[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيبتي .... ما عاد يغريني البوح= كله على شان اتلذذ بصوتك .!
كني على صوتك من الشوق مشفوح=اخاف اعارض وقت حكيك وأفوتك.!
بالله يا روحٍ تجمّل على روح=لعيونها الثنتين . خلي سكوتك ..!
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعودت السهر لمعانقك يا بنت شيخ القوم = لو اني من حياتي ما تعودت السهرعاده
تجي من دون طيفك والمواري والسلوم اعلوم= وكم من واحد غاص العميق العذب مافاده
ولكن دامني معطى من اعروقك فأنا محروم = من انصاف الحلول المرضيه والعقل واقياده
يسامرني حنانك والوداد وكل يوم ويوم = يزيد وقلت يكفيني فخر وأثر الفخر زاده
كثر ما كنت احاول كيف اغيب احضر وانا ملزوم = بما يملي عليه خافقي يا ثالث اعياده
غرقتك والمصيبه في بحرك البيع فوق السوم = وانا غصتك بحر وارضيت منك القلب باقناده
[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كان مالله مجملني على كل حال = بين الاحباب والاصحاب بلقى عذر
ودام مالي معا درب الهزيله وصال = حطني مقدي السكه وعشري عشر[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالت اغصون الود فالمنزل العذب = ما دام عادوا ساكنينه وراقوا
عاشوا كذا غيّاب عن سكة الحب = حتى تناجوا في الغياب وتلاقوا
[/poem]

شاعرك يا بنت ما يفهم حظوظه

..................... كل ماغنى ردي الحظ غنا ..!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يحييك يا شهر رمضان الكريم = والله يتمم لنا بالعفو والمغفره
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصبح لازال في عتمة طشاش الظروف = اللي تجي دوم في وقتٍ مهو وقتها
خلت لها في ضميري من عناها شفوف = ولا باقي الا ضلوع الصدر فهقّتها
ما ودي اني الهموم اللي تطم وتلوف = يلحق على اضلوع صدري من عنا مقتها
حتى رجولي توانت من طويل الوقوف= ومن ما شحني من اهموم الزمن سقتها

[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سيّدي حنا بنيك وبني ناس= كانوا لأبيك الصارم معاونيّه
عشنا فخر للدار وبكل مقياس = نعيش واقعها قضيّه قضيّه
واليوم جونا ربع كآظم وعباس = أهل الضماير والعقول الرديّه
تناتفونا بينهم مثل الأكياس = ما عاد يعطينا الوطن معنويّه
واليوم دون الراس لا ياقع الفاس = ونروح غلطه قبل عيد الضحيّه
هذا وطنا عشقنا , مثل الأنفاس = وحنا اعياله لين حوض المنيّه
عشنا بها والأمر والأمن محتاس = لين اصبحت من فيضها جرهديّه
يأمن بها الخايف ويدله بها العاس = ويترك ثراها كل راعي رديّه
واليوم رغم الخير يا طيّب الساس = ما عاد لأبناء البلد أولويّه
لو زادت الأسعار لا باس لا باس = مهي مصيبه والزياده شويّه
لكن تصير منافس اخماس واسداس = والضرب في روس الضعوف الشقيّه
ونظام ساهر وثق الفاس فالراس = شي علي وش ماهو عليّه
وربع الصوامع وصلونا للأفلاس = بمساومات الضيقه العالميّه
وسابك ومزرعة الدواجن للأتعاس = وهذا مجرد شرح شر البليّه
يا سيدي حنا ترانا بنو ناس = كانوا لأبوك الصارم معاونيّه
نشكي عليك الوضع يا طيّب الساس = والا على الله الكريم الشكيّه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا عاد تنشدني عن اللي ملكته = راحت به الأيام من ضمن ماراح
قلب على درب المواصل فلكته = وسمعت من فرقاك لفراقه انياح
يعيش لك بالود لو ما تركته = واصبحت له في الحب سارق ومزاح
هاج وتبعك وعن طريقك فركته = ثم هاد لو ماهوب يا هيه مرتاح
[/poem]

http://www.al-marsd.com/thumb.php?sr...d.jpg&w=400&h=

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بنت الهوى في تمايلها = ما هيب والله محتاله
دايم كذا الله مجملها = بالزين والزين باشكاله
وبعقلها الله مكملها = تضحك على الشيخ واخباله
حاولت , حاولت امثلها = في دايم السيف وأمثاله
لو كان ما هوب قايلها = ولكن على لسان من قاله
يا ويل شخصٍ يزعلها = والله لأيتم اعياله
[/poem]

عليل واظروف الزمن تبري الحال
.................. ولا فيه حتى وصفةٍ تنوصف لي


غير الجروح اللي من الجال للجال
................. من دلو غبرات الزمن تنغرف لي


باعلمك والوضع ياطيب الفال
................. من بين اياديك الكريمه وشف لي


وانا بطل محسوب من ضمن الأبطآل
.......................كبير (لكّن الزمن ماعرف لي)

ريميّة البدو هنا :wardah:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذ ارمضآن الشهر والوقت والغآيه = ماهو مجرد شهر نقضيّه ويعدي
وجوده آيــه وصومه يعتبر آيه = وقبولنا فيه رحمة رب تنعدي
وتوابعه والنوافل ترجع التايه = ويصير من عقب ضيعه شخص متقدي


[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنفاس شهر الخير , تضفي لنا الخير = نعيشها في كل لحظه وساعه
وفي كل وقفة نصح للنفس , والسير = على خطى السنه ونهج الجماعه
ليت الشهور المقبلات المناحير= نعيشها مثله ونفس أنطباعه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الخوف ماهوب من قو الضما = والجوع والشمس وقت القايله
الصبر يحرق متاريس العما = وترجح القول ذمة قايله
الخوف صومك ما تقبله السما = ويحول من دون بابه حايله
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أتوجد على وقت وسنينٍ مضن = يوم حنا صغار نروح للمدرسه
روحن باكثر الأشياء طراه وقضن = ما بقي زرع نقتاته ولا نغرسه
اتوجد عليه ولو اعروقي رضن = بالمقادير لو دق الزمان جرسه
الليالي ليا شدن عليك أوعضن = عقلك اللي اعلوم الناس ما تمرسه
عمر ابن آدم الى القبر ومن الحضن = مدرسه مدرسه في مدرسه مدرسه
[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شفتوا قمر يمشي على الأرض يا ناس = كنت أمسكه بيدي وهو غآب عني
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الناس من باب اتقاء المناقيد = تبحث عن الستر البحت والحشيمه
لو عرضتهم ضيعة الوقت للبيد = يقضونها بين القصا والحريمه
أحسن لهم من هرجة عبيد وسعيد = هرجة قفا بين الحسد والنميمه
[/poem]

الله انه يسعد القلب المشقى
لين يهدا باله وتهدا اعروقه

كل ما حلت عواطفه يتتقى
ثورةٍ من داخل اعروقه تفوقه

مادرى هو ويش جاب وويش بقى
غير خصلة شعره الفاخر وطوقه

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أعيش فترة تصفية في زماني = كله عشان اعيش واصوم وأطيب
مانيب قايل ضاع درب المعاني = درب المعاني مثل درب الرعابيب
لكن حسب ما تقتضيه الأماني = اللي بنيناها عن الشك والريب
ظنيت بالله خير والله عطاني= وظنٍ برب الناس ماعمره يخيب
وعلى كذا يابحر كل الموآني = شف لي سفينة بعد لأجل المواجيب
النآس ما تعطيني أية ضمآني = على الحياه ونقرة الراس بالشيب
لكن يا بحر النجوم الثمآني = اللي نبت من روس بعض المراقيب
دامك رغم كثر الأماكن مكآني = اللي يقاسمني هوى الحر والذيب
بأودعك كم يوم لجل رمضآني = يا اخر تواقيع الهجوس المناديب
[/poem]

[poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مد العروق اليابسه بأجمل الشوق = وقرب شوي وهات قلبك وصدرك
طول رمضآن اعاني ابعاد وافروق = ورغم كذا ما هان ودك وقدرك
لكن , عسى وجهك من النار معتوق = وعيدك سعيد , وشوف شرواك مدرك
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحتاج للراحه وانا منك منصاب = وشلون ترتاح بحياتك وترضى
ووشلون تفتح للشماته مية باب = وعندك خبر بأن أكثر الناس مرضى
[/poem]