|
|
أبارك لـ نفسي ولـ جمهور [ البرشا ] الفوز المتوقع على نادي القرن [ ريال مدريد ] بـ نتيجة : 2 - 0 http://dc04.arabsh.com/i/01314/uxuh4pdl8nzn.gif ^ الشخص هذا إسمه :- ( خالد السيحاني ) أصاب في تشجيع الهلال و أخطأ في تشجيع الريال 2 لـ ( البرشا ) و زيرو لـ ( مدريد ) حتى لو ان مدريد .. فريق جيّد ! فوزه مثل ركنك ( من العيد لـ العيد ) لو برشلونه .. كل ( ليلة / معيّد ) |
اقتباس:
طلال .. ذبحتننننننني ورب البيت .. صح لسانك .. وشهادتي مجروحه واعجابي مفضوح :) |
صديقي : مرزوق الروقي مرورك .. يستحق الفرح والشكر يعلم الله ان اعجابك يسعدني شكراً لك على مرورك الكريم |
، سال حبر المراسيل و مسحته ، و انت لا اشتقت لي ، لا تنتظرني ! وش تبي في شعوري لا جرحته ، انكسر قلب ، لكن ! ما كسرني ! ، |
|
، كل حاجة على وجه الخريطه ، ما بقت حسب تخطيط إفتراضي ! والكسل فالاحاسيس النشيطه ، أمس مشغول بك واليوم فاضي ! صح ، غيبتك ما كانت بسيطه ، صح ، ماني عن اللي صار راضي ! ليتني لـ الغياب أخذت حيطه ، كان ما سقت له صدق أعتراضي ! كل ما يعرض الماضي / شريطه ، قلت : ليت العمر ( ماضي فـ ماضي ) ، |
http://up.mergab.com/uploads_pic/7d18f65008.jpg
، لو اضمن اني : لو بـ أدورك بـ ألقاك ، بـ أدورك ، حتى مع العم ( Google ) ، |
، خلك سحابة صيف .. و اشوفك الصيف ، والا الفصول الثانية ،،،،،،، لا نشوفك ! ، |
قصة محبتنا .. ( جميلة ) ... ... ... ... ... ... و لكن ! نهاية القصة ، ... ... ... ... ما كانت ( جميلة ) |
، على ( الدمام ) نار الشوق تحرقني و تكويني ، صحيح اني مواطن .. لكن الدمام / دمامي .. ! ، |
:
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] عزاي في بعدك ، إني ما تركتك ( حزين )=يوم إنشغلت بزمانك ، قلت : فرصة غياب ! رحت و تركتك ، و سلمتك يدين السنين=ترفقي يا سنينه .. ! في عزيز الجناب ! طيب وأسولف ومن ينشد يقول : انت وين؟=اقول : خل الجواب ، ليا لقيت الجواب [/poem] : |
|
: عندما تكون كل الاشياء حولك بـ : ( لون واحد ) تصبح أنت : ( كتلة بلا إحساس ) ! : |
: يوم الاشواق : تعطيني و تآخذ ، كنت مآمور ، مير اليوم منهي ! لي على ( حبنا ) : عدة مآآخذ ، ما هو ب لازم أعلمك : وش هي ! : |
: جر صوتك ، وسلمني يدينك ، وانتبه لي من الدنيا ، تراني : تارك آمالي بـ رمشك وعينك قبلك أعاني ، وبعدك أعاني ! في جفاك اتسائل : انت وينك ؟ و في وصالك أقدم لي تهاني : |
، لآيمي فـ القصيد ، إفهم كلامي ، القناعة هوى النفس القنوعه ..! ما أتهاون و لا أنزّل مقامي .. ، ولا أتمنى من المقفي / رجوعه ! ، |
، لا تنتظرني ، اوقف لك على حيلي ، لو دمعك الحار .. دفّى عذرك البارد ! العام ما اكثر من الحب بـ مراسيلي ، واليوم ( Delete ) للصادر و للوارد ! ، |
، ( ليل الرياض ).. ليا تمادى ظلامه ، على الهواوي ، ضيقته ما جحدها ! لو حاول ينامه .. عجز لا ينامه ، يتصنع الراحه .. و هو ما وجدها ! من التعب و من القلق و الندامه ، لو يكتشف لحظة نقاهه ، رقدها ! فـ عيونه الثنتين شاف إنهزامه ، و دموع عينه ، ما نست عن وعدها حاول ينادي من سماه الغمامه ، قدم يده مير قصرت عنه يدها ! وشلون ، يتجاهل محط إهتمامه ، لا لاح بآرقها و دندن رعدها .. ! لو حاول يعبر ، وعبر كلامه ، اللي بقى في صدره أمر و أدهى ! تعب و هو يرسم غصن للحمامه ، مير الحمامه غصنها مفتقدها ..! ، |
^ بعد ربع ساعة من الرد أعلاه وصلني عبر الـ sms مسج من شاعرنا المبدع : http://www.montada.mergab.com/image....ine=1265520052 ( عفاس ) ويعلم الله انه أسعدني بـ مجاراته ، ( ليل الرياض ) يزيد حزني وسامه ، ويطير عن نفس السعيد بسعدها ! في كل شارع ، لـ المواجع علامه ، يقصد ، او انه شالها ماقصدها ..! كم ساري اصبح ماتعدى ظلامه .؟ وكم سارح انسام الصباح افتقدها .؟ واللي لبس من هم وقته عمامه ، بـ رجل العمامه راح حلمه فـ يدها ! الحزن خلفه والمصايب امامه ، وان صبّح امأله ضياعه هجدها ! والليله اللي : يستريح فـ منامه ، يقوم .. ناسي انه اصلاً رقدها ..! ، ابو محمد دائماً حضورك في أي متصفح ، يضيف له طابع جميل ..! :) |
^ مجاراه لما سبق ، والمحور ( رياض ) بـ رأي آخر ! لـ شاعرنا العذب http://up.mergab.com/uploads_pic/5bdae668df.jpg ( محمد السبيعي ) ويعلم الله انه أسعدني بـ مجاراته ، ( ليل الرياض ) .. أجمل من الصبح قامه وهبه من الاحزان جته .. وحمدها ! لو يتعب العاشق .. يحفظ إحترامه ولو يكسر بروحه .. ما يسلب رغدها ! يقدّم : الأعذار ، قبل الملامه .. ، وإن مدّ ضيقة ، مدّ فرحه بعدها ! يحكي له المغرم حكاية غرامه وليا نشد عنها الصبح .. ما سردها كم جاه متأني .. وكسب السلامه وكم راح مستعجل ، وهو ما فقدها ! ، محمد دائماً حضورك في أي متصفح ، يضيف له طابع جميل ..! :) |
، تـ ع ـبت من الحزن والحزن يكسر نفسي المرحه ، وانا احساس الغريب يجول في حلي و ترحالي .. ! لو اني استعيد من الزمان الزين نص / فرحه .. ، تنطحت الهبوب .. وقلت : هبي لي على أطلالي ! ، |
عشت قبلك : حزين ، و عشت بعدك : حزين ، لين ما كثرة همومي ، تهاونتها ! بين جيلين حزني ، نور وجهك يبين ، وانت لك ضحكةِ تبهج و دونتها .. ! |
| جميع الأوقات بتوقيت GMT +3. الساعة الآن 03:22 AM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية