اقتباس:
وصح لسانك وهاك هالمحاوله عن المذكوره اعلاه يا جماعه وش نسوي بالقريحه والقريحه ما تهيد ولا تونّي كل ما تضوي على النفس المريحه عاقبتها وانقطع صوت المغنّي من جفاها جاته بزند وقديحه ومن بغاها ما تجي له بالتمنيّ نوب تدفعنا على عين المليحه والغزال نغزّه برمح المطنيّ ! ونوب تآخذنا على دبكه وصيحه وتستلمنا بين ذيب وبين جنّي والنتيجه كان تبغون النصيحه من يقفّل بابها عاش متهنيّ عطونا شي عن مرقابنا الحبيب ، .. |
عن المرقاب الحبيب
هذي بيوت لي قديمه :) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سلامي على المرقاب .. و اللي بدى المرقاب = سلام صداه يرده .. أجيال لأجيالي يا كم فيك من الأصحاب .. من تعتبر الأصحاب = معرفتهم أقصى طمعتي .. و آخر آمالي رجال على وضح النقا .. تكسب الاعجاب= بحسن الكلام اللي يصدق بالأفعالي على العز نبني البيت .. و نمسس الأطناب = و يبقى رغم تشويه حاسد ..و عذالي [/poem] نبي بويتات عن المسابقات الشعرية :) |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مسابقة شعّار جمهور واعلام = واحساس ما يوصفْه تعبير [ ضجّه ] كلٍ يعبّر بالدفاتر والاقلام = لاجل المواهب تصبح اليوم حجه ! اللي سهر يومين او عدة ايام = واللي طلب من صاحبٍ فيه رجه ! واللي شطب له بيت وفاّه قدام = يوم الجمايل ماخذه منه سجه كل ٍ تعنا لاجل تحقيق الاحلام = والكل عايش بين صجه ولجه والا الحقيقه كلها كومة اوهام = بالمختصر شعّار والشعر [ دجه ][/poem] أبي بويتات عن قسم المواهب :) |
تنويه :
الابيات الي نبيها تكون فرش فرش فرش مانبي قديم نسخه لـ مديرنا الغالي :) .. |
ياقسم المواهب مادريت / أبك غير اليوم
وانا قبل / أعرفك كنت في قسم / منفوحه أثر لك / جباه / ولك سوابير / ولك خشوم ولك روس / وأخبارٍ على الشاة / مفضوحه أنا جيت / لك غازي / كذيا / على المقسوم ابا / أعطيك علمٍ / يفجع الناس / منضوحه تكرّم / علينا شوي / بالورد / واليشموم ترى كل شاعر لجل عينك / نثر / بوحه محاوله كيبورديه اللي بعدي لاهنت نبي بيتين أو أكثر في ( معيض العتيبي ) |
محمد الشويّب
لاهنت وعليك بالربع الله الله فالجديد |
.. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يامطر وشلون ابمدح راعي الاوله ؟ = الي مراقيبنا قامت على كفتيه صعبه .. لو انه رجل ثاني .. بقول ازهله = وامدحه واذكر فعوله وابتدي وانتهيه لكن ( معيض العتيبي ) مدحته مشكله = احرجتي يامطر قدام بيض الوجيه[/poem] عطونا عن الببسي لعيون ابو حمد :) |
محمد الشويّب
يامطر وشلون ابمدح راعـي الاولـه ؟ الـي مراقيبنـا قامـت علـى كفتـيـه صعبه .. لو انه رجل ثاني .. بقول ازهله وامدحه واذكر فعوله وابتـدي وانتهيـه لكن ( معيض العتيبي ) مدحته مشكلـه احرجتي يامطـر قـدام بيـض الوجيـه ياسلام ياسلام صح لسااااانك يالشويب |
ابو حمد ما يحب الببس .. ما يشرب الا لبن ناقه
لكن لامنه كبسها كبس .. وتضايق وشانت اخلاقه يدبس جميع الدعاوي دبس .. حتى عصير القصب ذاقه ويحلي بحب والا تشبس ... ان كان باقي معه طاقه وياللي تحب القشر والقبس ... امون واكتب على الفاقه ولا يجي في السوالف لبس ... مزحي مع الغالي شفاقه وابي كم بيت مدح في احمد نجاد .. هالمكسين من حكم ايران وهو يسب الله ربنا وربه من يتبرع ويمدحه ؟؟ |
الله يعز العباد اللي يعبدون الله = والله يذل الوجيه المشركة من داني
ول يا احمد نجادي يالله إنْك تذلّه = قام خامنئي يغني له وجا طرباني غاضب ٍ ربي عليه وماش ! ماله ملّة = والدليل انه سفيه ورافضي وايراني عطونا في عفاس شي يا رياجيل .. تراني احبه .. وان هجيتوه أزين وأزين :) |
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحمد نجادي طليق لسان = ويسراه ماتشبه يمينه أحلامه أكبر من الضلعان = وناوي يحقق ( ضلاعينه ) قول وفعل مايبي برهان = كم واحدٍ راح ف يدينه يحمّر العين دون ايران = واللي مهوّش فقع عينه على اليهودي والأمريكان = يحدّ سيفه وسكيّنه ويهوّش لربعه العربان = لوكان مادينهم دينه مايحسب الزود والنقصان = بطران فالزين والشينه ياللي تسبّ ( أحمدي ) غلطان = مجنون وماسك مجانينه[/poem] اللي بعدي له حرية الإختيار :) |
جيت ابي اهجووه بس مدري كيف صارت مدح :)
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] عفاس يقصر كلام الناس من دونه =وشلون عاد امدحه وانا من اخوانه؟؟ بس اسألوا عنه كل اللي يعرفونه=واليا شبعتوا مدح روحوا لعدوانه ثم اسألوهم وشوفوا وش يعدونه=واقطع يميني اذا ماعدوا احسانه مايبخسونه صفاتٍ فيه مرهونه=حتى لو قلوبهم بالحقد مليانه [/poem] عفاس اذا تبي رقم الحساب راسلني على الخاص اللي بعدي عن (( الخطوط السعوديه وحجوزاتها )) << تراها تجيب المرض للي مايعرفها :( |
^
^ أبدعت في عفيفيس ! بس أنا أبا اشوف طلب ابو صالح ، لأنه صار عندنا تراكم طلبات ! ولأنه مخليني على كيفي فمن باب أولى أن أطيع اللي ماله شروط .. <- قعد بها راعي الخطوط ! مادام إن أبوتركي تركني على كيفي ./. أبا أكتب ثلاث بيوت لن ساعـد الهاجس ولانيب موجس خيفه من الملاقيفي ./. ليا أوجست منهم خوف سموني الواجس بعد ماقصد في البل ضعيف التواصيفي ./. طلبت الولي يرحمك يالشيخ بن راجس! :) هالحين حققوا طلب أبو مروي ، .. |
اقتباس:
صح الله لسانك يابوحوّاء .. والله لك وحشه ياراع البل :) وابنتهز الفرصة هذي وأطلب من سعادتك الكريمه .. قصيدة مواهبية عن أوضاع الامة العربية والإسلامية في ظل الظروف ( الحالتسه ) .. :) |
ابو تركي يابو حواء طمر الرصيف وكرر المشاركه
عاد انا من باب اولى رحت لطلب سعد وبيني وبينك جازلي الموضوع فيه مدح لعفيفيس :) واخبره هالايام يعطي شرهات بس عاد اللي يجي لايتعدى الخطوط السعوديه ولو يحصل فيها دعاء عليهم ماحنا بقايلين لا |
هههههههههه :)
انا وابوحوّاء كلنا طمرنا الرصيف واللي تشوفه فوق ( عجاجنا مع الردميه ) :) العذر يابومروي :) |
^
^ ههههههههههههههههه ههههههههههههههههه من يفكنا من الشويب هالحين ?? .. يسوي اللي يسويه ابضحك يعني ابي اضحك هههههههههه ههههههههههههههه هههههههههههههههههههه teeth: |
..
العام فلونزاك يالطير واليوم فلونزا جديده فلونزتن جت فالخنازير طريحها ماله شريده عدوى وللعدوى مخاسير والادمي عمره رصيده يا جعلها في توني بلير والا تنصّى بوش سيده واللي تلحف جلد خنزير نهايته ماهي سعيده ! عطونا عن شح الامطار ! |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شحت الامطار من كثر الذنوب = يالله انك لاتعاقب يا رحيم كل ماقلنا عن الذنب بنتوب = جرّنا للذنب شيطانٍ رجيم كذبٍ وغيبه وتشتيم وحروب = ترك فرض وطعن عرضٍ لليتيم مانفعنا بالزمن كثر الهروب = ينتظرنا حساب نيران وجحيم ياإلهي زايله كل الدروب = غير دربٍ للصراط المستقيم يالله الرحمن بيديك القلوب = دلها برحمتك للدرب السليم[/poem] أبي أبيات عن الخيل :) |
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجيب لو / أنه يوصف على الخيل = ماله / شبيه الآ / خيول المحيا خيلٍ / تنومس شاربين / الفناجيل = لاجا / نهارٍ / فيه طاري / حميا[/poem] عن الطير ياليت |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شفّي على المقناص والبر والطير = شف الموادع للقا يوم ودّع مافادني بالوقت رجوى وتصبير = راسي من التفكير والهم صدّع الله يذكر وقتنا الماضي بخير = القلب طربانٍ والاحساس بدّع ياطير ما ينفعك كثر المشاوير = اقفا هدادك والحباري تجدّع الزم مقيضك لا يجي منك تقصير = خلك على الهقوه وحذرا تخدّع [/poem] عطونا أبيات عن البحر |
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوجد / ترى / البحر غدّار = حتى ولو قيل / لك / هادي كم / مرّةٍ / غربل البحّار = حتى ولو / أنه / ريادي في غبته / لولو / ومحّار = ولا / كل من يسبحه صادي[/poem] نبي عن ( الهيئه ) هيئة الأمر بالمعروف |
| جميع الأوقات بتوقيت GMT +3. الساعة الآن 10:33 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية