المشاركة الأصلية كتبت بواسطة حاتم البراك (المشاركة 873604)

السلام عليكم
اقبلوها مع شديد اعتذاري



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مع فجوج الفكر سجيت واطلقت الخيال=ماقهرته لين زرت السّما ونجومها
راح يجنح من جنوب السنين اليا الشمال=نوب امجّد ذكرياتي ونوب الومها
لين خليت الروابع تحت روح وتعال=في مزاد البال واحدّها واسومها
كل جرحٍ جال في خاطري جاله مجال=والجروح اقل تفكير يجرح صومها
يابنات الفكر لو شيّبت روس العيال=لحية الشايب من الشيب وش مقسومها
حلّ وقت الحِلّ والحول بالترحال حال=وارتخى متن الليالي لحمل همومها
المسا لاطق باب السما والظل مال=يسلب من الحرّ حريّته في حومها
والزمن ليلٍ بلا نور ودروبٍ طوال=المتاهه بين وديانها ورجومها
ينسرق عمر الفتى في درق سمر الليال=بين الم قسوة سهرها ولذّة نومها
ياهوى نفسي وقوفك على الاطلال طال=وش عرفت اليوم من مرمسات رسومها
لاتراودك الحسايف ويغريك الجمال=حرّمت كل المراضع على مفطومها
ماتشوف الشمس تشرق وسعى للزّوال=سنّةٍ فيها تجلّت عِبر قيّومها
انفتح باب التكاليف والهمّ الجلال =وانكفت ليلة رخى الحال واقفى يومها
مايعيش العمر كلّه ثني غير الغزال=والسباع تقودها للمشيب عزومها[/poem]