http://www.m5zn.com/uploads2/2011/9/...5p4k8xa45k.jpg
> ما ادري وش اللي جاب عندي مجالك ........................في ساعة ٍ فيها الثواني تبي عد شهرين /ما عانق وصالي / وصآلك .....................وسكرت باب ٍ للامل ينتظر رد حتى خفوق ٍ داخلي كان هالك .................... اليوم من طول النوى يمتك شد قل للغياب اللي مشى مع ظلالك ...................ما عاد باقي داخلي / لو بقى سد وافهم تناهيد ٍ تجي من خلالك ...............ما انته / على بعض التصاريف منحد لو بلت اعروق الهوى كيف حالك ................... ترا الحواجز كان كبرت تبي هد نسيت يوم اقول كلش حلالك ................. ما للقمر دمعه / ولا للسماء خد : . |
http://up.3ros.net/get-10-2011-sp60agi4.jpg
. . سحابة الصيف /رعادتك / يجي له هزيم ...................وكن السماء من سنا برقك قسم غرته صبيتي المزن / واحلقتي ضرر بـ الهشيم ....................ولا الجبل / لو تطيح احيود ما ضرته . |
صبي لي النوم / من عينك دخيلك بنام
.........................انا كرهت السهر / لو عيني احتاجته محتاج اضمك على صدري واقول الهمام ............................لا اصير انا مثل عبدالله ودولاجته حتى الهواجيس / ملت كثر رد السلام ...................... ما عاد باقي / خلاً خالي / ولا داجته تدرين / ولا سمعتي وشهو اخر كلام ......................... ما فيه واحد ينام وما قضى حـاجته . |
اقتباس:
اعذب المنى واجل التقدير وسلامي عليك |
اقتباس:
معدي المرقاب .. في ذمتي ذمه ان وجودك هنا يسعدني .. تحيه لروحك الطاهره |
.
. كل ما حس بك حب ٍ رقى با الفؤاد ..........................قلت يا رب زدني / فـ المحبه غرق استلذ بغرامك / والوكاد /الوكاد .........................فيك شي ٍ من اغلى ما ملكته سرق انت نبضك / ليا سالت حروفك هجاد .........................ليت حظي بشوفك مثل حظ الورق . |
.
. (اخت المطر) / كل ما مات الغلا تنتشيه ......................... من عينها كل عرق ٍ من عروقي حيا ديّم/ مطرها على العارض وجت تحتويه .............................والبدو من خلقة الدنيا تحب الحيا الا انا كل ما سجيت رجلي بجيه ............................. اهز غصن الرزانه ويتصاقط حيا . |
. . جونا امطآر / وسحب . . . ما عرفنا / من نحب !! . صارت الدنيا ركآم .. . يعني افضل ننسحب : ( .
|
.
. على نور القمر يا جمرتين ٍ تحت جنح الليل ..........................تخيلت الدفا / اللي تارك ٍ حالي مية شعبه انا وش لون الوم الحبر /والقرطاس والقنديل ........................ وانا في داخلي طفل ٍ غرير وشاف له لعبه . |
.
. اصبر شوي / باقي لك بصدري كلام ..................... ولا اقول الك / شف عيني ونظراتها وين طاحت / ترا ما ادري عداها الملام ............................خايفه لا تروح / وشي قد فاتها هي كذا /كل ما تقبل ترد السلام ................................تشغل فيك / ما تقبل تلفاتها قبل اعرفك / صراحه ما تثير اهتمام ....................... ومن عرفتك وهي هاذي حراكاتها .. |
.
روحي / ترا ما احد ٍ ليا غبتي فطن ....................... الا الخفوق اللي غلاك موالفه ما عاد يلقى في سما حلمه وطن ......................وانا الترجي /لجل وصلك حالفه يا قلب كب اللي يدينه ما عطن .......................... ما تاقف الدنيا على سوالفه اللي على عد الصراحه ما قطن ......................لو يعترض لك في طريقك خالفه . |
.
. اقتل البوح / في صدري / وخلك كتوم ..........................انت يا قلب لو بسمعك / علمك بحر اعلنو موعد الرحله / وباب القدوم ...........................كل ما جيت اسافر بك عطاني نحر : ( |
.
. امتطيت البيد / وعيوني سما ...................مثل شمس ٍ في فضاها تستدير كل غصن ٍ في ضفافي قد نما ................. بس احس اني من اللوعه ففير لو زرعت الورد بطراف الحما .............. وفاح ريح الشوق / ما بانت عبير كل /ما هبت وغازلت اللما ................. يشتهي صدري لجلباب الحرير دافي الانفآس . قطاع الضما .................. والتحاف الليل جلاب الهجير . |
.
. تهشم الخوف في صدري /وانا ما كتبت ........................هزايم البوح طابعها على كل بيت ديم التفاكير / لا خيل خياله تعبت ...................... يا ليتني / قبل ترجمة المشاعر بكيت احتاج / احس ان كلي من الاهي قربت ................. اخاف / قرب الاجل مني وانا ما سعيت اهز غصن الندامه / كل ما طاح سبت ...............كني كسرته / على رجوى الاحد لا نسيت من واقع الذنب /لشتات التآمل هربت ................. وما اضن به عذر يقنعني / هذا لا لقيت يا كثر /ما زلت النفس الجموح وحسبت .............خطوات الاقدام /مع درب التعب لا سريت عجزت احاسب /ملذاتي على ما وهبت ....................يا ليتها ما تت الرغبه /وانا ما عطيت لو العتب يرفع الظيقه بلحظه عتبت .................على ضفاف الخطايا/ لا زرعت وسقيت اكلت من جنة الدنيا : كثير وشربت .................وشبعّت عيوني /من الغيمه وانا ما بديت ضمتني السحب /وازهر داخلي كل نبت ..................ولحفني الليل / عن برد الشتا ما دريت على كثر /ما انحى عود الثمام وجلبت ..................انفاس ورد الربيع /بساعته ما احتريت ما عاد كني على قوس الربابه لعبت ..................بس اذكر اني على صدر الثريا رسيت .نسخه من النص لقسم المواهب .. . |
انا لا جيت اهلي بك /على صدري
................... عشان الناس فيني ما يشوفونك حبيبي / كان تبغى الناس ماتدري ..................طلبتك / عن نظرهم غمض عيونك . |
.
. بعض المشاعر / بعثره دون ترتيب .....................احتاج ارتبها / من الشوق زدني انا اعرف اني /بقنص الدر واجيب ...................حتى البحر يبطي عظم ما حجدني حتى لو اني عن سماء الشعر بـ اغيب ........................ احس كن الليل عني نشدني ارقى بهقواتي: طوال المراقيب ..................... واللي يدورني بصدقه وجدني . |
.
. كانك قريتي شعر / ولا كتبتيه .....................فكي قيود / المبهمات السجينه وان كان عذرك / ضايعك ما لقيتيه ....................تعلمي / واخذي من السحر بينه كم حرف مات بداخلي ما فهمتيه .....................وغرقت على شط الاماني مدينه . |
.
. احاول انسى التعب / بس التعب باقي ...................سلمته الروح / بيدي / وانطلق قيده لا جيت احاول عشانك برسم اشواقي ....................... هزيت حرف ٍ تساقط لي تناهيده . |
.
. يا سكون الليل/لا تجلب نسيم الواحه .............................والله اني /من ثلاث ايام مايمديني كنت احسب اهمومنا تصبح وهي منزاحه .........................لين بانت لي تقول الليل ما يكفيني وكنت اداعب بالهوى العذري /شغب لماحه .......................يوم كان احساسي المغرم لها يعطيني غابت القمرا / وانا اعطيت المشاعر راحه ....................ما بقيت اللي على خبرك / تجي تطويني ما بقى بي هاجس ٍ ينشد عن المسباحه .........................بعد ما مات الشعور اللي هنا يدعيني والكرز/ والخوخ /والرمان / والتفاحه ............................كلها ماضي ولا يمكن بعد تعنيني انسحابي عنك لو حتى خسرت الساحه ............والله انه خير/من حر الهوجس اللي تبي تكويني . |
.
. ياليل/ ماودي /وانا كلي اهآت ....................اكسر شموخ الغزه اللي تعلّت ماهو مهم ان كان قلبي بعد مات .................. بس البلا من دمعتي كان هلّت اقول يا نزف المشاعر سلامات ..................واتقول هاذي ضيقة الصدر حلّت يا ليتها من قبل لا تقوللي هات .................قدمي على الطاعه توضت وصلت نفسٍ جموح / وعيبها تنكر الذات ....................تلومني من عقب شربت وعلّت القلب ينبض لي من الضيق حسرات ..................غير العيون اللي من السّهر ملت . |
.
. ودي افرح بك / وتانيب الضمير ................... صار ياقف لي على ساق وقدم والله اني كثر ما اشتاق العبير ....................اعترف / واللي خلقنا من عدم اني اخشى الله وتقرير المصير .......................لا ذكرته /صرت انا كلي ندم . |
.
. سرى الليل / وادلج خافقٍ /يستفز البوح ................... وهب النسيم ونايح الورق له سجعه يا حلو الهجوس / اللي تجي من صميم الروح ............... ليا من سرت بك وانت في حروة الهجعه وانا بـ اصدق احساس ٍ تعدى مسار النوح .....................اودع زمان الحب / مقفي بلا رجعه اذا صار مابه طب لا يشكي المجروح ................ترا الذيب / قتله عنده اهون من الفجعه . |
.
. انزف شعور الشعر /واومن بالاحكام ................... وافرح ليا من شفت لي وجه فالح صحيح انا ما اعتب على بعض الاقلام ..........................اللي هدفها مع عبي ومشالح واللي على بعد المدى ترسم احلام ........................وتموت عزتها وتحيا المصالح ما الوم حظي لو فنى العمر ما قام ...................... لان البحر من خلقة الكون مالح . |
.
. كان للشعر رحله ـ فـ الهموم الزهاب ..................لا تقولون في قلبك بعد وش وجد كل ما ينفتح يم التفاكير باب ................قلت نعطي مساحه للشعور ان هجد صادق الحس كبته للضماير عذاب .....................ايه لو ما تنفسته لصدري بجد كيف ما احس نبضه في وريدي مهاب ..............وكل حرف / تحت رحمة خيالي سجد . |
[poem=font="Mudir MT,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
استنفر الصبر من صدري وشب الفتيل =وإنا غشاني شعور اللي نهار الطراد نزف القلم يوم تسجد له بحور الخليل = يرسم خيال ٍ يغرد فـ الفضا بإنفراد انتفسه لين أحس انه لروحي عديل =ولو مات داخل فوادي ما عرضته مزاد فيني من الوجد عرق ٍ ينهل السلسبيل = وأمد له من ضلوع الصدر خير المداد العمر فرصه لكنّ الحظ نافض شليل =والمشكله صار بعد الله عليه اعتماد هذا وانا اللي عرفت ألخاتمه ..والحصيل=ما زلت واقف بهقواتي وقوف انحياد ما يطلب الجود مده من يدين البخيل =وانا لو البرد قاسي ما نفخت الرماد هقوات نفسي على نفسي تحط وتشيل =وبحر التمني خلق فيني حديث الفؤاد يا ليت وقتي عطاني عن حياتي دليل = من قبل لا اكبر على نفسي وتكبر عناد الضيق يرسم ملا مح وجه ليلٍ ثقيل =يمر كن الدقايق فيه لا اقفت تعاد يا أما تأملت صفحاته وأدور بديل =وياما عطيته هموم وكم عطاني سهاد طقيت باب الخيال وشفت صورة قتيل= وحسيت جرحي يدّور في عيوني ضماد جنح الظلام انعكس صوره من المستحيل =وكان الأمل صبحي المشرق لحلم الهجاد استعجل النور واسأل وين شمس الأصيل =واجمع بقاياي واسعي في قتيل المهاد انا دخلت الحمى ألي فيه مات الفصيل=ورسمت وجهة طريقي وامتطيت الجواد أسابق الريح واسمع صوت دبك وصهيل =وهزيت بأقدامه التربه وطار الجراد جيت ابذر الحلم في رجوا صدوق المخيل= وأحقق اغلي أمنياتي لا جنيت الو كاد أقول للصبر لحظه ما بقى إلا القليل=كني على مركب أحلامي بلغت المراد ويوم التعب نال مني واشتهيت المقيل=لقيتني ما زرعت إلا بوقت الحصاد يا ليتني قبل أعرفك ناويٍ بالرحيل =ماكان حركت في جسم البنادم جماد[/poem] |
| جميع الأوقات بتوقيت GMT +3. الساعة الآن 05:31 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية