خليت لي من حلو الايام ذكرى أحيا معاها كل ماحاشني ضيق ، الله حسيبك جرح الايام يبرا الا جروحك ثابته كنها طويق ! |
غبت وغيابك اللي يجرح العين كل مامرّها الشوق اتذرّآ ! ، |
، أصحآبي اللي كآنوا لـ قلبي أحبآب تغيِرّوا / أو إنهم غيرّوهمـ ! ، يا قلب : تفدآك القرآبه والأجنآب لآ ضقت : فدوه لـ ضيقتك كلبوهمـ ! ، |
أمطرت والقلب يآ نوره شقآوي كل ما طق المطر تهب ذكرى ان قصرت الرجل عن درب المناوي ساقني حبه ، وقال الجرح يبرا ! 💔 ، |
يوم انا في ذرا قلبك من الهم كان للصمت والاحساس قيمه تختلق ضحكتي لو الفرح صم ما شقا ب ونة الليل ونديمه كل جرح ٍ سكن ماهو بملتم غصب يصبر لو الفرقا اليمه من يعرفك بـ غيرك كيف يهتم لو خذا عشق صافي من صميمه انت حتى الشعر يقول لك سم في مشاعرك رقه مستديمه كيف ما اشتاقلك يا خاطر ضم بسمتي / دمعتي / وقتي وضيمه اشهد اني بك العشق المتيم لو افارقك ، من ود وحشيمه ! قلت لي قبل افارق قولي لي تم وتم حبك ، وذكراك العظيمه 💔 |
, مشتاقه لـ نفسي كثير علمي بها منذ زمن ، ، أحلامها عيّت تطير وجروحها: غربة وطن ! ، 💔 |
،
طبعا هذه مشكلة اغلب النساء ( الرجل الصامت) وكانت مشكلة احد الصديقات عبّرت عنها فهالبويتات وارسلناها لشيخ دين عشان يتكلم بهالموضوع خصوصا :) ، عاد تذكرت المره اللي تبي رجالها يسولف قالت وش قصة سيدنا يوسف عليه السلام قال لا قصه ولاشي ضاع ولقوه بس استغفرالله 😂😂😂😂 أترككم مع الابيات :) ، يابو محمد صاحبي علّني عل لا قلت له سولف يبقق عيونه يقول هذا طبع فيني من اول وده يسولف والسوالف تخونه وانا احترق قلبي وحالي بعد سل أسل سيف البعد حوله ودونه مليت واحساسي من ملاهده مل الليل كله بس في تيلفونه يخلص تويتر / يجي سناب منغل خوفٍ يطوفه كل ما تعرضونه وانا بلايه كل ما الليل طول زوّد على قلب المعنا شجونه وان قيل له وش فيك دمع الشقا هل يصد خوف من البشر يلمحونه يذكر له ايامٍ مضت كم تأمل مستقبل وقلبٍ حنون يصونه يدٍ تشابك في يِده قبل ترحل عينٍ تقول أفدا غلاك وجنونه تعبت من صبرٍ جميل يتجمّل على أمل ، يمكن وليته وكونه ! دفنت نفسي لخاطره واتحمّل يمكن مع الايام تخطي ظنونه واليوم لا والله قلب الشقا كَلْ ماعاد هو حمل لعتاب ومهونه اما يجيني عشق كامل مكمّل والا بلاش أشقى بشكله ولونه !! ، |
, مدري اقّلب ذكرياتج يا غدير والا أقلّب بالحنايا ضيقتي ! الصمت يخْنقني / وانا ماني : بخير طوتْني الغربه / وماتت سيرتي ! اجامل ايامي على امل تسير وانسا تواريخ السنين / وديرتي على امل احلامي الحلوه تطير تطير وتوقّع / وتبقآ حيرتي ! على امل قلبٍ بحبه لي كبير وما تكبر الا جروح تعلن خيبتي الي متى والقلب لـ احزاني أسير وسط المواجع / رحت أدوّر خيرتي ! يالله من الحظ الردي بك أستجير لا تكسر احلام العمر تنهيدتي , 💔 |
نعنبو حيه ما خلالي مجال
اكرهه/ وآفوق من غيبوبته ! ، ماسحٍ حتى ردوده يا منال ما جداي الا اقلّب صورته 💔 ، |
مرحبا باللي قصيده كما لو عنق ريم يلتفت / ما يلتفت / طول عنقه يفرقه ! ، كان قلبك غاوي بكل وآدي يستهيم خافقي للحين ليل المفارق يحرقه ! ، |
|
, حسابك اللي كل ما ضقت جيته هليت دمعي عند بابه وونيت ، ياليتني مع جور وقتي نسيته ما روح منّه ميت وآرد له ميت 💔💔 , #ريف |
, يشرح لي امور دينيه والدين دين الله الواحد ، في السر والا العلانيه اهواك / يالغاوي الزاهد ! ، |
، يا أجمل الذكريات اللي تمر الحزين ايامك ايام ، لا تمحى ولا تنّسي ، كبرتني ألف مره في عيون السنين وصغرتني بـ عين قلبي يوم قلبك قسي 💔 ، #ريف |
اقتباس:
الله عليك منتهى الروعة ورب الكعبة |
، ، خلوا الفتنه فدا خشة تميم هيبةٍ لا اقْبل وهيبه بالقفآ ، ما تفرّقنا يابو قلبٍ سقيم غارقين ٍ بالشهامه والوفا ❤ ، #ريف |
اقتباس:
يا هلا فيك اخوي ماجد والاروع مرورك الجميل على الركن لاهنت🌹 |
،
، دآيم وعن منة المخلوق محشومه واهل المصالح ماهمتنا مصالحهم ، وجيهنا بالحيا والطيب مختومه يومٍ بعض العرب بانت ملامحهم !! ، ، :) |
،
، والطايله يا بوفهد ماقد خذاها غيرك انت حيّيت يا وجه السعد بـ قلوبنا عشت وسكنت ! ❤ ، ، |
،
، ، اللي حداه الزمن يعيش عمره خيال ما حدّه الشوق يذكر يوم حنيتيّ ؟ اقفا وذكّا بيدّه كل حلم ومنال بـ انْ أترّجاه ، وان يمسح أثر كيتّي ! اقْفا وقفّا معاه العمر والحظ مال يا سود الايّام ما وفيتي بـ ديّتي عقبه تغيّر علي الحال واصبح محال أعيش الافراح في مزحي وجديّتي زهدْت عن متعة الدنيا ولو هي حلال واقْبلت للدين في جهري وسريتّي لعلّي ارتاح من همٍ يهد الجبال وانْسا معاناةْ شمسي واحتْضن فيّتي لاشك فزعات حبّه بالحشا لا تزال لا قلت أبْنساه شاشت روح جنيّتي عزالله انه ونعم الرجل بين الرجال تشهد له المعضلات ونبض عفويّتي ! لكنّ فرقاه ماخلت لـ قلبي مجال لو ريح ذكراه تسوى حيّي وميتّي ! 💔 ، ، |
|
سموني أسيرة المرقاب
والا اسيره مرض نفسي ، الكل غابو مع الغيّاب وما غاب لو يوم : عن نفسي ! فعلا غابوا إلا أقل القليل وبدأت المنتديات تتساقط وبقي المرقاب لأنه يستحق البقاء شكرا لهذا البوح الراقي الممزوج بالصدق الفني والذاتي صح بوحك وكل عام وانتم بخير |
اقتباس:
اخوي مصلح أهلا بتواجدك هنا ، والمرقاب من عاش أجواءه وشآعريته لا يستطيع نسيانه مهما بلغت السوشل ميديا من التطور صح بدنك وانت بصحه وسلامه والشكر لله ثم لمرورك الجميل 🌹 |
،
صاحبي لا تدور فالمعاتب رضاي والله اني عن دروب الهوى جآيزه ، ابتعآدي عن ازعاج المدينه هواي لو لوآهيب صدري ، ماهي بـ عآيزه ، |
،
، دخلتني في السياسه والسياسه دمار ومن قبلها عايشه ومروقه وفاضيه ! البنت لاصار فيهادين وكثرة وقار احشم زلايبك لاترميك بـ القاضيه :) ، #ريف |
| جميع الأوقات بتوقيت GMT +3. الساعة الآن 12:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية