مرحبا ومسهلا بالشاعر المبدع / زايد بن كروز
شاكرلك هذا الحضور ويعلم الله اني افخر باعجابك ومتابعتك يابن كروز استلم طال عمرك :) هل الابداع يمتدد الى ثقافة واطلاع الشاعر المبدع ام انه بالفطره والموهبه ... بكلّ الأمرين نجد الصواب ! سوى بالاطلاع أو بالفطره .والأمر راجع للموهبه لانها هبه من الله عزّا وجلّ لاخلا ولاعدم يازايد ومرحبابك من جديد |
انت حلو باجوبتك ورائع باخلاقك ومتميز بتعاملك
|
مرحبا والله ومسهلا بالمبدع / سلطان
الظاهر انّا تعالمنا البارحه بالشعور المتبادل مايحتاج نعيد ونكرر :) استلم طال عمرك :) فالح بن قشعم شاعر متمكن من جميع ادواته الشعرية بدون ادنى شك ,, ولكن هل مازال فالح بن قشعم الآن هو فالح بن قشعم قبل اربع او خمس سنوات اقصد هل لازلت بنفس طموح واصرار البداية الشعريه وحبك للشعر ؟ اولاّ : شهاده أعتز فيها والله. وثانيّا : أكذب عليك إن قلت أيه وأكذب عليك إن قلت لا .... تبي الصراحه الشعور متفاوت أحيان يدفعني الحماس لكتابة القصيده وأحيان وديّ لكن ماني بمتحمس ... بس الوكاد انها كذا وكذا مافيه حلّ وسط :) أهم شيّ أطلع بفايده ! *** قرأت في أحد تصاريحك بأنك لاترد الا على القصيدة التي تعجب بها ’’ هل هذا يعني بأنك تؤمن بأختلاف الاذواق ام ترى بأن الابداع الشعري متعدد ؟ نعم لولا أختلاف الأذواق لابارت السلع فالأسواق .... أنا ما أؤمن بالأسامي أنا أؤمن بالقصيده ولا كل شاعر متفوّق بكل قصيده لابد تلقى الصالح والطالح الا من رحمه الله ... وانا ف علاّ مارد الا على القصيده اللي تعجبني .. وسلامتك :) لاخلا ولاعدم ويعلم الله انك من الغالين والمعززين عندي ومن الشعراء اللي اطرب لقصيدهم شهاده لا مجامله اسلم وسلّم يالسنافي |
المستشار الفني والشاعر / ناصر الهاجري
مرحبا ومسهلا وسعيد بتواجدك وثق ان الشعور متبادل من بيننا وجدّ فاجأتني بهذه الصوره وماحلاها من مفاجأه . استلم طال عمرك :) من هو الإعلامي الذي لو أتيحت لك الفرصة لـ تمنّيت أن يكون معك في لقاء تلفزيوني ؟!!؟ الاعلامي ... نايف بندر . ماهي الأمسية التي أحس فيها الشاعر / فالح بن قشعم .. برضاء تام سواءاً من جهة التنسيق أو من جهة التفاعل الجماهيري ؟ بصراحه أمسيتين ... أمسية العارضيه فالكويت .. وأمسية حائل فالسعوديه . 3 : أحببت أن أجعلها مفاجأة لك يا أخي / أبو محمّـد فيما يلي صورة التقطتها أثناء قيامي بعمل لقاء صحفي ( لمجلّة أصايل ) مع الشّاعر الكبير / سلطان الهاجري ، وهذه الصّورة احببت الاحتفاظ بها لغاية في نفسي وربّما كان هذا الوقت هو المناسب لإدراجها هنـا ، فقط .. اريد تعليق منك على هذه الصّورة والله العظيم إني تفاجأة في هذه الصوره ... ومايحتاج تعليق رفعة يمين سلطان وأبهامه تسوى ديره يابو راشد :) وشهادتة تأج ووسام أتشرف بهما . لاخلا ولا عدم على الحضور الغالي ياغالي |
مرحبا باخوي الغالي / غالب الشريف
يعلم الله اني احبّك فالله واني اتشرف بمتابعتك واعجابك يالسنافي استلم طال عمرك :) / القصيدة اللي تقول " سجة اقدامي ومجلس كريمين اللحى " هي من اجمل قصائدك بلا شك كيف كانت ردة فعلها عند الجمهور وماذا اضافت لك ؟ يكفي انها اعجبتك واعجبت منهم على شاكلتك واظافتها لي اعجابكم بها فقط لاغير 2/ شاعر تحب ان تقرأ له وتتابعه ؟ للامانه سدّاح 3/ شاعر تأثرت به ؟ لم أتأثر بأحد وأنما أعجبت بالكثير 4/ متى سترضى عن نفسك ؟ راضي ولله الحمد اشكرك جزيل الشكر ولاهنت يالغالي على الحضور الغالي |
الغالي الوفي الشاعر العذب / خالد بن بعيث
يعلم الله اني مدين لك ماحييت ... والشعور متبادل وشهاده منك ومن سلطان تسوى لها مساوي في نظري الله لايخلي منك ويديمك على العز والمعزه يابو عبدالله الصمت ابلغ من الكلام |
مرحبا ومسهلا بالشاعر الجزل محمد الدهيمي
يعلم الله اني احبّك فالله ولك تقدير وغلا خاص عندي وشهادتك اعتبرها وسام وشرف يابو عايض الله لايخلي منك يالسنافي |
مرحبا بالشاعر المبدع / فهد بن عبدان
والله اني اتشرف بحضورك واطرائك يالسنافي وسلامك واصل ومن طيب راسك يالسنافي استلم طال عمرك : س / هل هناك نقطه تتمنى الوصول اليها في مشوارك الشعري ؟ .. وان وجدت .. أين هي بالضبط ؟ نعم ... وان يكون الجميع راضي كل الرضاء على مااقدمه ان نلتها فانا محظوظ بها وان لم اناله سانتظره حتى اناله :) لاخلا ولاعدم يالسنافي وحضورك زاد الحوار نور اسلم وسلم |
ارحب ياعلي ومنوّر من جديد ياحلو :)
|
احم احم
اولاً .. اتوجه بـ الشكر للاخ سعد براك على اختياره الرائع.. ومن ارتقاء الى ارتقاء ثانياً اتوجه بالشكر للاخ الشاعر فالح بن قشعم على هذا التواجد تحت المجهر والسماح لنا بـ مصافحته وفتح المجال للرد على تساؤلاتنا جميعاً .. كل الشكر مرة اخرى فـ قبل ان يكون شاعر مبدع.. فهو عضو خلوق ومهذب جداً .. يتضح لنا هذا من تعامله الراقي وردوده وتواجده .. بعد متابعتي لـ اسئلة الاخوة هنا وردودك عليها.. الاحظ دبلوماسيتك الشديدة في ردودك الى جانب تهربك من بعض الاسئلة! ... وهو ما يتنافى مع تصريحاتك الصريحة و الجريئة نوعاً معا :) السؤال هنا... هل المجاملة والدبلوماسية مطلب ملح للتعامل مع الناس على اساسه في النت؟ وكم تعطي نفسك في المية في المجاملة سواء هنا ام في ردودك النتيه بصورة عامة؟ الشاعر فالح بن قشعم.. ماهو تقييمك لـ نفسك منذ بدايتك الى ما انت فيه الان ؟ فـ كل شاعر مقيّم لـ نفسه بالدرجة الاولى قبل ان يقيّمه جمهوره ومتابعيه.. يعني لاتتهرب وتقول اترك الراي للجمهور :) " " 8/ انا ناجح بنظر الناجح وفاشل بعين الفاشل 19/ ثلاثة ارباع شعراء الساحه مايعجبوني ! " " اخترت هـ التصريحين من التصريحات لانهم اكثر ما لفت انتباهي.. خصوصاً اني مستبعده صفة الغرور عن شخصك .. وحابة تشرح لي الاول.. وتفسر لي الثاني! هذا وكل الشكر لـ سعة صدرك مقدماً :) :) اختك البندري |
فالح ... هم سؤال .. ادري اني قذيتك .. بس كله واحد امون والا ؟؟
المهم امون والا ما امون اخذ عندك ... ما تشوف في الاونه الاخيره ان شعراء بني هاجر كثروا اللهم زد وبارك ... في وجهة نظرك هل هذا بسبب تميّز من قبلهم فلذلك .. تبطّل الباب للجميع .. ام ان هناك اسباب اخرى ؟؟ وسؤال اخير ... مره مره اوعدك انه الاخير :) تعرضت للنقد في احد المنتديات بعد لقاء مشاعر حالمه بالذات .. انا تابعت الموضوع عن بعد .. فوجدت ان الموضوع مجرد ان الشخص الناقد لقاء باب ينقد لان فالح امس صاير له لقاء وجاوب كم جواب ناري وهي وجهة نظر طبعا ولفالح الحريه التامه وكانت عاديه جدا من جهه اخرى لان فالح ما قال اسماء معينه او تعرض لاشخاص كقدح لكن الاخ لقاء باب نقد بس للاسف بدون اي اسس نقد .. سؤالي .. هل للعلاقه الشخصيه دور .. ام للمرض السابق ذكره في احد تصريحاتك الدور الاكبر ؟؟ وغيره اشكرك على تجاوبك وصراحتك المحببه .. وموفق يا شييييييخ |
أخت النشاما / البندري
الله يحييك وكم انا سعيد بحضورك واطرائك الكريم والله يجملنيّ بنظر كلّ سنافي وسنافيّه :) وشاكرلك على كل عباره كتبتيها من قلب صادق وسرير نقيّه . استلمي اللي يحييك :) السؤال هنا... هل المجاملة والدبلوماسية مطلب ملح للتعامل مع الناس على اساسه في النت؟ وكم تعطي نفسك في المية في المجاملة سواء هنا ام في ردودك النتيه بصورة عامة؟ لمّ أجامل بتاتاّ ... وماذكرته ذكرته عن قناعه تامّه ولم أتخذ الدبلوماسيّه فالردود ! ولكنها وجهة نظرك وأحترمها :) ونسبة مجامللتي 0 % في مجال الشعر! الشاعر فالح بن قشعم.. ماهو تقييمك لـ نفسك منذ بدايتك الى ما انت فيه الان ؟ فـ كل شاعر مقيّم لـ نفسه بالدرجة الاولى قبل ان يقيّمه جمهوره ومتابعيه.. يعني لاتتهرب وتقول اترك الراي للجمهور ؟ تقييمي بدأ من الصفر إلى مالا نهايه ... طبعاّ ( قناعه شخصيّه ) والجمهور بالاساس هو المقيّم شئت أم أبيّت ! " " 8/ انا ناجح بنظر الناجح وفاشل بعين الفاشل 19/ ثلاثة ارباع شعراء الساحه مايعجبوني ! " " اخترت هـ التصريحين من التصريحات لانهم اكثر ما لفت انتباهي.. خصوصاً اني مستبعده صفة الغرور عن شخصك .. وحابة تشرح لي الاول.. وتفسر لي الثاني! اولاّ : كفانا الله وأياك الغرور .. ولازلت على ضنّك ! من ناحية : 8/ انا ناجح بنظر الناجح وفاشل بعين الفاشل نعم أنا ناجح بعين كل من يراني ناجح ... وفاشل بعين كلّ من يراني فاشل :) لأن للجمهور أذواق أحد يستسيغك وأحد لا يستسيغك فمن يعجبّ بشاعريتك يبعتبرك ناجح ومن لايعجب بشاعريتّك لايعتبرك ناجح ... وأذا أيدني الناجح فبالفعل إنيّ ناجح وأذ لم يؤيدني الفاشل فأنا بعينه فاشل :) وسلامتك . وسؤالك عن : 19/ ثلاثة ارباع شعراء الساحه مايعجبوني ! هذي وجهة نظري الشخصيّه ولا لأحد شأن بها ... يرجع الأمر للذائقه وأنا ذائقتي تستسيغ كلّ مبدع والمبدعين في نظري قلّه والمجال مفتوح للمبدعين .. يعني قابل للزياده :) وبالفعل ثلاثة أرباع شعراء الساحه مايعجبوني ... لأن ما أراه فيهم حبّهم للظهور أكثر من حبّهم للتميّز فالقصيده ... يعني صوره + قصيده خاليّه من المضمون ... نحفظ أساميهم وأشكالهم ولم نحفظ لهم بيت واحد ! لذلك مايعجبوني ... ويبقى المبدع شغلي الشاغل فالمزيد من الأعجاب . وسلامتك لاهنتي على الحضور الغالي ياغاليه والله لايخلي المرقاب منك يالسنافيه تقبلي ازكى التحايا والاحترام |
مرحبا يابو عبدالله وكليّ لك طال عمرك وتمون غصب وثق ان عودتك أسعدتني يالسنافي
استلم طال عمرك :) ما تشوف في الاونه الاخيره ان شعراء بني هاجر كثروا اللهم زد وبارك ... في وجهة نظرك هل هذا بسبب تميّز من قبلهم فلذلك .. تبطّل الباب للجميع .. ام ان هناك اسباب اخرى ؟؟ اولاّ : شيّ طيّب ويسعدني كوني أحد أفراد هذه القبيله وأتمنى لهم التوفيق وأطلب لهم بالزود :) أعتبرها حميّا مافيه مشكله :) لكن ... سبب ظهورهم لأجل من تميّز من قبلهم .. أعتقد إنك ظلمتهم ... الأبداع ماهو محصور لأحد دون أحد ... وأنت أدرى يابو عبدالله الابداع والتميّز يرجع للموهبه وفي أعتقادي إن أغلب شعراء بني هاجر مميزين ليس مجامله والله ولكن الحق يذكر وأذا بغيتني أذكر المميزين بالاسامي ذكرتهم ووجدتهم مميزين بالفعل الاّ القليل منهم بس الأهم الأكثريّه من غير قصور فالباقي لأنهم يمثلون قبيله في كلّ المحافل وهم كفوّ لذلك وكثرتهم تسعدنا من غير شكّ والله يزيدهم ويبارك فيهم :) وسؤال اخير ... مره مره اوعدك انه الاخير تعرضت للنقد في احد المنتديات بعد لقاء مشاعر حالمه بالذات .. انا تابعت الموضوع عن بعد .. فوجدت ان الموضوع مجرد ان الشخص الناقد لقاء باب ينقد لان فالح امس صاير له لقاء وجاوب كم جواب ناري وهي وجهة نظر طبعا ولفالح الحريه التامه وكانت عاديه جدا من جهه اخرى لان فالح ما قال اسماء معينه او تعرض لاشخاص كقدح لكن الاخ لقاء باب نقد بس للاسف بدون اي اسس نقد .. سؤالي .. هل للعلاقه الشخصيه دور .. ام للمرض السابق ذكره في احد تصريحاتك الدور الاكبر ؟؟ مشكله يابو عبدالله ! إن العالم ماعاد تتحمّل الصراحه .. وماذكرته ذكرته بصراحه تامّه ولا أزعجني نقده ... ولاهمنيّ والله ... لأني على يقين وكل عاقل يدري إني على يقين ... ويعلم الله إنيّ لا أعرفه ولا أردّه من دربه ... لكن أحتمال إنّه يكون أحد المصابين بالمرض الليّ ذكرته سابقاّ :) والله يحمانا من كلّ علّه ومرض نفسي ! وسلامتك طال عمرك ويعلم الله اني سعيد جداّ بحضورك الغالي ياغالي والله يكتب لنا النفط والغاز :) :) :) لوّ إن ماعاد به شيّ يذكر :) لكن الله كريم :) |
والله انا قد نصحتك لكن جاتك نصايح أخرى والمثل قد قال خلك على الراي الاول .. عموما اظنه ما فات شي اللي بيتلاحق يتلاحق وبصرك :) مع تمنياتي لك بالتوفيق في كل مجال .. واول مجال مجال الحوايج :)
|
فالح بن قشعم
لاهنت على ردك الحلو ل بن خليفه مبارك والحقيقه انت يافالح تعجبني بصراحتك وقناعتك وثقتك بنفسك من غير اقصور بالبااااقي ولاهنت.. طبعا ردك على السوال الاول وتبقى لنا هكذا يامبدع والله يعطيك طولة العمر يابو محمد |
| جميع الأوقات بتوقيت GMT +3. الساعة الآن 10:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية