[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
مسكين مسكين ياعصفور ما تستاهل اللي حصل = واقف على عود ومسرّح ولا تدري وش اللي وراك
أمك على طول ماتت يوم طاري موتك الها وصل = وأبوك محتار هو يبكي على أمك والا يبكي علاك
[/poem]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

نوم العوافي والهناء ! توّك صحيت = هذي قديمة عمرها ميّة سنة

والا أنت نايم فالعسل ساعة دريت = والجرح علمك الطبيب بمكمنه

تصدق أنّك يالصغيّر لو قريت = حتى لو لسانك يطول الألسنة

وتصدق أنّك يالصغيّر لو عديت = عدي الجيوش السابقة وألأحصنة

وتصدق أنّك يالصغيّر لو جريت = جري الضواري في جميع الأمكنة

في ناظري طفلٍ صغير ولا خطيت = طفلٍ يحب الفرفشة والولدنة

يا صاحبي لن كان مع وقتك نسيت = أسأل مجرّب والكلام يثمّنه

أسأل عن اللي كل ما شافك شكيت = يفرد يدين الود وأنته تزبنه

وأسأل عن اللي كل ما شافك بكيت = يشتال في يمناه سيفه وكفنه

واليوم يوم أنك تشبّعت وقويت = صاحبك الأول قمت تتبرا منه

يا جاحد المعروف يومني عطيت = المجد والتمجيد أنا ما أبحث عنه

ما همّني كانك وفيت أو ما وفيت = كلٍ يبين فالمواقف معدنه

ما هو حسافة كم من وقتي خذيت = جعله فدا خشمك جميع الأزمنة

من واجبي ما دام للحمل ارتكيت = أحمي دخيلي وأكرمه وآمّنه

ما هو على شانك تحزّمت ورضيت = أكون في يمناك سيفٍ تضمنه

عهدٍ من الأجداد أصونه ما حييت = وأستغفر الله كان يوم آمنّنه

نوم العوافي والهناء ! توّك صحيت = رح نام أحسن لك وخل الشيطنة[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
تنسج الأوراق وتخيط الحروف = لين تتقن فالنسيج حياكته
الشعور اللي بقلبك يالهنوف = لاح برقه وامطرت سحابته
قلت اخيله ما دريت اني شغوف = جاك قلبي والمشاعر لابته
جاتك الأشواق مع قلبي صفوف = واظهرت حبٍ بقلبي كابته
كان تسمعني وعينك لي تشوف = والمشاعر في خفوقـك ثابتـه
ضمني ضم الحنيّن للّهوف = هات صدرك ودي برحابته
ما منعني عنك ياكود الظروف = والسؤال اللي لقيت اجابته[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

أنا أشهد أنّك تعرف أشلون تختار = أخترت من بين الفرايد فريدة

مخلوقةٍ بين الكواكب والأقمار = الله خلقها في مجرّة بعيدة

بالعين ما تنشاف تحتاج مسبار = ولن شفتها . مكتوب فرصة سعيده

لن قلت لك بيطار . هذا أنت بيطار = ياللي تعرف تقيس ثوب القصيدة

تأكد أنّك صرت محط الأنظار = يالشاعر اللي نستفيد بجديده

[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
كل عام وأنت بخير يا أعز أنسان = كل عام وأنت بخير والعالم بخير[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
يا هاجس الشعر خلك فالمواقف سبوق = خلك سواة الحصان اليعربي فالسبق
دعوة كريم السبال الها رعود وبروق = يشوقني برقها اللي فالمخايل برق
ما دامها عند راعين المواجيب روق = حلفت ما غيب عنها دام فيني رمق
العزوة اللي رقت فوق المراقيب فوق = يومٍ كلٍ على كسب المدايح لحق
لكن ما يلحق الروقه حصانٍ لحوق = الله خلق خلقه ولكن ربي فرق
أهل الكرم جودهم على الخلايق يفوق = مع جودهم كن ربي غيرهم ما خلق
الطيب في سلمهم ما عاقهم عنه عوق = ما منهم اللي عن سلوم المراجل فهق
وأما عن الخوة بتتعب جميع الحلوق = من ماضي الوقت سيرتهم تفوح بعبق
نعمين ياربعنا اللي للفعايل تروق = يقولها شاعرٍ لن قال قوله صدق
شاعر عصيمي على ذكر الحمايد يتوق = من لابةٍ لو سمعها اللاش منها شرق
الكل يشهد لهم والكل فيهم صدوق = لو ينشدون الحجر فألآد عاصم نطق[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
لعن أبوها يوم درات وأستدار الكون كلّه = في عيوني ياعيوني غضي أطراف الهبال
أرفعي نظرة فضولك للمجرات المطلّة = كيف ربي خالقٍ هالكون في ستة ليال[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياقلب لا تحزن على مهجة العين=ما فيه نفس من المصاب محرومة
محدٍ مخلد كـل الأمـات فانيـن=ومحدٍ يجيه الموت قـدام يومـه[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
تطري علي ويعشق الفكر ذكراك = يسرح بمخزون الشهور القليلة
يذكر سواليفك وروعة محياك = والغيرة اللي يوم غيرك أجيلة
لو هي علي والله ما ودي أنساك = بعيش في ذكراك فترة طويلة
في كل يوم أسمع حلاوة مناداك = وأجاوبك لو كان ما معي حيلة[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

عام وقضى ما باقي الا تواليه = ما هو مثل باقي السنين القديمة

عشنا على مرّه وعشنا بحاليه = لين أستوى طعم النصر والهزيمة

[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
لو قلت لك تكفى وش اللي تقوله ؟ = تب تعتذر والا تبا تقول لي تم
تبا تمررها بيسر وسهولة = والا الخجل يجعل حروفك تلعثم[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياكفّة أيام الدهر ليه مايلة = تبطين وأنتي بالصواديف شايلة
لو لا كتاب الله ولولا سكينته = منك البنادم قاصف العمر طايله[/poem]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
هزيت جذع وطاح بيديك تمرة = لا تترك الباقي للأيام يظمى
لو قلت ليه أقول من خوف ضمرة = محدٍ يعيش بدون ما يشرب الماء
أشعلت ياعذب السواليف جمرة = تضوي سماء ليلة من الوقت ظلما
يجتاحني فرحة ونشوة وغمرة = لن ناض براقٍ على جبال سلمى
وأشعر بخمرة لو ما ذقت خمرة = وأشوف حدبات المصاقيل ثلما
ما عاد أفرّق بين همسة وزمرة = ينطق لساني وأكثر الناس بلما[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
فكيت شفرات الضمير المشفر = وتابعت وش بثت جميع المحطات
لقيت فارس فالمعارك مظفر = غنايمه ما هي على كيف ما جات[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياقلب لا تنشد عن اللي يروحون = اللي يروح الله علينا يرده
اللي يبا يسمع وكالة يقولون = لا بد من سود الليالي تحده[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
لن كنت متعافي وطيب ومرتاح = تراك في نعمة كبيره من الله[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
اليوم اشوف الزين ضايق عليه = اثر الزعل لن جاه خرّب حلاته
لن شافني يقول صبرك شويه = ما هو بيحكي . يجمع وصيبعاته[/poem]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

لو للقلوب لسان يمديها حكت = ولو للسان أذان تسمع ما سكت

نار الهوى ياصاحبي دخانها = يعمس وأظنّك تحسب عيوني بكت

[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

ياصادق الاحساس ممشاك بالهون = يظفي على سكّرك سكّر زيادة

من يستمع للناس واللي يقولون = ما هو محصّل من حياته فيادة

[/poem]

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
أستاذنك يابنت بقول بيتين = وأنتي من اللي يفتهم بالاشارة
دنياك هذي كلها بين قوسين = وأنتي بيدّك تكتبين العبارة
أختاري اللي يعجبك بين ثنتين = أما عبارة ( فوز ) والا ( خسارة )[/poem]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

حتى اتصالي قام يضرب مقصات = من يوم شاف أم العيون الكحيلة

امقابل الجمهور فوق المنصات = اهون من امقابل فتاة جميلة

[/poem]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]

ياصاحبي خل العتب والمشاريه = غير الوفاء بالعهد وش جاك مني

أنت السبب في كل ما صار ياهيه = ياللي قطعت الحب والود عني

معقول أبا أطلب فاقد الشي يعطيه = خل العتب ياصاحبي يستكني

مات الغلا يوم أنقطع وصل راعيه = أبطى وهو في كل ليلة يحني

غصنٍ خضر دوب أطلعت به نواميه = أصبح علاه الصبح عود متثني

واليوم جايه بالمشاريه تسقيه = تشيل صكات الليال متعني

من مات ياراع الوفاء كيف تحييه = خلّك من اللي فات لا تمتحني

لا تعتذر عذرك أنا وين أوديه = خلاص يكفيني عتاب وتجني

جرحك تراه بخافقي لا تصحيه = أقل شي خلّك على حسب ضني

ما شفت زولك يوم الايام تدميه = ياكثر ما صارعتها وصرعنّي

ارقب متى زولك يجي والتوي فيه = وأرسل مظاريف الوله ما يجني

واقول يمكن جاير الوقت منسيه = واصبر ولو صبري عليه يمني
صبرت لين الحب بانت مساويه = والعاشق الولهان قرّب يجني

ما كنت أظن ان انت بالذات تشقيه = وانا احسب اني صرت معك متهني

أخطيت في فهم الزمان وبلاويه = أثر الأماني ما تجي بالتمني [/poem]