ابو عبير
سؤال سريع سبق وأن صرحّت في أحد الصحف الكويتيه أن الشاعر مرزوق العتيبي , ليس بشاعر الوطن , وأنت على يقين أنّ أبومحمد ( شاعر الوطن ) بإجماع الكثيرين , ولكن هل أردت من هذا التصريح أن تثبت للقرّاء أنّك غير عنصري ولامتحيز , ام أردت أنت تخرج من ذلك اللقاء بتصاريح ( دسمه ) خصوصاً أن هناك أكثر من تصريح ولكن أريد توضيح أكثير على هذه النقطه .؟؟ ولي عوده ., |
الغالي
فيصل العتيبي مساك الله بالخير اولاً وثانيا الله يعطيك الف عافيه وثالثاً الله يعينك على اسئلة المرقابيين (: دمت بود0 |
ابو مبارك علي للمره الالف اشكرك على المتابعة
:) |
الحصيّن خالد يامرحبا ترحيب خاص ..
- الا ترى انه من العيب ( ان صح التعبير ) ان يدفن الشاعر موهبته من اجل المصالح .. كذا والا كذا ؟ بالعكس ياخالد المصالح في سبيل المصلحة الايجابية ليست عيب كما تظن , والامور الماديّه اصبحت أهم من كل شئ وانت فاهمني وانا فاهمك .. !! :) - هل عملك كصحفي .. هو ناتج فشلك كشاعر ؟ .. طبعاً راح تقولي ماهوب شرط ! وانك تعشق الصحافه !! يعني لو سمحت دور لي اجابه ما فيها مرواغه وتسحيب هو مو فشل بمعناه الحقيقي ولكن كان لي هدف وطموح معيّن وماوصلت اليه وانا متواجد بالساحة الأن كشاعر وصحفي وقبول قصيدتي مازال موجود والاخوة المعدين في الصحافة يطلبون مني قصائد والحمد لله والتواصل مستمر واتجاهي للصحافة هواية وحبيتها بصراحة .. - تذكر ايام ( دورة الاغرار ) يوم يهرولونا الفجر .. كنت شاعر الكتيبه آنذاك <- ركز على آنذاك ! .. وكنت تغني والعسكر يردون عليك .. ان كانك حافظ منها شي عطنا كم شله من ذيك الشلات الله يهداك بس يعني لازم تفضحنا وتقول أنّا من جماعة ( السلك العسكري ) <- ركز على السلك العسكري ؟ ! وبعد هذي مضى عليها 3 سنوات وش يذكرني الله يهداك :) - وين مرثيّتك فالشايب الله يرحمه ويسكنه الجنه ؟ احتفظ بها لنفسي !! - من خلال تصريحاتك اعلاه ( الله لا يبلانا ) .. وهي طبعاً فيها من الجرأه ما فيها وفيها من الاثاره المصطنعه ما يثير الاستغراب ! .. هناك من قال <-- ( يابلفيت ان ماهوب انا ) .. ان هذه التصاريح .. هي ما استفدته من الصحافه ودهاليسها ! باختصار : لماذا اعتمدت على هذا الاسلوب ؟ كذلك الا ترى انها تفقدك هيبتك ( هذا اذا ما نظرنا الى اسمك الكبير ) حلوه اسمك الكبير :) لكن والله أني صريح واحب الصراحة والكــلام اللي تشوفه اغلب الاخوة الشعراء صعب يعترف فيه . والأن اغلب الشعراء يحاول كشف ايجابياته ويطمس سلبياته وهذا غلط ولكن اعتبرني اتحدث بأسم من يطمس الحقائق !! - برب .. ولي .. باك .. ان شاء الله الا هذي :( |
اسألتي غير يا فيصل والله يعينك
1\ اين تحب ان تكون....؟ 2\ اين وقفت ولم تستطع التقدم...؟ 3\ اين انت من العولمــه..؟ 4\ لماذا لم تتقاعد عن الحضور الشعري دام ليس هناك من يسمع لك..؟ 5\ من قتل حلمك في المهد..؟. 6\ من له الحق التعدي على مشاعرك..؟ 7\ من كذب عليك اول مره وقال لك انت شاعر..؟ 8\ من الذي تقول له لااتشرف بمعرفتك..؟ 9\ من الذي يحسسك بوجودك..؟ 10\ كم شاعر اقل من مستواك..؟ 11\ هل خذلتك شاعريتك مره..؟ 12\ هل انصفك الاعلام..؟ 13\ هل اعطاك الجمهور حقك..؟ 14\ هل توسوس بالشعر..؟ 15\ لو لم تكون شاعر ماذا كنت تريد ان تصبح..؟ 16\ هل انت مهموم بنفسك..؟ 17\ متى تجد ضالتك..؟ 18\ متى تقول حان وقت الرحيل..؟ [glint]فلسفيــه صح..طلـّع نفسك منها [/glint] |
معطيك يانبضـة الخفـاق حريّـة
ختّمت حبك بقلبي وأنـت فيّزنـي جمّع لك أحباب حط وهـات كميّـة أعشق على كيف كيفك بس ميّزني وليد ارحمه شوي تكفى خل اسئلتك بالقطاااااااااره ماهي دفعه وحده |
الغالي محمد جار الله جابك الله :)
* مارأيك بالاصبوحات الشعريّه وما تقييمك لها ؟ الاصبوحات الشعـــرية فاشلة ولاتستحق هذا الاهتمــام الا من قبل القوائم الطلابية والتي تنظمها لمصلحة خاصــة . اضف الى ذالك أن الحضور من أجل الحضور في الاصبوحات الشعرية وليس من اجل الشعر,, * هل يوجد في ( الصحافه ) شلليه وعنصريه وحزازيات ؟ العنصريه في كل مكان ولا غنى عنها حتى لو حاولنا انكار ذالك , وهي موجود بلا شك ولكنها تدور من خلف الكواليس !! * انت مدرب الساحه الشعبيه عطني تشكيلة المنتخب ؟ الهجوم مساعد الرشيدي , نايف صقر الوسط ضيدان بن قضعان , علي بن حمري , سعد علوش , ابن الذيب الدفاع خالد المريخي , حامد زيد , كامل علي , عطالله فرحان القولجي <--- متعوب عليها الكلمه هذي :) سلطان الهاجري * بالذمه مشاركتك بالمجهر شلون جات ؟ صار فيها حب خشوم لكن من غير تحديد طال عمرك :) ولاهنت على هالاسئلة الخفيفة على المعدة .. اخوك ابو عبير |
.
. فيصل والله اني مبسوط على استضافتك في (تحت المجهر) وتستاهل كل خير .. وفرصه نلتقي فيك عزيزي أبوعبير والله انك تشكر كل الشكر على صراحتك .. وأنا أشد على يدك وأطلب منك الاستمرار على هذا النهج ولدي كذا سؤال .... ســ1/ هل يضيفلك ( تحت المجهر ) شيء .. ولماذا ( في النّفي) ؟ ســ2/ ماهي الحداثه بنظر فيصل العتيبي .. وماهو الشعر التقليدي ؟ ســ3/ لحظه في الساحه .. جعلتك تكره الساحه بمن فيها ؟ شكرا ولي عوده انشالله . . |
مساك الله بالخير يابو عبير وســـــــــــــتلم طال عمرك
س1/ انت رجل صريح ( اللي بقلبك على راس السانك) ,,, هل دفعت ثمن الصراحه في المجال الصحفي؟ س2/ اشرايك بمجلة اصايل وما تشوف ان مالهااا داعي بالوقت الحالي ولا اشرايك يابو عبير؟ خصوصااا بعد الامور اللي صارت ونت عارفهااا زين ؟ س3/ من الاقرب لنفسك فيصل الشاعر ام فيصل الصحفي؟ س4/ دخولك مجال الصحافه بالصدفه ام كان ماعندك شغل وحبيت تكون صحفي؟ س5/ شنهو الشي اللي ندمت عليه يابو عبير ؟ س6/ بصراحه يابو عبير الا تعتقد انك المفروض صحفي بمجله اكبر من اصايل ؟ ولا انت اشرايك؟ ولو عرض عليك تقديم صفحه اسبوعيه في احدى الجرايد هل تقبل ؟ س7/ بما انك صحفي هل هناك مصداقيه بالنشر طبعاا بالنسبه للقصيد؟ ام الواسطه لاعبه دور في صحافة الساحه الشعبيه ؟ وكل الشكر لك يابووووو عبير واتمنا انك تجاوب على الاسأله براحبت صدرك المعهوده واللي تعودناك عليهااا ولك تحياتي واحترامي وتقديري والمعزه الدائمه لشخصك الكريم اخوك / ذعار الديري |
يعني ماتباني اعوّد :(
اصبر اصبر بس ، انت مايعرف لك الا وليد ههههههههههههههههه |
الاخ محمد صالح العتيبي
سبق وأن صرحّت في أحد الصحف الكويتيه أن الشاعر مرزوق العتيبي , ليس بشاعر الوطن , وأنت على يقين أنّ أبومحمد ( شاعر الوطن ) بإجماع الكثيرين , ولكن هل أردت من هذا التصريح أن تثبت للقرّاء أنّك غير عنصري ولامتحيز , ام أردت أنت تخرج من ذلك اللقاء بتصاريح ( دسمه ) خصوصاً أن هناك أكثر من تصريح ولكن أريد توضيح أكثير على هذه النقطه .؟؟ يامحمد اللقاء قبل 5 سنوات وانا قلت مرزوق ليس شاعر الوطن فقط ولكن شاعر متعدد الابداعات في الغزل والاجتماعي والقبلي وهو جدير بذالك ولكن الاخ الذي عمل الحوار أختار من الاجابة بدايتها ووضعه مانشيت وصار الجدل على هذا الموضوع ... وياحلوك وياحلو سوعالك :) فيصل العتيبي |
السلام عليكم ورحمة الله وبركاته
لاهنت يابو براك على هذا المجهر الطيب الشاعر فيصل العتيبي كيف الحال عساك طيب انت شاعر جزل وقصيدك جزل ويدل على الاخلاق العاليه حبيت امر واسلم عليك والاسئله الاخوان فيهم بركه تحياتي لك اخوك بندر الهاجري |
ابو عبير
الله يسعد أماسيك كلها وصباحاتك أيضاً كنت تمسك دفـّـــة الاسئله .. والآن ذووووق الاسئله .. من تحت المجهر :) فقط اتيت لإقرأ هذا اللقاء الرااقي .. واستفيد .. من تجااربك .. الجميله .. والمتنوعه قد أعود .. بأسئلةٍ مثل اسئلة وليد :) لك كل الاحتراام اخي فيصل |
الشاعر فيصل لقد اتحفتنا بروحك المرحه
|
فيصل
صبحك الله بالنور والسرور يا بو عبير 2006 :) اول شي ... منتخبك المنصور بإذن الله الهجوم مساعد الرشيدي , نايف صقر الوسط ضيدان بن قضعان , علي بن حمري , سعد علوش , ابن الذيب الدفاع خالد المريخي , حامد زيد , كامل علي , عطالله فرحان القولجي <--- متعوب عليها الكلمه هذي سلطان الهاجري ممكن اعرف وش كامل علي ؟؟؟ وعقبه .. وش رايك في اللي يقول انك في الصور ازين منك على الطبيعه .. هو صادق ؟؟ وش رايك في الرجال اللي يوصف رفيقه طريق الرقه ويقول بتلقاني قدامك ولا عاد شاف رقعة وجهه ؟؟ .. وهذا سؤال لك حرية الاجابه عليه تبي جوابك صفحه والا عشر ولا حرف بصرك .. اكتب اللي في خاطرك كلّه خل عنك التصاريح .. اكتب هنا على راحتك اراء بشكل عام حاب تطرحها وللمنتدى بشكل خاص .. ولك حبي الوااااااااااااااااااااااااجد |
الاخ تركي هاجد ( أبن العــم )
احلى شئ أنك ماسألت وهذا اللي عاجبني فيك :) لك ودي ابو عبير |
اسألتي غير يا فيصل والله يعينك
أنت كلك غير ياوليد 1\ اين تحب ان تكون....؟ في الكويت 2\ اين وقفت ولم تستطع التقدم...؟ تقدمت كثيراً لانني لا استطيع الوقوف !! 3\ اين انت من العولمــه..؟ الشئ اللي فيه دسم ما أحبه :)<--- انت عرفتها وشهي ؟ !! 4\ لماذا لم تتقاعد عن الحضور الشعري دام ليس هناك من يسمع لك..؟ الوالده معترضه على فكرة الاعتزال 5\ من قتل حلمك في المهد..؟. هذي اللي مالها دواء teeth: 6\ من له الحق التعدي على مشاعرك..؟ اللي بعده 7\ من كذب عليك اول مره وقال لك انت شاعر..؟ خلف بن هذال 8\ من الذي تقول له لااتشرف بمعرفتك..؟ وهذي بيلها كلام عاد الله يهديك ;) 9\ من الذي يحسسك بوجودك..؟ أنا 10\ كم شاعر اقل من مستواك..؟ مافيه أحد أقل من مستواي 11\ هل خذلتك شاعريتك مره..؟ وايد <--- ركز ياخالد الحصيّن 12\ هل انصفك الاعلام..؟ الحمد لله انا مقتنع بانصافي . 13\ هل اعطاك الجمهور حقك..؟ أي جمهور ؟ !! :rolleyes: 14\ هل توسوس بالشعر..؟ مرات 15\ لو لم تكون شاعر ماذا كنت تريد ان تصبح..؟ صحفي 16\ هل انت مهموم بنفسك..؟ مغرور وليس مهموم 17\ متى تجد ضالتك..؟ والله مادورتها بس وصفولي مكانها 18\ متى تقول حان وقت الرحيل..؟ والله قاعد افكر فيه بعد هالاسئــلة teeth: لاهنت ياوليد بيك اخوك فيصل العتيبي |
علي مبارك تكفى وص وليد ؟ :)
ياحبني لك ياعلي فيصل |
لاهنت
يافيصل على الاجوبه وشكرا لك.. وانت غيــر |
الاخ الغالي / فهد بن عبدان
أنت من اللذين احبهم لله فالله ســ1/ هل يضيفلك ( تحت المجهر ) شيء .. ولماذا ( في النّفي) ؟ تحت المجهر فكره جديده وصدقني فيه صحفيين حاولوا اقتباس هذه الفكره لتكون في ملفاتهم الشعبية وهذه تحسب للمرقاب ومن اقترح هذه الفكرة الجميلة وهي بلا شك نجاح للشاعر وإضافة جميله سواء فيصل العتيبي أو غيره !! والنفي هذا مافهمته !! ســ2/ ماهي الحداثه بنظر فيصل العتيبي .. وماهو الشعر التقليدي ؟ الحداثة هي السبب في دمار الشعــر . والشعر التقليدي على حدها بس يمشي حاله :) ســ3/ لحظه في الساحه .. جعلتك تكره الساحه بمن فيها ؟ والله يافهد لم يحصل أن كرهت الساحة وابشرك العلاقة طيبه معها :) والف الف الف شكر لوجودك هنا اخوك ابو عبير |
يامرحبا ياذعار الديري
س1/ انت رجل صريح ( اللي بقلبك على راس السانك) ,,, هل دفعت ثمن الصراحه في المجال الصحفي؟ كثير ولكن مايهمني والصراحة راحة مثل مايقولون ! س2/ اشرايك بمجلة اصايل وما تشوف ان مالهااا داعي بالوقت الحالي ولا اشرايك يابو عبير؟ خصوصااا بعد الامور اللي صارت ونت عارفهااا زين ؟ مجلة أصايل كانت في السابق رائعة لكن غياب نايف بندر عن هذه المجله أحدث فجوة كبيرة ووجودها الأن متفاوت واعتقد أنها لن تواصل المسير !! س3/ من الاقرب لنفسك فيصل الشاعر ام فيصل الصحفي؟ الشاعر س4/ دخولك مجال الصحافه بالصدفه ام كان ماعندك شغل وحبيت تكون صحفي؟ والله صدفه ياذعار وفي نفس الوقت كنت ايامها فاضي وماعندي شغل :) ( حلو الكلام ) ؟ س5/ شنهو الشي اللي ندمت عليه يابو عبير ؟ اني طلبت من أحد الشعراء قصيده من باب الفزعه لنشرها في اصايل وقال انا حالياً احاول ترتيب اوراقي وهو ماعنده جمهور !! س6/ بصراحه يابو عبير الا تعتقد انك المفروض صحفي بمجله اكبر من اصايل ؟ ولا انت اشرايك؟ ولو عرض عليك تقديم صفحه اسبوعيه في احدى الجرايد هل تقبل ؟ مو ملاحــظ أنك شايل حمله على أصايل وماتعتبرها مجله :) والله ياخوك اصايل كانت رائعه مثل ماقلت لك لكن الان .... !! ولو عرض عليّ وقتها لكل حادث حديث س7/ بما انك صحفي هل هناك مصداقيه بالنشر طبعاا بالنسبه للقصيد؟ ام الواسطه لاعبه دور في صحافة الساحه الشعبيه ؟ الواسطة أكثر من المصداقيه ! ولاهنت ياذعار |
هلا والله ياعبد ربه
ماغار اضحك :) وليد اسألته غيييييييير فتك بعافيه |
| جميع الأوقات بتوقيت GMT +3. الساعة الآن 06:03 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية