الشاعر/نايف المقاطي


لاهنت وصح بدنك

خالد السيحاني

لاهنت على المرور كذلك التعديل الفني

دورات الايـام مقلوبـه وملتـفـه
قمنا نشوف العجايب من طرايفهـا

محيا السلات

صح لسانك نص جميل


تقبل تحياتي

هلابكـ يابو عبدالعزيز

كتبت واجدت يا مبدع وشهادتي فيك مجروحه

تحياتي واعجابي ومحبتي ..

الله الله

باللي منول يعزلون ابيـض الدفـه
والجيش مع دربهم تومي سفايفهـا
ينخون والخيل بالفرسـان مختفـه
واللاش يرمي رديفه عن ردايفهـا
محوالهم يرسم البسمه على الشفه
وسيوفهم قـادة الغـاره علايفهـا


صح الله لسانك يا محيا

جزله وشاعرها جزل

تقبل تحياتي

الله الله /

شاعر جزل يا محيا صح لسانك وكثر الله من امثالك



تحياتي ومتابعتي

ياسلام ------ يالسلات

رائع وممتع وجزل

صح لسانك ملاييين

تحياتي

لله درك يا محيا السلات

رسالة حامية بإتقان الكبار

اعجاب قديم ومتجدد يا شاعرنا الحبيب


وصح لسانك مليون ،

..

الشعراء
1/غازي المغيليث
2/احمد غالب
3/سداح
4/مطر العضياني



الله لايهينكم مروركم شرف كبير لي

احمد غالب

اخو عزيز ولاهنت على مرورك

مايثبت الا الصحيح وطيـب العفـه
يفرق ثقال المواقف مـن خفايفهـا
لو انـت كفولهـا ونستـك الحفـه
ميرانت نفسك تمرجحها حسايفهـا
عندك تخوف ولاتصرى بـلا لفـه
والوقفه الطيبـه مانتـه بشايفهـا
راعي دسايس وستر الثوب ابوكفـه
ساترك مع وامن العالـم وخايفهـا
دورات الايـام مقلوبـه وملتـفـه
قمنا نشوف العجايب من طرايفهـا
تضللـت باللحـا سفافـت السفـه
والهون مخزون في سالف صحايفها
لونكشف ارشيفهـا ونقـرر الكفـه
عن جزلها هزلهـا بيـن طفايفهـا
لكن فينا ارتفـاع ونطمـر الهفـه
ونخلـي الهاملـه تـدل الايفـهـا
ماينتطاول ضعيفن فاخـر الصفـه
ماباقي الا النسـا يلبـس غدايفهـا
ناقص رجوله وعقله صايبه خفـه
وقبله جدوده على ماضي طوايفهـا
ايمانها عن فعول الطيـب منكفـه
والضعف في روسها والبين حايفها
عنهم عيون الرجال مصيبها طفـه
وافعالهم باحـث التاريـخ عايفهـا
واليا حصل للشنب وقت الطلب رفه
الناس تعرف ولاتقـرن ضعايفهـا
باللي منول يعزلون ابيـض الدفـه
والجيش مع دربهم تومي سفايفهـا
ينخون والخيل بالفرسـان مختفـه
واللاش يرمي رديفه عن ردايفهـا
محوالهم يرسم البسمه على الشفه
وسيوفهم قـادة الغـاره علايفهـا
لكن روح بفالـك ياطـرش الزفـه
والارض معروف واديهـا ونايفهـا

ابومحمد

حضورك مختلف بهذه الباسقه التي تعانق الغيم بشموخها وسموشاعرها

لله درك

وصح لسانك
واعجابي
بشعرك وخلقك ياقدير
تحيات اخوك

جميع من سعدت بمروره على قصيدتي


اشكره جزيل الشكر ومروره يحفزني اكثر