منتديات المرقاب الأدبية - ,,, هواجيس مسفر الجعيد ,,,

منتديات المرقاب الأدبية (http://www.montada.mergaab.com/index.php)

- ..: مرقاب الرّكن الهادئ :.. (http://www.montada.mergaab.com/forumdisplay.php?f=112)

- - ,,, هواجيس مسفر الجعيد ,,, (http://www.montada.mergaab.com/showthread.php?t=61846)

,,, اطهر البقاع ,,,

[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

الخيال اللي بروقه حيه =شاق عين المهتوي قداحه
شافه اقباله مع الفجريه=وانتهض قلبه وزاد اجراحه
الرعد في صرخته عفويه=والمحبه نارها ذباحه
ذاب حرفه والدرر منقيه=والشمطري والنفل فواحه
من هجوس ٍ تعشق الغربيه=والمشاعر للـحرم منزاحه
اطهر ابقاع الكره الأرضيه=والبشر في ساحته مرتاحــه
قبلة المسلم لها قدسيــه=كل مسلم دونها بسلاحـه
والرسايل كلها مقريه=تكرم الكعبه عن التفاحه

[/poem]

,,, التحرش بالبنات ,,,

[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

يا الله سترك من فعول الدناسه=وتجيرنا من وقت وانته عليمه
يا ناس من شاف الصور شاب راسه=هتك وتحرش والقضيه عظيمه
اتمس بالشعب السعودي وساسه=وفي ديننا الاسلام اكبر جريمه
اتمثل الواقع وفيه انتكاسه=شباب تافه والضماير سقيمه
يعشق مواقيف الردى والطفاسه=شلة مهبل والرجوله عديمه
بالصوت والصوره ويال التعاسه=وياي الدلع تعكس حياة الهليمه
وطبع الكلاب الغدر زايد نجاسه=يرضى على نفسه ونفسه ذميمه
ومن دق باب الناس قصده خساسه=رد السلف لابد ياصل حريمه
ويشرب من العلقم ثلاثين كاسه=وتذكره ماضي وغلطه جسيمه
ولا ابري البنتين من هالخساسه=اللبس ضيق والمشاهد اليمه
وهل الرعيه قصرو فالحراسه=وهذي سبايب والعواقب وخيمه
يمهل ولا يهمل ويا قو باسه=وياويل من يعصاه يارد جحيمه
العرض غالي مارضينا مساسه=مشهد وشاهدته ولاهي ظليمه
الله يديم الامن واهل الرياسه=والله يحمينا وستره يديمه
وصلا ربي عد جنه وناسه=وعداد غيث ٍ هل من وبل غيمه

[/poem]

,,,, لوعة الحرمان ,,,,

[poem=font="simplified arabic,6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

ليلة البارح عساها ما تعود=نقضت جرح ٍ وعيا لا يطيب
ساهر ٍ والناس من حولي رقود=أكتم الاهات ودموعي صبيب
لوبكيت العمر كله ما يعود=والصبر ما فاد للقلب العطيب
حبه بقلبي تجاوز للحدود=وصورته قدام عيني ما تغيب
مر اله عامين ما هو فالوجود=لاكن أحساسي يقول انه قريب
ادري ان الوقت والعمر محدود=ولوعة الحرمان يتلاها النحيب
ان شكيت الهم فرحت الحسود=ون كتمته زاد والعاقل يشيب
يالله اغفر له ذنوبه يا ودود=وأرحمه يارب ما غيرك مجيب

[/poem]