ركن مختلف بما فيه من ابداع


لله درك يابو السلاطين :wardah::wardah:

ارحب يا ابو مسفر

حضورك يا صديقي الغالي وسام اعتز به
الله لا يهينك يا كبير

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
روح الندم فيما تواريه الأضلاع = عن كل مشفق من حياة البنادم
لا صار أبن آدم ورى الشر تباع = في كل حال وحال خايف ونادم
حرية الروح التنزه عن القاع = وترك الأمور الساقطة والمصادم
[/poem]

أعتمد شوقي و[تمريرة حنآني ]
................... بين أيادي [حارس أضلوعك وقلبك ]..!
لو أنا مانيب في رجواك [أناني]
......................كان [سجلت الهدف] وألغيت حبك ..!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما فتحت أزرار صدري وعرضته = للهبوب البارده غير من حضّي
من ثلاث أسنين وشوي لاحظته= كل ما زانت معي مال ثم جضّي
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من يوم حنا أطفال نتعب ونعتاش = في ظل دولتنا وفي كِف ابونا
من قبل لا نسمع بحافز على ماش = شيباننا للمرجله حفزونا
لو كان [ حافز] ضحكة اعلام وأفلاش = لكنهم بألعابهم ضيعونا
لعبة حبكها تالي الليل حشاش = وبأسلوبها وأقيودها قيودنا
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر فكر ونظرتي قايمه فيه = مثل ما تنظره العقول اللبيبه
شاعر ولي في كل الأمثال تشبيه = واغوص في بحر القوافي واجيبه
فكيت فيه ارقاب وأنفوس ووجيه = وازريت اروض به مشاعر حبيبه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حكمّت فيها نظرتي بالوفا لين = من لهفتي لأطيافها ناظرتني..!
أنا كذا عيني لها والحشا عين = تنظربها في داخلي لا بغتني ..!
حتى هقاويها معي تعتبر دين= تنظم للي تاخذه لا عطتني..!

[/poem]

هناكـ أشخاص يستحقون منك التضحية لأجلهم

أقارب
اصدقاء
وغيرهم

وهناك أناس يضحون لأجلكـ بأشياء اغلى من ان يضحى بها

هؤلاء يستحقون الروح ولا غير الروح

لـ(شخص ) ضحى لأجلي بأشياء أثمن من ر وحه
أنت هنا (:con200:)

:)



صح لسانك على كل مالقيته هنا

حتى الكلام النثري صح لسانك عليه



ولابه جديد من يعرف سلطان ما يستغرب ابد
سلطان على اسمك



تقبل سلامي مع مروري المتواضع يبو دحيم



:wardah::wardah::wardah:

جعلك عمرك طويل يا ابو عروب

تظل استاذي اللي اتعلم منه دائما

حيك وحي حضورك :wardah:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما اذكر اني عشت في يوم بحياتي = غير اهوجس فيك واحاتيك كلك
من عنادك لين تحقيق أمنياتي = بين اياديك وتقاسيمك ودلّك
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغاويه ما تستهل الأقاويل = في كل مبدا وانتهاج ووسيله
الا على ما تحتويه التهاليل = من ذكر وانصات ومقام وفضيله
عشنا بجيل وننتظر يكمل الجيل = واجيلنا اللي راح ما عاش جيله
حكمة خلقها الله من الصبح لـ/ الليل = والحمد لله كل يومٍ وليله
اليوم ودعنا زبون المداخيل = في حفرة بين الحجر والنثيله
شلناه بأعصاب اليدين المكابيل = اللي من اللي صار عجزت تشيله
وجبناه مثل اللي على هفة السيل= واعز واحد (حوط قبره) يهيله
رجل ولا كل القروم الرياجيل = في وقفته يسوى مقام القبيله
مات وترك له فرغة مالها نيل = لو كل قرم فرغته تستوي له
من موتته ماتت قلوب ومداهيل = ومات الكرم من موت ابوه وزميله
النادر اللي وين ما يظهر الميل = يرفاه ويعدل عن الوضع ميله
اخو وابو وامير ويحط ويشيل = ما راح نفقد فالنشاما مثيله
كفه على كثر العطايا مناهيل = ويمناه ما هيب اليمين البخيله
وصدره رغم هم الزمن والأهاويل = واللي بأثر سود الليالي يكيله
دقات كفه في ضلوعه مدابيل = من كثر ناس فالشدايد تجي له
نبكي على فقده ونبكيه بالحيل = وندعي له الله دايم وندعي له
ونعذل انفسنا ولو ما التعاذيل = تمحى كدر هم النفوس الكليله
الله يجيره من عذاب المقابيل = ومن ضيق قبره والسؤال وحصيله
ويعوضنا في موتته بالاشابيل = اعياله اللي بالفعل تنتمي له
ويعوضنا بالصبر لين الاحاويل = عن وجهة الدنيا ليوم النفيله
[/poem]

الموت مفهومه اللي يعتبر فالصميم
المشي من ساحة المسجد ليا المقبره


لا صرت فاقد نديم ماهو أية نديم
نديم مافيه مثله فأبن رجل ومره

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تربعّي بين المعاليق الأتوآم = وتوزعي بين الخلايا وكوني
أرق من نسمة هباهيب الأنسام = فوق الرموش اللي تضم العيوني
كل العرروق بغيبتك مثل الأيتام = تحتاج للحس الرقيق الحنوني
وأنا منادمهم من العام للعام = لكنهم يا فخرهم ما يبوني
يبغونك تعيشينهم حب واهيام = لنك مثال التضحيه يالفتوني
[/poem]

حي هلا بك يا صديقي

ورب البيت حضورك تشريف لحاله

لاعدمتك

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سكة حياتي قلتها للملا اتباع = من دون لا أزود ولا حتى أنوّع
رجل انسيابي فالتعامل والاطباع = وأخاف ربي لو مآني مطوّع
والحظّ لا تسأل عن الحظ لا ضاع = جيت أنهمه قاعد وعوّد وكوّع
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا علي لا مال العصر بارد الفيّ = في ليلة ورادها ما يصدر
قل للهنوف اللي مشاريهها فيّ = ان ضاعت النظره بها لا تكدّر
أن قدرت بعدي عن الحكي والغي = وان عارضت,من حقها لا تقدّر[/poem]

هذا صخب ابداع ماهو هدوء !!


اخي العزيز / سلطان

شاعريتك كل مالها تزداد لمعان وبريق


واصل على هذا النهج ياصديقي

8

يا مرحبا يا أبو نايف

يعلم الله أني سعيد بعودتك وترقيتك ووجودك

حب لي خشمك ونورت المكان وشرفت راعيه