طحتي وانا طاح لك كلـي وأحس وقع الالم جارح . . اللي حصل فيك يحصل لي اسبابها سهر البارح وليد العمودي |
شفايف وخدين ورموش وعيون وحواجب وخشم وهدب وابتسامه . . يحفظك ربٍ بيده الكاف والنون ويسعد حياتك لين يوم القيامه وليد العمودي |
أتصالك ينعش الاحساس فيني واشعر براحه وأحس الكون كوني والفرح والحب كلي يعتريني والامل والشوق واضح في عيوني فدوتك عمري وكل حاجه بيديني دونك ايامي فدا .. مادمت دوني وليد العمودي |
رسالـتك تغني عن الشوف والهمس يابسمتي يافرحتي يانجاحي باقي النظر والشم والذوق واللمس واعيش وياك العمر بأنشراحي . . . وليد العمودي |
الــ ( .. ) وباقي الــ ( .. ) ياعمري الحمد لله ياعز واعظم انسانه . . الحين زاحت همومي وانشرح صدري فرحان وانتي بعد وياي فرحانه وليد العمودي |
كم قلت لك ياروح قلبي وعمري نامي وخلي عنك كثر التفاكير مافاد تفكيرك ولا فاد تفكيري طيري عن احزان الليالي وانا اطير لاضاق صدرك مثلك يضيق صدري لا يابعد درب التعب والمشاوير يخون تعبيري ليا قلت شعري احساسي اكبر فوق كل التعابير نامي قبل لايطلع الصبح بدري ليلك سعيد وجعل صبحك على خير وليد العمودي |
ياللي سألتيني تبين الاجابه انا بخير ان كان قلتي لي بخير . . قلبي يبي منك العذر في غيابه ياللي غلاتك عن جميع البشر غير وليد العمودي |
مابيك تتضايق .. وتحزن.. وتسكت
فضفض وسولف .. يابعد عيني وليد العمودي |
مايحدد فرحتي شخص سواكـ ولايكفيني بهالدنيا أحد الله اللي حطكـ بعيني ملاكـ من سواكـ العين ماشافت أحد ولا تساوي دنيتي لحظة معاكـ لو بقي عمر يعلى طول الأمد منيتي في الكون والدنيا لقاكـ غيرها ماعاد لي حاجة أبد -- يسعد الله صبحك ويسعد مساك يابلد عمري ومامثلك بلد روحي ودمي وقلبي لك فداك ياسند دنياي ماغيرك سند مالقيت اللي يجي في مستواك في جمالك ماخذه عقلي بعد . . وليد العمودي |
|
أبنـشـد اهــل الـعـرف وأهــل المـحـطـات وياللي تقـول ( الفـن ) عنـدي ( رسالـه ) أعلامـنـا طــول السـنـه صـمـت وسـكـات وْوقــــت رمــضــان يــبــث مــمــا بــدالـــه دايـــم تــــزود أعـمـالـكـم فــيــه بــالــذات وبـعـض الـعـمـل مـلـيـان حـمــق ورزالـــه تـبــون نـصــح ولــكــن الـنـصــح هـيـهــات أعـــمـــال مـافـيــهــا نــصــايــح جـــزالـــه بين ( الدجل ) و( الكذب ) تروى الحكايات مسلـسـلاتٍ بــالـ( الفـتـن ) والـ( نـذالـه ) مـاتـنـفـع الـمـؤمــن بـشــهــر الـعــبــادات شـهـر الـصـيـام الـلــي عـظـيـمٍ خـصـالـه ( أيــامــه ) تــمـــر وتــعـــدي سـريــعــات والـفـايـز الـلــي قـــام وأْوصــــى عـيـالــه وياحـظ مـن هــو يسـهـر اللـيـل مــا بــات يـــقـــرى كـــتـــاب الله جــــــلا جـــلالــــه وليــــد العمودي |
ابـتــدى شـهــر التـسـامـح والمـحـبـه والامـــان ابتـدىشـهـر الفـضـايـل بـيــن كـــل المسـلـمـيـن فيه خير وفيـه طاعـه ياهـلا بشهـر رمضـان فيـه نفـحـه فـيـه طـيـب ومــن زمــان الاولـيـن نفـرح بشـوف الهـلال ونـفـرح بسـمـع الاذان ندعـي الرحمـن ندخـل بــاب عــز الصايمـيـن يـكـرم المسـلـم بـهـذا الشـهـر لايـمـكـن يـهــان اولــــه رحــمـــه ونـصــفــه مـغــفــره للـمـؤمـنـيـن واخــر عـتـقٍ مـــن الـنـيـران وادخـــال الـجـنـان نطـلـبـك رحــمــاك يــــا رحــمــن رب العـالـمـيـن ادخـل الرحمـه بقـلـب القـاسـي الـلـي مـايـلان واغـفـر ذنـــوب الـعـبـاد الغـافـلـه دنـيــا وديـــن طالبـك عـن معشـر الاسـلام خـف الامتـحـان واظهـر الاسـلام فـي صـوره تـسـر الناظـريـن الشهـر هـذا كريـم وحــان وقــت الـذكـر حــان سـبّــح وكــبّــر وخــــل كــتــاب ربــــك بالـيـمـيـن واخـتــم الـقــران واقـــرى ديـــن ربــــك يــافــلان ديـر بااالـك ..لايجيلـك يـوم فيـه انـتَ تـديـن كـل وجــهٍ يــا عـزيـزي غـيـر وجــه الـلًـه فــان تـذهــب الاعــمــال والـبـاقــي ثــلاثــه بالـيـقـيـن صـدقـةٍ تـجـري منافعـهـا ومضـمـونـه ضـمــان وعلـم نافـع وابـن صالـح غيرهـم مالـه معـيـن الشهـر هــذا فضـيـل وفـيـه يصـفـد كــل جــان اغـتـنــم وقــتــه تـرىوقـتــه ســريـــع ولا يـبــيــن وافطر المسكين واحسن كلمتك في كل شان كلمتـك لاتنطـق الا...قــول ذكــر الصالحـيـن ليـلـةٍعـن الـــف شـهــرٍ فـيــه لـكــن مـــا تـبــان يستـجـاب دعــاك بالدنـيـا وحـتـى بـعــد حـيــن صالـح الاعمـال زدهـا لاتجـي عشـرك ثـمـان شــوف غـيـرك كلبـوهـم بالمسـاجـد سـاجـديـن منت ضامن عمرك المعدود لو ساعة زمان كــل لـحـظـه لاتـطـوفـك فـــي حـيـاتـك يافـطـيـن الـشـهـر هـــذا كـنــوزٍ فـيــه لايــفــووت الاوان شيل ما تقدر على شيله مـن الكنـز الثميـن وليد العمودي |
اقتباس:
|
+++ عيونك تهل وخاطري ضاق لعيونك/ ماحب ألمح الدمعات بك يانظر عيني أحبك أناأحبك وأحب من يحبونك/ وأذا دمعتك طاحت تطيح أجمل سنيني دموعك سنيني خاف في روح مضنونك/ علشاني داري دمعتينك وداريني خفوقي وشرياني وروحي ينادونك/ يقولون كف الدمع ..كانك تحبيني يحد الألم صدري وغيري يحدونك/ على الضيق وأدري بس وينك وانا ويني حبيبي حبيبي خلني داخل جفونك/ وأصد الألم والضيق لو يجرحك فيني عسى مايعيش اللي يفكر يخلونك/ وعسى ماأعيش أن كان شفتك تخليني أنا أسف غلطت وسامحي زل مجنونك/ تجافين كل الخلق بس ماتجافيني يخون الكلام وقلت والله ماخونك/ أنا كيف أخون اللي من الناس شاريني +++ |
+++ كل عام وانتي يابعد عمري بخير/ عسى حياتك كلها في سعاده تحملتي اللأم من يومي صغير/ وشلتي عن ايامي التعب والنكاده مقدرأرد الدين والله لو أطير/ حقك يطوف الحق وأكثرزياده يحميك ربي من صدوف المقادير/ طاعتك بعدالله فرض وعباده فيك أنتصر على الظروف المعاسير/ وفيك أخذ الأنفاس فوق الوساده في حضنك القى الحب وأحلى التباشير/ وفي نظرتك أشعر بأمن وركاده كل عام وانتي يابعدعمري بخير/ عسى حياتك كلها في سعاده +++ |
+ ينتابني همسك وطيفك وأناجيك ياأعز ماشفت وسمعت بحياتي ياللي تجي في ذكرياتي وأناجيك ياأغلى حضور يمر في ذكرياتي الروح وأشواقي تحن ودها فيك يابو صفاتن تختلف عن صفاتي العنجهيه والدلع والدها فيك مواصفاتك تعجز مواصفاتي |
احبك يابعد ضيم الجفا وجروح غربالي ... \\ يااْول من سكن فيني واخر من بقى فيني ... \\ |
+ آسف ظلمتك ياحبيبي وأنا لك أقدم أعذاري وصادق شعوري الحب لك والشوق لك والهنا لك وأن مارضيتي ياغلا الروح ثوري غصن الأمل لجل الوصال أنثنالك رديه بيدينك / وراضي غروري لاتحرمين اللي سألك وعنالك أقسم قسم/حبك مهم/وضروري لو تطلبين اللي تبينه دنالك أدفع غلا حبك من الدم فوري وياحظ منهو ياأريش العين نالك وأن كنت نلتك من دواعي سروري عسى أتحقق رغبتك وتهنالك وعسى عبورك يتفق مع عبوري القلب من قبل أعرفك وأنبنالك دوري بْممراته ونامي ودوري كل عرق فيه بلمستك ينحنالك وبأطراف جدرانه جواهر وجوري مافيه داعي للتغلي وانا لك هدي وأهد/ جدار سورك وسوري . . وليدالعمودي |
+ + + ( عشرين ليله ) الوم نفسي غبت عشرين ليـله ماقلت لك يانبض قلبي ولا بيت صارت خفيفات المشاعر ثقيله مهما يصيح الحي مايسمع الميت قريحتي بالشعر ماهي بخيله لاشك صدت يوم شافتك صديت نظمت بك عدة قصايد جميله لاشك عندك كلها مالها صيت ياصاحبي مرت سنينٍ طويله وحنا صداقتنا على كف عفريت حق الخليل انه يراعي خليله وانت الخليل وعن خليلك تخليت ماذكرك دمعٍ تزايد هميله من ناظري يجري تقل عين كبريت ياممتهن نفس المحب الذليله ياليتني قدام عرفك توفيت ليه افرح بشوفك واضل استخيله ان كان ماتفرح بشوفي ليا جيت حبك عليه الصبر سرّجت خيله تعبت من كثر الترجي ومليت + + + وليد العمودي |
+ أن كنت تاخذ في تفاهات الأحكام/ وتاخذك في بعض الأمور..السوالف لاينشغل بالك على شك وأوهام/ شـي طـبـيعي نتفق ونتخالـف حاول تساعدني بتحقيق الأحلام/ ونصير للعدوان .. قـوة تحالف وليد العمودي |
http://www.alanba.com.kw/AbsoluteNMN...es/26684-1.jpg + عمر اللهيميد: الا ياوليد العرس قرب وشوف البوك مفلس وشوف الجيب ياصاحبي فاضي تبارك خويك والخوي قال لك مبروك على كل حالن يالعمودي أنا راضي وليد العمودي: أذا كنت راضي فالرضا ماعليه صكوك ولاظنتي تبغى محامي ولا قاضي وأذا كنت تسمع مني النصح وأنااخوك تمهل وعش دنياك ياصاح متقاضي عمر: رضيت وزماني مارضى والبخت مملوك لقيته ينبش بالسعاده مع اغراضي ياكثر التمهل والعرب مابها مشروك وعسى الله يعز النفس ياوقتنا الماضي وليد: بعض ناس لوشافت عليك الفقرخلوك واناأقول خلك صابرالحال ورياضي فلا كل دربن بالوسيعه قبل مسلوك ولا كل ضون لاح وسط السما ناضي عمر: يزيد العنا والهم والشوك حدره شوك وهذا زمان البيسريه والامراضي انا شفتلي في صدر دنياي كم صعلوك ولكن قرضته قبل يطلع بمقراضي وليد : عسى الله يرحم من على المرجله ربوك تقول الصحيح اللي عليه الشجن هاضي سلوك الأوادم تالي الوقت غير سلوك عليهم قصص واجد طويلات واعراضي |
http://up.mergab.com/uploads_pic/a79e7c8c95.jpg + غايب ثلاث سنين عنا ومشغول وأتابعك عبر الصحف والمجلات يابندر الايام ماهي على طول (تعب وشعر وأشغال جمه وسفرات) نبي نتسامر معك ياطيب القول هيهات ترجع ذيك الأيام هيهات وقتك بالأول كان ماهو بمقفول واليوم مغلق عننا كل الاوقات ياصاحبي نغليك والحق مقيول عبرت لك مما طرالي عبارات وليدالعمودي .. وليد إسمعني وانا اخوك شاقول السر عندك واحفظه بالأمانات ماهو ولع لكنه الوقت لحول يغصبك تبرى هالجروح بمسافات مابين جرح الحب وجروح مجمول عايش حياتي بالسفر والمطارات واليوم أنا فوق الثلاثين كم حول أسأل عليه وما ألاقي إجابات دنيا تجيب حمول وتودي حمول وانا معاها مالقيت المسرات بندرطلال السعيد |
http://www.movn.net/Nwes_images/img-...er-al-S3ed.jpg + عندي سؤال ولاعرفت الاجابه وأبي جوابه منك هالحين هالحين ياللي عجزت ألقى ونيس بغيابه نادر وحرن من رجالن عزيزين {عمرك يـابندر لاتضيـع شبـابـه متى تزوج؟صرت فوق الثلاثين!} حـنـا نـحبـك يـاعزيـزالـنجـابــه شرواك تقديره على الراس والعين نحرص ومثلك نفتخرفي جـنـابـه أخوي لا شانت نفوس الخبـيـثـيـن يفدونك الأنـذال لـوهـم قـرابـه اللي على نقل السوالف سعيدين باب العزوبيه متى تصـك بابـه أعقل وكمل نص من باقي الدين وليدالعمودي هلا هلا ياحافزي للكتابه رجلن وقف وياي بالعسر واللين من لابتن تسوالها ألف لابه حكام وبشبه الجزيره سلاطين الموت هابه ولا هو مايهابه لاقلتله قدام ماقال بعدين واصل معاي ولاقطع بالكتابه وافي لأنه من نسل ناس وافين واسمع جواب اللي تدور جوابه عاقل ولاهو منحسب عالمجانين العمر ماعندي حساب لحسابه ولا اتزوج دامها مومعي لين المجتمع يبري العليل وصوابه واعرافنا حسب الشريعه مع الدين بندرطلال السعيد |
تطلب نظر عيني وانا أقول لك: "تـــم" واعطيك مطولبك لأنك حبيبي! ماني بهوى غيرك مولع ومهتم لو هو نصيبي قلت مابي نصيبي صوتك دواء قلبن يحبك ومغرم معقول أدور طب وأنته طبيبي ...! |
وحياة قلبك ماعلى الكون غيرك لو شفت من صوبي قلوب الكثيرين انا مصيري مرتبط في مصيرك ترى محبتنا حبيبي على الدين لاتعتذر لي كثر الله خيرك الحب يشفع عن خطايا المحبين |
| جميع الأوقات بتوقيت GMT +3. الساعة الآن 02:47 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية