[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الوفاء صاحبه ماندسبه "=" مع ولد عم والا مع نسيب
سلعةٍ فالزمان مكسبه "=" يوم الاسواق بسلعها تسيب
والرواسب على المترسبه "=" من مسيّب الى خاطر مسيب
لو تشوف الحظوظ منسبه "=" احصر الحلم في مجلس وسيب
ثم حاسب ودربك حسبه "=" في اخر الدرب حسّاب وحسيب
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسرجو خيل الضنون واركبو عوج المحاني "=" سوقوها يوم كلٍ لوحكى يبقى وسوقه
درسوها علموها كيف ينطقها اللساني "=" اكلوها عيش قبل تموت بالصدر مخنوقه
لو تساوى فالمعاني بعضها ماجاء معاني "=" مير كلٍ مع نسانيس الضحى يطرق طروقه
مستحيل من السماء العليا نحّول للطماني "=" النخيل بهامته شامخ وعزه في عروقه
ماتزعزعنا الهروج ولانخيبها المجاني "=" عند هذي كل دقن بموس الاشناب محلوقه
وان بغينا القول قلنا مايسطره الزماني "=" يوم بعض الناس هرجه من لسانه لا شدوقه
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] وضحٍ على طق العصا "=" تدجر الا طق اللبيد
تاطا وعرها والحصا "=" بالعزم والباس الشديد
لو يلحق الراعي قصا "=" عن دربها صعبه تحيد
مزبانها اللي ينصا "=" من كل شيطانٍ مريد
عن بيعها الشايب عصا "=" لوكان سايمها يزيد
من دونها لزم العصا "=" يومن تفكيره رشيد[/poem]

ياسر العتيبي
ياهلا وغلا
اشرقت الانوار وازدان المكان بقدومك
وانتهاك شرعي وصحي
تسلم ياغالي
.
.
.

عفاس بن حرباش
ياهلا وغلا
والنور لكل والجمال
وانتهاك شرعي ايضاً ومشرف ومحفز لاخيك
دام تشريفك الغالي
.
.
.

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل خفقت فكر وإطلالة حنين "=" تنثر اطياف الغلا للشمعدان
زلة الغالي ماتمحيها السنين "=" والله لتبقى على مر الزمان
تكبر بعين الكريم ولاتبين !! "=" والردي تصغر ولاتلقى مكان
يحفظ التقدير من قدره ثمين "=" والصنيع يضيع في كف الهوان
تلحق الشرهه طويلين اليمين "=" والقصيرة تقصر بكف الرهان
صاحبي مانته طليق ولا رهين "=" ينقلك ريشك وعضدينك متان
يظهر الهين من الجنب المتين "=" لانطلق للطيبة حبل العنان
انقطع لاجل النقاء حبل الوتين "=" وامتلا صدر الأنين من الحنان
اعتبرني تهت والسكه يمين "=" واعتبرها ياملا كبوة حصان
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولحبك في سماء الوجدان مرسى "=" كل نبض من الوله فيني رساك
تعبت يدين الوصل والروح خرسى "=" وانتهيت من الجحود ومن اسااك
علميني من قساك شوي باقسى "=" انا اكثر منك محتاج لقساك
لو بكيفه من بغى النسيان ينسى "=" كان قلبي قبل نسيانك نساك
بس الأيدي من هوا الأنام ملسى "=" والزمان اما سلب والا كساك
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصباح الطراوه ياطري "=" يا أشم وألذ الامنيات
لو لحقتي زمان البحتري "=" فيك يكتب ثمان معلقات
كل ودٍ بلغ ذاتك حري "=" في صدور البشر بالمعجزات
مير انا اخاف لو قلبي جري "=" من هوان النفوس المكرمات
وكان قصدك غلا ماني بري "=" متهم واليدين مكبلات
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماللشهامه عميل ولا الكرامه دليل "=" يامدعين المكارم ويش تفسيرها
مرت على البال بعض علومنا والحصيل "=" وملت حلوق السوالف بعض تبريرها
وشو تخلي صدور الخلق وشو تشيل "=" خالف صدور الرجال اليوم تعبيرها
سمو على الوجد والا دورو له عميل "=" النفس ماعاد خلّت غير تدميرها
ياللي تميل الحقوق وعزته ماتميل "=" وتسبيح الأنام من شانه وتكبيرها
انا من الخوف ياخذني اليك السبيل "=" لكن الايام ياماكثر تباشيرها
من فيض ذكرك وهديك مايكف الغليل "=" يارب منك الذنوب اليوم تكفيرها
[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

دمعك سحاب وحزنك أسمى من الذات "=" وجزرك بحور ومد بوحك سفينه
ماخانت ركاب المواعيـد الاوقـات "=" ولا مل ميسور الصبر راحتينه
يامروي صدور البشر بالحكايات "=" هقواتنا تسوقنا للثمينه
ماينحكى بعض الألم بين الابيات "=" خل القلوب اللي حزينه حزينه
الحب ماله في سماء الوجد ميقات "=" يالي على قسوة شعوره تعينه

[/poem]

يا سلام على الركن وراعيه ,,


متنفس مختلف ,,


دمت بخير يا سعود

.
.
الرائع / محسن المقاطي
حضورك هو من جلب الجمال والنور الى هذا المتصفح
دمت بخير والشكر لحرفك العطر
.
.
.

.
.
الراقيه شعراً وحضور
وعاشقة الشعر / مخايل
دائماً مايحتل تواجدك قلب المكان وينقش حرفكِ خيوط الجمال
دام مرورك ولاحرمنا إطلالتك أيتها الرائعه

.
.
.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاتـي يدينـك واطلقيهـا يدينـي "=" ماللمشاعر غيـر تجسيـد الأرواح
واذا مـلى وبـل الغـلا راحتينـي "=" تبددت فـي جونـا كـل الأشبـاح
صبي نفسك ولا نطوى الشوق فيني "=" غني تـرا حـب الغناديـر ذبـاح
ياحبنيلـك بـس وينـك ووينـي "=" الطير ماله في سماء الغربه جنـاح
هاتـي بعضـك وماتهيـا لعينـي "="باطلق حبالك في خفوقي وابرتـاح
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلهام رمشك في سما مهجتي غيم"=" لا غضّ سيّل في حشا الصدر وادي
يرخي هماليلـه بنظـره و تسليـم "=" تقطع ضمى نبضي و تروي فؤادي
و أوصافك تجدد علـيّ المفاهيـم "=" خليط من طهر و جمال و مبـادي
ما كنّهـا الا نهضـة ٍ فالأقاليـم "=" أو كنّها قصايد (سعـود بـادي)
[/poem]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام وسمان المعاني معازيـم "=" اللي قديمة عهد واللي جـدادي
يجن لاصلفـا ولاوردن حيـم "=" يحدالها بين المعاليق حادي
للي يعلم مايبـي منـك تعليـم "=" نسل الحرار وصيرمي الهدادي
عندي على فيصل اشاده وتعميم "=" مبدع وفي كل المواقف اجادي
ولايرهـم للسواليـف ترهيـم "=" شوره حكيم وجل رايه سدادي
[/poem]

المبدع/ سعود بادي

يعلم الله يابو تركي
أني ما كتبتها و أدوّر رد
و يعلم الله أنك من أجمل شعراء الساحه على الإطلاق

صح لسانك
و بيض الله وجهك يالامير

و سجلني متابع رسمي لركنك الغارق بالجمال
و إلى الأمام..


تحياتي،،

.
.
فيصل بن شليويح
ياهلا وغلا
أنرت المكان واثريته بتواجدك
وحرفك العاطر ..
دمت بروعتك أيها الراقي
.
.
.

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اي والله اني في غلاها / اولا "=" على البياض وفالضلوع إمضاها
اقول لولايه / ولولا / لولا "=" لاوالله الا / ياهوا / لولاها
لاصدح بها سمعن / هنا مع قولا "=" للي سمع واللي هنا يقراها
كن جسمها / قزازة / الكوكولا "=" كل الجواهر والحلي تزهاها
سحراً مشى / في عرضها والطولا "=" وازهر / من ازهار الوطا ماطاها
وعينٍ مزابنها عيون / المولى "=" تغضي ملائكة الحسن / لغضاها
ماهيب من ذولا / ولا من / ذولا "=" فوق النجوم / وللسماء مسراها
مياسةٍ لاقوة / ولا حولا "=" الا لقلبن يستبيح / رضاها
[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابن الظنون اهدأ وريّح بالك "=" سن اللغى يرجع على من سنه
الظن في مثلي اذا يحلالك "=" ماحداً يغش ابن آدم الا ظنه
فسر ظنونك فالخلا بلحالك "=" واللي يغنى من لحونك غنه
مانت الأمل ولا رجيت أمالك "=" ولانت بعمل صالح ولانت الجنه
مالي ورا مثلك حصيل ولالك .. "=" ورا حصان الظن شيء تعنه
روح على فالك وتلقى فالك "=" وان ضقت ما للونه الا ونه
الناس فلت والجمال جمالك "=" وانته مربع من دهر في الكنه
[/poem]