مرحبا مليون × مليون


عبدالله العصيمي اسم غني عن التعريف

:wardah:
تجديد أعجاب وتواجد في هذا الركن الراقي


متابع

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يعني كذا بتغيب من دون تبرير = والا تغلى وانت تعرف غلاتك

يحق لك ياسيد كل الغنادير = لكن من حقي اعيش بحياتك

دامي عطيتك قلب يحرم عن الغير = لاتحرمه حبك ولا طيب ذاتك


[/poem]



[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم الخلايق بآخر الليل باتت = عيني تراقب فالسما نجمة سهيل

اراجع ايام العمر يوم فاتت = واجاذب الموال ياليل ياليل

فرصه تلاقي فالعمر يوم واتت = قطفتها قطف الزهر فالمحاصيل

ما ماتت اشواقي والافراح ماتت = من يوم غبت وكل وقتي غرابيل
[/poem]






[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كان الغلا يحسب بميزان الاشعار = شعري ذهب واسبك حروفه عشانك

.ذهب ذهب مايخضع لأي معيار = الا غرامك يالجميل و حنانك

تشعل بصدري نار ثم تطفي النار = واهيم في عطفك وفي عنفوانك

اجي وانا محتار واروح محتار = ويضيع شعري من عذوبة لسانك
[/poem]






[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا نادرة لجلك نظمت النوادر = ورسمت لاجلك صادق الحب بابيات

وافنيت لك عمري اجازف وابادر = واجاذب الونه وازيد التنهات

والوم وقتٍ اصبح اليوم غادر = اخذك مني يابعد كل الاهات
[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغايتي ما احتاج ابرر وسيله = الحب صادق والنوايا مغاتير

ياغايتي والحب ما ارضى بديله = وانتي مراد الحب ياقبلةالخير

شعري اصيل وطاع لك يا اصيله = وقلبي عنيد وعذبته المشاوير
[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشغلت فكري مثل ما اشغلت جوالك = واسهرت جفني وجفنك بالسهر لاهي

ادق با اشوف يالغالي وش احوالك = وانعم بقربك واداعب همسك الزاهي

واقول لك شي مايطري على بالك = بداعب شفاك وانت تداعب شفاهي

انطق بإسمك واغني لحن موالك = وتردد اسمي وكن الشهد بك راهي

وان كنت لاهي فانا لك يالغلا هالك = وافخر بحبك وقربك لي واباهي
[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جلست انتظرك وطال صبري ولا مليت = تجرعت مر الصبر واحرمت عين النوم

اترجم لعينك بيت وارجع واصوغ البيت = الوم الغلا واثر الغلا مايجيه اللوم

ذبحنا الفراق وكل مره نردد ليت = واثر ليت تفتح باب .. بابٍ وراه علوم

[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نزولاً عند رغبة سيدة كل الحلا والزين = كتبت اخر بيوتي لاجل اراضيها وترضيني

رسمت العشق بحروفي وترجمته عذاب سنين = بنيت آمال واحلام لحكايه في شراييني

مشت فالدم للي تسكن الخافق وتملى العين = الا ياساكنه عيني فداكي يالغلا عيني
[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي حياتي كلها لجلك ولع = ولعتني بالحب يالورد الندي

بين السكوت وبين ضحكات الدلع = اهيم بك وارحل معك لو اغدي

يادرةٍ ماهيب تشرا بالسلع = يادانة صعبه مثل نجم الجدي

قلبي لكم حرٍ على شوفك شلع = وان تعبت الاقدام ماكل جهدي

اتذكر امسي معك والذكرى ولع = وان قلت لي بعدين اشتاق لغدي
[/poem]





[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا زادت الضيقه تمثلت لي بيتين = احاسب هموم القلب فيها واعاتبها

الوم الظروف اللي خذتني ولا ادري وين = مشت بي وفكري تايه من سبايبها

اصوغ البيوت وحزن قلبي عذاب سنين = اطوع قوافيها وانقي من اعذبها


طعنت القوافي لاجل اوفر دموع العين =ووفرت دمعي للسنين ومصايبها
[/poem]





[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر ما اشره عليك وكثر ما اعاتب = وياكثر ما اصفح واسامح واقبل اعذارك

شوف الرسايل وتعرف ويش انا كاتب = وتشوف وشلون حبي طاح في نارك
[/poem]




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضاقت علي الوسيعه يابعد روحي = واكثر سبايب جروحي يوم ضيقتك

يا دواي يامنيتي يابلسم جروحي = بعطيك عمري وهات شوي من وقتك
[/poem]




.

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتسأليني عن سبب ذيك الاحزان = كلي حزن لو اسطنعت السعاده

اقول زان الوقت لو كان مازان = كن الفرح فرصه والاحزان عاده

اقضي اوقاتي طواريق واوزان = وانظم بيوتٍ تستحق الإشاده

وان كان حزني مايقدر بميزان = حنا نموت ولا تموت الإراده
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ايام قطف الغلا من لين عذوقه = كم كنت اغني واناديها بعد روحي

قامت تغلى وقلبي مات بحروقه = قالت بروّح وقلت الها بعد روحي
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل شيً في حياتي ضاع مني = عقب ودعته وانا قلبي يحبه

ثم سلهم بالنواعيس ورمني = قلت يامر الفراق بدون سبه

مايفيد اللي شكا كثر التمني = والمولع ماعرفنا ويش طبه

[/poem]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العمر يفنا وكيد الناس مايفنى = كم واحدٍ عقب موته زادت ذنوبه
من كثر مانسمع ومن كثر ماشفنا = شيٍ يخل اللبيب يضيق به ثوبه
ياكم وياكم تمعننا وصادفنا = اعراض ماتحترم وحقوق مسلوبه
نساير الوقت والموت يتخطفنا = واثر الخطّا والخطايا دوم محسوبه
دايم على المخطيه نسعى ولا اطفنا = ونفوسنا كنها للحق مغصوبه
ومن عقب مطراشنا عن دربه انكفنا = كم واحدٍ راح عمره دون مطلوبه
الموت باعناقنا والوقت ما اسعفنا = وعيوننا عن دروب الحق محجوبه
نخطي وفي كل مره كم تحسفنا = واكتافنا من ذنوب الناس مغلوبه
واللي خلقنا وعشنا . منه ماخفنا = ونجنب العيب لانمشي مع عيوبه
شفنا الهوايل وشفنا غيرها وعفنا = والمسعد اللي تفكر واعلن التوبه
من قبل تطوا الصحف والرمل يلحفنا = والجسم يدفن تحت ووسادته طوبه
ماعاد غير العفو والدين يسعفنا = في ساعة ينكر المحبوب محبوبه
يالله بعفوك ترانا لو تكلفنا = ماغيرك احدٍ سجدنا له ولو نوبه
نرجيك يا ذا العطا تغفر وتنصفنا = ونميز الحق والتوبه هي التوبه
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامشالله يامشالله يامشالله = نص شعب المملكه يكتب قصايد
ذاك يسرد قال الاخر : الله الله = اشهد انك ماتجيب الا الفرايد
والدوادي سامجه شكواي لله = والقريحه كل يوم الها جدايد
[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامطول الغيبات بالله وش جبت = جايٍ توريني وش اللي كتبته

ابشرك من عقب حزني لكم طبت = وكل ماكتبته قبل هجرك شطبته

لا لا تعجب وان سألت وتعجبت = بقول لك شي بقى ماحسبته

ان غبت والا جيت وان جيت ثم غبت = ماعاد تفرق دامك اللي طلبته
[/poem]

ابو مناحي ..

والله انك غيثر ياخوك وشهادتي فيك غير .

صح قلبك .

يامرحبا والله ومسهلا

والساعه المباركه وشهادتك اعتز فيها

لاحرمت تواصلك

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامشرق الحب مدري مشرق احزاني = ليتك على مهجتي تعطف وتترفق

منك انت جرحي شكى من جرحي الثاني = والدمع اكنه ولا ادري كيف يتدفق

الحب جابك مثل ما الحب وداني = ابقى لوحدي ولا اعاشر لي مطفق

اخترت بعدك ولو انوح و اعاني = وقررت اودع واقول مجار وموفق


[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاشفت رقمك ياحسيـن التطاريـح = كنـي يتيـم بشوفـة امـه مبشـر
اللي من الفرحه بدا يقـوم ويطيـح = ودموع عينـه فالمحاجـر تحشـر
فـرد ذراعيـنٍ نحـافٍ كوالـيـح = يشر ولا يدري على ويـش يشـر
الجسم ناحـل والقرايـب مشافيـح = والورع من جور الليالـي مدشـر
كنه تجرع كـاس سـم الذحاذيـح = من يوم ظلم الوقت بالنـاب كشـر
ثم ضمته والدمـع منهـا سوابيـح = واستذكرت من مات في ساعة الشر
قلبي عليك يجض ويهيـم و يشيـح = وارحم من امه يوم قامـت تهشـر
يابو العيـون الناعسـات الذوابيـح = ياتوت مدري خوخ منقـي مقشـر
القلب مايسمـع كـلام النواصيـح = والحـال كنـه بالمناشـر ينـشـر
وانت اتصالك كالمزون المراويـح = وشلون لو بك يـا وليفـي ابشـر

[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلبي جريح المحبه والجفا جارح = والشوق دربه بعيد وكلت اقدامي

...والزين طول غيابه والفكر سارح = اسج فكري واشوفه دوم قدامي

اليوم مثل الامس والليله كما البارح = اعاتب الوقت وتعاتبي ايامي
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حتى القصيد بغيبتك صابه اضراب = والنفس ماتقبل من الزاد لقمه

اما تجيني يالغلا سيد الاحباب = ...تشفي فؤاد زاد بالبعد سقمه

والا اتصل واسأل عن اللي معك ذاب = ماني مسكر هاتفٍ معك رقمه
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولا فراقك يابعد روح مغليك = مافارق الدمع الحزين المحاجر

مدري وش اللي تنتظر من تغليك =دامك قتلت الحب ببعد واهاجر

واقطع وصالك والليالي تصحيك = ثم وقتها تفهم طعون الخناجر
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مثل البحر قلبي وحزني كما الموج = قام يتلاطم واحتوته الشواطي
تسوقه الاشواق فوجٍ ورا فوج = على مراسي من بيده انبساطي
اللي جماله باجمل السحر منسوج = واللي سهم عينه على القلب ساطي
اجيه لو دونه مسافات وفجوج = مادام حزني موج والزين شاطي

[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاتعتــذر ماعـاد باقـي لـك اعــذار = دامــك نويـــت البعد ليــه اتعـذر
كم كنت هايم فيك ما اطيع الاشوار = ولا استمعـت اللي يقول ويحـــذر
اسرفت في حبك وشف عاد وش صار = اللــه حرمنـــي منــك لاني مبــذر
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشمس غابت وحزن العاشقين اشرق = وانا عشقتك ولا فكرت باحزاني
والليل جدد جروحي والغرام احرق = قلبٍ عشق طلتك ياخدر الاعياني
اشوف طيفك من المغرب الا المشرق = في كل وجهه تنطحني وناجاني
يقول بحري عميق احذر ولا تغرق = واقول جعلي فدا من حرك اشجاني
اللي سرق مهجتي فداه لو يسرق = يامر وينهى وانا اصبر لوّ يجفاني
حزين قبله وزاد الحزن وش تفرق = يعني فداه المشاعر لو تناساني
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تدري وش اللي يجرحك وانت مشتاق = لاجيت يم الشـوق والشـوق لاهـي
انته تقول الحـب يجــري فالاعمــاق = وهـو تفاخـر بالـدلـع والتبــاهـي
تقول حبـي لايجـي بعـده فـراق = ويقول حبك داخـل الـروح راهـي
تبي تعبر له عن اسبـاب الاشـواق = وان المشاعر في ضميرك كما هـي
لا ماتغير لو علـى قطـع الاعنـاق = لو غيـرت سـود الليـال الدواهـي
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ان جيت بشكي من فراق الحبايب = اخاف من هرجة حسودٍ وعذال
وان قلت بسكت في فؤادي لهايب = ورضيت بالمقسوم في كل الاحول
الحب من ذاقه يشوف العجايب = افراح واوجاع ومسرات واهوال
اقسى من الدمعة على خد شايب = واحلى من البسمه على شفاه الاطفال
[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الدمعه اللي حدرت في ضحى العيد = خنقتها خنقتها وخنقتني
[/poem]

http://www.youtube.com/watch?v=7ETkzWK9aFI

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كانت تقول ايامنا كلها عيد = واليوم راح العيد ماعايدتني
[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كتبت لك شعرٍ مقفى وموزون = وكتبت لك جمله هجوس وخواطر
اشري رضا خفاق واغازل عيون = قامت توردني دروب المخاطر
واقول لك ممنون يازين وتمون = دام المشاعر في وجودك تقاطر
على خفوقٍ من جفا الوقت مغبون = ممحل ولا رشه من الحب ماطر
خذني على درب الغلا وانت ممنون = ازعل لك الخاطر و اعوضك بخاطر
[/poem]