|
|
، اقول والا أسكت ولا اقول ؟ كم لي اصوت لك و انادي عذرك ماهو بـ اللي ومقبول يشفع لك بحبك .. فوادي ! سلمت لك قلبي على طول وقلت : انس يا غاية مرادي لا حول من ما صار لا حول ما عاد ركني .. ركن هادي ليا بغيت تغيب / بـ أصول لـ الغيبه .. اصول و مبادي دور معي لـ الواقع حلول و تعرف من فالظلم بادي البارحه . فاضي ، ومشغول واليوم .. كليه و نادي ! ، |
الرسائل المرسلة :- يا مطلق .. المقلوب / مقلوب ، وجهة نظر و انت إحترمها ! ينقصك حجة صح و اسلوب ، مشاكلٍ .. سامتك ، سمها ! قطرة عيون و كيسة حبوب ، والعافيه .. لا جتك لمها ! |
، البعد / يزعجني .. لو اللوم / يزعجك ، و انتي / هواويه و قلبي / هواوي .. ! لـ الوصل مااحوجني ولـ الوصل مااحوجك مقدار .. حاجتنا .. لـ بعض .. متساوي ! ، |
، [poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] تعبتك حزن .. يا اوضح سر .. كنيتك عن الاسرار=وانا ادري كل نبره حزن مني ما تدانيها و مع كل الظروف القاسيه .. يا اجمل الاقدار=شف احلامي على اسمك من غلاتك قمت اسميها فديتك .. لو لقيتك .. فـ .. ( السنين ) اللي مضت ما طار=من غصوني .. عصافير .. إنكسر صوتي يناديها [/poem] ، |
، أعطيت قلبي .. فرص واجد و ضيعها ، بعدك .. ! لا يمكن أقدم و لا فرصه .. ! مشاعره .. ما تبعثر .. لين أجمعها ، ولا حب انا اتعب معه في حبه و حرصه ! ، |
، الجفا و البعد و الصد .. زادت و أنتجت ، السهر و الشعر و اللوم .. وانواع العنا ! كل حاجه تستثير الحزن منك انت ، جت ، و الحزن ما هو عشانك .. على شآني أنا ! ، |
تناقشنا .. ! و زعلنا بعضنا ..! و القلوب صحاح ! و حنا كل واحد .. فالحقيقه .. ! يعشق الثاني انا ما ارتاح ! لين اشوفك بجنبي ، معي مرتاح و لا ترتاح .. لـيـن ، اقول لك : يا سيد خـلاني اشوف الشوق فـ عيونك و فـ عيوني تشوفه لاح انا بـ أرضى على شآنك خلاص ارضى على شآني |
كيف : ما احزن على بعدك ، وبعدك كئيب .. ؟ وكيف : ما أفرح بـ شوفك ، وانت شوفك فرح ؟ |
بـ ( صوتك ) اللي : يفرّحني و ينعشني ، قل لي : وش اللي يجي في خاطرك قل لي ! كأنه على الحب و علومه .. يشيشني ، ليا سمعته ، أجي له .. مندفع .. كلي ! |
تمر .. و عـيـون الأوادم .. تعـايـن ، بس إتـحـرى يمكن يطيح ، شـالـك ! رحب بك النسناس و الجو : ( Fine ) حتى الطريق ، يقول لك : كيف حالك ؟ |
لسانك .. ينقط عسل يا حياتي ، و سوالفك .. أحلى من الشعر كله ! و عينك تشتتني و تجمع شتاتي ، من لـ الهواوي لا تدلعت ، من له ؟ |
عبر الـ sms : تركي يقول : يا صاحبي يا اللي على الشعر شفقان المعذره .. ماني بـ بادي بـ سيره ماني بـ فاضي للقوافي والالحان عندي مشاغل و المشاغل كثيره باقي ثلاث شهور واقضب لي عنان والله يكتب .. كل ما فيه خيره ابا اجتهد و اطب في كل ميدان و نبا نصلي .. و الولي نستخيره ، الرد : يا صاحبي حييت و الطيب معان اقولها .. فـ الاوله و الاخيره الله يوفق صاحبي عالي الشآن فاللي يبيه و لا يوريه حيره باقي ثلاث شهور ونشوف شقران ونقول : ما للحمل لا ثقل غيره انت اجتهد .. والطيب لطوال الايمان كلاً يمد حباله .. بـ قاع بيره و من فضل ربي من على مر الازمان ما فيه .. أحد منّا .. يدينه .. قصيره |
لو كان مالله .. كتب لي عمر أعيشه معك ، أموت .. ما عشت لذة حب .. موتة قهررر ! و لو كان ما اجلس معك واضحك معك واسمعك ما جيت في بالي .. البارح .. و جبت السهرر ! |
من وين ؟ يا احساس المحبين و لـ وين ؟ سرّيت ليلي .. و إبتديت .. بـ ( نهاري ) ! خليتني :- ما بين .. ( شوقي ) و ما بين ، [ قسوة زمن ] .. عياّ .. يرد إعتباري .. ! البارحه .. عمري .. ثلاثه و عشرين ، واليوم .. طاري في سنيني .. طواري ! المنتظر .. عز الله ! ( ايامه / سنين ) يا سالف الايام .. هات إنتظاري .. ! حبيبي .. عيونك لـ شوقك .. براهين ، جاري لو ان البعد ! ما زال جاري ! الشوق .. بكره و امس وشوي والحين ، تدري .. و أنا مثلك من العام داري ! |
( البعد ) ..! اصلاً حاجه ابعد من البعد ، و حنا .. نحاول :- نختصرها .. بـ كلمه ! لا والله الا ! يا ادعج العين .. يا سعد ، من هو يشوفك ! لو مع احداث حلمه ! |
تنوعت الرسائل و ( الهدف ) واحد ( وصلك ) ! Icon26 |
بان اشتياقي .. غبت والا تبينت ؟ فالحالتين .. اقول : لله درّي ! انا هنا .. والا انت ! بالله وين انت ؟ درّي وله .. يا مزنة الشوق درّي |
هالوقت بالتحديد ..مشتاق لك زود والله ما ادري ليه ! بالذات هالوقت ! يمكن عشان اغلب عباد الله رقود و حسيت بالوحده .. وعانيت واشتقت ! |
( رسالة مرسلة ) إلى : خالد السيحاني حنا .. بقاضينا يا خالد نقاضيك من يوم رحت وباقي الوضع خارب علومنا يا خالد .. الله يعافيك عشاء مغل عوّد عشاء سد مأرب ( رسالة الرد ) http://www.montada.mergab.com/image....ine=1257582781 لا صار رايك .. بين هذي وهذيك انا ليا من جيت , أسدد و أقارب وإذا ابتليت بـ رقم .. يخلف هقاويك حوّل حساب الأكل لـ ( ابومحارب ) ! للتوضيح :- مغل : ( مطعم / مطعم ) سد مآرب : ( مطعم اي كلام ! ) |
لو تكتب الشعر .. بـ رجولك و بـ يدينك ، بـ تموت ما بان لك .. في عالمه / بصمه ! ازعجتني .. في رسايل .. من محبينك ، و الطيّب اللي على طيبه شهد خصمه ! |
جيتي .. و قلبي معاك اقرب من ظلالك ، و الاقرب انتي و من بعدك يجي طيفك ! كفي غيابك .. و مدي لي من وصالك ، الا غيابك ترى ما هو على كيفك .. ! استرسلي فـ الكلام اللي على بالك ، ما ذبت فـ عيونك الا من سواليفك ! |
. ان قالوا اللي حوالينك و ما قالوا ليه إتضايق ؟ حرام بصدرك الضيقه ! ان حطوا من الكلام شوي وان شالوا طيقه عشان الهوى .. يا صاحبي طيقه ! الشك زايل ، لو العذال ما زالوا ، يبون واللي يبونه .. صعب تحقيقه ! . |
| جميع الأوقات بتوقيت GMT +3. الساعة الآن 03:22 AM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية