لو ينشرى .. صوتك المجنون .. بـ أيامي ، سقت العمر .. في سماع : النبره السلسه ! وشلون لو تنشرى .. جلستك .. قدامي ، ما عاد ابي من حياتي غير هـ ( الجلسه ) |
، انا جيتك تعب .. و ادور الراحه من اوجاعي ! و ما ادري عن علاقتنا صراحه ويش تفكيرك .؟ لويت أعناق خلق الله و ناوي تلوي إذراعي ، انا ما ألومك .. ألوم الظروف بـ طول تقصيرك ، |
من كثر ما أسرفت في حبك من اشعاري ، اليوم ادور شطر واحد .. ما عينته ! حبك .. وضح في قصيدي عند زواري ، وانا لو انه على كيفي .. ما بينته ! |
الصبح هذا ..مطر و غيوم واحساسي ، يعيش بـ أجمل عمر و يعطّر دروبي ! من حقي أتعب و احارب باقي نعاسي ، الغيم ماهو بـ دايم .. يلتفت صوبي ! من كثر ماني سعيد .. تسولف انفاسي ، ما ناقص الا اني اسمع صوت محبوبي ! قولوا له : ان كان ناسي ماني بـ ناسي ، لا غاب عني .. بـ عيني تكثر عيوبي ! ماني بـ قاسي معاه و لا هو بـ قاسي ، ذنوبه بـ حقي .. تصغر من ذنوبي ! |
يا هاجسي .. عد ما واجهت لي .. عده ، كم لي عن الشعر .. يا لذة طواريقه .. ! لي مده اقول : وينك ؟ وانت لك مده ، مآخذ مفاتيحي .. و قافل صناديقه ! الوقت دوار و ظروفي .. على حده ، انام ضايق صدر .. واصحى على ضيقه ! البارحه .. والهبوب .. تهب مشتده ، ما اخذت لي عن علوم الحزن .. ترويقه ! حلمي .. مع الريح ! شفته راح ما وده ، وحلمي من ابسط حقوقي فيه تحقيقه ! |
|
من منطلق واحد و عدة زوايا ، بانت تفاصيلك و شفت وتأملت ! وأخذتها من باب حسن النوايا ، وفكرت في زينك و أخيراً توصلت : ان الجميلات لـ ( جمالك ) مرايا ، هذا بصراحه ، كيف لو معك جاملت ؟ :) |
بحر الخليج .. اقرب من اخوال و اعمام ، انا و [ شاطيه الجميل ] ... نتفاهم ! أجيه و قيود الحزن .. كأنها أكمام ، ما كأن يجري في عروق الجسد دم ! أجيه بايع حزن .. لـ [ الضحك ] .. سوام ، من رجلي ليا راسي .. اشكي من الهم ! عمري مثل دفتر .. والاصحاب / الاقلام ، ما أملك لهم ، الا شكر خالص و جم ! |
، [mark=#c9c3c3]عزيزي الزائر[/mark] .. إفرح و انت تقراني ، وتقبل الشكر .. من قلبي و بـ ( لساني ) ..! إشعر بـ ( حزني ) ولا إتضّيق معي صدرك ، أحزاني .. أنا اللي أتحمل .. عنا أحزاني ! ما أجبرك تحزن معي و تحس بـ احساسي ، ما أنت بـ صديقي ولا أنت بـ ( ثاني اخواني ) زائر .. مروره ، يشرفني و يسعدني ، يقراني شوي .. بس ، شوي ينساني ! |
، في .. ( عيد حب ) الناس ماني مهنيك ، انتي بـ [ [mark=#0a0202]قلبي[/mark] ] .. ( عيد حبك ) .. لحاله ! ، |
[mark=#000000]من زاوية :[/mark] البارحة في حديث النفس ، طريّتك ، و وصيت نفسي عليك و قالت : ازهلها [mark=#0a0101] و من زاوية أخرى :[/mark] طالع و أعلمك : وش يطري على بالك ، انا اعرف اللي على بالك ، من عيونك ! |
، معك انت .. لـ الاوصاف دهشه و حيره و معك انت .. لـ آمال السعاده مواني و معك انت .. لـ البسمه معاني كثيره و معك انت .. لـ النظرة كذلك معاني و معك انت .. لـ الاشواق قصه و سيره و معك انت .. لـ اللحظات مفهوم ثاني ، |
، اقول لك : لا تغيب ، و تغيب ! وش فيك ؟ ما همك ملامي ؟ لومي .. كره صدر المكاتيب ، من طول عمره في كلامي ! الجرح لا منه بدا ، يطيب ، حل بـ محله .. جرح دامي ! البرد من دون المحاديب ، حتى لو ان الشوق حامي ! الاوراق .. ماتحتاج ترتيب ، تحتاج وصلك .. يا غرامي ! ، |
، إن طاوعك قلبك على النوم ، رح نام ، لا ينشغل بالك .. و يتعب شعورك ! عرفت بـ إني قاسي و راعي خصام ، عشاني .. أكرهـ .. منك قلة حضورك ، |
، انتي و انا و البحر و اصوات موجه ، على وعد الاشواق .. قلنا و جينا ! زدتك غزل و اثرك زدتي غنوجه ، لين الدقايق روّحت ما درينا ! ، |
، علاقتي معك أنت .. ( نقطة تحول ) بين الحزن كانت و بين السعاده .. ! ، |
، ، في غيبتي .. لا غبت .. مخطي و معذور ، زله .. و تغفر لي ! مع الوقت .. زله ! الشعر ما هو دايم .. يترجم شعور ، بعض الشعور .. أكبر من الشعر كله ! أحيان .. أحس اني مثل بيت مهجور ، من ذكرياته .. ما بقى غير .. ظله ! ، |
، ما انت بـ ( عادي ) .. لا علي الملازيم ، يا ملهم العاشق .. و [ جل إهتمامه ] ..! من كثر .. ما غيرت فيني .. ( مفاهيم ) ، معك .. شعرت : إن الحياة .. [ إبتسامه ] ، |
، ما جيت اغني لك و أوقف على أطلال :- الا و أنا .. من لاهب الشوق .. ميّت ! الشمس تحرقني .. وانا آمالي .. ظلال ، والذكريات / اشجار .. بـ الظل .. عيّت ! ، |
، لا تزيدين التغلي .. ترى ما هو كذا ! لو يهون غيابك انتي .. وش اللي ما يهون ؟ الكلام .. أصغر من احساسنا دايم ، لذا ! أكثر العشاق .. ما يعرفون .. يعبرون |
، ان جيت تقديري لـ الاصحاب ، وان شفت لي صجه .. ما اداني ! احفظ مقام .. أقراب و اجناب ، و احفظ بعد .. هيبة مكاني ! لو إنها في كلمة عتاب ، ما شح فـ عتابي .. لساني ! لـ اجل اللحى تقدير الاشناب ، و الطيب لـ طوال اليماني ! ما هو كذا يا طارق الباب ، الطرق هذا طرق ثاني ! لا شفت لي تقدير و اعجاب ، اللي حرمك .. الله عطاني ! ، |
مستوطن الوحده و متغرّب إحساس ، و الراحه .. آمالي و قمة طموحي ! واضح مع نفسي و واضح مع الناس ، و أحب من قلبي .. و أقدر جروحي ! ، |
، تجرح .. و تزعل .. و إتغلى .. ( يا لبيّه ) في كل :- حالاتك .. محليك .. ربك .. ! تبي تعرف .. السالفه كلها ، ليه .. ؟ لاني :- قسم بالله ميت .. بـ [ حبك ] ، |
، دنياي .. لفي بي .. و دوري ، متني مثل ما كان .. متني ! حاولت أعبّر عن شعوري ، مافيه كلمه .. ترجمتني ! لا جيت أبـرّهن عن حضوري ، وايامي اللي .. علمتني ! الصمت لـ الصوت الجهوري ، ان ما عطتني ما أحرمتني ! ، |
، ( الزكمه .. اللي ثلاث ايام ، يا رب منها .. تسلمني ! اتعب مع النوم لين انام ، وان نمت عيت .. تقومني ! ) ، |
| جميع الأوقات بتوقيت GMT +3. الساعة الآن 03:16 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية