فكررررررره طيبه بالحيل
يعطيكم العافيه جميع والله ان والواحد يحتار في قصايد المبدع مبارك آل خليفه يا موعد العشاق ما فـات الحظـور عرفـت لحظاتـك وجيـت بحينهـا حتى دفعني صادق احساس الشعـور والذاهبه ضاعت ولا ادري وينها ؟؟ لقيتها !! لا شك به بعـض الامـور تخّـرب الفرحـه علـى راجينـهـا لقيتهـا والزيـن يـزداد ويـفـور وتوزعـه بيسـارهـا ويمينـهـا ولقيت لـي طابـور يلتـف ويـدور وحجيت لي حجه ولا اعـرف دينهـا مسكت دور وطافنـي عشريـن دور كلـه علـى شـان اتمقـل زينهـا ومرت وهي تمشي وفالممشى غرور وشحّت علي حتـى بنظـرة عينهـا وما سمعتني حرف ؟ لو بين السطور ولا اشـرت لـو بالغلـط بايدينهـا الله يسامحها .. على هـذا الفتـور اما عبارات الغضـب .. يـا شينهـا تخطي واسامحها ولو بان القصـور ويبقى الغلا من بيني ومـن بينهـا وان جاتني بفرش لها الدنيا زهـور ونسكـن بيـوتٍ للغـلا بانينـهـا وان دبرت فالعمر كلـه فـي دبـور لو طالـت الدعـوى علـى تانينهـا اخطيت في الالحان من حب الظهـور واصعب مراحـل الاغنيـه تلحينهـا وان جيت اطوفهـا فلانـي بمعـذور رسـالـةٍ كتـابـهـا قاريـنـهـا وتبيّـن اللـي كاتمينـه فالصـدور يا زينهـا فـي وقتهـا يـا زينهـا احبها من قلب واحسـاس وشعـور لاشك نفسي مـا استطيـع اهينهـا اختااااااااااااااااااار سعد الجميعي الف ,, شكر |
الحقيقه فكره ذكيه
وموضوع يجعلنا نقراء ونستمتع الابداع من خلال الشعر والاذواق شكراً دارين . هذي لـ الشاعر / سعد الجميعي [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] توعدني الايام بالشين والزين = وانا معاف النفس في شين الايام وياهيه كان ان القسى غيّب اللين = انا تراني من طويلين الانسام حسبي على اللي قطع القلب نصفين = ماكنها الا هدة الطير سطام سوى بقلبي معركه مثل حطين = الظالم اللي بالقسى مثل صدام حملني الاحزان من عام تسعين = مستغربٍ ياجسم شالتك الاقدام الله خلق كل الاوادم من الطين = والمفلح اللي فيهم اختار الاسلام ماهو طرب والله ياقافية ايّن = وانتي كذلك عاد ياقفلتي آآم بس المهم اللي ابى اقوله الحين = الناس فرحانه على فعل الاجرام ماهمهم شيٍ حصل في فلسطين = ولاهمهم طفلٍ وقف لحظة اعدام ابوه ميت من يهودي ومسكين = امه بكت لين البكا صابه الآم هل هو تخاذل او بعدنا عن الدين = تبي الصحيح الناس تبني فالاوهام الحين لونه فتح قبل يومين = بنكٍ تعادوا كثروا فيه الاسهام صاروا على جمع الدراهم مجانين = ماهمهم لو انها حقت ايتام بعض العرب وقته سهر للملاعين = محصور فكره في جديدات الافلام وبعض العرب مشغول باله على امرين = اكله وشربه حتى لوكان منضام وبعض العرب والله مايدري لوين = يسرح ويضوي واي لحظه يبي نام وبعض العرب يسهر ولا غمضت عين = اسير حبٍ صارله عشرة اعوام انا ادري انك يا المقادير تدرين = ان البشر ماهمها غير الاحلام قصايدي ماقلتها قبل عشرين = عفوا انا ما اقول من غير المام ياسنين لو انك لهمي تراعين = ما ارسلتي الاشهر ولا جات الايام[/poem] الطلب بأسم :/ مطلق بن شويه ، :) |
الله
ما اجمل هذا التجاوب .. وهذه الإختيارات .. وهذا الإبداع .. كل الشكر لمن كان هنا من بين كنوز مطلق بن شويه [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الصدر ممحل غرام .. ومرتوي صدّه=والعين غصن السهر فيها ثنى عوده لولاي رجل ٍ محد وايق على سدّه=فضحني الشوق في باسه ومجهوده !! أدلّه البال بين الضيق والشدّه=الوقت دوّار .. والأعمار محدوده لو كل واحد يجي ودّه على ودّه=ماطال صبر العقيم لشوف مولوده !! راعي القناعه ليا من الزمن حدّه=يرضى بحظ ٍ ذخر جوده وماجوده يابيض الأحلام لاتمسين مسودّه !!=بشايرك في نواصي الخير معقوده حي الله اللي عليه القلب من مدّه=كنّه سحاب ٍ يمد يديه للسوده أبطى وحس الضلوع يقول لابدّه=رجله على الدرب !! وعيونه على العوده إيّ بالله أقبل جفول الريم من قدّه=يشيل روض الجمال بكامل وروده كنّه بيجزم ولْه !! وأنا على حدّه=وأغضيت شوفي يمين شوي .. ياكوده .. .. إليا تمثنى قفص صدري ولا ردّه=ما ياخذ القلب في رمحين من سوده !! اللي قلوب أكثر العشّاق في يدّه=تسعى لغاياته .. وتطّمح لمقصوده لو كان ماهيب ورث ابوه عن جدّه=لكنّها كسب حجانه وعنقوده !! سلمته الروح وأغليته على البدّه=يرعا مفالي حشاي .. ويارد عدوده من كثر ما أتوق له وأغليه وأودّه=تنقص مقامات بعض الناس من زوده عليه الأشواق .. محترّه ومبردّه=ويلي على نفحة النسناس من نوده ما والله أقسى على العاشق من الصدّه=الا أن كبده بحد الموس مقدوده لكنّه العشق لامن زاد عن حدّه=ياكثر ماياخذ !! وياقل مردوده أن حطّك براسه .. ونواك من جدّه=مايحترم نفسه !! ولايمسك حدوده فيه التناقض وجمع الضد مع ضدّه !!=حاجات معدومه .. وحاجات موجوده الله عطا (السوده) اللي ماعطا (جدّه)=والله عطا (جدّه) اللي ماعطا (السوده)[/poem] * * اختار مستور الذويبي |
يازين الزين يازين الزين
ابو شاهر يقول : [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بورصه ..ودولارات ..وأسهم ..واكتتاب=وأنا بحالي لاكتبت ..ولاأكتتبت! صفقات وهميّه يسيل إلها اللعاب =ماتسمع ألاّ كم خسرت؟وكم كسبت؟ لعبه تدورأحداثها خلف الضباب=لازم تجيد اللعب لامنّك لعبت ! أغراني الموضوع ..قلت :أفتح حساب=لكن لما بعده (صراحه)ماحسبت ! قام يتفّتح للطمع مليووون باب =وأنا مع أوّل باب قابلني ذهبت .. لقيت لي عالم من خيوط السراب=أحسّها تبعد ليامني قربت ! كانت طموحاتي معدّيها السحاب =وفكري بلحظه جاوز الغيم وشربت.. ..صافيه لكنّي حدث لي إنقلاب!= وسألت نفسي بعدها بم أصبت؟! لقيتني محتار في رد الجواب= وأنا ليازارتني الحيره ..كتبت .. يالله أناطالبك في حسن الثواب= مالي سوى وجهك ولاغيرك طلبت طالبك تلهمني إلى الدرب الصواب =وسمانها مادام لاصعبها ركبت ياكثرماواجهت بالدنيا صعاب!=وياكثرماني كنت مغلوب ..وغلبت ! وياكثرمامريت بوجيه الصحاب=وياكثرماني من علاقتهم تعبت ! والوقت لوماطاب يوم ..بيوم طاب= لاتسأله لوطاب يوم ..شلون طبت؟ خذّ طيّبه مادمت في عزّ الشباب= ماانته بماخذ طيّبه لن كان شبت! وأعلم ..بأنّ المال دربٌ للخراب =لو في عيونك لاجمل ابراجه نصبت ! شف كيف لاجله حثّت الناس الركاب=وشف كيف لاجله ..كم سلبت؟وكم نهبت؟! شف كيف لاجله تنثني عوج الرقاب=وشف كيف لاجله كم صدقت؟وكم كذبت؟ شف كيف غبنافيه لين الحب غاب =الله ياذاالمال ..منّا كم سلبت ؟! سلبتنا حتى عبارات العتاب= شف ماأكثرالاصحاب غااابو..ماعتبت[/poem] شوف لنا شي من المبدعه الغايبه نوووووووض |
تواصل جميل
تقول نوض [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اللـه ياكبر العتب ولاّ الوله يامكبره=اموت من جرح الهوى واعيش في جو الصراع جبرت راسي ولاّ انا قلبي يبي من يجبره=اعالج القلب المولع لين مت امن الصداع حتى ان صبري فاض في قلبي ومليت اصبره=حاولت اداوي بالهوى قلبي بقدر المستطاع مايوجع القلب العليل الا أن علمٍ ٍ يسبره=ومايجرح القلب الخلى الا ليا صار الوداع بحر الغلا ماعاد ليّه حيل احاول واعبره=حتى تحطم مركبي بالبحر وانفل الشراع ويوم انتهى حب ٍ ٍ مضى تاليه راح المقبره=مات الغلا والحب والاصرار والتفكير ضاع لو للغلا منبر وقفت امن الوله في منبره=وقفت ميقاف القوي .. واعلنت اصرار الشجاع ولو للمحبه درب ابمشي فيه دايم واشبره=وابقطع الدرب الشقي وآخذ معه مليون باع المشكله بإنه عرف حبه وقدره يخبره=عنده خبر باني احبه واعشقه حتى النخاع[/poem] * * اختار فلاح آل مخلص |
اخت دارين فكره اكثر من رائعه نشكرك عليها
فلاح آل مخلص يقول:- البروق تلوح في عرض النصوب ويتقفاهـا مـن القبلـه رعــد والمطر من غرة المزنه صبـوب من شبح في صنعته قـام وقعـد كنـه الغفـران والارض الذنـوب وكن الارض تقول له تكفى بعـد رحمة الله من شمال ومن جنـوب من تهيـت لـه فيبشـر بالسعـد ومن تلبس من ثياب الكبر ثـوب لا تفاخـر بـه نـزل والا صعـد يحسب انه من سوايـاه محبـوب مادرى انه من هل الطيـب ابتعـد علموه ان العسل من بطن نـوب وان قرصه اصغير النوب ارتعـد لو تشب النـار وتهـب الهبـوب كل حر نـادر جـاء فـي الوعـد الصدوق يبين والخايـن كـذوب والنـوايـب بينتـهـم ياسـعـد وانت من ضمن المطاليق محسوب مستعـد فـي النوايـب مستعـد ترثة اللي قام والصايـح طنـوب وانثنى وانـا وهـو جـد وعـد الكفـو شـرواك يالنـادر ينـوب والردي لـو عـد غيـره مايعـد طيب نبي للمبدع / مشعان البراق :) |
هذا حبيب الشعوب ( أبا موحاربٌ ) :) + ;)
وأنت ياللي اسمك ياسر مانيب مخلّيك فيها :( <- أحمد ربك يوم العرب ينشدون عنك ! : [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] قدام لا أعلمْك لمحّت لك من - الى = وآثر الاشاره لمثلك ماهي بكافيه 0 الاوله روّحت فيها البلا والجلا = فيها البلا والجلا والعله الخافيه 0 والثانيه قبل لا اشهرها مابين الملا = تحمّد الله وهوّد وابلع العافيه 0 ماهيب دايم عوافي ياقليل الحلا = قدام .. لا النار تحرق رجلك الحافيه 0 اليوم ماعاد في دعواك ( بس و ولا ) = ومجاملات ٍ كذيا ماهي بشافيه 0 لو قلت لك ياهلا .. ماهيب لحية هلا = كم من هلا وافيه مدري ماهي وافيه 0 تبا تعدا النجوم .. ولا انت يمّ العلا =ايه ( الله الله ) على هالوزن والقافيه 0 ان غاض صدرك وفاض وبالعلوم امتلا = لاتحسب ان السماء دايم وهي صافيه 0 لكن لاياكلك ذيب الخلا فالخلا = الستر طيّب وعان ثيابه الضافيه 0 رسالة ٍ لك لحالك .. لا !! ومعك ازملا = ياللي مسوّين فيها شلة المافيه 0 اشوّاكم الملتمس واطيبكم المبتلا = علومكم فالنجوم .. وناركم طافيه[/poem] فيه شعر أصيل يصدر من واحدٍ اسمه / محمد الدهيمي :) ولاعلاكم أمر نبا نمخمخ على وحده لبوعايض .. .. |
هاذي للمبدع مناحي
وأحبها :) [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] سمح الله وجه ساير وقتنا ما خلا =غير كثر الوجد والنقاده البطليّه كل ما قلنا فجيج الجور عنا ولا=جاتنا وزعه ركوب ووزعةٍ رجليه جيشها كسبه ذهوب وسيفها منسلا=وضربها ضربة نشيط ولاهي بهزليه ضامري منها عليل وخاطري منعلا=يالله اني زابنك من هدت العليّه تلعب الشرهات في صدري ولا واا تلا=عرق معلوقي تليل الدلو من تاليّه والسبب ماهوب عايل لاحشى لا كلا=هرجة العايل تحت ماطا حذاء رجليه السبب هرج الصحيب اللي منول ضلا=لين جاب الكلمه اللي فالقفا نقليه لو سمعته كان قلنا ناصحٍ ويدلا=من رداته عند عدواني صفطها ليّه حشة العرقوب يا قرقور فوق الزلا=.من حضيضك انته وسامعك والزوليه هش تستاهل واقول الا بعدها ..الا=يالقلوب الباليه في ذمتي مبليه مالكم فالحكي شات فلان والا جلا=منتم بويا القصيد ولانتم بحوليه امرحوا لن حارت الفيه بحيد الظلا=وعرضوا لن هب من شرقه ومن قبليه سالفتكم عندكم تبقا ويبقا الغلا= دايم السفلي هواه الهرجه السفليه والنظر ماهو لكم ..للي بيده الحلا=من يميز فالتجاريه وفـ الاصليه ولا يذم الرجل الا واحدٍ مختلا=وانت بعد اللي حصل لا تطلب الجاليه يا قليل العرف يا كوبان يا منحلا =روح في حالك وانا بروح في حاليّه[/poem] . . على ذوق المشارك القادم عطنا للغنامي رحيــّم ،، |
وهذي للمبدع / رحيّم الغنامي
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] بينك .. و بين المطر يا كبر وجه .. الشّبه=كنه .. هطولك نهار أمطر وهلّ .. السحاب شف .. رشّه يرشّ الارض و يغسل .. الأتربه=وأنت .. إتغسلني من الأحزان .. و الإكتئاب أظنّ .. مانيب مخطي يوم أشبّهك .. به=حتّى .. البرد فيه من لون الثمان .. العِذاب وأكبر .. دليل إن خدّك دائماً .. يصحبه=لا لاح .. برقه و همّال السّحاب .. إستجاب هذا .. أنت وأقرب مثال ٍ حيّ .. تستوجبه=ما قلته .. أستعرض أمامك بفنّ .. الخطاب أمطرتني .. حب و أسقيت أرضي .. المجدبه=حتى .. امتلا خافقي و اخضرّ منك .. الجناب ناهيك .. عن صوتك اللي كلّ .. ما تسكبه=يصبّ .. في اذني و ياخذني معه .. بإنسياب ما قد .. سمع منك في شيّ إسمه .. الذبذبه=ألاّ .. ليا ذبت من نار المشاعر .. و ذاب يا كم .. نهمني و أنا غافل و قال .. انتبه=الحب .. في ظاهره رحمه و بطنه .. عذاب ماهوب .. عن علم بل من واقع .. التجربه=اللّي .. مضت لي معك و أصدرت فيها .. كتاب و اقول .. ما شفت أجل وش صابني .. بسببه=ما أومى .. على جارحه ما بان فيها .. الصواب مير .. أشرب الصبر فوق الجرح .. و استعذبه=لعيونك .. السود لو الصبر مرّ .. الشراب لإنّك .. اللي عيونه تصقل .. الموهبه=ولا تجد .. في صفاته كلّها .. ما يعاب خذ .. كلّ ما أملك من كنوز المشاعر .. هبه=بلا .. مقابل ولا أرجي من وراها .. ثواب إطلب .. و يفدا عيونك كلّ .. ما تطلبه=لا يمنعك .. شيّ و عيونك طلبها .. مجاب[/poem] والآن مطلوب معزوفه لحريف الابداع / ابوراكان |
للرائع عبداللطيف الغامدي
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] الهدوء اللي سببه غيابك وقل اتصالك = كان ما يملا ضلوعي وجد ما حرّك نشيدي كثر ما اتعبني ,, لو اجزع منه ماريحت بالك = كل بوحٍ من وراه يجيب وعدي في وعيدي لا اتهمتك في جفاك ولا زعلت من انشغالك = ليه الومك يا السحابه والعطش مقسوم بيدي قصدي اختم لك سواليف الهوى وارضي سوالك = يوم تنشدني عن الخوف وعلاقته بقصيدي ليه ما اكشف لك وجع قلبً تمناك وصفا لك = والمقدر والصدف والحظ ما شدت على ايدي ليتني طعت التشاؤم فيك واعطاني بدالك =كان ما احبس عبرة الماضي ويبكيني جديدي وليت لامني تذكرتك تذكرتك لحالك = ما تخيلت الظروف تروح بك وتجيب عيدي وين اودي كلمة (آحبّك) وانسيها مجالك = والله ان فكرة ضياعك تصهر القلب الحديدي كلما دوّرت للخطوه سبيل مع المسالك = امتلا شوفي متاهات وحكمني قوّ قيدي اقدر احلف بالكريم اني غلاك وراس مالك = واقدر احلف بالرّحيم اني خسرتك يارصيدي وادري اني لو تركتك ورث وانهيت احتمالك = والله ان يشتاق لك لا مرت الدنيا حفيدي جعل وقتٍ ظامني يرضيك والفرحه حلالك = لا افترقنا واعتذر دمي لفقدك من وريدي وجعلني ما اخسرك ذكرى في عتبك وفي دلالك = وانت لامنك ذكرت الحلم لاترحم بريدي[/POEM] المطلوب .. كلاش كلاش كلاش |
فكررره مجنووونه
وتفاعل الاخوااان رائع وهذه احدى درر كلاش ( راشد العتيبي ) [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لانحنى قوس الربابه حن يا صدر الربابه = انت سيد موقف المغلوب لاشاف الغليبه هات صوتك من صرير الريح وعواي الذيابه= ماوراك الاّصداك يودي الصوت ويجيبه دوب جاء للضيق وقفه في ضلوعي وانقلابه = ماتسر الاّ عدوي جعل ما سره يصيبه المنيه جت وصاله والبقيه في عذابه = الحبيب اللي على كيفه كسر خاطر حبيبه الحبيب اللي ذلوله عيني وقلبي زهابه = طاح من عيني وقلبي ما لقى من يهتني به جوده في قبضة جروحه وقضبني غيابه = والتوى ضلعي على ضلعي وشق القلب جيبه واستوى لليل ميقافي ولبسني ثيابه = و استوى للرجم مشرافي وجر عواه ذيبه حسبي الله ربي وربه على قوة مصابه = ماحسب للعاقبه من غيبته ربي حسيبه (الفرح مال الفقير وطعنته راس العِصابه = والعِصابه كل جرح يغربل الفرح وصحيبه) كيف مدري كيف لكن صارت اللي ماتجابه =عازة العين البصيره فزعة الكف العطيبه (ما تقول ام اليتيم ان قال: مامه وين بابه) = حالتي لامر بالي طيفه وقمت استجيبه ياوجودي كل ما اذكر وقفتي قدام بابه = وجد من وقف على ذكرى شبابه في مشيبه وياوجودي كل ما اذكر كلمةٍ جت من عذابه = وجد من مسّي بخير وصبّح الصبح بمصيبه كنت اشوفه شاغل احساسي وماليني صبابه = كنت اشوفه في عيوني ثامن السبع العجيبه ماطلبت الاّ رضاه ولا رضيت الاّ عتابه = مارويت الاّ ضماه ولا ضميت الاّ لهيبه يخطي اضم الخطاء من شان عينه(لاغرابه) = يخطي اقول :الخطاء ما استحمله(هي الغريبه) اقترب له (طفل غض يحركه حس الدعابه) = ويتبعّد (هرج فض يبعّده منطوق هيبه) وان صدفته كني الأمي مع استاد الكتابه = وان صدفني كنه الضابط مع افراد الكتيبه وافزع لذكره مثل لاوحيت(ربعي ياعتابه) = ويتكبر مثل (من عاب الملا ما شاف عيبه) وان تودد له بود وجاب جابه جبت جابه = غايتي ما ارد له جابه لو الجابه صعيبه قال: ودي بالسحابه بس يابعد السحابه = قلت: ما تكفي عيوني غيث وظلال وقريبه قال: ودي بالربيع اللي تعشب في ترابه = قلت: الارض اللي تخيل اقدامك تعود عشيبه قال: انا اسمع عن لبن عصفور واحتاج لشرابه = قلت:لو هي صدق جبت الك (اللبن يردف حليبه) قال:ياطيب القصيد اللي سعد جدلان جابه =قلت له: حرك هجوس كلاش وانت تشوف طيبه جيت له طيب حبيب اخلاق واحلامي تشابه = راح مارد الجزاء باحسان واحلامه مريبه كل هذا صار لي مثل السؤال بلا اجابه = الله اعلم وش نصيبي والله اعلم وش نصيبه حطني بين احتمال اعيش في ذمة عذابه = واحتمال احط عمري عند بابه والمصيبه- صدقوني ما اعشق الاّ هو (يفقدني شبابه) = ان حصل وادخلت غيره فالخفوق. (الكذب خيبه) الغلا باقي مثل ماكان لو يكتب كتابه = مايرد كتابه اني من غلاه ابقى حبيبه وان تكلم (ولد ابوه) وقال:خله وش تبى به = قلت:يالله تاخذ اللي قال خله وش تبي به[/poem] انا اطلب المجرم ( ناصر الأحمري ) |
[align=center]معكم معكم هذي لناصر الاحمري[/align]
[poem=font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"] لـيـه ميلـتـي كــذا يالخـيـزرا نـــه = كـل مـا هبـت عليـك النـود ملـتـي يـــوم ميـلـتـي وبـيـنـتـي الـلـيـانـه = تنكشـف كـل الخوافـي يـوم بنـتـي مـع ميولـك خافقـي ميـال عـا نــه = ايتـيـامـن وايتـيـاسـر مـارحـمـتـي عاشقـن حبـك وياصعـب امتحانـه = يتبعـك فـي كـل ريــع ولا سألـتـي مـا سألتـي عـنـه حطمـتـي كيـانـه = فـي عشيقـك يالبنـيـه لـيـه خنـتـي ماحسبـنـاهـا تــوصــل لـلاهـانــه = ليتنـي ماكنـت لا ليتـك مــا كنـتـي حبكـم وســط الضمـايـر ذا مكـانـه = صدري الديره وفيها انتي سكنتـي الغـلا بعطيـك صكـه مـع ضمـانـه = ضامنك لكـن علامـك مـا ضمنتـي والخفوق اعطيك ماخذ بـه رهانـه = لكن اشوفك مع اللـي جـاك شنتـي جيتـكـم عـانـي بـشــم القحـويـانـه = وليتـنـي ماجـيـت دامـنـك سفلـتـي استخـف العقـل مـن بعـد الرزانـه = كنـت عاقـل وانتـي لعقلـي سلبتـي هـو دلـع يـا صاحـبـي والا لعـانـه = والا حقدن في الضماير لي دفنتـي حــددي مـوقـفـك مـنــي بـالامـانـه = وهاتي المضمون والهرج القرنتي وباتـطـفـل بـــس سمـيـهـا مـيـانـه = منهـو اللـي شـل عقلـك وانهبلـتـي واتـسـاءل جـاوبــي يالخـيـزرانـه = ليـه لاهـبـت علـيـك الـنـود ملـتـي[/poem] اطلب قصيده لعبد ربه |
يالربع ترى التكرار ممل في كل شئ ، إلا في محكم التنزيل :)
الاسم هذا مكرر لين قال تسان اللي طلبته يامحمد، والأحمري مكرر بعد مع اني اشك أن هالقصيده لبويحيى :( <- وحده وحده والقلوب صيحاحون ! امنعونا من التكرار تفكوووون ، شعراء المرقاب كثر ماشاء الله لاقوة الا بالله ، وسوف ينتهي الموضوع ونحن لم نأتي على نصف العدد .. فيجب أن تكون الفرصه ممنوحه للجميييييييييع :) مجرّد وجهة نظر رأيت أن أبديها مع اعتذاري الشديد لأهل المحل .! سلام’ عليكم |
مشها ذا المرّه يا شيخ .. الموضوع بيستمر ان شاء الله ويشمل الجميع
وانا معك فيما قلت موضوع اكثر من رائع يا اخت دارين الله يبارك فيك وهذي احدى درر ابو عتيق [POEM="font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا منشّدني وش آخر ماطلع بـ أنتاجي=لا تنشّدني ترا فكري غرز منتوجه اقنع اقنع والقناعة كنز ما يحتاجي=لا يهقويك البحر منته بويّا موجه ما دريت إنّك لا زدت العلم .. زدت أحراجي=بس أجامل والهموم بضيقتي ممزوجة يشهد الله ما لقيت اللي يفل حجاجي=متعبٍ فكري وعنّيت القدم بالدوجة ما بغيت أزعجك لو إنّك بغيت أزعاجي=السعة زانة وربّي ما تضيق فجوجه طبعي الثابت لزوم ايثبّته منهاجي=ما تركته لو أمير الفوج يترك فوجه! قبل مدخالي لزوم أعْرف سنع مخراجي=لجل ما ألقا الحجة اللي دايماً مفلوجة مار خذ هرجٍ قراح ينومس الهرّاجي=قبل ما أبدابه وأشيّد عاليات بروجه استعنت بخالقي وأشعلت ضو سراجي=وعن مجال أهل الهوى ملزوم أفرّْ الموجة واختصرته وصط قافٍ للكبود علاجي=الكبود اللي من أحداث الزمن مرهوجة وفي ثنايا القاف لا ما دح ولا ني هاجي=يستريح الخبل .. والتاجر يصك دروجه والصراحة نور وألاّ الكذب ليلٍ داجي=والرجل تكشف عن اللي في حشاه هروجه الله الله والحقيقة صبحها ما انباجي=لفّها ثوب الظلام بحلّةٍ منسوجة حالةٍ تشكا على اللي يرتجيه الراجي=يا عرب في تالي الأيام شفنا عوجة وش فعلتوا غار كنز المال فـ الأدراجي=والغزل فـ الخفرة اللي عينها مدعوجة ما استفدتوا حرف ممّا قاله الحجّاجي=كذبة الصحّاف ما هزّت قلوب علوجه ليه الأقصى من دنس شارون ماهو .. ناجي=والرّمادي يشكي أحواله على الفلّوجة والعرب مقتول .. ومشرّد .. وأسير .. ولاجي=واقعٍ خلاّ العقول الصاحية مرجوجة صار دمّ المسلم أرخص من مرقة الماجي=كربةٍ ما أظنّها " ياعريبيا " مفروجة لو لبستوا مع ثلاث نجوم سيف وتاجي=بكره وبعده وصارت كلمةٍ ممجوجه! زال مشهاب الحسد بقلوبكم وهّاجي=والمعاصي والكباير في جميع الأوجه مار أفيقوا من سباتٍ طايلٍ منعاجي=وأخْلِصُوا لله .. وخلّونا لدينه .. نوْجِه رجّعوا ذكرى صلاح الدين والمعراجي=وابشروا بالنصْر من ربٍّ ماشئ ايحوجه غصب يهزم واحدٍ قلبه سوات الصاجي=شرط .. مايرجع ولد عمهوج .. مع عمهوجة هاذي آخر مانظمته من صميم انتاجي=يالله اجعل ما زرعته .. يثمر بمنتوجه [/POEM] وانا ودي اقرأ للمبدع سعد بن مناحي بن شفلوت |
جميل جدا لو نبتعد عن التكرار ..
فأقلام المرقاب لا تنتهي .. ومبدعيها كثر .. والآن .. نواصل استخراج الكنوز .. و لتجاوبكم الدور الأكبر .. * * يقول سعد بن مناحي بن شفلوت [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياللي تصلّون الكسـوف ولاتصلّـون الخسـوف=من ويـن جيتـوا بالدليـل اللـي يفـرّق بينهـا الواجب انكم تفرقون الموجبـات مـن الشفـوف=فـي حـزّة ٍ وافينهـا تفـرق علـى هافينـهـا المقديات اصحابهـا ماتِلحـق انفسهـا حسـوف=ياللي تبـون المقديـه وانتـوا بعـد مخطينهـا انتم زيازيم السـرَب وانتـم مقاديـم الصفـوف=وانتـم مواميـن البلـد وانتـم بعـد مفتينهـا وإليا رضيتـوا بالخطـا والاّ سمحتولـه يطـوف=مااحد ٍ عرف قـدر الحياه شهورهـا وسنينهـا أحد ٍ تحت حكم الهوى وأحد ٍ تحت حكم الضروف=والله يعيـن المستحيـن اللـي رضـوا بإثنينـهـا واللي يشوف الحـق بعيونـه وقلبـه مايشـوف=بيمـوت مـادل الـدروب يسارهـا ويمينـهـا والشعـر ياللـي تشترونـه بالميـات وبالالـوف=ليـن ابتلـش بمجنـن العالـم قبـل صاحينهـا وتعلّقت به والتعب محسـوب والجهـد مخلـوف=روس ٍ مايطحَـن حَبّهـا ولايشـاف طحينهـا والشاعر اللي يفتخر ويشـوش ويحـب الكفـوف=بعـض البيـوت الموقفـات الله عليـه يعينهـا مايبدع الاّ اللي تشيل الروس من فـوق الكتـوف=مايـدري ان قصيدتـه بعـض البيـوت يدِينهـا لاقال أنا وأنا وأنـا راعـي المزايـا والوصـوف=ياعوينهـا قـوم ٍ ماسوّينـا بـها ياعوينهـا وإليـا رجعنـا للحقايـق والوثايـق والكشـوف=ما ناجـد الاّ جُـرّة ٍ نصـف العـرب واطينهـا والشعر مااحد ٍ قد رقابه للسنـام مـن الـردوف=والشاعر اللي يفخـر بنفسـه لاعـاد يهينهـا أمـا كـلام ٍ ماتفسّـره المهبّـل والضـعـوف=ويميّـزه عـوارف ٍ ديـنـي يـوافـق دينـهـا والاّ ترى كثر النقـط ماهـي بميـزه للحـروف=يااهل حـروف ٍ لعـب كاتبهـا علـى قارينهـا وأنا استفيد من الرجال اللـي لهـا بالعـز نـوف=اللـي تورّدهـا على العـد القـراح إيدَينَهـا إن دامت عدود الروى فلا على المضميـن خـوف=وإن شحّت عدود الـروى ماصـدّروا مضمينهـا وإن عدّمت ؟ تراي ابن شفلوت شاعر ومعـروف=ألطم خشم صعيبـة المحـراف وأكحل عينهـا [/poem] * * اختار ناصر تراحيب |
هذا ابن تراحيب عاقبني حتى بالبحث عن مواضيعه :(
دوّرت رجل فكر ورجل جثه ولالقيتها ، فخترت لكم مايالي :- [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] بعض الشباب ازداد حبه للاخبار=من يوم فالتلفاز طلت بثينه لو كانت الاخبار زلزال وإعصار=وقتل ودمار وحرب ذل وغبينه إن قلت حسوا قالوا ارتاح ومجار=من شأن عين اليوم تكرم مدينه هذا هو الواقع ولو قيل ما صار=اقولها والحزن قلبي سجينه بغداد تشكي من عنا الظلم والعار=والقدس في حكم اليهود اللعينه وكشمير والشيشان في قصف وحصار=والدين من والاه ربي يعينه وشبابنا لاهي تحت غزو الافكار=ضيع تقاليده ونهجه ودينه ممتاز نمبر ون في سوبر ستار=وفالفن ونجوم العرب والرطينه عقولهم قتلت مع سبق الاصرار=واللي قتلها كلنا عارفينه يارب تقطع فالفضاء بث الاقمار=ما عاد نبغى البث زينه وشينه لإننا ما ننتفع منه مقدار=ما نأخذ الا الشوك ونكب تينه هبوا لنصر الدين يا نسل الاحرار=من شأن ما تغرق علينا السفينه أجدادنا وصلوا بعيدات الامصار=وإيمانهم بأرواحهم محتمينه علو شعار الحق في كل الاقطار=وصدق العقيده منهجٍ ناهجينه اليوم قو الدين ماضي وتذكار=متى متى يرجع زمانه وحينه اليا متى والدين في ذل وإصغار=اليا متى والدين ينزف جبينه اليا متى بغداد في حكم كفار=اليا متى والقدس تصرخ رهينه اليا متى نصبر على شرب الامرار=اليا متى نرضى الحياة المهينه اليا متى وسلاحنا شجب وإنكار=اليا متى يأهل العقول الرزينه قدامنا الجنه وصهيون للنار=بس الضمير الحي وينه ووينه يا كثر ما نقرى مقالات وأشعار=لكن قلوب الناس غُلف متينه إن كان لا همه ولا فعل مغوار=ثبت على التلفاز صورة بثينه[/poem] لازم محرّك البحث يستقبل هالمعرّف المبطي : ( سعــد بن حبشــان ) :) |
خلاص ابشر يامطوّع
وتراني والله ما دريت عن الاحمري انه مكرر لكن استلم لابن حبشان : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لاضيّـق الوقـت صـدري بيـن ليـلٍ ويـوم=وزادت علـيّ الهمـوم وبانـت أعراضـهـا وأمسىَ بقلبي لصلفات الطـواري وسـوم=والعيـن سـامـر نظـرهـا بــارقٍ هاضـهـا وتاقت حيام الهجـوس لصامـلات العلـوم=اللـي ورىَ الصـدر مشتـاهـا ومقياضـهـا ورّدتهـا ليـن تـروى والخـفـوق مـخـدوم=مــن جـمّـةٍ يـصـدُر الــروّاي ماغـاضـهـا يأهل الهـوى مابقالـي فـي هواكـم لـزوم=خربَـت قلـوب العبـاد وكثـرث أمراضـهـا عُقب الوفا والصراحه والطرب والسلـوم =شـدّت طـوال العلـوم وحـلّـت اعراضـهـا واليـوم يأهـل انفتـاح التقنيـه والـرقـوم=مابـاقـي الاّ رســوم الـحــب وأنقـاضـهـا الحـب مايتبـع الموضـه وطــرز الـهـدوم =ويخلف مذاهب طيور العشـق وألفاضهـا والحب ماهوب رسمـة قلـب فيهـا سهـوم=مابـيـن هـاذيــك زعّـلـهـا وذي راضـهــا اليـوم كـل ٍ يصـيـد وكــل طـيـر ٍ يـحـوم=وكـم صيـدة ٍ شـاع ماقعـهـا ومنهاضـهـا لين اصبح الحب حربً مثل حرب النجوم=واللي ماتِرخِص شيمها تِهتَك أعراضهـا والعـز مأحـد ٍ لبـس ثـوبـه بلـيّـا كـمـوم=جـعـل المنـايـا تـقـود الــلاش لحياضـهـا تصحـى القـلـوب الجَبـانـه فــي الحـلـوم وتنوم=والليل يضحك براضيها ومغتاضها وتكتُب حكايات عشق ٍ من خيال الرخوم=وتجـارب ٍ ماتبيّـض وجـه مــن خاضـهـا لـكـنّ لــولا التغـيّـر والفـتـن والـسـمـوم=ماكـان جـفّـت ريــاض الـقـاع وفياضـهـا واللي تغيّر ماهو بس الهوى والسلوم!!=اليـوم حتـى الصداقـه كثـرت أغراضـهـا[/poem] وعطوني لــ( عامر عمار ) ولا عليكم امر |
لا بالله ياعبدربه القصيده لي وعزيزه علي جدا جدا جدا
صح انها كانت ايام الزحف لكن عاد ما اقدر اتنازل عنها |
يقول ابو عمرو
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مواسم العشق شتويه وصيفيه=والنفس طول السنه ربي معنيها اثر الهوى يا جماعه كيته كيه= ليا وقعت في علو القلب يرخيها الحب برد وسلام وجمرته ذيه =حتى بعز الشتا ما صرت ادانيها صبرت لين الصبر خلص معه زيه=وعيت تعود مياهي في مجاريها طافت سنه ما كتبت ولا غراميه=ما تستوي قافيه في غير راعيها من وين اجيب المعاني والشفافيه=ما دام حتى الملامح صرت ناسيها من اول اشوى تجي واجيب ما فيه=واليوم ما فيه منها غير طاريها غنيت طول السنه ما جات حوليه=ولو اقعد العمر فيها ما اقدر انهيها هالحين هو وقتنا وقلوبنا حيه=تال العمر لو طناها الشوق ما بيها يا ناس ضاعت علومي في قوافيه=ابدا اول القافيه واغلط بتاليها العام ما اعدها واوصل حرا ميه=واليوم عشره وحاميها حراميها اسرفت واسقيتها من عين نجديه=ووصلت ليا حد ما به بنت تغريها هذا جزا اللي سرى باحلام منسيه=أظغاث سبحان مجريها ومرسيها اردها للغزل وتصير مرثيه=قصيدتي ذي وين الله موديها ان كان ما جت بها قدره الاهيه=حرام ما عاد الحنها واغنيها[/poem] بانتظار شي من ابداع فيصل السواط |
هذا :
(*(( أبوريمـا ))*) وأقواسه الشهيره ! [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] رجّال له قيمه وذيب وفيه خير وداهيه=ورجّال لو اتسرّحه في شاه ما يضوي بها والحكم لله..في يديه ..الحب والكراهيه=وقلوبنا شيٍّ يودّيها وشي يجيبها واصحابنا بين الصدور المجدبه والراهيه=المجدبه من عيبها..والراهيه من طيبها وانا بعقل ابن النفيس..وسيف ابو العتاهيه=أبقصم ظهور الحضارم.. واتعشى ذيبها مانيب رجّالٍ كفو..يااهل القلوب اللاهيه=ان كان ما احلّق لحاكم وانتف آشانيبها ادري بها..اللي جاتني تلبس ثيابٍ زاهيه=دريت والداري درى..وادري وهو يدري بها لكنّ ماهي مشكله..ردّيتها كما هيه=والبادي اظلم..والآسامي ما اختلف ترتيبها علّمني الوقت انّي ازيد العمي عماهيه=والطيبين الغانمين ازيد في ترحيبها واشيل (لا) النافيه..واحط (لا) الناهيه=للي يعرّض خنجره نفسي يبا ترهيبها يعني خويّي ..ماله الا ودّي بشراهيه=واما عدوّي.. ماله الا مطرقٍ يسري بها هذه وله قيمه وذيب وفيه خير وداهيه=وهذاك لو اتسرّحه في شاه مايضوي بها[/poem] الدور مايحتااااج على : نايف معلاّ :) |
[align=center]الله الله الله الله الله
متصفح مليء بالروائع .. الاخت الرائعه / دارين فكره مميزه تشكرين عليها وانا اخترت لك على مزاجك يابو عتيق خابرك ماتحب الهجاء :)[/align] [poem=font="Arabic Transparent,5,darkblue,bold,normal" bkcolor="white" bkimage="" border="outset,7,darkblue" type=2 line=0 align=center use=ex num="0,black"] ياصاحبي وش عاد لو إنك أخطيت = تبقى عزيز ومن يملَّك نـ ملَّه حتى ايش لو إنك وأنا أخوك زليت = زلَّـه وللصاحب ثمانين زلَّه خلَّك من علوم الخباث الشماميت = وأخذ الكلام اللي عليه الأدلَّه ما يبحث الزلاَّت غير أبتر الصيت = اللي علومه ما تعدَّى محلَّه واللي ليا منَّه لقا منك تفويت = أردى صوابه وألحق الطين بلَّه ياعنك ماهو طيب لكن يابلفيت = إنَّه يباها سالفة في سجلَّه يشفي بها غلَّه ليا منك اقفيت = ويلقى بها شفَّة ومشفاة غلّه هاشفت ! لو إنك عن أرضه تنحيّت = مالامك إلاَّ واحدٍ فيه خلَّه أمَّا قصيّر باع/تبَّاع خرتيت = وإلا سحيتيٍ يبا يستغلَّه أبعد عنه يالغانم بكل ما أُوتيت = من حكمه ولا يلحق خطاك كلَّه وترى الغنيمه فـ اعتبار النحاتيت = رفقة ثبات الجاش زبن الأذلَّه الشامخ اللي ما يحسب التفاويت = دمَّاح زلاَّت الرفيق إن بدن له اللي يشوم عن الخنا والحتاحيت = شوم الهنادي عن قبول المذلَّه واللي لوقفاته حتون ومواقيت = يقطع جهَدها دابر الشك كلَّه واللي يذكّرك الوصل لا تناسيت = من منطلق توثيق وصل الأخلَّه وإن شافك أسرفت بغيابك وصدِّيت = أمَّا ذكرك بخير وإلاَّ فـ لله واللي ليا منك لداره تعنّيت = ما أعطاك حق تقول : يافلان قلَّه قابلك من باب الحفاوة ليا جيت = بالود والترحيب وبطيب دلَّه ولبَّى مطاليبك على ما تمنيت = عن سيرة المنقود (دقَّه/ وجلّه) أنا أشهد إنك لا نصيته تنصّيت = ضلع ٍ على مد الشوابيح ضلَّه وأنت ونعم ! عن سيرتك ما تغاضيت = سيفٍ يشوش بسطوته من يسلَّه عن واجباتك ما أذكر إنك تخليت = شهادة ٍ جمع المشكك تفلَّه ولا أذكرك في يومٍ من أيام شحيت = بالوارفه مذكور في كل حلَّه وأنا لك الله لو جهلت وتعدَّيت = ولو جيت باللي منهجي ما يجلَّه أشره على اللي مثلك إنْ قال حسيّت = وإلا الدويني شرهتي ما تدلَّه لا تعتذر وأقلط على ما تهقويت = وما فات جعلي ما أخلا منك خلَّه وش عاد لو إنك وأنا أخوك زلّيت = زلَّه ( وباقي ) لك ثمانين زله ؟! [/poem] [align=center]انا اختار للمبـدع الغائب الحاضر /عبدالعزيز هليّل[/align] |
اقتباس:
والاختيار على .... سعود بادي |
| جميع الأوقات بتوقيت GMT +3. الساعة الآن 04:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية