|
|
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الحمد لله يوم عدّت على خير = كنت احسب انّي فاقدك لا محاله اثري بعينك .. غير في غير ، من غير = ياغير كل الناس ، ياغير حاله قلبك سما الفرحه .. وانا قلبي الطير = والطير دونك ياسماه .. استحاله حتى لو انّه ناويٍ يعكس السير = كل اتجاهاتك تصير ارتحاله[/poem] : : |
بيتين لم تكتمل |
(*(( قصة قصيرة ))*)
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حبيبي لاتجي ، هذي النهايه = وانا برجع بعد .. قبل البدايه وقبل لا اودّعك وبشكل مؤسف = دعيت شهودي اللي في حشايه دعيت الذكريات اللي مضت لي = معك قبل اتّولّع في هوايه دعيت الليل لاذابت شموعه = على آهات وجنون وغوايه دعيت الصبح والورد وعبيره = ووعدك بالوفا حق لوفايه دعيت الاندفاع اللي جذبنا = بقوّه لين كسّرنا الحمايه دعيت الشوق والحبر ودموعي = ووجه الصدق مافوقه غطايه احبك واعترف اني احبك = من ارضي لاسحابي لاسمايه ولكنّك ظلوم ولا تقدّر = تزعلني ولا همّك رضايه واجيك امن الوله وانسى جروحك = وتجحد طيبتي ، واجمل عطايه غرورك ، غيرتك ، شكك ، ظنونك = كفايه ماحصل منّك كفايه حبست انفاسي وقلبي وكفّي = أبي حريّتي .. أطلق يدايه صغير وما تعرف الحب وش هو = تحسب الحب معناه الوصايه اهلك معوّدينك في دلالك = ودلالك من تسبب في عنايه غنيّه ، بنت اكابر ، ماعليّه = انا في عزّتي يظهر غنايه عماك الحب في حبّ التملّك = وانا ذيبٍ يحررني عوايه تناسى قيمتي وتحسّب انك = ذكي واتحاول تبرهن غبايه ماعاش اللي يمشّيني بكيفه = وانا كيفي ، على كفّي فضايه اموت ولا يُجرّح كبريائي = وهذا مبدأ امن اوّل صبايه احب بصدق واستسهل شعوري = واعبر في ظهوري عن خفايه لساني فالحياه لسان قلبي = ووجهي مااختلف عند المرايه صريح وكل مشكلتي الصراحه = رمتني في عناي وفي شقايه ليا منّي زعلت اهدّ عمري = ولا مني رضيت ابني بنايه غريب ولالقيتك يابلادي = بلادي يابلادي يابلايه حبيبي كبّر غيابي بعينك = وصغرني بقلبك للنهايه ازيدك حب وتزيد احتلالي = وخايف تنهك ايامك قوايه أناني كل شيّ تقول عندي = وتسرق صبحي وترمي مسايه تحسب السيطره للعشق منهج = غلط ياصاحبي هذي الحكايه لأن الحب : كيف اسعد حبيبي ! = وسيله برّرتها كل غايه لأن الحب : إحساس ومشاعر = ماهو لجل الكتابه والقرايه لأن الحب : منبع تضحياتي = ولا اسمح بالتشفّي والنكايه لأن الحب : تقريب وتودّد = وعطاء بلا محاذير ، ورعايه هنا عذراً ماعاد اقدر اكمّل = لأنّك منت في حسبة عدايه لو انك من عداي احرقت قلبك = واكلتك في غداي وفي عشايه لذلك انسحب وبكل آسف = رميت ايميلك ورقمك ورايه لكنّ اللي محيّرني حقيقه = ومخلّيني افكّر في غلايه علاقتنا كذا (قصه قصيره) !! = وانا كنت امتوقّعها (روايه)[/poem] |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياالقصيده كان لك قلبي قوافي = لين طحت بسبحتي داخل بحرك اشهد انك خاينه والشعر وافي = من قدم رجلك ليا حتى نحرك لاتهزين السفينه في ضفافي = وعدّي نجوم السما لآخر سحرك[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يامدينه سيّريني لايّ ريف = الشوارع مااتحمّل شوفها سكة الذكرى ، وقلبي ، والرصيف = والقلوب اللي ذبحها خوفها الهوى لليوم في عيني كفيف = كيف يبصربي وانا مااشوفها والخفوق اللي تخلاّه الوليف = شاف صورتها واكل نفنوفها يالطيف الطف بحاله يالطيف = صبّره لا جاعها بحروفها والورق لاطاح في فصل الخريف = من يلمّه لافقد مخطوفها[/poem] : : |
:
: [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الشعر حاله ، وانا اكتب كل حالاته = ولا اتحرّج من احساسي ، ومنظوري يجي ولا ادري متى وقته وحزّاته = وان جا على طول اجيبه عند جمهوري والشاعر اللي ماتكتب نفسه .. ابياته = طيارةٍ فالصو .. تجميعها كوري [/poem] : : |
:
: صورة آت / 1 http://up.mergab.com/uploads_pic/7c92de60a5.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ماهوب انا اللي فقط .. مجروح يوم اقفا = خلّي ، وروّح على فاله وخلاني حتى الكراسي من غياب البشر تجفا = شف كيف كلٍ رمى ظهره على الثاني [/poem] : : |
:
: صورة آت / 2 http://www8.0zz0.com/2009/02/01/19/579072364.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يانخلتينٍ .. أملها فالسما عالي = كيف القمر فالنهار .. يزورنا نوره! الا ليا مدّ له من نوره .. الغالي = واشتاق شاطي البحر وجباله .. حضوره[/poem] : : |
:
: صورة آت / 3 http://www10.0zz0.com/2009/02/01/20/939941792.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بشويش ياكفوفها قلبي شعاع = لو تنقبض راحتك حنّيتها وانا احسبني قبل هذي شجاع = حتى سيوف الجفا سنّيتها[/poem] : : |
:
: صورة آت / 4 http://thumbs.bc.jncdn.com/f604ea246...32011d68_l.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] هات القلم ودّي اكتب له وانا ميْت = الله يزيدك من الاشواق وتعود روّحت ، لكنّ تدري ويش خلّيت! = شعله وجمره وولاعه وبارود ان كان ما انته بداري ويش سويّت! = شمّ الفضا لين ياصل خشمك العود [/poem] : : |
:
: صورة آت / 5 http://www.3rb.4uloads.com/images/up...1_31_15_AM.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا احدٍ .. يلوم آدميٍّ لا افتقد خِلّ = حتى العصافير .. تفتقْد العصافير[/poem] : : |
:
: صورة آت / 6 http://qatrat.jeeran.com/عيون%20ابيض.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عيونك ياعيوني شي ثاني = تقول اشياء يعجزها لسانك تعبر عن شعورك في ثواني = واحاسيسك و امانيك وحنانك وانا لاشفتها يفصح لساني = وادوّر في قصيدي عن أمانك [/poem] : : |
:
: صورة آت / 7 http://wata.jeeran.com/photos/1944478_ml.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الاغنيا .. يشربون الما قوارير = واليا رموها .. تلبّسها الفقارى عن لفحة الشمس ، وطوال المشاوير = وعشان تفرق قليل اعن الحبارى شوف المقادير ! ياوجه المقادير = اشيا تخلّي هل الحكمه .. حيارى اهم مايمتلكه اهل المكاسير = اقل ما يرهق سطول البطارى[/poem] : : |
:
: صورة آت / 8 http://up.mergab.com/uploads_pic/fee1309f82.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الباب والقفل والمفتاح والكف = وانتي وانا والظروف المستحيله في صف ، والعقل واقف وحده بصف = والكل يبغى على الثاني وسيله واليا انطبق فالهوى خُفٍّ على خف = وشلون نفرق خليلٍ عن خليله نعزف على العود ونطبّل على الدف = ونحاول نخلّي الدنيا جميله حنا وفينا صراحه .. يازمن وف = لا تشعل النار في راس الفتيله[/poem] : : |
:
: صورة آت / 9 http://www.up-00.com/h1files/Y1q20292.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من الخنازير لا حرب اليمن = توجّه المجتمع في ساعته راحت خنازيرنا الاولى ثمن = يوم الخنازير الاخرى باعته الحرب يامن ! ، خساره عند من ! = ياحوث .. حوثّيكم في راعته ماباقي الا انت في آخر زمن ! = يا اقذر مرض ماذكرنا اشاعته حتى الخنازير خافوا و اكتمن = انفاسهم ، من مرضك ولاعته[/poem] : : |
:
: صورة آت / 10 http://www.mbt3th.us/vb/imgcache/2/39512alsh3er.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياربي .. لاقطعت الخير مُدّه =حوالينا يارب ولا علينا انا من يوم شفت امطار جده = دعيتك لا تسلّمنا يدينا ياسبحانك .. سحابه منك .. لدّه = تعلمنا بضعف اللي حوينا[/poem] : : |
:
: صورة آت / 11 http://dc04.arabsh.com/i/00780/j8dpe6y1ea0k.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الله الرحمن .. كلٍ يعرفه = أرحم .. امن ارحم قلوب الراحمين لا حد يفوّت فضل .. يوم عرفه = وكل عام وكلّنا امن العايدين[/poem] : : |
:
: صورة آت / 12 http://www.moeforum.net/vb1/uploaded...1198681001.gif [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الحياه الغاز ، وانتي لغز آخر = كان ما احلّك ، فلا استاهل ذكائي[/poem] : : |
:
: صورة آت / 13 http://www.daiholamaa.org/uploads/image/KOOLAAM.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل عام ، انتم بخير = وكل عام ، انته تمام وانت بين الناس .. غير = لنّك اصلاً ، كل عام[/poem] : : |
:
: صورة آت / 14 http://www.alanwar.ws/hada_alfraq/images/main_logo.gif [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] هذا الفراق ، وهذا انا = والشوق باقي ، هو هو بين التغلّي .. والأنا = خلّيتني لليل .. ضو اشعلتني جمرة عنا = واصبحت للدخان .. جو الله لكم ، والله لنا = لاصار مالي فيك قو [/poem] : : |
:
: صورة آت / 15 http://naseemnajd.com/myfiles/pictur...Image00044.jpg [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] انتي مثل غيمة أماني في ضمى = وانا مثل عشبٍ على ماها ثمل وان كان ماشفتك ، فانا ماني عمى = قلبي يشوفك ياالغلا .. باقة أمل قلبي على سطح الثرى وانا سما = وانتي مثل نور الهلال اليا كمل يعني انا ، ماني كما ولا كما = تطمّني ، قلبي لاحاسيسك جمل[/poem] : : |
:
: صورة آت / 16 http://dc03.arabsh.com/i/00785/d7rtnlj1gnqc.gif [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] طيار علّمني باسوق الطايره = وبكل جوّ احتاجه .. اسافر بها الارض .. عيّت فالقلوب الحايره = والجو .. عيّا لا يجي يمطر بها تعبت اضمّد فالجروح الغايره = يوم الحمايم طايره في سِربها[/poem] : : |
| جميع الأوقات بتوقيت GMT +3. الساعة الآن 08:21 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية