المشاركة الأصلية كتبت بواسطة سمران القثامي (المشاركة 1281517)

[poem=font="traditional arabic,7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياقو باس اللي طواني بعدها طي الحبال =على شفا بيرٍ لهيب القيض مبعد جمها
تطوا على الذرعان في وقت المقيض بلا محال =كف النشيط أن حطها جاها نشيط يخمها
كل يبا يطفي ظمى كبده من الجم الزلال =وأذنه على صوت الورود اللي تهاوا يمها
ياللي سرقت النوم من عيني على طول الليال =خليت عبراتي تساقط والكفوف تلمها
أجاوب الورقا وأكابد والشقاء طبع الرجال =أحاول انسى كيته مير الضلوع تضمها
تسرح وتمرح في مداهيل الضمير بلا جفال=الله عطاني حبها والله قسم لي همها
اسج رجلي واتناسى وأعتلى روس الطوال =وتجدد جروحي نسيم الغرب يوم أشمها
ياشبه صفراء في ملز الخيل كايدة الخصال =من ندّر الخيل المغيرة عرق أبوها وأمها
اسهرتني بين الرجاء والياس ياعسر المنال =وأنت سبب كل الطعون المرمسات وعمها
عقب الجفيا شارفت روحي على حد الهبال =أمرارأغني في وصايفها ومر أذمها
ماجابت أقصايه وخلتني كما قوس الهلال = الا رزانة عقلها قدمي وخفة دمها
تعقد لساني دهشة الموقف ليا قالت تعال = اكتب عن أوصاف الجمال اللي تشوف وسمها
وشلون أعبر لو أبا أرسم فتنة السحر الحلال =أخاف أضيّع في متاهات الحلا ما تمها
لبيه ياعين الوحيش الي على روس الجبال =يهوي على جول القطاء واللي وفت يزتمها
حطمتي الرقم القياسي بين ترفات الجمال =اللي هفا عنها عيار المدح واللي زمها

[/poem]