اقتباس:
يا مرحبا مليون يابو محارب ، والله اني صادق .. مرورك تشريف يعلم الله ، واشادتك مصدر سعادة بالنسبة لي .. وعساني عند حسن الظنّ دايماً .. الرد على مثلك صعب عساني ما اخلى منك ، اعذرني على القصور والتأخير .. :con200: حيّ الله اللي يهدي الشعر .. الأنفاس ويبهج به صدور البشر .. والمحابر ! شرّفتني بزيارتك .. وانت نبراس نحتاج له كل ما أظلمنّ .. المنابر !! |
آآآآآه من كثر الملام .. وقلّــــة الحيلة
وآآآه من بعض السكوت .. وحكينا كلّه ! في عيوني حزن واقع .. صعب تمثيله وفي خفوقي جرح قتل النبض .. سهلٍ له ! كل ما ناديت .. مدري من أنادي له وكل ما ونّيت .. مدري وش هي العلّة ؟! من شكى لي قبل يشكي .. كنت ابشكي له ومن تفيّا في ظلالي .. حاجتي ظلّه ! ومن بغيت اشرب حضوري في فناجيله في فناجيلي فضت من غيبته .. دلّه ! جف دمع الصبر .. ولا سالت مناديله غير عن طاري رحيل .. الدمع ما بلّه ! كيف اروح ؟ وكل درب اسأل مراسيله ما تودي لـ المكان اللي أبوصل لّه ! وان لقيت الدرب .. من يضمن لي الليلة لا وصلت ألقى بعض ما فاتني .. كلّه !! |
حبيبتي تشبه حكايه في سطرين مع قلّة احرفها .. غزيرة معاني ! لأجل قراءتها.. في حاجة لـ قلبين قريتها بواحد قبل .. ما كفاني ! حفظتها ، والدمع ما عاد له عين وردّدتها لين ازهرت في لساني ! وانا اشبه الإحساس من دون تخمين في الذاكرة بيتي .. وخلف المحاني ! مزروع في دمعة.. وتلويحة يدين مقطوف من ضحكة صغير .. وأغاني ! محد قراني مثل ما اقراني الحين ومحدِ كتبني فـ القديم .. ومحاني ! في صادق الأحرف لحبري .. عناوين من اللي ضيّعني .. من اللي لقاني ؟! |
^
ممنونك وشاكر لك يا مصممتنا على هذا التصميم الجميل .. واعتذر منك على التأخر في الرد .. دمتِ بخير .. : : |
يا قلبي الموجوع .. صاحبك ما تاه
لو ملّت اقدامه طوال المشاوير ..! على كثر ما كان جزل بـ عطاياه محدٍ نساه .. ولا تذكّره بالخير ! |
خليني خلف الصمت هادي وساكن
وأمثّل الفرحة عليك .. بـ تفاني .. ! ودّي اسولف لك عن الحزن .. لكن كلامنا عن الحزن .. حزن ثاني .. !! |
الليل صلف .. وشمع الأفراح غافي
واللي ذكره الحزن .. وشلون ينسى ؟! وصدر الرياض إن طوّل الليل .. جافي وإن حنّ ليله .. عشر ليلات يقسى ! كم لي أسكر باب بيتي .. خلافي وأطلع أدوّر حضن ساحل .. ومرسى ! ارمي به دموعي .. و صمتي .. و قافي وألقى بعد طول السهر فيه .. ممسى ! ما ألقى سوى زحمة جمود .. ومنافي وأحاول انسى الحزن .. وأنسى إني أنسى !! محمد كنت هنا وسأظل!! |
| جميع الأوقات بتوقيت GMT +3. الساعة الآن 04:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية