المشاركة الأصلية كتبت بواسطة فيصل بن طواله

السلام عليكم ورحمة الله وبركاته..............

ومسّاكم الله باالخير ..

وأسعد الله أوقات الجميع ..


[poem=font="Simplified Arabic,4,darkred,normal,normal" bkcolor="white" bkimage="" border="none,1,firebrick" type=2 line=1 align=center use=sp num="0,black"]
يضيق في هذا الزمن (( يابن عياش ))= من كان حظه \\ طير ,, والصيد \\ همه ..!!
ويعيش فيه الميت ,, ويموت من عاش=وقتٍ به الاقدام صارت أعمّه..
صرنا (( لباشات الزمن )) مثل الأوباش=مع إننا (( ترياق آدم وسمه ))
شف أغنيانا .. بعضهم (( لاش إبن لاش ))=رزقه على ماقال بندر : على أمه..!!
ماينجي الغرقان (( ياخالد )) اقشاش=والميت .. ماله ثار \\ في بطن يمه..!؟
لولا (( الستر )) ماشفتنا .. نلبس \\ قماش=ولولا \\ المذاهب ,, ماتبعنا .. الأئِمّه..!!
(( وصقر الحباري )) مايقرنَس لخفاش=(( والعود الأزرق )) كلبونا .. نشمه.....
الوقت \\ صادق (( وأكثر الناس )) غشاش=والصادق \\ اللي ماله اليوم ذمه..؟؟
والأجودي \\ لاصار (( عظمٍ بلا عراش ))=ماينبغى حتى من \\ عيال عمه..!!
وحظي مثل حظ (( المربّط )) إلياهاش=له فزعةٍ ماتاصل \\ أطراف كمه..!
هذي (( ثلاثيني )) تعدتني اعطاش=أسمع (( بجم البير )) ماذقت جمه..!!
أنداش وأصحي ,, وأصحي أحيان ,, وانداش=وأمشي بلا يِمه .. على كل يِمه..!!
مرات أقول : إن (( لمّت أحبابي )) اطشاش=ومرات أقول : (( اطشاش الأحباب )) لمه..!!
تعبت أصير (( لشوك الأحزان )) منقاش=مليت أكون (( لهدة الحيل )) هِمه..
نصفي \\ مطمه .. ونصفي الثاني \\ ارشاش=يعني على بعضي (( ارشاشي \\ مطمه ))
أهتز يمكن ,, المهم \\ رابط الجاش=أطيح ,, لكن .. آقف (( براس قمه ))
يحرم علي .. عن (( وقفة الحق )) ماأنحاش=ولاأدنق براسٍ .. كتوفي تزمه..
وغطاي (( ستر الله )) إذا .. عيبي \\ فراش=والناقص .. إليامن مدحني \\ مذمه..!!
ماكل رجلٍ يقبل الخشم ينّاش=ولاكل (( زلات الأوادم )) مهمه..!؟
ولاكل من (( سولف بالاعراض )) حشاش=ولاكل ماقيل (( بقفا الناس )) نِمه..!؟
والشاعر .. إلياجاك (( شاعر على ماش ))=(( قِرشع بحر )) يجيه موجٍ .. يطمه..!!


[/poem]

وسلامتكم ,,,

تحياتي للجميع ...