:
:


:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ياطاير الاشواق وش عـاد=لو كنت وسط الصدر مخنوق
بكره تـزور بـلاد وبـلاد=وتبـدّل المعلـوق معلـوق
عن الوفـا مافيـه نشّـاد=وحول الجفا مليون مخلوق
روّح زمان الملـح والـزاد=ولا عوّد المطرود ملحـوق
حرفين نضربهـا بالاعـداد=يعني حسب مايطلب السوق
والخاسر اللي خافقه جـاد=والرابح اللي ماله عـروق [/poem]


:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عن أبي عن جدي الله يرحمه = قال : لا جاتك عزيمه رح لها
من كرهك .. تثير دمه بلحمه = ومن يحبك .. جيّتك يفرح لها[/poem]

:
:


:

تسجيل ولاء وعهد لهذا المتصفح :)

ابو عبدالله .. ادري انك شاعر محاورة خطير
وقراءتك سريالية، لكن اخذها على وجهها
ولو سمحت حاول تحب لي خشمك لو من
مراية الموتر :(

هههههههههههههههههههه

ابو صالح بغض النظر عن ولاء وعهد والشباب كلهم :)

لك محبة خاصة عند اخوك ، ويعلم الله متابعتك شرف وفخر

الف شكراً لك



دم تا / بخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يااللي ورى قضبان الايام مسجون = انت الطليق وروحي اللي سجينه
وشلون ؟ انا اعلمك ياقلبي اشلون = ضاقت بعيني من غيابك مدينه
احبابك اللي فالمعاليق يبكون = وافراحي اللي في حياتي حزينه
والهرج عانه في ثرى الصمت مدفون = والليل بيّح من ونيني ونينه
والارض رغم الوانها مالها لون = في عين من تبكيك روحه وعينه
ماانساك لكنّ اتناساك بجنون = واحاول اخلع من خفوقي حنينه
اغيّبك واغيب والصدر ماعون = وينساني النسيان بيني وبينه
والناس لو يدرون مااظن يدرون = عن حاجةٍ بين البحر والسفينه
ادسها خلف المقاويس مغبون = والرجل مايغبنه غير الغبينه
ازرت هجوسي لاتلف الدركسون = عنها وانا عنها حصوني حصينه
اصبر واقول السالفه بكره تهون = والصبر زين وزهرة الصبر زينه
حط انتظاري بين جمره وغليون = وازريت احصّل حاجتي من يدينه
لو انها بالمال يفداك مليون = ولو انها بالوقت اقبّل جبينه
لكنه المكتوب من خالق الكون = وراضين بالمكتوب زينه وشينه[/poem]

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياعالم الاحلام .. قولّي وش العلم = خلّيتني ، ماعاد فيك اتحلّم
حققت حلم ، ومات فيني مية حلم = وازريت انا من عالمك .. لا اتعلّم
لاصار ، مالك في حياة البشر سلم = اليا تكلّم واقعي .. لا تكلّم
العام .. رغباتي مسويّ لها فلم = واليوم .. صلى الله وبارك وسلّم[/poem]

:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي لاتشتكي لي من الحال = كلٍ على قدّه يفصّل هدومه
الناس ماتخدم سوى راعي المال = ولاّ موظف محترم فالحكومه[/poem]


:
:



:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

السرّ امانه حمَلها صدر مامون = وفضْح الامانه حرام بكل تشريع
والجدر له سبع اذان وسته عيون = لايشتري فيك طبع الوقت ويبيع
والوقت راعي ردى وابليس ملعون = يضيّعك في ردود الفعل وتضيع
أمانتك باقيه فالحفظ والصون = ورى ظلوع الصدر ماذبّت الريع
لو كان بعض الغلا عاقل ومجنون = وعلاقتي معك ماتحتاج تطبيع
لاتكشف السر خلّ السر مدفون = والسر لامن تعدا اثنينه يذيع
يصير كنّه مع العربان طاعون = ونتايجه تنضرب في جذر تربيع[/poem]


:
:



:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلّ دلة غرامك فوق جمر الغياب = لاتصب لخفوقي لين حتى تفيح
صدّع القلب من طرد النظر للسراب = خلّه شوي من هول الزمن يستريح
دنية الناس ماتسوى جناح الذباب = هوّن النفس ويهون الضمير الجريح
وصك باب الجروح وفك باب العتاب = وخلّ راسك يقوم وخلّ صدرك يطيح
والله انّ المحبّه راس مال السحاب = ووالله ان الصراحه راس مال الصريح[/poem]



:
:



:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قلت : وينك ؟ قال : يعني وش يهمّك ! = قلت : ماخذ كل فكري واهتمامي
قال : والله ! ، قلت : شوف عروق دمّك = في غيابك كنت ابلّغها سلامي
قال : طيب ليش ذاق الملح جمّك ! = قلت : اعبّر عن شعوري في كلامي
قال : وينك ! قلت : متشتت والمّك = ضاعت اجزائي على سكة غرامي
قال : راسك ! قلت : يتفكّر بهمك = قال : يدّك ! قلت : تربط في حزامي
قال : صدرك ! قلت : ينشد كيف اضمّك = قال : عينك ! قلت : تطرد في منامي
قال : واذنك ! قلت : تبكي هرج فمّك = قال : فمّك ! قلت : محبوس بظلامي
قال : رجلك ! قلت تدعس من يذمّك = قال : روحك ! قلت : سارقها حرامي
قال : قلبك وين روّح ؟ قلت : يمّك = قال : يتعب ، قلت : تشتاله عظامي[/poem]


:
:



:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الطيب طيّب ، والحياه اسلوب = ساير بها .. حتى يلين الصلب
وحاول .. تشوف الناس بالمقلوب = واحلب شعور المقدريّه .. حلب
ونفّذ بصمت .. الواجب المطلوب = وتصير .. في قمّة جبال الألب
وحط الك في صدرك ، ثمان قلوب = ماعاد يكفي في زمنّا ، قلب[/poem]


:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشمس .. من علّم الديجور ! = يخفي محبتك بالساهل
طالبك .. لاتمسكين النور = وانتي كريمه ، وانا استاهل[/poem]


:
:


:

أبيات شرفني بها اخي القدير الكبير " سليمان بن سالم السواط " على جوالي ،،
وحاولت مجاراتها فجاءت كالتالي :


:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام .. يااهل الشرق تسليمة وفا =من قلب صافي .. ماتغيره الصروف
قلبٍ مع الايام ماعمره .. جفا = وان مره الجافي عزاها .. للظروف
وانتم لكم في داخله ، حبٍ صفا = والله ، مايوفيه تعبير الحروف
واللي ظهر للناس .. اقل من الخفا = مازعزعه حاسد ، ولا بحّاث جوف[/poem]


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا .. يااهل الهدى واهل الشفا = ترحيبة اهل الجود .. لاجاهم ضيوف
عذراً على التقصير لو ماقلت ، افا = عيني تشوف .. وخاطري حتى يشوف
جمر المحبة .. فالضماير ماطفى = وانته "خصوصاً" في مقدمة الصفوف
والشك زايل ، والغلا وجه وقفا = والشاهد الله .. منت محتاج لحلوف[/poem]


صح لسانك يابو محمد والله يبيض وجهك

:
:

:




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياآدمي كون آدمي .. فالآدمية لا خجل = لامرّ جرحك من ورى الاضلاع ليله .. وارتكى
ابكي حزن ، وابكي فرح ، وابكي الم ، وابكي وجل = فالدمع راحة خاطرك .. والله اليه المشتكى
الدمع ، ماهو عيب ولاّ عار في عين الرجل = حتى النبي صلى الله وسلم على روحه .. بكى[/poem]


:
:


:

:
:

:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حبيبي ، قبل ما تحدد مصيرك=تفضل ، شوف قلبي فوق كفّي
بقايا عطرك ، وكاسة عصيرك = ونارٍ فالحشا عيّت تطفّي
وهداياك ، وعطاياك ، وعبيرك = وحاجاتي ، ومقصودي وشفي
بعد ماتشوفها .. حكّم ضميرك = وانا راضي بحكمك .. قبل اقفّي
وتأكد .. رغم ماسوى هجيرك = لو اعطيتك حياتي .. ماتوفّي
لك الانسان .. والشاعر لغيرك = تكفّي ذي ، ولا ماتكفّي ! [/poem]



:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حدد مصير الهوى في قلبك السالي = الارض فالعين صفرا .. والسما زرقا
اختار وحده من الثنتين .. ياغالي = اختار فالوصل .. ولاّ اختار فالفرقا[/poem]

:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازهور العمر .. قلبي مزهرّيه = مزهرية عشق لاتوصف ، وفيما
لو بغيت اوصف مزاياها الثريّه = ويش تسوى دون .. عبدالله ، وريما[/poem]


:
:


:

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيب العمر .. عند الاستطاعه = تعال .. وخلّي احلامي حقيقه
معاك الوقت يعلن عن ضياعه = يحمّل ساعته مالا تطيقه
دقيقة ساعة الفرقا .. بساعه = وساعة ساعة الوصل .. بدقيقه[/poem]


:
:


:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ثلاث حاجات ماتنقص ولا حاجه = اغلى من عيوني الثنتين .. في عيني
الدين ثم الوطن شرعه ومنهاجه = وابوي وامي عسى تفداهم سنيني
[/poem]

:
:


:

:
:

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازينها .. من قدَمها لاشعر راسها = لكن بليّا مشاعر .. جايه ، ورايحه
واجمل نساء البشر .. لو تفقد احساسها = تصير " ورده صناعية " بلا رايحه[/poem]


:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى الله يسعدك .. ويسهّل امرك = تفضّل ، واقبل اجمل امنياتي
ترى ماانت بـ فقيده ، طال عمرك = مجرّد ، شخص عابر في حياتي[/poem]



:
:



:

:
:


:
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

واقسم برب الملا .. مالك عليّه يمين = ماعاد لك فالصدر ، ذرّة غلا باقيه
نزلت من عيني وقلبي مع الدمعتين = اللي بها قد ختمت دموعي الراقيه
خلاص جت في يديني زهرة الياسمين = وانته يدينك مثل قلبي ماهي لاقيه
تضحك على خاطرك وتقول ماني حزين = وانته تمنّى تذوق الما من الساقيه[/poem]


:
:


:

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الحمد لله ، مانسمع كلام الصدور = والفضل لله ، ماندري عن اسرارها
ولاّ .. مدى كلّ واحد حول نفسه يدور = في غرفةٍ ضيّقه .. ويكلّم جدارها
من رحمة الله بنا .. من دونها ، حط سور = وحنّا من الجهل فينا .. نسبر اغوارها
واللي يقرّب يده للنار ، ويريد نور = تفقد يده نورها .. واتطيح في نارها
يكفي من الآدمي .. لو ابتسامة عبور = مع كلمةٍ طيّبه .. ماتذبل ازهارها
ولو كانت ، الابتسامه كذب .. والطيب زور = حسن النوايا .. تنظفها من غبارها
وابليس ماالله خلقه .. الاّ لهدم القصور = اللي .. يشيّد عبادالله في حجارها
وعلى جميع المسارح .. في جميع الامور = تلقاه واعوذ بالله منه .. في اطارها
حتى كلامي هذه ، يمكن يثير الشعور = وبعض الاوادم تشوف يميني .. يسارها[/poem]


:
:


:

:
:


:



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هزّيت غصن الشعور .. وطاح منه الكلام = واصبح لسان المفوّه ، منعقد في فمه
حبيت ابلّغك عن .. حبٍ عداه الملام = واصافحك ، واستلم قلبك .. وانا اسلّمه
ونوقّع ، معاهدة حفظ الغلا والسلام = مابين عمري ، وعمرك جعلني مااعدمه[/poem]


:
:



:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصيدة الحرّ الثمينه .. طالت ايام الهداد = لعيونك ، اللي مالها عندي نظير ولا شبيه

تستاهلين البحر والبحار .. والما والبراد = واستاهل المرجان واللولو .. من القلب النبيه

جيتي ، وانا نظرة خفوقي للهوى كانت ، سواد = أحدٍ يبيه ولا يبي .. واحدٍ يبيه ومايبيه

فاقد ثقه فالحب ، يوم العشب جرّده الجراد = لا والله الاّ ، روّح بطعم السعاده كل ابيه

آمنت ، بانّ العشق .. شعب امشرّد وماله بلاد = رحّال لو انّ اكثر اشعوب الهوى من مُعجبيه

وآمنت ، بانّ الغيره العميا .. ظوافرها حداد = ومايقتل العشق العظيم .. الاّ شعورٍ تجتبيه

على العموم ، الله رحمني من لهيب الافتقاد = ومن لايبينا ، ينحرق كرته .. وحنّا مانبيه

هذا خفوقي في يدي .. من نار مدري من رماد ! = امّا خذيه بكل حالاته معك .. ولاّ جبيه

وانتي فرس طالت جوادٍ .. قام من كبوة جواد = يسابقون الريح .. في شيٍّ يحرّكهم دبيه

لاتسأليني ، كيف ؟ ولاّ كم ؟ ولاّ ليش عاد ؟ = بلّي سؤالك .. في طرف كاس المحبه واشربيه

وويقي على صدري .. وشوفي ليش موفور المداد = ومن علّم كفوفي عليه .. وقال هاتي واكتبيه

وصدري ، بقايا بيت .. بعثره الغلا غرّة جماد = والبيت بيتك .. نظفيه ، وزينيه ، ورتبيه

لي منك هذي ، والك مني .. قلبي ، وبانت سعاد = واليا عطيتيني .. غلا ، في عشر مرّات اضربيه
[/poem]