|
|
الا على طاري / غيابك .. ترى طوّل ! وانا صراحه .. ما اعرف اعامل غيابك لا جيت أبـ مسك شعوري قال : ( ذاك اوّل ) قبل يتسمى حبيبك .. بـ [ آخر أحبابك ] |
ما كل .. ( ورده ) .. مع الباقه تجي حلوه ، كم .. ( ورده ) .. لحالها أحلى من الباقه ! :) |
فديت الدمعه .. اللي من حرارتها يذوب الصلب ! على خدك و من عينك .. و كأني عنك ذارفها انا اولى بحزنك منك .. يا روحي يا نبض القلب ! ياليت اقدر على احزانك .. و اواعدها و اصرفها |
ابلشتني .. في طيب راسك و دمك ، مره بـ جنبيه .. و مره بـ رشاش ! ابوك مع جدك و خالك و عمك ، مافيهم الطيب و لا فيهم اللاش ! |
|
انت بـ صراحه .. شخص فارق و نادر ! مواقفك .. تحتاج .. [ لفته كريمه ] جيّتك فيها لـ ( السعاده ) .. بوادر وغيبتك .. عن نفس السعاده / عقيمه ! |
[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
انا لو بغيت / اكتب ولا شفت هوجاس=سردت لـ ( ضلوعي ) من حياتي حكايه علامة تعجب .. رصعوها بالالماس=تحط البدايه .. لين ماله نهايه سقيت الاماني عزم و استبسل الياس=يسابق نظر عيني على كل غايه لو ان الحبر ما سال لـ [ عيون قرطاس ]=ترى الدافع اكبر من فضول القرايه الاحساس .. كلمه تعطي العالم احساس=والاحساس .. كلمه تكتب اجمل روايه احبك .. ماهي كلمه تجي بين الاقواس=ولا تعكس حروف المحبه مرايه احبك .. حياه لحالها كلها ناس=لكل الفرح تحسب كـ ( نقطة بدايه ) [/poem] |
دامك .. سهرت الليل لـ الحين ! لا تنام ، اصبر .. و تعرف وش تجيب الليالي ! منظر .. يلملم ما تشتت من احلام ، منظر .. شروق الشمس .. منظر خيالي :) |
من فضلك .. استرسلي فالوصل .. من فضلك ! و اللي يجي في ( ضميرك ) .. عبري عنه عيونك تشوف و عيوني تفضفض .. لك ! ما لـ [ الاوادم ] بنظرات الهوى .. منه |
( يا جرح ) .. كيف الحال ؟ لـ الحين عايش ؟ وشلون ؟ عايش داخل احساس .. [ ميت ] :) |
لـ [ عيونك / النعاس ] جيت و تواجدت ! وانا مزاجي .. لـ الشعر .. مش ولا بد تسأل وانا جاوبت لك .. ما ترددت ! من جد تعشقني ؟ و جاوبت : من جد ! :) |
في صوتك المبحوح .. حاجه عجيبه ، حاولت .. افسرها ، و عيت تفسّر ! تهدي اعصابي .. بـ رقه و طيبه ، و تجبّر اللي في زماني .. تكسّر ! |
تصدق .. اني قبل ما أعرفك .. ما جاني ! إحساس بـ إني بـ أعيش بـ هالرومانسيه صراحه .. انت ابعد من احلام و اماني ما اجامل .. ان قلت لك : حاجه خياليه قلت لك .. حاجات .. ما تطلع من لساني فـ [ الحب ] .. نص السوالف .. لا إراديه صرت أغلي اخوانك اكثر من غلا اخواني شف .. كيف سوت علاقتنا الغراميه ! في عيونك السود .. ضاع اسمي و عنواني وفي ضحكتك .. شبت شموع .. الحميميه تستاهل ابخل عليك .. بـ ماضي احزاني وتستاهل اعطيك .. في قلبي خصوصيه :) |
سرى ليلي و انا سهران يا مساعد و اجر الصوت ، عسى صوتي ليا غنيت .. يشرح لك عن اوضاعي من البارح .. شعوري لك عليه و خاطري مكبوت ، ابرر و اقتنع .. لو قلت : ما لـ ( السالفه ) داعي ! بيوت الطين و الاسمنت .. لو تفرق تظل بيوت ، انا واعي لكل اللي يصير و حضرتك .. و اعي ! |
انا .. سعيد بـ كل لحظة .. تجيبك ، وانا .. حزين ان غبت عني دقيقه ! أحيان .. تبطي ! ما تكلم حبيبك ، وأحيان هذه .. دايم تجيب ضيقه ! :) |
الى متى يا ذا الزمن ظلم و إجحاف ؟ ما طرت من فرحه وانا افراحي تطير ! شفني معك .. واواصلك لكن .. ! اخاف ! بكره تفرقنا .. ! ( ظروف و مقادير ) لو في ظروف اهل الهوى نصف الانصاف ما كان ضقت و قلت : تصبح على خير ! :) |
تقديري الخالص و جل احترامي ، لـ كل ( قصة حب ) .. كانت جميله ! جيتي و شطّبتي .. جميع الأسامي ، ماهو بـ ليلة ! بس في نص ليله كانت طموحاتك .. بـ كسب اهتمامي ، وصرتي لي الاحلام .. بـ أهون وسيله ! |
مانت علي بـ غيبتك ،، كل [ ضيقه ] ! وصار الحزن .. بعدك .. تصرف طبيعي :) |
لا صار مالي في غيابك .. مناعه ، شرهة يساري ! يوم تصفق يميني يا غصة الاشواق .. كلي شجاعه ، لكن عشان الحب ! .. لا تخنقيني ! حبيبتي .. بعدك .. لـ شعري مجاعه ، كأن القلم .. ما عاد يعرف يديني ! هاتي يدينك .. في يدي ربع ساعه ! وإنسي جميع الناس ! بس ، اذكريني ، |
برنامج الهم .. بـ رعاية ( غياباتك ) و مشاهدينه غصب مجموعة اشواقي يا هم .. شفّر عن اشواقي .. قنواتك كم لي وانا منك .. ادور فكة وثاقي ! |
عيوني .. البارحه ما خلت عيونك ، الا على كل دمعه منك ، لامتها ! وشلون تحزن ؟ و تحزن من يحبونك ! من كل دمعه تمر إبها .. سلامتها ماني بـ [ طيب ] لا عاد تقول وشلونك ، احوالي الطيبه .. فرحك .. علامتها ! |
[ALIGN=CENTER][TABLETEXT="width:100%;background-color:blue;"][CELL="filter:;"][ALIGN=center]:
http://www.aleqt.com/a/193662_17739.jpg [poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لو إنّا ما تعودنا الخساره .. لا لعب الهلال=لو ان الفوز عادي و الخساره ما تجي عادي ! ( فدا رأسك ) بطول كأس فيصل والصحيح يقال=بطولتنا الحقيقيه .. وجودك ترأس النادي[/poem] ؛[/ALIGN][/CELL][/TABLETEXT][/ALIGN] |
| جميع الأوقات بتوقيت GMT +3. الساعة الآن 11:58 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية