والا 0000 ؟؟؟؟؟


صح لسانك على هالغزليه الكايفه والرايقه والرائعه


تمكن وابداع واجاده رغما عن القافيه


اثرك خطير وقلبك خضر يالشقردي


لاتنسى على الخاص


0