[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامعاندنى وانا صعب المـراس=البحر من عاند امواجه غـرق
ليش تشتمنى وانا صلب وراس=وليه تظلمنـى وبعـده تنـدرق
وانت مثبوت ٍ عليك الاختـلاس=ومنكشف حبرك على كل الورق
فرق بين السرقـه والاقتبـاس=وفرق بين المقتبس واللى سرق
نشوة الابداع ماهى فعل كـاس=اومنشـط ذهـن تاليـتـه ارق
شئ مايبنى على صدق واساس=لازما كرتـه يطيـح وينحـرق
العزيمه والتحـدي والحمـاس=تجبر الاحساس فبنـادم يـرق[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدريـن كيـف ابغـاك ياقـرة العيـن=وماصير في غيرك من البيض طماع ؟؟
طـولــك 160 والــــوزن 60=والشعر وانتى واقفـه ياصـل القـاع [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يمكن ذكرتينى على نغمة النـاي=وانا ذكرتك مـع لحـون الربابـه
في غيبتك والحزن فأقصاي وادناى=يتعـب سؤالـى مالقالـه أجابـه
أمشي مع الرايح وأعود مع الجاى=في التناقض والعجـب والغرابـه
تايه غريب وفاقد الشور والـراى=ليـن استلذيـت الزمـان بعذابـه
لايابعد عمرى وشعرى ومعنـاى=قلبي بعد فرقـاك فاقـد صوابـه[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كيف؟؟اشوفك لابس الثوب القصير=للبشر قـدره وطاقـة واحتمـال
لايغرك يـوم انـا مثـل البعيـر=وشايل ٍ ماشالت ظهور الجمـال
وضارى ٍ بالصبر من يومى صغير=ومحتس ٍ لمصامخ زحول الرجال
ما أتحمل شوفة الحسـن المثيـر=والجمال اللى وصل حـد الخيـال
يكفى ان حدودى.. أشـم العبيـر=وأقطف الرمـان لامـال الظـلال
لو ما احبك ماتكاثـرت اليسيـر=ولاعسفت الرجل في درب الوصال[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتوصي على صـدق المشاعـر حريـص=يابعـد مـن سكـن فالعـيـن واهدابـهـا
انـت والله لروحـى ياحبيبـي خلـيـص=اقـرب احبـاب روحـى وآخـر احبابهـا
فيك انا اكبر غيور ومعك انا احرص حريص=واكـره اللحظـه اللـى دونـك احيابـهـا
وناظر بعيـن قلبـك وانـت والله بخيـص=المشاعرهـذولـى؟؟ منـهـو اولابـهــا [/poem]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خمرى هو الشعر .. والافكار معصرتى = أقلامي الكأس .. والاقداح محبرتى
هيا تعالى الى خمرى .. نعاقره = فالسكر من غيركى .. تأباه اوردتى
سيجارتى ..تبغها ماعاد يغرينى = ولا تسلل من عامين .. في رئتى
ياربة الحسن مافي الحى من احد ٍٍ = يصحوا على صوت اقداحى وعربدتى
هيا اشرقي واقتلي فالليل وحشته = معي اشربي ..وكلى من .. منّ مائدتى
ان الاحبة.. ياليلاي .قد ثملوا = تسامروا ..سهروا ..ذابوا..وفي صمت ٍ[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يوم تجرحنى وانا اضحك واتبسّم = كلبوه من الغلا لارحم حيّه
حسبي الله منك دايم ما اتنسّم = كل ماداويت جرح تجيب زيّه
اتقطّع لك صبابه واتقـــــســّــم = وانت تهدي طعنتك دايم هديّه
اتعشم فيك خير ولا اتوسّم= غير جرح وكية ٍ من فوق كيّه
بس قالوا لابغيت تحب دسّم = واحتمل ماجاك والنيه مطيّه[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لو ما احبك ماعنيت من الرياض = باذل ٍ حيلي وحالى وجهدي
اطوى القيعان وفجوج الفياض = شايل ٍ شوقي على راحة يدي
خايف ٍ لو واهج الاشواق فاض = اترك الموتر واحول واعدي
باسبق التوقيت يوم الوجد هاض = ماتخيل قدر حبّك يابعدي
ويامخايل من كرى حتى عكاظ = ابرقي ثم ابرقي ثم ارعدي
دام براق الوفا والوصل ناض = مانبي شوف الثريا والجدي
مانبي الا شوف مرسوم اللحاض =سيد ترفات البنات وسيدي
فدوته كل الغنادير الغضاض = من معه حسن الجميلات يغدي
اختلط فيه الحمّار مع البياض = الشفايا جمر والخد بردي[/poem]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي تشوف بنفسك شوى وشوى = حنا ترانا مانشوفك .. ولاشي
غديت مثل حوى ...واردى من حوى = تلهث ورى الجايد .. وتاكل من الني [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

في غيابك كن لون الكون داكن = والفرح مثل اليتيم ... بلا قرايب

الشوارع مظلمه والجو ساكن= والمدينه موحشه والشوق ذايب

آه لوتدرى عن احزان الاماكن = كان ..ماتميت ساعه ..وانت غايب

[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مشتاق اصافح صوتك الطاهر العذب=وارسم معاه احلى واغلي الامانـي
وانت تعرفنى زين ما ادانى الكـذب=واللى على قلبـي يقولـه لساانـى [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يدق ((التيل )) حتى كلمتنى = فلما كلمتنى كل متنى
ولامليت من طول اتصاله =على عذب السوالف سهرتنى
تسولفلي وانا اسولف عليها = واقول منين بالله عارفتنى
وتقول انته ترى ما انته .. حليوه.. =ولكن لك قصايد معجبتنى
فقلت الزين في سلم الرجالى = علوم الطيب كانك خابرتنى
وشعرى كله احساس ومشاعر = ووحدة ليلي اللى عاقبتنى
وقامت تضحك العذرا عليه = وقفلنا بعد مازعلتنى[/poem]

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللى ترد .. ولاقريت القصيده = تراك لامكره ..ولا انتــه بمجبور
ما ابغا الكلام اللى تقوله تعيده = اما اقرهـا..والا مجمل ومشكور
اما اطلع بحاجه وجمله مفيده =والا لسانى .. لله الفضل .. مخبور
نبي ردود ٍ في سماها جديده =ونبي قراءة ذوق واحساس وشعور
قدم ثمينـــه ..لا..تقـــدم زهيــــده =وفيما سـلـف ..تسلم وسالم ومعذور[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناقتى ..نذر ٍ على مابيعك = لو اتحمل من سببك الديني
حقك على اكرامك وتدليعك = وانك ماتلقين الوزى والشينى
واللى يقوم بضيمك وتلويعك = والله مايمرح قرير العيني
وحقي عليك اليا وقفت بريعك = وقعدت اوده من طرب راعيني
وان غبت عنك ولاحصل توديعك = وجيتك بعد طول المدي شميني[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو سمحتى يابنيه صكى السماعه = قبل ماسكر بوجهك واقفل الجوالي
لاتخلين القصيد لقصتك شماعه = واجد الشعار مانى فالديار لحــالي
آخذ من شايبي قبل الممات وداعه = تحفظ الراس العزيز وشيمة الرجالي
من وطاله عرض قوم يخربقون شراعه = حكمة ٍ جت فالحديث وجات فالامثالي
ماش حب ولاش في درب الغرام طماعه = المحبه ماتنومس فالزمان التالي
راس مالى من قصيدى.. ضيقته.. وابداعه = والا انا من هم ليلي آه واعزالى
دوريلك من شواعير البلد قرقاعه = والا أنا مثل البعير وفي يد الجمالى
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي بعد طوّل غيابك .. بلقياك = ودي اناظر ..مابقي من حنيني
بشوف وش سوى زمانك ..بدنياك = حتى الاقي عذر .. لدموع عيني
ياكثر مامرت على البال ذكراك = واحيت حكاية مامضي .. من سنيني
يوم اقطف الامال ..في الحلم .. وياك = واقول يابدر البدور ..احضنيني
اهيم واسمع نبرة الحزن ..وبكاك = وارجع وانا كلي سعاده .. حزيني
ياما زعلت وقلت انا الشعر .. لرضاك= وياما غفيت من الوله ..في يديني
اتذكرك ..وانا على بالي .. انساك = ومدرى على بالك ...متى تذكريني
احيان اقول ..اللى اعانيه .. ماجاك = واحيان اشوفك .. بين قلبي وبيني
وعلى كذا .. يوم المنى ..يوم لقياك = بشوف ؟؟انا بانسي .. او ابقي رهيني[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] وينك تعبت من السهر والفرح راح = لاتقتل الاشواق بينك وبيني

ترى النخل لو مات .. للقاع ماطاح = واكبر دليل لها المثل ...دمع عيني



[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] اللسان حصان,,ياظبي العدامه =احسب الكلمه مثل ما احسب كلامي

ولجل تكسب ود قلبي واحترامه =خل قدري عن جميع الناس سامي

ليت الاول طار من غصنك حمامه =روجت في مسمعى والجو حامي

يامساومنى على ..جرح الكرامه = اخسر احلامي .. ولايرخص مقامي

علم العذال.. يامال السلامه = تبرد جروحي ..ولاتبرد عظامي

لو يعيب الذيب ..جرحه وانهزامه= ماعوى فوق الجبل ..والجرح دامي

وانت لو تكسر شدادي والمسامه = سقت ركب الحب في درب المظامي

الحظيظ ..اللى على كيفه منامه =مستريح من الموده.. والغرامي



[/poem]

[img3]http://www.5aledyat.com/vb/uploaded/8394_01247989867.gif[/img3]

مشكور يامهدي التصميم

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفقد .. ليله لونها أسود ..وحالك = من هولها يمكن يشب الوليدي
ظلما ..وخوف..وغب صحرا مهالك=والريح ..وسباع الخلا ماتهيدي
حاولت ادور في غيابك ..بدالك=ومالاق لي غيرك..قريب وبعيدي
تدرى وش اللى في غيابك ..بقالك= عبرة هدب عيني ونزف الوريدي
وين انت تسألنى واجاوب سؤالك =واقول تكفي ..خل في ايديك قيدي
أبسط حقوقي من غرامك ..وصالك = وابسط حقوقك من غرامي.. قصيدي[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ..غار المسا من حضورك = حتى القمر منك انكسف وجهه وغاب
والشمس لو هي فيه ذابت ..بنورك = لوجت مع الطاقه ..تغادر مع الباب
جيتى بحسنك والدلال وشعورك = واحيا السهر روح الغلا والسمر طاب
كان التواضع فيك قمة غرورك = من قدنا ..ليل وطرب روح واحباب
شفايفك من تحت خدك ..وحورك = نون ٍ يظلل ثلج بالجمر ماذاب
دايم ليازانت لوصلك ..امورك = أستقبلك شوق ومشاعر وترحاب [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
عقرب الساعه قتل صمت الثواني = والغياب المنتظر قرَب حضوره

قبل تتركنى على هامش زماني = اسمح لقلبي ..يعبر عن شعوره

كنت شي ..وصرت فجأه شي ثاني =دار دولاب الزمن فيك ..الف دوره

في حضورك كان للضحكه معاني = تخفي طيوف التعب لحظة ظهوره

يوم اجيلك في مكانك من مكاني = اسبق اشراق الضحي لاشع نوره

كانت البسمه ..تزلزلى كيانى = ما استمع فيها ملام ولامشوره

مركبي هايم .. وهى مرسي الامانى = وفي شواطيها بذر حبي بذوره

وابتديت ابدع لها الحان واغاني = ارسم الفكره على مليون صوره

ماعلي قلبي .. يغنيبه لساني = اسبر اغوار الهوى واقطع بحوره

لين ذاب الشمع وسط الشمعداني = وانجرف قلبك ورى نزعة غروره

يامساومنى على (عمرى) ..تراني = ما اطيح من الجمل لو طاح كوره

من شموخى ياخذ ..سهيل اليماني = والزهر ياخذ بعد خنة عطوره [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من يوم قفلت الحقايب وسافرت =والضيق يرسل للمحاني فلوله

حتى الرياض بناظرى مالها كرت = صارت شوارعها الرحيبه ملوله

خليتنى مع ذكرياتك وغادرت = أسامر غيابك بعرضه وطوله

ماتدري بحالي ألي من تذكرت = والليل موحش والدقايق خجوله

اشتقت؟واعلنت الفراق وتحيرت = مقدر اضحي بالغرام بسهوله[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يطربنى النايح على الدوح لاناح = أجاوبه وابكي واغني لحونى

اسامر احزاني لفلاج الاصباح = مالي ونيس الا عباير عيوني

الناس ماخلونى بحالي ارتاح = حتى على شح الزمان احسدونى

حتى محبيني غدوا مثل واشباح = ياماخذوا منى ولا قد عطونى

صدقت يامن قلت كان الجمل طاح = كثرت سكاكينه ..وشف قطعوني

وانا سواة الجمر بالعود لا فاح = افوح شعر ..ولا أشاور طعونى [/poem]