خطاك سو الظـروف .. وماتشوفيـن شـر
تخفيف ذنب .. ومعافى حال ..وأجر.. وطهور
الحّ وادعي وحزنـي فـي الضلـوع انتشـر
وأوجد ورى كل ضلع وضلـع نقطـة عبـور
حتى لو انـك نسيتـي مبـدأ .. انـي بشـر
ناهيـك عمّـا يمثلّـه الغـلا فـي الصـدور
مهما اختلفنـا بربـع العشـر .. ولاّ العشـر
هـذا مايعطيـك حـق تهمشيّـن الشعـور



شكرا لهذه الذائقه يابندر


وشكرا لصاحب الابيات


عناد النفيعي

استوى الليل عندي والصباح
وكل ضدً مع الضد استـوى
وانتهى الحلم بالقتل المبـاح
في شريعة محاربة الهـوى
يوم قفت مسابقـت الريـاح
بالاحبة ...ضوالي ماضـوى
من هموم المفارق والجراح
وكل ذيبً من الفرقى عـوا



منتااااااااااازه منتاااااازه

شكرا عفاس

على طايرة رحلة تشيّم حجزت اوكيه
عسى تالي الرحله يعوض عن اولها
على شان ابو زيد المناقيد مايمديـه
يبيها لكن يبطي عضـم مايحصلهـا
وعلى كلمتن تلحقني النقد ما قول ايه
وناسن تبا فيها مجامـل ماجملهـا
ياشين الخطا لاجاك من واحدِ تغليـه
ماتدري عليـه تـرد والا تحملهـا


ناصر المرشدي :)

هـو قلبـي اللـي بكـى ولا عيونـي بكـت !!
والله مــدري .. !! ولـكـن مــا تمنيتـهـا


صديـت خايـف أبيّـن ضعـف نفـسٍ شـكـت
وتطيح .. !! من بعـد مـا هـي ذايـعٍ صيتهـا


سكت .. !! وقلبي يسولف بالوجـع مـا سكـت
يعنـي كـذا .. بيّنـت مـن راس منشيتهـا !!


الضيقـه اللـي علـى صـدري وقلبـي ركـت
جتنـي هـي البارحـه مـدري أنــا جيتـهـا


لا شفت يا صاحبـي نفسـي مـن الهـم شكـت
لـد النظـر وسـوّ نفـسـك مــا توحيتـهـا


ولا تنقـد الدمعـه اللـي فـوق خـدي حـكـت
قطره .. !! ووسط البحر ... من ضيق صبيتها !!




لمشاري البرازي

سوّيت بي ..مثل كيتا في دفاع الهلال
بهذلتني ..وانا ماني حمـل للبهذلـه

للنصراوي ابن بتلاء

^
^
فالح انت وين جيتني ؟؟ >> جايك يزمّها من المواهب :)

..

عمي دخيلك ماعاد اقدر نفذ صبري ** الي ثلاثين عـام وكنـي الهامـل
وعيال خلق الله الي حولي وكبري ** الي معه ورع والي حرمته حامـل


ماجد النصيف

أنا إلى الآن ما حبيت !!
.......................مدري متى احب يا قلبي



لا حب قلبك يا ثاني علمنا

:)

:
:

معروض شكوى لـ (( بندر )) ..
بندر من ؟؟ الله أعلم .. !!
مكتوب في مربع توقيع المرقابي العاشق .. (( نواف نايف )) :

ياويل حالي على المجمول يابندر
ــــــــ اللي ملك خافقي وأحرق معاليقـه
والله لو انك تذوق الحب مايقدر
ــــــــ يرتاح قلبك من اللوعات والضيقه
أمر مضا من ولي العرش ومقدر
ــــــــ أعيش حلمٍ بعيني صعب تحقيقـه
وجدي عليها ودمع العين لاحـدر
ــــــــ فتّق جروح الضمير وحل تمزيقه

ههههههههههههههههههههههه
أبوووووك يـ (( العشق )) .. !!


:)

خطاك سو الظـروف .. وماتشوفيـن شـر
تخفيف ذنب .. ومعافى حال ..وأجر.. وطهور
الحّ وادعي وحزنـي فـي الضلـوع انتشـر
وأوجد ورى كل ضلع وضلـع نقطـة عبـور
حتى لو انـك نسيتـي مبـدأ .. انـي بشـر
ناهيـك عمّـا يمثلّـه الغـلا فـي الصـدور
مهما اختلفنـا بربـع العشـر .. ولاّ العشـر
هـذا مايعطيـك حـق تهمشيّـن الشعـور !


لـ السلطان \ عناد النفيعي

يامسوّيٍ للخافـق اخـلاء
ماغيرك احدٍ يقـدر يجيـه
قصّرت معك فبعض الاشياء
لكـنّ قلبـي لـك مخليـه
فداك من قافه الـى البـاء
وان كان ما ياسعك ما ابيه
وبتشوفني من ضمن الاحياء
مادمت باقي ساكـن فيـه
احتاجه ايه ,,, ترجّعـه لاء
ندمان لا ,, ميّت عليك ايـه


لـ الغامدي \ عبداللطيف :)

نـزجّ بالبشـرى لكـل المحبـيّـن
فعل ٍ عليه من الخلايـق شهـودي
اليوم تم بعون مـن شـرّع الديـن
إطلاق نجم ٍ في سمـاه أمحسـودي
قناه شعريّه علـى المنهـج الزيـن
والنايلسـات يمّدهـا بالجـهـودي
عشره .. وسبعميه وسبعه وخمسين
رقم التـردد ف المـدار العمـودي
البـث تجريبـي بحكـم القوانـيـن
والمقبـلات الكـل منهـن يـزودي
ماعاد يا المرقـاب نبغـا براهيـن
مشهود لك رغم ٍ عن أنف الجحودي
تاريخك المحصور في خمسة سنين
يزخر بشي ٍ عنـد غيـرك يكـودي
من منتدى فـارق بكـل الموازيـن
لمجلة ٍ مـن جـود ربـيّ تجـودي
وزود ٍ على اصدارت بعض الدواوين
جات القنـاه اللـي بليـاّ حـدودي
والإسم واحد في جميـع المياديـن
مرقاب والمرقاب ضلعـه سنـودي
مسعاك يا حبيبّ على الراس والعين
عسى فداك اللـي يصـرّ النقـودي
مير الله الله ف إختيـار المضاميـن
تكاتفـوا لعيـون ورث الـجـدودي

للدكتور سداح

فضلاً وليس امراً نبيها موضوع مستقل

شفتك .. ولا آظنّ تدري شفتك شلون
وجهك خذا من خياناتـك .. ملامـح
راحت علاقة هوانا .. طبّ وطعـون
ما غير تخطي . وانا ماغير اسامح .!

للمبدع / ناصر مناحي

..

يا قوّ وقع هالتوقيع في نفس كل مسلم
والله يجعلنا من البارين بوالديهم ..


توقع على عودك علامك تتـل العـود
ترى مافعلـت اليـوم تلقـاه قدامـك

تجهد بمايرضيه وابذل لـه المجهـود
ليـا راح واقفـا مايفيـدك تنـدامـك

تذكر جميله فيك يـوم الليالـي سـود
يشيلك على الكفين ويحقـق احلامـك

كبيرٍ كبر سنه ومنـه الجهـد مفقـود
علامـك تتلـه تـل لاطالـت ايامـك

علامك تحرمه لـذة البـر يامقـرود
ليا من تشـره قـام يكثـر تضيامـك

خسارة على الوالد بعد جيت له مولود
يبي منك خير وصار كنه من اخصامك

غدر بك بليس ومكسبك مكسب المنقود
وعن اللي ذكره الله تمادت بك اوهامك

ولو طولت دنياك جاء للشباب حـدود
تخسر النشاط وتنس الكبـر بعظامـك

عيالك تهاون بك وتلقا السلف مردود
وعن قدرة الممشا تثنا بـك اقدامـك

لو انك مثل ذيب ابن شالح مقر الجود
تجملت واللي يعرف العلـم مالامـك


للشاعر الكبير / حسين بن ضيف الله الدوسري

..

يقول عبدربه :

أنا تسيف أسوي ياعرب وأترك المرقاب./.يالين أخلص من حاجةٍ جت على بالي
تبا تسمحون أقول ؟ وألاّ مشيت غياب ./. تراني مصمّل صدق ماهو يورّالي !


واقول

عسى اللي على بالك تهيّا لها الأسباب ./. وتخلص على أطيب حال يا الطيبّ الغالي
لكنّك على ماقيل .. لا تقفل الأبــواب ./. ولا تقطـع الصحبه مع الحاسب الآلي !!


...

http://www.moveed.com/data/media/109/Fridge.jpg

مهموم وأعصابه من الوقت مشتـدّه
من حرّ قلبه .. دخل كلّـه بثلاجـه

ملصّـق ٍ علبة الببسـي علـى خـدّه
يفوح صدره لهيـب ونـار وهّاجـه

يقول عنده سبب لا رحم أبـو جـدّه
وأقول فسقان .. ما عنده ولا حاجه !

:)

للدكتور / ســـداح
..

صواديف الزمان اللي تنوش القلـب نـوب و نـوب
أعاني من قساها .. لكن إنـي فـي القسـا راسـي
اخاف أفرّح الشامت علي .. لو أكشـف المحجـوب
و يضحك بي ضعيفٍ .. للهروج المحـق عساسـي
سلام الله على العارض طويق .. الثابت .. المنصوب
يذكّرني .. بشدة باسـي .. اللـي ساسهـا ساسـي


محمد آلـ عبدان

المسرّي يقول

ثار السلاح ونفّر الصيد
والجو تالي الوقت غاشي
(ليا امتلى حشو ومفاريد)
يفدى الجمل 90 حاشـي
ومقيدين الشعـر بالقيـد
بين الهوامش والحواشي
اخترت عنهم نازح البيد
أخيـل بـرّاق المناشـي
حتى ولوّ اهاجـر بعيـد
عمار يـا دار النجاشـي

وانا اقول رغم كل شي ,,,

ممنوع الغياب يامجنون :)