المشاركة الأصلية كتبت بواسطة بدر العتيبي (المشاركة 1012786)

السلام عليكم ورحمة الله وبركاته

غياب خارج عن الإراده عسى تشفع له هـ المتواضعه




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بلاش نجامل أوضاع العرب يا معشر الشعّار = على الشاعر قبل يرضي الذوائق .. يرضي شعوره
خصوصاً لا وصل دور الشعر للدار وأهل الدار = لا مات الحق بيموت القصيد وينتهي دوره
وأنا ما جيت أدوّر صفقة الجمهور والحضّار = أنا جيت ألقي إحساس العرب بالصوت والصوره
أنا رجلٍ إعرابي موقفه بارد .. ودمّه حار = يبي .. لكن إلحاله كيف يقدر يعلن الثوره
تعب من كثر ما يفرك يده ويتابع الأخبار = ونفسه تحت حكم الغبن منهيّه وماموره
يا غزّه ما حصل غير الشقا والضعف والإصرار = على عيش الكبود اللي تحب العز .. ممروره
قبل كنتي تضدّين الجيوش الطاحنه بأحجار = تعيشين الأمل لو مجمل الآمال مكسوره
قبل صبحك جثث ما تقبل الذلّه وليلك نار = رغم هذا بيوتك من فخر ماهيب مهجوره
يشيل إسمك إرجالن ما تدوّر للهروب أعذار = تحاول تستر العوره .. ولكن ما بقى عوره
عقب شقّوا عباتك وإنكشف سترك من الكفّار = وواسوك العرب والمسلمين بقول ماجوره
بعد طاح الفخر من روس حكّام العرب وإنهار = وش نسوّي لو تموتين مذلوله ومقهوره
لو إني منك قلت لحضرة الحكّام والتجّار = خذوا كل التبرّع والزمن بأصبر على جوره
انا مهما حصل لي ما أقبل ألا مدّة الأحرار = وإذا ما عاد فيه أحرار .. بإذن الله منصوره
مقادير الليالي وش تبين ووش بعد ما صار = وقلوب المسلمين لذلّها طربَه ومسروره
كذا صارت بطولات العروبه والزمن دوّار = مصايب ,, والمصايب لو تجي وتروح مشكوره
يا ربّي وقفتك منها الجبال الشامخه تنهار = تورّينا نصر يبري الجروح ويستر العوره[/poem]