منتديات المرقاب الأدبية - يبثها المرقاب على عربسات..!!

اقتباس:

المشاركة الأصلية كتبت بواسطة وصل العطياني (المشاركة 1012825)

[align=center]
السلام علاكم :)

هذه القصيدة ألقيتها الليلة في حفلة الشيخ "فرحان غازي المقاطي"

بمناسبة زواج ابنيه "مازن" و "طارق"

[poem=font="Simplified Arabic,6,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

يا هاجسي ياللي ليا قلت لك هات = جبت البيوت ولا حسبت كلفتها
من طيبك تجيب القصائد مقاسات = على حسب ضيق الصدور و سعتها
واختار وأعدّل وأبدّل فالابيات =وليا استقامت ما لويت رقبتها
أصوغها صوغ الذهب والجنيهات =وأملأ عيونٍ شوفتي ما ملتها
منقـّدة عن كلّ ناقد وشمّات=وحلاوة الأبيات فـ مناسبتها
مناسبتها جوف هالصدّر بالذات=أغلى من الدنيا ومن زخرفتها
ليلة من ليال الفرح والمسرّات=وحفلة رجالٍ كلّ وقفة حمتها
ربعي ذرى جنبي رجال المهمّات=لو قلت كلمة والنعم ما كفتها
أدحم بهم وأحقـّق المستحيلات=وألطم خشومٍ زايدة غطرستها
وحنـّا لنا وقفات من ماضيٍ فات=طول السنين الماضية ما محتها
نحلّ في ديرة تحلّ البـَرَكات=نشدّ من ديرة تشدّ بركتها
ويوم إنـّها ماهي سلام وسلامات=لنا فعول أيماننا سطّرتها
والفضل فضل الله بديع السموات=مدّات جوده ما يمينٍ عطتها
و إسم العتيبي فخر حتـّى فالإثبات=ليا مرّ بانظار الخليقة لفتها
قبيلةٍ مثل الجبال المنيفات=عواصف الأرياح ما حرّكتها
وأنا ما اقول الاّ على قولي اثبات=وباق القبايل ما انتقص منزلتها
كم سجّل التاريخ للناس وقفات=والناس ما انقصها ولا اظلم بختها
لنا مع قروم القبايل علاقات=قبايلٍ نتـْشـَرّف بمعرفتها
والاّ ترى الدنيا لا راحت ولا جات=مهما تعيش الروح ويش آخرتها
العمر مرة ما هو بعشر مرات=إقطف من اغصان الحياة ثمرتها
يا عنك ما يبقى على مرّ الأوقات=الاّ فعولٍ كفـّك مقدّمتها
كم شخص تحت الارض والاسم ما مات =وكم شخص فوق الأرض كنه تحتها
وقصيدتي تمّت مع ازكى التحيّات=قصيدةٍ تعبت في دوكرتها
مار الأكيد أخذت لها خمس ساعات=وان كان ماهي خمس ما كملتها
ويبثـّها المرقاب على عربسات=واسمي مثل عقد الذهب فـ " رقبتها "[/poem]

تحيااااااااااااااااتي[/align]

[align=center]
صح لسانك

ياوصل

ابداع لايستغرب من صاحب الابداع

تقبل اطيب تحيه[/align]